|
Re: رقيص الشايقيه و السودان (Re: Elnasri Amin)
|
هسى دا معناهو شنو يا النصرى ?????
خلاس شختت شحيتك ووقفت قصادو ولا شنو ???
دى عنكبة ?????
بنية شايقية بتبيع بطيخ فى ود مدنى ، واحد قال ليها اقطعى لى بطيخة أشوفها حمراء ولا لا
، حتى اشتريها ، قالت ليهو : فيشان شينو ? قال ليها يمكن ألقاها بيضاء ! قالت ليهو :
تمشى تقطعها فى بيتك ، ان شاء الله تلقالك فيها كديسى !!!
ولو انت يا النصرى عاوز عنكبة ،
قيس على المثال دا !
ملحوظة :
وكان ما الشايقية السودان كان اتلاشى عديييل !!!
ست البنات .
| |
|
|
|
|
|
|
Re: رقيص الشايقيه و السودان (Re: Elnasri Amin)
|
العزيز النصرى
تعرف رقيص الشايقيه بدا مرتبط بالخيل والفروسيه...ويقال انهم كانوا يرقصون على ظهور الخيل يعنى (اللعبه) او الداره تتكون من شباب من الجنسين راكبين ...تتقدم الفرسه يتراجع الفرسان..او العكس ولو لاحظت الخيول فى حركتها العاديه تتراجع اولا ثم تتقدم..وكانت تسمى الرقصه الأساسيه(أم قدله) ودى اسم فرسه...والله اعلم وهى رقصه معقده جدا وترمز حسب البيئه.. الى دلالات مختلفه...ثم فرضت الظروف عليهم ان يعملوا بالزراعه واصبح التعبير مختلف واضيفت عناصر جديده على نفس الرقصه منها الغناى, والطمبور, والصفاقين, والنقاره...الخ والرقصات بقو يسموها القوقاى, والوزينى...
وعموما الرقيص فى السودان مرتبط بالبيئه والحيوانات. مثلا رقصة الرقبه فى أواسط السودان ترمز للحمامه,ورقصة الكمبلا ترمز للبقر...او كما قال
والموضوع ذو شجون...انا غايتو فهمته كده
لك المعزه
| |
|
|
|
|
|
|
Re: رقيص الشايقيه و السودان (Re: Elnasri Amin)
|
الاخ زول ابن زول شكرا لمرورك الكريم و اظنك اتخيلت منظر الراقصين و هم يصفقون ويرجعون للخلف.. عبقرى من ربط بين هذه الحركه و حالة السودان.
الاخ الحاج ياسيكو معقول اصلو ما شفت رقصه شايقيه؟ تلقاهم تلاته او اربعه رجال لابسين عمم وبرقصو لورا ومرات بتكون معاهم امراه تعمل نفس الرقصه ..الرجوع للخلف الواحد مرات بستغرب بشوفو الوراهم كيف.. طبعا السودان ما داير تفسير للرجوع لوراء. شكرا ليك
الاخت بت البنات سلام و احترام
Quote: تمشى تقطعها فى بيتك ، ان شاء الله تلقالك فيها كديسى !!! |
وانا حالتى كنت فاكر الرباطاب امسخ ناس ... تحياتى ليك و لكل الشايقيييي.
الاخ جمال السنوسى شكرا لمرورك الكريم.. العلاقه بين الحالتين هو توفر عامل الفرح و البهجه اثناء الرجوع للخلف. فالسودان راجع لوراء بالمزيكه زى ما بيقولو.
الاخ فجراوى شكرا ليك شديد للماده الدسمه التى اكرمتنا بها وهى تستحق ان تكون موضوع لبوست منفصل... اعجبتنى كثيرا وصف حركه الحصان... الرجوع للخلف عده خطوات ثم يبدا بالتقدم...
Quote: وعموما الرقيص فى السودان مرتبط بالبيئه والحيوانات. مثلا رقصة الرقبه فى أواسط السودان ترمز للحمامه,ورقصة الكمبلا ترمز للبقر |
اول مره اعرف رقصه الرقبه ترمز للحمامه بالرغم من الشبه الشديد.. اذن ما هو سر الشبال؟ شكرا ليك مره تانيه
| |
|
|
|
|
|
|
Re: رقيص الشايقيه و السودان (Re: yasiko)
|
العزيز النصري
تحياتي ..
اعجبتني مداخلة الاخ فجراوي
تعرف رقيص الشايقيه بدا مرتبط بالخيل والفروسيه...ويقال انهم كانوا يرقصون على ظهور الخيل يعنى (اللعبه) او الداره تتكون من شباب من الجنسين راكبين ...تتقدم الفرسه يتراجع الفرسان..او العكس ولو لاحظت الخيول فى حركتها العاديه تتراجع اولا ثم تتقدم..وكانت تسمى الرقصه الأساسيه(أم قدله) ودى اسم فرسه...والله اعلم وهى رقصه معقده جدا وترمز حسب البيئه.. الى دلالات مختلفه...ثم فرضت الظروف عليهم ان يعملوا بالزراعه واصبح التعبير مختلف واضيفت عناصر جديده على نفس الرقصه منها الغناى, والطمبور, والصفاقين, والنقاره...الخ والرقصات بقو يسموها القوقاى, والوزينى...
وعموما الرقيص فى السودان مرتبط بالبيئه والحيوانات. مثلا رقصة الرقبه فى أواسط السودان ترمز للحمامه,ورقصة الكمبلا ترمز للبقر...او كما قال وي ..حيث قال ..
نطمع في المزيد من الاضاءة حول الرقصات الشعبية السودانية وارتباطها بالبيئه ، فهل
نطمع ؟؟
محبتي
| |
|
|
|
|
|
|
Re: رقيص الشايقيه و السودان (Re: Elnasri Amin)
|
الاعزاء النصرى
محمد عبد الرحمن
لكم جزيل الشكر
الشبال اشاره ورمز شديد الخصوصيه هو فى الحقيقه تتويج لتحركات قبله...زى ما الحفله نفسها تتويج لعلاقة حب بالزواج. عادة ما تكون هناك مشاريع علاقات بين الشباب غير محسومه( الحفلات..بالاضافه للمتعه..والرقيص والفرح..فيها حياه كامله وعلاقات تقوم, وعلاقات تقع... فيها التخطيط للأرتباط والحسره على الماضى ...وحكايات فى غناء الشايقيه من نوع(((تارى معرسه ...ومضيوق حلوها...وجاى أجازه بس لى عرس أخوها)اها..... تقوم البت ترقص وفى بالها ..زولها ..وكنوع من التغطيه تتعمد تدى الشبال ....لأكبر عدد ممكن من الناس وتركز على الاقرباء ...والاخوان ان وجدوا وفى لخظه خاصه تدى -زولها- شباله ومهما تحاول( تضاريه من الناس) النسوان الكبار بكونوا متابعين بدقه وعارفين النوع ده من الشبال بعنى شنو! واغلب المشاكل بين الشباب فى الحفلات يسببها الشبال لانه وسيلة البنت للأختيار.... وبرضو ممكن يكون...وسيلتها للتضليل.وكما هذبت ..حياة المدن وبيئتها كثير من السلوكيات العنيفه المرتبطه...بالباديه يتخايل لى الشبال امتداد متطور وسلمى ( للبطان ) الضرب المبرح بالسوط كوسيله للعبير .
الكلام ده قبل السودان ما يبدا حركه رجوعه المقدس للخلف....شايف هسه القصه بقت ما ياها
النصرى كان سخى وطلع العندو ياما حانستمتع كذلك...فى رقيص الشايقيه...الشبال عندو طقوس عجيبه ياريت ياسيكو يكتب عنه
لكم المعزه
| |
|
|
|
|
|
|
Re: رقيص الشايقيه و السودان (Re: Elnasri Amin)
|
الاخ محمدعبدالرحمن نعم...مداخله الاخ فجراوى فى قمة الدسامه..اتمنى ان يفتح بها بوست منفصل ..يمكنه ان ينقل مداخلته هنا كبدايه للبوست الجديد...
سؤال ..الاخوه فى شرق السودان لديهم رقصه يقفزون فيها عاليا.. هل لهذه العلو علاقه بطول الجمال؟؟؟ شكرا ليك
الاخ ياسيكو
Quote: الشبال نظام " نقدة " حمامة وكده |
| |
|
|
|
|
|
|
Re: رقيص الشايقيه و السودان (Re: Elnasri Amin)
|
الأخ الناصري،
صحيح الشايقية بيرجعوا لى ورا في ا لرقيص ولكن ذلك جزء من حركة كاملة يكملها الإندفاع للإمام.
ويشبه إيراد نصف الحركة إيراد نصف الآية في "ولا تقربوا الصلاة..."
أما عن رجوع السودان للوراء فحدث ولا حرج واستبانة الأمر ترفع الخباثة.
ست البنات يا خرابة إنتي جنك كدايس؟
| |
|
|
|
|
|
|
Re: رقيص الشايقيه و السودان (Re: Elnasri Amin)
|
شكرا ليك يابت الحسين على المرور احيانا نتعب من قراية البوستات كامله الدسم ونشوف لينا حاجه خفيفه نقزقز بيها شكرا ليك مره تانيه
اخونا صديقنا صديق الموج طيب حرم طالما جيت ويدك مليانه تطلع مننا برضو يدك مليانه
قالو واحد راجع من الاغتراب و شايل تلفزيون و خايف جدا من جمارك ناس الجمارك..
ساله موظف الجمارك "التلفزيون عمره اقل من 5 سنين؟" اجاب صاحبنا بمسكنه "لا لا ابدا ده عمره اكتر من عشره سنين" موظف الجمارك " طيب هو 27 بوصه؟" رد صاحبنا " لا لا ابدا ده 21 بوصه بس" واصل الموظف " طيب هو ملون؟" اجاب صاحبنا هامسا بعد ان مط وجهه كالحصان محركا كفة يديه كالمروحه
"على خفـــــــــــــــــــيف"
| |
|
|
|
|
|
|
|