|
Re: أعتذار لشاعرتنا العزيزة والغاليةجدا سوما (Re: عادل جبارة)
|
الحبيبه الرائعه جدا روعه يا ستى انا مستحيل ازعل منك ولا الومك .. انتى ولا غيرك ماك عارفة سوما اختك غبيشة من وسط اهلك الغبش الحمد لله لا اخبر للوم ولا العتاب ولا للزعل دربا .. الحياة اصلا بقصرهالا تستاهل منا لحظات عتاب ولا الم يكفينا الغربة القسرية النحن فيها فرقتنا الظروف وشتتنا الهجرة وبعدتنا فى المنافى وما صدقنا جمعتنا القلوب حتى ولو عبر الاثير او عبرالشبكات العنكوبوتية. لا يهم المهم الاحساس واصل يمه وجل من لا يغلط يا ستهم.. وحتى فى ردك للاخ سامو انا ما شايفة فى شىء يستحق الاعتذار منك بالحجم ده وعلى كل صاااااااااااافية لبن بطانه الارضه تريانه تسلى روعه الروعه وشكراااا محنة.. **** الاحبة الغاليين ** الاخ اساسى شكرا ليك على الثقة يا غالى من عز الاهل شكرا يا عزيز وتسلم كتير على الثقة .. اما سامو لو ما غير لينا الاسم خلى بكرى يلبسه طاقية عشان نعرفه على الاقل ** اخوى القردابى الهلالابى ..سلام بطعم الفوز : تسلم يا اصيل وشكرا على الكلام المنقوع بموية النيل شكرا لا تكفى على الثقة الغالية يا حنين ** قريبى اسماعيل عباس سلام بى قلدة محنة وشوق اهلنا احساسك وثقتك ملانى محنة يعلم الله بيكم ومعاكم نقرب المسافات ونجمع القلوب اكتر والدنيا دى ما تستاهل غير لمة سمح.. شكرا اخوى اسماعيل شكرا مطامير فرح ** عادل جبارة سلام يا اصيل يديك الف عافية على كلامك الزين وضحكتنى بتعليقك على اسم حبيبتنا روعة جد يا روعه هنا اسمك قريب من رؤى لقطتها كيف دى يا عادل يا خوى شكرا قيف بحر للجميع
*** عارفين يا جماعه روعه من اصالتها وشفافيتها انا قريت ردها على الاخ سامو وحبيت انبها فى المسنجر الداخلى انه دى ما انا ده زول تانى. وفعلا وضحت ليهابرسالة وديه حنينه زيهافى المسنجر لكن هى باصالتها واحساسها الحنين اصرت زى ما ردت على فى بوست امام الجميع لازم يكون الاعتذار امام الجميع وده من اصل بنات بلدى الشفيفات البتمنى يكونوا زى روعه الاصيلة شكرا روعه ولكى كل معزتى ومحبتى
|
|
|
|
|
|
|
العنوان |
الكاتب |
Date |
أعتذار لشاعرتنا العزيزة والغاليةجدا سوما | Ro3ah | 09-10-07, 09:19 AM |
Re: أعتذار لشاعرتنا العزيزة والغاليةجدا سوما | اساسي | 09-10-07, 09:24 AM |
Re: أعتذار لشاعرتنا العزيزة والغاليةجدا سوما | Ro3ah | 09-10-07, 09:35 AM |
Re: أعتذار لشاعرتنا العزيزة والغاليةجدا سوما | ALGARADABI | 09-10-07, 10:30 AM |
Re: أعتذار لشاعرتنا العزيزة والغاليةجدا سوما | ismeil abbas | 09-10-07, 10:51 AM |
Re: أعتذار لشاعرتنا العزيزة والغاليةجدا سوما | عادل جبارة | 09-10-07, 12:20 PM |
Re: أعتذار لشاعرتنا العزيزة والغاليةجدا سوما | soma | 09-11-07, 01:05 PM |
Re: أعتذار لشاعرتنا العزيزة والغاليةجدا سوما | Ro3ah | 09-13-07, 07:10 AM |
Re: أعتذار لشاعرتنا العزيزة والغاليةجدا سوما | ismeil abbas | 09-11-07, 03:49 PM |
Re: أعتذار لشاعرتنا العزيزة والغاليةجدا سوما | soma | 09-12-07, 02:19 PM |
Re: أعتذار لشاعرتنا العزيزة والغاليةجدا سوما | Ro3ah | 09-13-07, 07:14 AM |
|
|
|