|
Re: *** طعم الغربة*** (Re: soma)
|
Quote: وأنا البتشابا فوق للغيمه كان الغيمه تشفع لي .. كان الغيمه تختفنى.. وتحلق فوق ديارنا العامرة تسرح بي .. ولما الغربة تمشى تفوت.. أجيكم تانى بين ايديكم..
|
Quote: فراقكم انتو يا أهلي.... دريباً قاسى كلو شوك بطعن في القليب الحي..... وبتذكر وداعكم لي .... وكت عتبت باب بيتنا ودموعكم تجرى تصرخ وى..... بحس بجريها في ضلوعى.. وبتعصر في كبيدتى شديــــــد وما هو شوى....
|
Quote: وشلت حنانكم الغالي ... وحفظتو معاى بين ايدى.. وكت اشتاق ..افرً ايدى ..... ألاقيك يمه... ألاقى الخالة.... ألاقى العمة بتقول لي .. ودعتك الله ود بطني.. قريب ترجع تانى تضوي متل الضى...
|
Quote: رضيت بالغربة يا أهلي ....... رضيت بالغربة شان عزة حروفاَ غالية فوق أحلامي تتواري وتقول لي .... ياني راجياك تانى ترجع لي. ولو عارف السنين بتهون كفاى الفات ... وكان اديتك الباقي … وبراك عارف الحنان العندى متل اللبنة صافى نقى....
|
Quote: وحاتكم انتو يا أهلي ... ما فى احنً من أهلي .. منو الغيركم بعرف البى..... ويقاسمني الزمن لو جاني تارى على...... لكنى خلاص اتيمنت ... واتيقنت .... ما دام الغربة صبحت نغمه… بسمع صوتا فوق أضنى ...
|
سلام الأخت الاستاذة الشاعرة الرائعة دوما اسماء الجنيد تعرفي يا سوما من هسه حضري المناديل والبشاكير لناس المنبر قبل انزال الاغنية بصوت المبدع مصطفى السنى. الكلمات في غاية الوصف والتعبير لحال المغتربين والمغتربات ومصطفى اضاف ليها لحن في منتهى الروعة والجمال، طبعا انا سمعتها من مصطفى مباشرة في البال توك السنة الماضية ، ويخيل لي بان مستر بال ذاته بيكون مشى شاف ليه منديل ولا بشكير ولا عمل ميوت ... لــول ...... انا لي اكثر من 15 سنة برا السودان، وصيتي لناس ال 20 و30 سنة غربة يمشوا يسمعوا الاغنية في الحوادث حتى يكونوا بالقرب من الاسعافات الاولية.
وعشان ناس المنبر يفرشوا مرة واحدة هاكم دي كمان:
Quote: يوم فى الغربـــة مصطفى عبدالماجد المامور
يوم فى الغربة ماشي براى وشاقي الحّـى لقيت وحيدة زى أمي ترضع فى وليدها صبّي ويعصر فى ضريعها شديد .. يناتل فوقه يصرخ وّى وجيتها قريب ..لقيتو ضريعها ضرع أمي داري غزير أظنو لبّي *** وقفت شوية وأتملت فوقها كتير لقيت فى وشيشها أغرب شئ !! عيــون أمي وقت ما تغوص جفون الليل .. تفتش لي وفى حدقاتو تلقاني .أحفظ فيهو أشعاري ويدمدم بقصيدة لّي وأشــوف فى قمره وش أمي *** وأشوف دمعاتها فى شلاخها جاريات لي بقيت كن شفتو بادي هلال .. تجرى الدمعة فى عيني وأتذكر دمـوع أمي يقالدوني يوادعوني يشابن لي وتنقص دمعة من شلاخها ..ترقد لي فوق خدّي *** مافي أحن من أمي أجيها صغير .. أجيها كبير تفلينى ،، وتقردن لي تحجينى وتوسوس لى : تكبر لى يا ولـدي ,اشوفك ضاوي مثل الضّي تحجيني وتشيل كبري واشوف اولادك يفرحوا بّي احجيهم الوليهم ينوموا العافية فوق إيدّي *** يوم أسمع كلامك داك يوم اسمع كلامك داك أحس العبرة تخنقني وتحسي جوابي فى عينّي واقع فوق حضنك الدافئ .. وأسلم ليكِ فوق رأسك وأضمكِ إنت بين إيدي وأحقق ليك أمنيتك مهما تقسي تصعب لي أوديك مكــة .. ألفين مره ..كن الألف يبقي شوي *** وكن كــبرك!!؟ أساهر الليل اشيلك بين أيدي وتكبر لي ..تحضري عروسي واولادي ويفخروا بيك ..متل ما كنت تفخري بي ولو ما الدنيا فوقها شويه اكاما ما الدنيا فوقها شوية متل أمي أكان القمري يبقي حدّي ويعيش الناس ضلام فى ضلام يفتشـوا شمعة بس للضّي *** شمعة بتفني زى أمي عشان نورها يفضل حي أكان ماجيتها من بطنك ! أكان ما جيتها من بطنك أكان الدنيا حتى الأخرة ضاقت بّي عشانك إنتِ يا أمي وعشان بأبوك متسمي وأبوك العارفو ما زول نّي عشانك أنتِ قلبي كبير وضيو كتير وماخد من شمعتك ضي *** بـنــده الله إنتِ تعيشي يا أمي وكل الباقي خلي علّي عشانك إنتِ وعشان ما إنتِ نور عيني تشيخي تعيشي بيناتنا وأشوفك غيمة ماشه علّي غيمة بتقصد المحتاج ..وفضلة خيرك يبقي هو حيّ وخيرك يغشي كل الناس .. من الماشي بالعكــاز لى عند البيحبي حبّي *** وأشوفك فى عيون الناس عبيراً صافي جاي نقّي أحس نسامه فى جوفي ،، تخش بسهولة فى رئتيي شعري القلتو يمه حزين شعري القلتو يمه حزين وكله مآسـي مرت بّي *** إلا غناك يا أمي زفرة ونبضه نبضه وزفره زفره ونبضه.. فى دمي وبسمه عريضه فى شفتي ..
|
مع خالص ودي وتقديري ،،،
|
|
|
|
|
|
|
العنوان |
الكاتب |
Date |
*** طعم الغربة*** | soma | 07-13-07, 10:00 AM |
Re: *** طعم الغربة*** | فيصل نوبي | 07-13-07, 04:11 PM |
Re: *** طعم الغربة*** | هاشم أحمد خلف الله | 07-13-07, 04:26 PM |
Re: *** طعم الغربة*** | النذير حجازي | 07-13-07, 06:48 PM |
Re: *** طعم الغربة*** | تماضر الخنساء حمزه | 07-13-07, 07:03 PM |
Re: *** طعم الغربة*** | تماضر الخنساء حمزه | 07-13-07, 07:06 PM |
Re: *** طعم الغربة*** | soma | 07-13-07, 07:49 PM |
Re: *** طعم الغربة*** | Dr. Faisal Mohamed | 07-13-07, 08:21 PM |
Re: *** طعم الغربة*** | هند محمد | 07-13-07, 08:24 PM |
Re: *** طعم الغربة*** | soma | 07-13-07, 09:33 PM |
Re: *** طعم الغربة*** | اسعد الريفى | 07-13-07, 09:29 PM |
Re: *** طعم الغربة*** | soma | 07-13-07, 09:37 PM |
Re: *** طعم الغربة*** | اسعد الريفى | 07-13-07, 09:42 PM |
Re: *** طعم الغربة*** | mohmed khalail | 07-14-07, 03:12 AM |
Re: *** طعم الغربة*** | hatim ibrahim | 07-14-07, 03:35 AM |
Re: *** طعم الغربة*** | Yasir Elsharif | 07-14-07, 06:52 AM |
Re: *** طعم الغربة*** | الطيب شيقوق | 07-14-07, 07:53 AM |
Re: *** طعم الغربة*** | سمية الحسن طلحة | 07-14-07, 03:29 PM |
Re: *** طعم الغربة*** | soma | 07-14-07, 09:03 PM |
Re: *** طعم الغربة*** و *** نار البعد و الغربة *** | Haytham Abdulaziz | 07-14-07, 10:04 PM |
Re: *** طعم الغربة*** و *** نار البعد و الغربة *** | soma | 07-15-07, 11:56 AM |
Re: *** طعم الغربة*** و *** نار البعد و الغربة *** | soma | 07-16-07, 07:28 AM |
Re: *** طعم الغربة*** و *** نار البعد و الغربة *** | النذير حجازي | 07-19-07, 03:01 AM |
Re: *** طعم الغربة*** | abubakr | 07-19-07, 03:37 AM |
Re: *** طعم الغربة*** | بدرالدين شنا | 07-19-07, 04:51 AM |
Re: *** طعم الغربة*** | DKEEN | 07-19-07, 06:08 AM |
Re: *** طعم الغربة*** | celecon | 07-19-07, 06:33 AM |
Re: *** طعم الغربة*** | soma | 07-19-07, 08:53 AM |
Re: *** طعم الغربة*** | ابوبكر يوسف إبراهيم | 07-19-07, 09:13 AM |
Re: *** طعم الغربة*** | soma | 07-19-07, 10:04 AM |
Re: *** طعم الغربة*** | الطيب شيقوق | 07-19-07, 10:22 AM |
Re: *** طعم الغربة*** | 3bdo | 07-19-07, 10:56 AM |
Re: *** طعم الغربة*** | الطيب شيقوق | 07-20-07, 07:04 AM |
Re: *** طعم الغربة*** | soma | 07-20-07, 08:34 AM |
Re: *** طعم الغربة*** | الطيب شيقوق | 07-20-07, 08:56 AM |
Re: *** طعم الغربة*** | soma | 07-20-07, 09:01 AM |
Re: *** طعم الغربة*** | الطيب شيقوق | 07-20-07, 12:40 PM |
Re: *** طعم الغربة*** | مدثر محمد ادم | 07-20-07, 01:21 PM |
Re: *** طعم الغربة*** | soma | 07-20-07, 06:00 PM |
Re: *** طعم الغربة*** | الطيب شيقوق | 07-20-07, 07:25 PM |
|
|
|