الحكم بالسجن والغرامة على عضو في "الشيوعي السوداني"

Quote: دينق انا من عطبره ومن حقي احلل الخبر اعلاه لا زال الحزب الشيوعي المازوم يستخدم تكنلوجيا المغفل النافع ضد سكان عطبره المساكين 1- منشورات شنو وكلام فارغ بتاع شنو .. الفاضي يقرا منشورات منو في زمن الانترنت 2- الحزب الشيوعي عضو في حكومة الوحدة الوطنية والتجمع وله صحيفة ناطقة باسمه(الميدان) عليه ان ينشر فيها كل ما يريد زمن المنشورات اوت اوف ديت...وهسه كيف يكون في الحكومة ويريد اسقاطها شنو سياسة دكتور جيكل اند مستر هايد دي ..وهنا بنقول كلمة مشروخ/شيزوفرينك...مع سبق الاصرار والترصد 3- كونو يسجنو ايمن يغرمو بس ده تقدم ملحوظ في حقوق الانسان ومن اجل توزيع المنشورات ..من حسن ايمن انه ده بعد نيفاشا.. لانه في زمن الابتلاءت/الحقبة الترابية تم القبض عل الاخ من عطبره(ع.ط) لانه كان في بيت لقو فيها منشورات شيوعيين وعينك ما تشوفش الا النور..وهذا الانسان موجود وراح ضحية مباراتو للشيوعيين الفاشلين..وخلى اي واحد منهم يقول ما حصلت..عشان اطلع ليهم الما عرفنو كله 4- انا من عطبره ما يلزمني حزب شيوعي في عطبره...السكة حديد ماتت وسيتم اعمارها بواسطة الامريكان وده شعر الشيوعيين ما عندهم ليه رقبة ما تقول بيان 5- كمان عايزين نحن نواكب التغيير في العالم خاصة امريكا الجنوبية وتحالف اليسار الليبرالي مع الوسط وما يلزمنا في عطبره هو(الحركة الشعبية+الاتحادي الديموقراطي+ الحزب الليبرالي) والثالث ده حاصل لشباب عطبره الجديدة عشان ما يعانو معاناة عادل عبدالعاطي من حزب الطاووس واصر يا دينق اما انت شيوعي فعلا او مغفل نافع بتاع شيوعيين وما عندك ادنى علاقة بمشروع الحركة الشعبية وعايز كمان تتحكرها دون ان تقدم وعي او سلوك يؤكد ذلك وفي كل الاحوال ما حاخلي اي بوست ليك يمر بسلام هنا..لانه بضدها تتمييز الاشياء..وحاعمل ليك السافوتة ودي اسال منها واحد من ناس عطبره ........... كويس محمد فرح علمم يلعبو الكورة بالارض حينبذوك بس لكن ما حيستعوبو الكلام الكتبتو.. اصلو الخرف المبكر والزهايمير مشكلة الناس ديل لسه في الجعجعة الجوفاء القعقعة االشديدة التي ذكرها امل دنقل ومافي زول قرا الكلام فعلا تعجبني يا محمد فرح