في أمسية أقامها منتدى السودان الثقافي بجدة، عادل الصديق يتألق ونخبة من معجبيه يهدونه عودا فاخرا

Quote: B]تحية ملؤها المحبة والتقدير لكل من يمنح شعري لحظات من اهتمامه.. وأنا أتشرف بالإطلالة الحميمة عليكم عبر هذه الصفحات في سياق طرح التجربة التي تتلمس طريقها بإلحاح نحو مشارف الإبداع الذي تربع على قمته (المبدعون عادل الصديق ) في أمسية محطات إبداعية التي أقامها منتدى السودان الثقافي ليلة الخميس الماضي وبتشريف كريم من أعضاء منتدى الطائف الثقافي وحضور مشَّرف. ولإضاءة بعض (المبهم) حول القصيدتين ، أقول أن قصيدة (رمزية) تجربة تعبيرية وشعرية مجازاً وهي معطوفة على قصيدة ( عودة عزائم ) التي الهمتني كلماتها ( رمزيه) فلذلك أورد لكم أحبتي نص القصيدتين معاً لتكتمل القراءة ... ولكن : ( يبقى سر الحدوته عايش جواتنا يا رمزيه) .. ولكم المحبة .. (والتخمين ).. محبكم المك رمزيــــــــــــــــــة الشاعر ابراهيم المك رمزية سيدة مصرية فاضلة ... اوحت لي بفكرة جميلة و فاضلة .. فذهبت إليها أشكرها في زيارة قصيرة جداً..فكانت هذه المحاولة التعبيرية الشعرية مجازاً .. كان ندر عليا .. ولابد أن أوفي الندر وإيه يعني لما أخطف رجليا للغاليه (رمزيه ) في مصر؟ دا انتي تستاهلي أمشيلك حافي ع/ الجمر أكمِنك الهمتيني غنيوه من أحلي غناوي العُمـر **** ورجلي على رجل صحابي لأوصلك يا (رمزيه ) من قبل ما يُوصل جَوابي إنشاء الله تكوني في آخر الدنيا منسيَّه ... برضك على بالي ..ومنَّور فرعك على بابي **** وتلاقيكي في أمِ الدنيا بتقيدي قنديل ... وزي نسمه رقيقة بتهفف على آخر الليل على ورده نديه متكيه على شط النيل لاوصلك ..لاوصلك يا ( رمزيه ) مهمن كان مشواري طويل **** وأديني أهو صبحان على بلدك .. ولا حستيش باني غريب .. آني برضو يا مصر محسوبك .. وولدك بإمارة لوني زي نيلك.. وابيض م الداخل زي سعدك ومن لحظه دبتْ رجلي يا (رمزيه) ف ساحةِ الدار وأنا قلبي بيقدحْ نار في نار فرحان ؟ ما أعرفش ..حزنان؟ ما أعرفش..لِكني محتار.. حا ندور فين ؟ وحا نسأل مين؟ وراح نِوصل كيف؟ والدنيا يوميها مشتيَّه على الآخر ونهارها برد وزيف حا ندور فين ؟ ما اكتر ضيعات وكُفُور الريف .. ودليلي إحتار.. عدينا كفر الزيات،كفر السبع، كفر إبراهيم طبينا في كفرِ الدوار ودليلنا احتار .. وازاي راح نِمشي باقي المشوار؟ وفينك صاحبي على بال ما نِوصل كفرِالنُوار ؟ **** بس أصحابي يا (رمزيه) بالجد جدعان (شوقي) بيه.. و(محمد) والود (سلطان) ولازمن يا ستي احكيلك عن شوقي بيــه ما انتي فاكراه يا (رمزيه).. ولا نسيتيه؟ (شوقي) اخويا.. وصديقي الروح بالـــروح ومسمي وِلدِي عليه.. ما (محمد)..والواد (سلطان) ما افضلهُمش عليك .. زي ما قُولتلك أولاد جدعان يتحطوا على الجُرح يصبح على طول بريان وهُمن ياستي اللي دلوا خطواتي في الروحه وفي الجيه وما سابوش أبداً في قلبي لليأس مكان خلوا قلبي دايماً صاحي.. وعلى طول دفــيان وعلى كلٍ... خليني احكيلك من أول خطوه في المشوار وبلاش تنطيط .. سافرنا كِده..من غير ما نَعَرَف حندور فين ؟ ومن غير تخطيط ...! رُحنا في الأول على طنطا .. وكان المرواح ورطه في ورطه واحترنا في طنطا وإحنا بنسأل ع/ الحبان الورطه فــين ؟ تارينا غُلطنا في العنوان .. قالولنا إنك مش في طـنطا .. يا دي الخيبه ياجدعان! ناديت على راجل كان واعي بصحيح فهمان بصالنا وقال : مكتوب ع/ الورقه ديت (بسيوووون) .. طب يا أسطى فين (بسيون) ؟ وازاي ما شفتش ع/ الورقه كلمة (بســيون) ؟ لا يكون الشوق يا ولآد أعمى قلبي .. وعمالي عيون ؟ وبقيت حيران .. قال الراجل: لسه حتمشوا كمان .. وكمـــان وحتلاقوا السكه مقفوله في اللفه .. يـم المزلقان فتحودوا عند الكوبري يمين ..وعلى طول في الخط .. وهناك يا بيه توقف تسأل .. مدينا شويه في الحته تهنا ..طشينا في الحته طش وأنا قلبي يا ( رمزيه) فارق سدري وطـش ما أنتي عـــارفاه،مغــلبني..وحنيّن وهــش حسيت لكإننا بندور على إبره اتخبت في الضلمــــه في كُومةِ قــش وما اكدبش عليك يا ( رمزيه) قلبي جوايا بيتململ وكمان لسه مشوارنا راح يبدأ تاني .. وأول .. وكل واحد يوصفلي شويه والاقي الوصف بيتأول بس آني قايلك يا ( رمزيه) لازمن أوصل ومهمن يحصل لازمـن أوصل .. وبرضـو الجدعان .. طبطبوا على سدري وقالولي يا أبو السودان حا نروح وإياك .. مطرح ما تكون (بسيون) وحا ندور ، إنشاء الله للصبح ،وأهو كله يهون لأجلِك يا ( رمزيه) يا أم ضفاير دهبيه يا سِت الصون.. ما اطولش عليك .. وآصلنا تاني يا ( رمزيه).. رايحين ع/ السكه البحــريه من غيط لغيط ،ومن كفر لكفر، في زروع وتروع ومراكبيه وأشجار بتميل على وشِ النيل تتراقص زى أحلى صبيه وجاموس ..ونامـــوس، وعــوالم عايشـــه بعفويه وايدين بتلوّح ناحيتنا بسلام جدعان واحلى تحيه في مناظــر تشرح للخاطـــر والريف بيقطر حِـنيَّه ***** لحظتها يا (رمزيه) آني شـايف النيل بتمشى على مِهــــلو فــوق الشطان وكإنه بيهمــــــس للخضـره لتنَّور في وش الضــــيفان فسرحت بعيد ..بعيد ..ناحية شتلاتِ الحنَّه والرمـان بتهيأ لي لمحتك خطفه في عيون طفله تتنطط بين الصبيان فحسيت بأمان ... ومشينا كمان .. طبينا في راجل ابن حلال ..صاحي وفهمان راجــل ذوق، وأدب وكلــو على بعضو وســامه حـــيانا بنداوة الــريف ورحــــابة اللبتســـامه وسلم لي يجي ميت مره ..وكإنو في كفه حمـامه وقال محسوبكم ( سلامه عبد السلام سـلامه) وسلامه قال ( لشوقي) بيه : ارجع يا سيد من تاني ع/ الخط حتلاقي طريقك مَتفَرع ..وطريق رايح دُغري في الوسط سيبو .. سيبو واصل .. ما تمشيش فيه وطريق ميال.. وشمال دغري.. وشمال في شمال دا تعدي عليه .. مفهـــوم يا بيـه؟ حا تبص في وشــك حتلاقي على طول (بسيون) يا جماعه الخير ..إشـربوا شاي أو حتى لـمُـون شكراً يا سلامه .. بنستعجل على سـت الصـون مع السلامه ربنا معاكو يا بهوات .. وأنا لسه يا ( رمزيه ) لما أتذكر عمي (سلامه) بالذات على طول أطمـَّن إنه الريف لا زال بخير في حلاوته، ونقاوته ،وصفاوته .. الريف غــير.. وحقيقي.. الريف،والناس،والـزرع، وكمان الطـير الكل بيدحــكلك دحـــكه مـــن غــــير تزويـــر معليش إن كنت سرحت عليك في القول يا (رمزيه) .. مِشينا ..مدينا شويه من تاني ع/ السكة التانيه الدوغريه وأهي (بسيون) قدامنا أهي .. في حته هاديه ونديه.. في أم الدنيا منسيه .. وصادف مرواحنا يوميها كان مولد شيخ الدسوقيه تعرفوا يا ناس فين ( رمزيه) ؟ تعرف يا حاج فين (رمزيه) ؟ تعرفي (رمزيه) ياوليَّه ؟.. أيوه .... هيَّ ... هيَّ .. أم ضــفاير دهـــبيه وسؤال في سؤال .. ورجال وحريم وعـيال دلوني عليك يا (رمزيه ).. ولقيتك طالعه قدامي ..يا طلعه حلوه وبهــيه فجأة بصيت وشي في وشـك .. واتسمر رمشي على رمشــك اتخبى كلامنا في جواتنا ..وسكتنا.. عينينا فضلت تكلـم اشواقنا فضلت تترجم .. وعوالم تســـأل وتسـتفهم !! ولا حدش غيرك راح يفهم وسؤال بتكي على رمشك.. وهمومك باينه على وشك. وكلامك دايب في الدمعه والدمعه نزلت ف ايديكي ضوت ف ايديكي زي شمعه والشــمعه ضــوت ف الحته لقلوب حـولينك مجتمعـه وقلوب تندهلك وتدعيلك وانتى مـش شايفه ولا سـامعه وعينيك بتسأل وتجاوب .. الفرح .. الحزن .. بتناوب أزاي حا تكلم واحكيلك دي الدنيا اتلمت حـوليا؟ وازيك.. إزيك إنت ؟ وازاي حتغيب تاني علــيا؟ وازاي حتروح ؟ دوبك واصل وما فرحتش لسه بالجيه؟ اسكتي .. اسكتي يا (رمزيه) مــش لازم نحكي ونتكلـم لحظات ..راح نفرح .. ونتألم .. لحظات بالدنيا كلتها .. ولا حـــدش غيرك راح يفهم ولا حدش غيري راح يفهم ... ازاي أنا جيت على رجليا ووفيت الندر اللي عليا ؟ وحيفضل لغز الحـــدوته عايش جواتنا يا (رمزيه) لحظات وآني راجع .. راجع بلدي يا (رمزيه) وما اعرفش ان كنا حنتقابل أو ديت فرقه أبديه وما أعرفش إن كان اللي معايا حا يسامحوني؟ همن دلوني في الجيه .. لكن ما اظنش فهموني لحظات ..وعينيكي بتتكلم ..وأنا ساكت وسامع بعيوني وفجأه ... اتلموا الناس من حوليا وجم سـألوني فين (رمزيه) ؟ (رمزيه) فين ؟ فين يا اسطى ( رمزيه)؟ ودحكت.. وأنا بغمض عينيا .. والناس تســأل فين (رمزيه) و اصحابي جم وخـدوني راجعين ع/ السكه البحريه بصوا كلتهم في عيوني .. اتخضوا .. اتلموا صحابي حوليا وبالصوت الواحد سألوني: أزاي حتعدي م الجمرك وعينيك مش با ينه طبيعيه اسكتوا .. اسكتوا .. يا أفنديه (رمزيه) اتخبت في عينيا.. إبراهيم المك القاهرة 3/11/2006م

(عدل بواسطة سيف الدين عيسى مختار on 09-04-2007, 02:34 PM)