|
اتفه ((بنيتين)) في حياتي بالتفاصيل!!
|
بنيتين في حياتي!!
طبعاً في ناس تخش تتشمشر وتعرف اسأمي البتين ديل!!
قصدي (بلنجتين) يعني هوكين!!
يعني ما جكسويتين!!
طبعاً التوضيح مهم لأنه في ناس شغالة خدمات توصيل سريع وما بعيد ارجع البيت ألقى ( بنيه) تالتة راجياني من خشم الباب!!
الخواف من أم عياله((أنا))
في مرحلة المراهقة وفترة الخيال الخصب ومحاولاتنا الجادة لاكتساب قوة تجعلنا في مصاف الأساطير!!
كنت مولعاً أيضا برياضة خلاف كرة القدم وهي (رفع الأثقال)
كان لي صديق عزيز توفاه الله غرقاً لاحقا وفي نفس العام الذي حدثت لي فيه هذه القصة هو وأربعة آخرين رحمهم الله جميعأ..كان اسمه (حيدر) في نفس عمري تقريباً!
كان صديقي حيدر مشترك في نادي ومواظب في منشط الملاكمة..
وحديثنا كان دائماً حول جدوى رياضة الملاكمة فانحاز أنا (للكرة ورفع الأثقال) ويحاول مستميتاً أن يثنيني عن رأيي..ويثبت لي أن الملاكمة أفضل!!
المهم بعد أن يئس من إقناعي بحجته تكرم غير مشكوراً بدعوتي لممارسة لعبة الملاكمة معه وليوم واحد فقط!!
طبعاً أخوكم فصاحة شديدة((والله أنا اركبهم ليك بلنجات)) أفضي ليك نادي المريخ ودار الرياضة زاتا!!
والله أنا ما معترف بي (كلاي) زاتو يا وهم!!
المهم اليوم المحدد مشينا!
قعدت أتفرج والناس شغالة زي المجانين واحد يضرب في كيس رمل واحد شغال نط حبل وواحد شغال (بُنج) في أخوه يعني الشغلانة شكلها تمثيل في تمثيل!!
خلاص تبسمت وأقنعت روحي انه كلامي صاح 100%.
جاني حيدر اها عليك الله شفت الناس دي كيف؟؟
ناس شنو يازول على الإيمان اتخت تخين ما ياخد معاي دقيقة!!
قال لي خلاص كويس نشوف!!
يا كوتش ياااا كوتش!!
يا زول كوتش شنو مالك!!
لا دقيقة!!
الكوتش بتاعهم جأ...حكاية غريبة الزول وشو زاااتو عبارة عن ((بنيه كبيرة)) معقولة يا حيدر أقول ليك كلام هظار تجيب لي (ود امبعلو) شخصياً!!
يا كوتش الزول دا كرهني وعامل فيها قوي وقال كدا وكدا وكدا...الكوتش طلع ليه صوت زي الحشرجة ((بيضحك)) وقال ليه خلاص البيان بالعمل نادي((كميس))
يازول خميس شنو البتناديه!!
ولي شنو؟؟؟
المهم كميس جا وفعلاً ((كميس)) وكبيس كمان!!
كتلة من العضلات ووش مفجخ بس كوم ((فاجخة))
افو يابو السيم قالو الصقر إن وقع كترت البتابت عيب((الكاتل الله والحي الله))
حيدر صاحبي يعاين بخبث!!
مدوا لي جوز الجزم البيلبسوهم في يدينهم قلت ليهم ما في داعي...
قالو لي لا يا كابتن دي لي سلامة وش الخصم((احييي انا ما قلتو نوبة))
جماعتك خايفين مني اشوه ليهم ((كوم الخافجة دا!!)) ((قال كميس قال)) علي الايمان الليلة لو بقى كديس ما بخليه!!
لا حلبة لا يحزنون ((فسحة كبيرة)) وقالو الحشاش يملأ شبكته!!
ووقف((كميس)) ينطط زي العبلانج قدامي وانا اعاين للوش واقرأ في المعوزتين!!
بس ((الخو)) هوك واحد.. واسكت الشماته ديل!!
يلا ابدو..
عليكم امان الله حسيت بي طوبة ((خدرا)) في وشي والدنيا ضلام!!
بعدها لقيت الناس تهبب!!
يا جماعة انا كويس!!
يازول ماتحرك رقبتك خلينا نشوف الحاصل!!!
وحيدر يقول((لا حول ولا قوة إلا بالله)) انا كنت عارف دا بيحصل!!
وكميس يضحك!!
الله يرحمك يا حيدر!!
دي البنية الاولى!
|
|
|
|
|
|
|
العنوان |
الكاتب |
Date |
اتفه ((بنيتين)) في حياتي بالتفاصيل!! | سامى عبد الوهاب مكى | 07-19-07, 07:56 AM |
Re: اتفه ((بنيتين)) في حياتي بالتفاصيل!! | Ashraf El Bagir | 07-19-07, 08:02 AM |
Re: اتفه ((بنيتين)) في حياتي بالتفاصيل!! | سامى عبد الوهاب مكى | 07-19-07, 08:27 AM |
Re: اتفه ((بنيتين)) في حياتي بالتفاصيل!! | علاء الدين يوسف علي محمد | 07-19-07, 08:47 AM |
Re: اتفه ((بنيتين)) في حياتي بالتفاصيل!! | سامى عبد الوهاب مكى | 07-19-07, 08:56 AM |
Re: اتفه ((بنيتين)) في حياتي بالتفاصيل!! | سامى عبد الوهاب مكى | 07-19-07, 09:13 AM |
Re: اتفه ((بنيتين)) في حياتي بالتفاصيل!! | سامى عبد الوهاب مكى | 07-19-07, 09:29 AM |
Re: اتفه ((بنيتين)) في حياتي بالتفاصيل!! | سامى عبد الوهاب مكى | 07-19-07, 10:24 AM |
Re: اتفه ((بنيتين)) في حياتي بالتفاصيل!! | 3bdo | 07-19-07, 10:36 AM |
Re: اتفه ((بنيتين)) في حياتي بالتفاصيل!! | سامى عبد الوهاب مكى | 07-19-07, 11:07 AM |
Re: اتفه ((بنيتين)) في حياتي بالتفاصيل!! | شهاب الفاتح عثمان | 07-19-07, 10:54 AM |
Re: اتفه ((بنيتين)) في حياتي بالتفاصيل!! | سامى عبد الوهاب مكى | 07-19-07, 11:27 AM |
Re: اتفه ((بنيتين)) في حياتي بالتفاصيل!! | سامى عبد الوهاب مكى | 07-19-07, 01:32 PM |
Re: اتفه ((بنيتين)) في حياتي بالتفاصيل!! | سامى عبد الوهاب مكى | 07-19-07, 03:01 PM |
Re: اتفه ((بنيتين)) في حياتي بالتفاصيل!! | الطاهر عثمان | 07-19-07, 03:23 PM |
Re: اتفه ((بنيتين)) في حياتي بالتفاصيل!! | ALGARADABI | 07-19-07, 05:05 PM |
Re: اتفه ((بنيتين)) في حياتي بالتفاصيل!! | سامى عبد الوهاب مكى | 07-22-07, 05:39 AM |
Re: اتفه ((بنيتين)) في حياتي بالتفاصيل!! | othman mohmmadien | 07-22-07, 07:35 AM |
|
|
|