|
Re: الحـلّـة بصلة .... والمَـــرة كرعيــــن !!!! (Re: معتز القريش)
|
الاخ معتز القريش .... سلام ياأخي حاولت ان افهم مغزي طرح الموضوع بعنوانه الذي يحمله فلم أتمكن من الوصول لفكرة تريد معالجتها ؟؟؟ ماهي الفكرة؟ الموضوع بالنسبة لي غير موفق بل فيه من الاسفاف والمتاجرة ما لا يليق بالمنبر ؟
شكرا ...................................حجر
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: الرفاعي عبدالعاطي حجر)
|
Quote: الاخ معتز القريش .... سلام ياأخي حاولت ان افهم مغزي طرح الموضوع بعنوانه الذي يحمله فلم أتمكن من الوصول لفكرة تريد معالجتها ؟؟؟ ماهي الفكرة؟ الموضوع بالنسبة لي غير موفق بل فيه من الاسفاف والمتاجرة ما لا يليق بالمنبر ؟
شكرا ...................................حجر |
الأخ الكريم الرفاعي اشكر لك مرورك ومشاركتك وأحترم رايك ...
هنالك بعض المقولات والأمثال الشعبية التي تصدر وتتداول بين الناس وتصبح كأنها أمر مسلم به ... ومثال ذلك ... هذه العبارة التي كثيرا ما تستفزني كما استفزتك أنت الآن ... والغالب أنها تستفز معظم النساء .....
ما أحاول أن أعالجه هو (احترام المرأة) واحترام عقلها وشخصيتها
أتمنى أن أكون قد أوضحت فكرتي ...
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: معاذ حسن)
|
Quote: يا اخواننا اليومين دي الحاصل عليكم شنو؟ النضم كلو بقي من السره ولا تحت. |
الحاصل كتير يا معاذ كثير من المستنيرين ومدعي الاستنارة يتندرون ويسخرون من طبيعة المرأة ويعاملونها كأنها قطعة مصنوعة للمتعة فقط ويتجاهلون عقلها وفكرها وريادتها وكل صفاتها الجميلة ويختزلون كل ذلك في .... (كرعين) !!!!!
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: waleed500)
|
Quote: الشنب دليل صحة ان اتوجد بتتوجد معه اشياء عديده |
يا وليد أمانة ما في رجال شنباتم ترك عليها الصقور وفي أول موقف .... تلقاهو أصغر من سمسمة ...
أعتقد أن العقل والكياسة والفكر والذوق والشهامة وحاجات كتيرة في الرجل أهم من الشنب ...
وكذلك حاجات كتيرة في المرة أهم من الكرعين
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: معتز القريش)
|
افحمتنى بخلقك الرفيع وانت فعلاً رائع فلاى موضوعاتك دون مجاملة والموضوع -اصل انا كنت دافن ليك فى تعليق سابق لك على بوست بتاعى بعنوان -البت الحلوة دى عايزة تأكلنى فاحذروها
وكده صافيه لبن لكن برضو انا اللى بعتذر
وعلى فكرة البروفايل بتاعك القديم كان احلى واعمق
ولك ودى
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: abd alsamie alhussein)
|
Quote: عارف يا معتز لو البوست بتاعك ده كان عن اجمل شى فى المرأة كان حايكون رائع
وسيبرز تساؤل هل المرأة عيون ولا شعر ولا رجلين ولامؤخرة ولاقوام ولا رقبة ولا صوت ولا خصر ولا يدين ناعمات ولاشفايف ولا صدر
ولا أخلااق وبس ؟؟؟؟؟؟؟؟؟؟؟؟؟؟؟؟؟؟؟؟ |
المراة كل هذا والرجل لا يستغني عن اي من ذلك ولكن قبل كل هذا المرأة عقل والمرأة ادب والمرأة حياء والمرأة أجمل شئ في الوجود . كل المرأة جميلة ..... داخليا وخارجيا ... روحا وجسدا .......
فلماذا نختزلها في (كرعين) بل ونقرنها بالحلة والبصلة ؟؟؟
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: محمد أبوالعزائم أبوالريش)
|
Quote: الأخ معتز ...
أنا الليلة حأعمل ليك زي ناذر الخليفة ....
أعفص هنا للإرتباط
الحلة بصل ... والمرة كرعين !!!!! أمثال عجيبة !!!! |
تسلم يا ابو الريش على الرابط فعلا الأخت عواطف كتبت عن الموضوع بصورة جميلة ويبقى الاختلاف أن عواطف تدافع عن بنات جنسها ومن واقع انوثتها أما أنا فادافع عن نصفي الآخر الذي لا اقبل أن تقال عليه مثل هذه العبارات . . . . * أول مرة اشوف بوست الأخت عواطف ...
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: معتز القريش)
|
كتبت الأخت عواطف ادريس هذا المقال الجميل والموجود في الرابط أعلاه :
Quote: الحلة بصل ... والمرة كرعين !!!!! أمثال عجيبة !!!!
تحية وتقدير للأخ عادل عوض الذي يدير مقهى للإنترنت في أكسفورد بالمملكة المتحدة وقد اتصل مؤخرا مؤكدا أنه يتابع عن كثب كل ما يجري في سودانيز أون لاين معتبرا هذا المنبر الوطن الثاني لهم في غربتهم التي لا ترحم .
لا أدري ما هو سر تعلق أمة الأمجاد بثقافة المطبخ حتى أصبحت كل الأمثال المعروفة ذات صلة وثيقة بهذا المطبخ فمثلا عندما يكون الشخص قليل حياء ولا يستحي يقولون عليه مكحل عينه بالشطة ,,, أو عينه زي البصلة في الروب أماالشخص صاحب المناخير الكبيرة يقولون عليه نخرته زي كوز الكنافة وقد قال أحد شعراء حلمنتيش لحبيبته تبقي تاكا وأبقي كسلا تبقى حلة وأبقي بصلة وقال آخر لحبيبته التي شرته شرة الله يلاقينا قدام مدخل داخلية الطالبات بجامعة الخرطوم وقد سمى ذلك المكان في زماننا بحبل الغسيل من كترة المشرورين عليه:
يالغسلتنا وشريتنا لما نشفنا ليه ماكويتنا يالفي كانون هواك حميتنا لامن زيتنا فاح شميتنا.
أتذكر في منتصف الثمانينات كنت أجلس مع صديقتي وزوجها في بهو إحدى الفنادق وكانت أمامنا تربيزة زجاجية جميلة فالتفت زوج صديقتي نحوها قائلا بالله شوفو رجلين التربيزة ديل سمحات كيفن ؟؟ ضحكت صديقتي ذات الروح الرياضية التي يحسدها عليها زين الدين زيدان اللاعب الفرنسي الذي نطح اللاعب الايطالي عندما استفزه ليلقي به أرضا وقالت لزوجها إنت عندك عقدة سيقان ولا شنو ؟؟ طبعا بحسها الانثوي عرفت أنه معقد من سيقانها التي تشبه سيقان الباعوضة ولكن عقلها يوزن بلد ,, متعلمة , مثقفة ,, واعية ,, مرحة ولكن كل ذلك لم يشفع لها ولم يغفر لهاعند زوجها كون سيقانها أشبه بسيقان المعزة فرد قائلا إنت ما سمعت بالمثل البقول الحلة بصل والمرة كرعين ؟؟ ضحكت صديقتي من سذاجة زوجها الطبيب من أعماقها ولم تعلق كي لا يتمادى في سطحيته فقد تزوجته بعد قصة حب عاصفة ولا تود أن تخسره بسبب سيقانها النحيفة علما أن صديقتي لو كانت تعرف أن بنات اليوم استطعن التغلب على كل العيوب حتى السيقان يتم حقنها بإبر الأنسولين كما يتم التغلب على النحافة الزايدة بأقراص خاصة بالحساسيةأطلق عليها (تشاهد غدا) لسرعة مفعولهاوهي تأتي من فرنسا عبر تشاد لكان لصديقتي ردا آخر غير ذلك التعليق الموجز ,, بالنسبة لي كان الأمر مهينا جدا كيف توضع المرأة ذات العقل والروح مع الحلة أم بصل على بوتجاز واحد ؟؟ لم أعلق على هذا الموضوع حفاظا على مشاعر صاحبتي لأنها زي ما بقولو كانت مكسرة في راجلهاولا تنظر إليه سوى بعين الرضا وهي عن كل عيب كليلة . كانت تلك هي المرة الأولى التي أسمع فيها مثل الحلة بصل ولكن صدقوني فقد سمعته بعد ذلك عشرات المرات لأكتشف أن الرجل الشرقي على وجه العموم والسوداني على وجه الخصوص يهمه المظهر وليس الجوهر ولغاية اليوم دة ما سمعت واحد قال عايز واحدة مثقفة أو راسها مليان. كله واحد عايز عروس تكون شروطه.. جميلة ,, بيضاء ,,, ذات شعر اسود فاحم وطويل حتى ولو كانت جاهلة المهم جميلة تسر الناظرين ويتباهى بها أمام أصدقائه ويستعرض بها في الشارع العام والمناسبات حيث يتساءل السطحيون أمثاله دي مرة منو بالله ؟؟ والله دي مرة عبدالله ,, وعبدالله الشين التعيس المفلس دة جاب اللقطة دي من وين ؟؟ وإنت مالك ؟ حاسدو ولا بغران وبعدين يااخي اللي بسأل ما بتوه !! يعني إنت هسة لو فتشت زي الناس ما كان لقيت ليك واحدة أحلى من بت عمك الوشها زي وش السخلة دي (هاها ها ها ) يضحكون من أعماقهم ومعهم زوج بت العم الداقسة و القاعدة في البيت براها طول اليوم زي الشيطان تغسل وتكنس وتلبس وتضبخ وتأكل أفواه وأرانب ولا تعلم أنها مادة للونسة والسخرية بحضور إبن الستين في سبعين المدعو زوجها. لم اسمع طوال حياتي بإمرأة متعلمة وحاصلة على شهادات يكون شرطهاالأساسي للزواج شاب وسيم أو غني , طويل أو صاحب إبتسامة ساحرة ... ولم أسمع أبدا إلا ما ندر أن تتزوج متعلمة مثقفة برجل جاهل ولكنه صاحب جاه ومال وسلطان لأن هذه المتعلمة المثقفة تريد زوجا يخاطب عقلها وروحها وليس جسدها من مفهوم الحلة بصل ,, وفي الوقت ذاته ياما شاهدت رجالا من حملة الشهادات العليا متزوجين بديكورات جميلات لكن سماحة جمل الطين الواحدة منهن لو اتكلمت في مكان عام في حضور زوجها يتمنى أن تبتلعه الأرض في تلك اللحظة ومع ذلك نجده سرعان ما يغفر لها غلطها من منطلق ذنب الجميل مغفور وتستمر الحياة رغم عدم وجود لغة مشتركة وأرضية للحوار المهم مرة جميلة وذات سيقان أشبه بسيقان الفيل لكي لا تكون ضمن من يتحسسن سيقانهن عندما يسمعن مثل الحلة بصل . يا سادة يا كرام بصل ايه وطماطم أيه ؟؟ كيف يكون شعوركم لو قلنا السلطة جرجير والراجل يورو ؟؟ هل سيكون رد فعلكم بحجم رد فعل النساء اللواتي يطنشن حينما يسمعن بأن الحلة بصل ؟ هناك فئة ضالة من الفتيات تأثرن بالحلة بصل ولجأن إلى عدة حلول آنية ودائمة لحل المشكلة وإن دل هذا على شيء إنما يدل على عدم ثقتهن بأنفسهن وبأن جمال الروح أبقى وأشمل بينما جمال الجسد إلى زوال ,, أرجو من الإخوة الذين ما زالو يصرون على أن الحلة بصل والمرة ... أن يرتقوا بفكرهم البصلي هذا وأن ينظروا إلى الوجه الآخر للمرأة الأنثى الرقيقة.. الأم الحنون ,,, الزوجة المخلصة ,,, الأخت الشفوق ,,, و الإبنة البارة .
أتمنى من جميع المتدخلين أن يخرجوا من المطبخ وأن يغسلوأيديهم من البصل قبل التداخل وفتكم بعافية.
* سوف تشاهدوني غدا لأنني ذاهبة إلى مهمة خاصة مع حبي ومعزتي . |
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: Omar Bob)
|
Quote: سلامات يا معتز شفتا اخونا محي الدين الريس افحمك بصور الصينين ديل كيف؟ السواد الاعظم من الشعب السوداني - وانا منهم- بشوفو انو الكرعين بيبرزو جمال المراءه بصوره ما عاديه هو ليس اختزال للمراءه في الكرعين بل هو ابراز لجمالها من خلال الكرعين قول لي كيف؟ |
عمر بوب كيفنك يا هندسة هسى بالله عليكم يا السواد الأعظم من السودانيين ما لقيتو حاجة أحسن من الكرعين تشوفوا من خلالها جمال المرأة ؟ يا أخي على الأقل كملوها كلها وقولوا المرة (قوام) يعني زيدو العيار حبة خلوها تسوى شئ أكبر من الكرعين
Quote: اه انلنظرا ليك بالهندسه اكل عيشنا الكرعين هم ال(foundation) البقوم عليه الجسم كدي شوف ليك عماره في الدنيا دي ما مبنيه علي اساس (foundation)قوي ومتي |
طيب يعني ممكن نقول البيت حوش والعمارة فاونديشن أها أنا مثلا عشان اشوف جمال العمارة دي أفتش للفاونديشن أشوفو ولا كيف ؟؟ المرة كلها أساسات وهي اساس الجمال في هذه الدنيا .
Quote: تفتكر سيدنا سليمان لمن فرش الارض بالقزاز لبلقيس تعب التعب ده كلو ليه-غير انو عايز يوريها انو متفوق عليها تكنلوجيا وكده لانو كان في مليون طريقه تانيه غبر دي- كدي اقرا معاي الايه 44 من سوره النمل (قِيلَ لَهَا ادْخُلِي الصَّرْحَ فَلَمَّا رَأَتْهُ حَسِبَتْهُ لُجَّةً وَكَشَفَتْ عَن سَاقَيْهَا قَالَ إِنَّهُ صَرْحٌ مُّمَرَّدٌ مِّن قَوَارِيرَ قَالَتْ رَبِّ إِنِّي ظَلَمْتُ نَفْسِي وَأَسْلَمْتُ مَعَ سُلَيْمَانَ لِلَّهِ رَبِّ الْعَالَمِينَ) اها عرفت السبب يا اللخو _________________________________ * الكلام ده يا معتز هظار اوع بكره بعد بكره تشاكل معاي تنكتو لي و تقول لي انت عدو المراه وما عارف شنو كده * اقول قولي هذا وانا املك اشني ساقيين في الدنيا ولو اقيمت مسابقه في شناه الساقين بين اي مجموعه من البشر لفزت بها بلا منازع |
أها هنا وكتين سويتا هظار ... مانا رادين عليك
تسلم على المرور الجميل
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: ismeil abbas)
|
Quote: الحاصل كتير يا معاذ كثير من المستنيرين ومدعي الاستنارة يتندرون ويسخرون من طبيعة المرأة ويعاملونها كأنها قطعة مصنوعة للمتعة فقط ويتجاهلون عقلها وفكرها وريادتها وكل صفاتها الجميلة ويختزلون كل ذلك في .... (كرعين) !!!!! |
قلت لي دة كلام المستنيرين ومدعي الإستنارة ؟؟؟ طيب العيالاتية والعندهم هواجس جنسية بقولوا شنو بقا ؟؟؟
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: بكري اسماعيل)
|
معتز سلامات بجيلك لو في زمن راجعه
لكن كلامي لعمر بوب
Quote: سلامات يا معتز شفتا اخونا محي الدين الريس افحمك بصور الصينين ديل كيف؟ السواد الاعظم من الشعب السوداني - وانا منهم- بشوفو انو الكرعين بيبرزو جمال المراءه بصوره ما عاديه هو ليس اختزال للمراءه في الكرعين بل هو ابراز لجمالها من خلال الكرعين قول لي كيف؟ اه انلنظرا ليك بالهندسه اكل عيشنا الكرعين هم ال(foundation) البقوم عليه الجسم كدي شوف ليك عماره في الدنيا دي ما مبنيه علي اساس (foundation)قوي ومتين اها خلي الهندسه الانت ما بتعرف فيها التكتح دي نمسك في الدين الانت عاملينا فيهو مفتي تفتكر سيدنا سليمان لمن فرش الارض بالقزاز لبلقيس تعب التعب ده كلو ليه-غير انو عايز يوريها انو متفوق عليها تكنلوجيا وكده لانو كان في مليون طريقه تانيه غبر دي- كدي اقرا معاي الايه 44 من سوره النمل (قِيلَ لَهَا ادْخُلِي الصَّرْحَ فَلَمَّا رَأَتْهُ حَسِبَتْهُ لُجَّةً وَكَشَفَتْ عَن سَاقَيْهَا قَالَ إِنَّهُ صَرْحٌ مُّمَرَّدٌ مِّن قَوَارِيرَ قَالَتْ رَبِّ إِنِّي ظَلَمْتُ نَفْسِي وَأَسْلَمْتُ مَعَ سُلَيْمَانَ لِلَّهِ رَبِّ الْعَالَمِينَ) اها عرفت السبب يا اللخو _________________________________ * الكلام ده يا معتز هظار اوع بكره بعد بكره تشاكل معاي تنكتو لي و تقول لي انت عدو المراه وما عارف شنو كده * اقول قولي هذا وانا املك اشني ساقيين في الدنيا ولو اقيمت مسابقه في شناه الساقين بين اي مجموعه من البشر لفزت بها بلا منازع |
ووووووووووووبببببببب علينا حتى انت يا بروتوس؟؟؟ دي ما بتحلك يا عمر بوب عارف ليه لانه املك هذه لا تهمنا كاعتذار... املك الحقيقيه هنا المقصود بها سيقان نصفك الحلو مش سيقانك لانهم قالوا المره كرعين يعني مافي زول سأل في كرعينك
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: ismeil abbas)
|
Quote: ألأخ/معتز
قد يكون هناك معارضين على عنوان هذا البوست ..ولكن بالنسبة لى العنوان بداخله كلام كثير...
التشابه بين ألأثنين فى أصل الشىء..الحلة بدون بصل مابتكون حلوة..المرأة من غير كرعين مميزة ما بتكون مكتملة(وهذا فى نظر المتداول للمثل)
وطبعآ هذه نظرة شهوانية.....بدأت من شهوة البطن وبعدها الشهوة الجنسية...
وكثيرآ من الناس ينظروا للمرأة للمتعة....ولكن هناك متعة فى التعامل مع ذوات العقول..
وقد تأكل الحلة من غير بصل وتعيش مع المرأة من غير كرعين مجيهة..
الله يصلح الحال يا معتز.
إسماعيل محمد احمد عباس..... |
كلام مظبوط يا سمعة
وتسلم على المرور والاضافة
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: معتز القريش)
|
الاخ معتز القريش بيسال لية الكرعين وما حاجة تانية العليها العين لانو ببساطة الكرعين السمحات وغلاد مؤشر ودليل علي انو الحاجات التانية بتكون سمحة بالتاكيد(وما تسالني عن الحاجات التانية دي لانها بتودي الخور عديل) واقول للاخ اسماعيل عباس البيقول ممكن الحلة تتاكل من غير بصل وممكن المرة الكرعينها شينات تتعايش معاها اي ممكن ولكن حلتك بتكون زي حللي البعملها الايام دي والعيال في الاجازة في السودان ما بتاكلها الا تكون مجبور وضارباك جوعة شديدة
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: الزبير صالح الزبير)
|
Quote: الاخ معتز القريش بيسال لية الكرعين وما حاجة تانية العليها العين لانو ببساطة الكرعين السمحات وغلاد مؤشر ودليل علي انو الحاجات التانية بتكون سمحة بالتاكيد(وما تسالني عن الحاجات التانية دي لانها بتودي الخور عديل)[/U] واقول للاخ اسماعيل عباس البيقول ممكن الحلة تتاكل من غير بصل وممكن المرة الكرعينها شينات تتعايش معاها اي ممكن ولكن حلتك بتكون زي حللي البعملها الايام دي والعيال في الاجازة في السودان ما بتاكلها الا تكون مجبور وضارباك جوعة شديدة |
الزبير يا أخوي التحتو خط من كلامك الفوق دا كلام علمي ولا بالتجربة ؟؟؟؟ سؤال برئ
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: ismeil abbas)
|
Quote: ربنا يا الزبير صالح يرجع ليك أولادك سالمين بأذن الله.. |
آميييين عشان يطلعنا من المناطق الوعرة دي
الليلة هوي يا ليلة
غايتو يا سمعة أنا بعد بوست خليل الشهير بتاع صاحبك (الدلكوهو واداهم عنقرتو) بقيت ما خائف على البوست دا عشرة زي الزبير دا ما يودوهو الخور بس الله يكفينا شر (كي كي) و (عبد المنعم سليمان) يازول البوست دا انصار سنة عدييييل جنب بوست خليل مقطوع الطاري
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: معتز القريش)
|
يا ود القريش سلامات يا,
قيل أن أهلنا قديما كانو يتغنون بالحقيبة ويطربون لها حتى الثمالة مع الثمالة!!
وكانو يبدأون بوصف محاسن السمحة أم عجن من قمة راسها حتى أخمص قدميها!!! وفى
نقطة معينة بعد وصف الشعر والوجه بكل تفاصيله من عيون وحواجب و فم وأنف وأسنان
نزولا للرقبة وما جاورها وما تحتها فجأة يتوقف الوصف ويبدأ التشفير وإستعمال
(الرندوك) المتاح فى مثل هذه الظروف وتتم التغطية والتمويه بإستعمال المفردة
الشهيرة (ليلى هوى يا ليلى وليلللللللللللللى هووووووووووووى)!!!!
يبدو أن ذاك الزمان قد ولّى بغير رجعة وأصبح الوضوح سمة عصرنا بما يورده بعض الإخوة
هنا بصريح العبارات والحديث!!!
* عمر بوب !! يا هندسة سلامات يا (سكسك) شكلك أخدت الموضوع شخصى
تحياتى
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: أيمن الطيب)
|
Quote: يا ود القريش سلامات يا,
قيل أن أهلنا قديما كانو يتغنون بالحقيبة ويطربون لها حتى الثمالة مع الثمالة!! |
الغالي ايمن الطيب سلاماااات وأنا زعلاااان منك جنس زعل بس لمن ألاقيك ...
يا سيدي أهلك زمان لا كان عندهم كاميرات ديجيتال ولا عندهم نقل صور بالوسائط ولا انترنت عشان كدا استعانوا ب (ليلي هوي يا ليلى)
اسعدني مرورك كما اسعدتني اضافتك لك الإحترام والمودة
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: ismeil abbas)
|
Quote: يا الزبير أنا أشرح ليك......الشطر الثانى من عنوان البوست ده إذا ما متوفر فى الكلمة ألأولى من الشطرالتانى من عنوان البوست ده..
يبقى الكلمة ألأولى من الشطر التانى من عنوان البوست ده قادة عربى.. |
يعني يا سمعة نحنا ما خلصنا من (الكرعين) قلبت لينا البوست شطور ....
ان شاء الله كان فهمت حاجة من شرحك دا أربع بواحدة تكون (حلة بدون بصلة)
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: معتز القريش)
|
أنا أشرح ليك لكن ما تفهم انو انا فهمتا طايرة لا واللة قعدت جبت ورقة وقلم وقعدت زي حل الرياضيات زمان عملتها معادلة وقعدت أعوض الحروف بالارقام(الله يرحمك يا استاذ يحيي معلم الرياضيات في مدرسة النيل بعطبرة اوائل التمانينات) الراجل يا معتز بيقول ليك اذا كانت الصفة الموجودة في الشطر التاني (المرة كرعين) اذا ما متوفرة في الكلمة الاولي من الشطر التاني ( في المرة يعني) بتكون الكلمة الآولي من الشطر التاني(المرة) قادة عربي (يعني لو المرة كرعينها كرعين فيران ساكت بتكون بألتاكيد ساقطة عديل في بقية المواد ولازم يرجعوها بيت ابوها كان جابوها منه .وكان لسة الدقسة ما وصلت حد الجيبة من بيت اهلها اخير الواحد يخليها هناك قبلهافهمت ولا اجيب ورقتي وقلمي واجيك. مع تحياتي.
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: معتز القريش)
|
شو يا معتز يا اخوي انا اليومين ديل مشغول شوية ،انت ما قريت (البوست بتاع الخطوط السعودية)وما بقدر اجي عشان اشرح ليك لكن بوريك عملي ما ثيوري شايف افتح التلفزيون في دعاية بتاعت عربية شيفرولية اوبتكا شوف بالدعاية دي بتفهم طوالي من غير ورقة وقلم. مع تحياتي
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: معتز القريش)
|
الظلامي معتز القريش.
أنا ما عارف كيف سمحن لك جميع الاخوات بكتابتك الهزيلة دي. ده تحقير واضح للنساء. وأنا من هنا أحرض جميع الاخوات بالبورد بالمطالبة بسحب هذا البوست وبالمطالبة بأعتزار رسمي من ولي أمر معتز القريش وهو في هذا الحالة الوجيه ود الامير. فهو الذي سمح لهذا الظلامي أن يستخدم النت من المكتب. لذلك السيد بدر الدين الامير مسئول مسئولية كاملة عن أي ضرر مادي أو معنوي يرتكبه ود القريش. وأنا أقترح تعين الاخ كيكي كمحامي وحافظ حقوق لجميع الاخوات المتظلمات من هذا البوست الذي يقلل من شأن النساء.
أرجو الهتاف معي هنا:
رجعي رجعي يا معتز.
دينق.
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: Deng)
|
Quote: لظلامي معتز القريش.
أنا ما عارف كيف سمحن لك جميع الاخوات بكتابتك الهزيلة دي. ده تحقير واضح للنساء. وأنا من هنا أحرض جميع الاخوات بالبورد بالمطالبة بسحب هذا البوست وبالمطالبة بأعتزار رسمي من ولي أمر معتز القريش وهو في هذا الحالة الوجيه ود الامير. فهو الذي سمح لهذا الظلامي أن يستخدم النت من المكتب. لذلك السيد بدر الدين الامير مسئول مسئولية كاملة عن أي ضرر مادي أو معنوي يرتكبه ود القريش. وأنا أقترح تعين الاخ كيكي كمحامي وحافظ حقوق لجميع الاخوات المتظلمات من هذا البوست الذي يقلل من شأن النساء.
أرجو الهتاف معي هنا:
رجعي رجعي يا معتز. |
الضابظ العظيم دينق شكرا على الشاركة الرائعة أنا زمان مش قلت ليك انت (ثكر) عديييل كدا دينق ما تتكلم عن احترام النسوان (ثمح)
عنكبة : ود الأمير لا زال يعاني من لسعات النحلة
| |
|
|
|
|
|
|
Re: الحـلّـة بصلة .... والمَـــرة كرعيــــن !!!! (Re: معتز القريش)
|
معتز انت نصير المراه ولكن لماذا لماذا لم تكتب عنوانا ينصرها لماذا لم تقف معها بعيدا عن الدين وتعدد الزوجات لماذا لماذا لماذا انت اخترت هذا العنوان ليجعلك او يجعل بوستك هذا عاليا والناس بتقراهو لكن يا معتز لو عاوز تنصرا ما كده ارجوك لا تشمني ولا تشتمها حتى لو اساءة اليك دعها تمر .. ارجوك احترمـــــــــــــــــــــــــــــــــــها ولو اساءة اليك انا معتصم ابن امي
| |
|
|
|
|
|
|
|