جمعية المرأه والجاليه السودانيه و الفنان سامى المغربى وحفل ساهر فى نياجرا

Quote: يا نصرى سلامات و كل سنة وانت طيب و عيد سعيد يا زول أعمل حسابك فى الكلمات بتاعة الخواجات ديل أوع يوم تركب التونسية - انا زمان لمن كنت بقراء فى امريكا عملت لخبطة بين كلمة stripe and strip طبعا الأولى معناها الخطوط المستقيمة زى العلم الأمريكى و التانية معناها يقلع الهدوم و كانت مصيبة الناس قعدو يضحكو فينى انا و الشيخ بشبش دة لو ختونا فى أوضة برانا حا تكون كارثة لكن متأكد انا غايتو بفقع ليك مرارتو و لا برفع ليك الضغط بتاعو - طبعا لانو لا أؤمن بالحوار بى اليدين و لا البندقية حا أحاربو ساكت بى اللسان - انا يا النصرى عامل لى بشبش دة موضوع و بقيت ليهو مثل محل ما هو ماشى من بوست لى بوست يجيب فى سيرتى - حتى لو الكلام فى الهلال و المريخ يمشى يقول لى الناس زول بن زول قال كدة و عمل كدة - هو بس ما داير يقول ساكت بيحلم بى كان صاحى و لا نايم - عامل ليهو هلع - حسى بالله لمن يمشى من البورد انا ذاتى حا أمشى أفكها فى منو - لا و العجيبة قايل روحو فاقع مرارتنا و منطط بى القصة دى - حكمتك يا رب بالله سجل لينا حفلة سامى لو فى طريقة و يكون أحسن الزول دة لو لزيتو لى فوق شوية انا غايتو لحدى أوتاوا بسوق و بجى بحضر ليهو حفلة و بالمناسبة انا من زمان نسيت اقول ليك شكرا على الاِقراح بتاع اِظهار الصور على البراوسر بتاعى - المشكلة عندى فى الأنتى فايرس