|
15% من الخليجيات يضربن أزواجهن أثناء الدورة الشهرية !!!!
|
قرأت يوم أمس خبرين الأول أصابني بالغثيان والثاني أزال عني الغثيان وأفرحني كثيراً
الخبر الأول موريتاني يطالب بورثة { عبد } توفى يقول أنه يملكه منذ فترة تركت هذا المعتوه الذي لا اعرف من اي كوكب أتى
وبدأت بقراءة الخبر الثاني والمتعلق بضرب الزوجات الخليجيات لأزواجهن
لكن ياجماعة الا توافقوني بان اربعة أيام في الشهر ضرب للزوج شيء عادي وطبيعي ؟؟ يعني شنو لو { الخليجية دقت } زوجها اربعة ايام من 30 يوم ؟؟ الآن عرفت لما يتنرفز بعض الكفلاء ويصبون جام غضبهم على الأجانب الذين يعملون معهم اعرف واحد لايتشاكل مع عماله الا في آخر الشهر وكنت أعتقد أن العملية خاصة بالمرتبات { الماهية } لكن الظاهر الحكاية دورة شهرية
طيب 00 نساؤنا الا ياتيهن الطمث ؟؟؟ ورغم هذا فإنهن لايتغيرن طوال الشهر اللهم الا في حالة { شراء الملايات والعدة ودق الدهب } والله اعجبت كثيراً بالخليجيات ياليت لو ياتيهن الطمث في العام كله !!!
|
|
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: soma)
|
سوما مبروك العمرة الطائف قبل الرياض لكن ماعبرتونا أها النشوفك انتي وللا ابوكم الفاتح بس واحد فيكم يقدر يجي بكبري الحصاحيصا بس أنا حا اشيل عكاز مضبب لي ناس الجنيد أمشوا بالبنطون بتاعكم المهتري دا تقول مصنوع من الحرب العالمية الأولى
Quote: اب حراز تتجازا انت تنكت البلاوى |
والله زي ماقالت دوما بتتفشى في الوليدات لكن الخليجيين بيتفشوا في العمال المعاهم يعني الواحد تجلدو مراتو في البيت ويجيك يقول ليك انت زول كسلان ومابتعرف تشتغل
عندنا واحد قبل فترة عاوز ينقل كفالة لكن والله الكفيل عكليت عكلته وحلف بالتقطعو ماينقل للسوداني أها واحد من أصحابي قال تمشوا لمرتو وفعلاً مشينا ليها وحكينا ليها الموضوع قالت تعالوا بكرة لأنو اليوم ماموجود جينا بكرة لقينا الكفالة منقولة
ماقلتو نوبة !!!!!
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: doma)
|
كيف حالك ياخالة دوما ومرة تانية مبروك ليكم طبعاً انفقعت من الضحك
Quote: غايتو الواحده فينا بتفشوا في الوليدات . وابوهم نهره نهرتين |
والله فعلاً كلام الوليدات دا صحيح ست النفر مرات شايف طوالي بتلم فيهم لبع ولكن مشكلتها معي دائماص هي العض في بعض الأيام
انا طبعاً ماقاعد اهرشها لكن زي ما قلت ليكم زولتي بتخاف من الدودة اها لو قالت اي كلام أنا طوالي بمشي على الزير عندنا اربعة ديدان من النوع الصعب جداً كان { كنكشت } فيك والله تاني الا يحلك الحل بله !!! قال لبع قال
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: doma)
|
الهرمون مونستر
غايتو أنا أكثر شيء بيغيظني في الدنيا دي الراجل يكون { طويل } ومرتو تدقو !!!
والله معانا واحد هنا أطول واحد في الجالية السودانية لكن مهروش هرشة بطالة جداً اقسم بالله قلت ليهو أنا القى زي طولك دا الا { ابرك } فيها كل يوم وتاني مايحلوني منها الا ناس المطافي والله مش كان هرموناتا قايمة كان طايرة في السماء برضو حا { ابرك } فيها
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: فيصل نوبي)
|
40% من المصريات يضربن ازواجهن هكذا تقول الدراسه التي قام بها (المركز القومي للبحوث الاجتماعيه والجنائيه) على 50 امراه وحسب الدراسه فان ثلث هؤلاء النساء يشعرن بالارتياح واللذه بعد ضرب الازواج!! شريحه الاميات كانت الاكبر حيث وصلت نسبتهن 78% من جمله اللائي يضربن ازواجهن وقالت الدراسه ان وسائل النساء تراوحت بين الضرب والخنق والتسميم واستخدام الالات الحاده والاقراص المنومه كي تسهل عمليه الضرب وقالت الدراسه ان عنف النساء ضد الرجال يزداد في ثلاث فترات 1 نهايه كل شهر 2 بعد العوده من العمل 3 في فصل الصيف وجغرافيا تزداد في الوجه البحري مقارنه بالوجه القبلي وفي المدن الحضريه الكبرى مقارنه بالمدن الصغرى واختتمت الدراسه بالاشاره الى تزايد حالات عنف النساء ضد الرجال في مصر وان الضرب وحده يشكل 84% من حالات العنف الاسري كذلك ذكرت الدراسه ان 23% من الزوجات المسجونات في مصر ضربن ازواجهن لاسباب تعود لضعف الزوج و65% لاسباب تتعلق ((بغيرة ازواجهن)) التي تحول حياتهن الى جحيم لايطاق
يعني المصريين ديل تاريهم فصيحين في الفاضي
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: ابوحراز)
|
Quote: طبعاً أنا بتكيف جداً لمن واحدة تكون جندرية وزوجها يهرشها |
لووووووووووووول لوول غايتو حسادتك عينه يا اب حراز بيهرشني لكين لكين بنظموا ليك بالراحه اولا لمده يومين بكتل النار اعمل فيها عيانه وبعرف اتمرضن والله تحلف تقول عيانه السنيين . يمرق الشغل اقنبر لبورد بكري اولادي بجوا البيت قبالو اعمل ليهم سلطه ولحمه بالطوه ناكل ونغسل عدتنا .
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: doma)
|
دوما
Quote: اعمل ليهم سلطه ولحمه بالطوه ناكل ونغسل عدتنا . |
غايتو مرات عليكن جنس غتاته ماعادية وزولنا المحروقة أعصابو في الشغل بالله ياكل شنو؟؟؟
مرة بعد مولودنا الأول ست النفر قالت لازم يجيبوا بيض والبيض الوقت داك في أهل العوض كان حاجة صعبة جداً يعني الا تعرف مواعيد جدادة الجيران بتبيض متين عشان تشتري منهم البيض
أها اشترينا البيض قالت الدكتور قال ليها انتي تاكل البياض والمولود الصغير ياكل { الصفار } قلت ليها طيب يعني ابو القدح ياكل { القشرة } وللا شنو ؟؟؟
قال بياض قال !!!!!
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: ابوحراز)
|
دوما العزيزة تحية هارمونية (من Harmony
أسمك دي كان ينفع شخصية من شخصيات هاري بوتر.. أقصد (هرمون مونيستر)
أنت يا دوما ليه حدك نهرتين؟؟؟.. أنت ما عارفة لغاية 3 نهرات مسموح بيها permissable
وده أسمو اللعب بره الميس.. لكن النهرة الرابع... بتجيب الهواء...لووووول
وبعدين يا دوما اللبع ساهل كعب الحردان...
فتكم بعافية....
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: doma)
|
سلالالالالالالالالام
Quote: وقالت الدراسه ان وسائل النساء تراوحت بين الضرب والخنق والتسميم واستخدام الالات الحاده والاقراص المنومه كي تسهل عمليه الضرب !!!!!!!!!!!!! |
غايتو نحمد الله نحن ناسنا { ناس عض } سااااااااااااي يعني بصراحة { العضة } ممكن تتورم شوية لكن لمن تصحو من النوم تلقى آثارها انتهت
قال تسميم قال !!!!
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: Kamal Karrar)
|
فضل كرار
Quote: أعمل حسابك.. السم أخير.. موت بشرف ولا حياة مجهجهة |
تعرف الشيء المحيرني في الدنيا دي شنو ؟؟ من يوم ما قمت وعشت في السودان ما سمعت بي راجل { سمم } مرتو
لكن دائماً أسمع بي { مرة } سممت راجلها
ما عارف السر في الحكاية دي شنو ؟؟ السؤال مطروح للنسوان !!!
والشيء البغيظ الواحد شنو الرجال الواحد عارف انو { المرة } دي سممت راجلها تاني يمشي الواحد منهم يعرسها
يعني حا تكون ياراجل ياغبيان إنت أحسن من الأول وللا أحسن من الأول ؟؟ قال { موته } بي شرف قال !!
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: ابوحراز)
|
أها شوفوا ضرب السعوديات لأزواجهن
70%من ا لزوجات السعوديات يضربن أزواجهن مساءاً
95%لايشعرن بالندم بعد ضرب ازواجهن
Quote: ابوعبدالعزيز:ضرب زوجتى موجع ولاينقذني منها إلاالجيران!! |
Quote: -أشعر بالراحةحينما أفرغ طاقات الضرب في زوجي أم عبدالله |
والله ماشاء الله عليك 00 لكن زوجك يا أم عبد الله بيكون مكره العمال الأجانب عيشتهم
Quote: - أبو عبد العزيز يعمل سائقاً لسيارة أجرة ويكسب عيشه من هذه المهنة يقول :
" اعمل 16 ساعة وارجع الى البيت منهكاً متوتراً ولا أرغب في الحديث مع أحد ، وزوجتي تتحمل أيضاُ أعباء المنزل ورعاية الأولاد وكذلك والدتي واشعر ان عليها ضغوطاً كبيرة هي أيضاً ولهذا عندما تقوم بضربي اتحملها كما هي تتحملني عندما اضربها ، ولكن الغريب الذي يراه الناس أن تقوم الزوجة بضرب زوجها ، وانا اعرف رجالاً كثيرين يتحملون ضرب زوجاتهم من اجل البقاء على البيت و الأولاد ، ولكن زوجتي ضربها موجه في بعض الأحيان وفي احد المرات سكبت علي الشاي المغلي وحرقتني ولم استطع أن انقذ نفسي منها الا بعد تدخل الجيران " . |
وفي أحدث دراسة ثبتت أن 70 % من الزوجات يضربن ازواجهن وبأساليب متعددة ، ومن اسباب الاعتداء أشارت الدراسة الى ان 30 % من المعتديات على ازواجهن نشأت بينهن خلافات من سوء المعاملة وقلة الموارد المالية بينما اشارت الدراسة ان 50 % للعصبية الزائدة و 15 % للغيرة و 5 % للخلاف مع الاسرة وفي المقابل تبين أن عصيان الاوامر كان من اهم اسباب اعتداء الزوجة على الزوج ، فالمرأة تحاول أن تفرض شخصيتها على زوجها الضعيف الشخصية بالضرب
وذكرت الدراسة أن 20 % من المعتديات على ازواجهن يقمن بالاعتداء صباحاً قبل ذهاب الزوج الى عمله مقابل 70 % يقع في المساء أي بعد عودته من عمله فيما لم تتذكر 10 % منهن متى وقع الاعتداء بالضبط
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: ابوحراز)
|
خبر عاجل
Quote: أما اذا لم تكن موجودة فبإمكانك أن تمد بوووووووووووووزك لحد القصر الجمهوري |
اتصل علي أحد القراء قبل قليل وقال لي والله يا ابوحراز تمد بووووووووووووزك لحد القصر الجمهوري كان يقطعو ليك !!!!
قلت ليهو المشكلة ماتعرف القطع ليك بوزك منو البشير وللا سلفاكير أم علي طه وللا اركو مناوي وللا آمنة ضرار أم موسى محمد احمد؟؟
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: ابوحراز)
|
كمال كرار
Quote: باقي لي أنت معضوض من الصباح عضة في نص نافخوك |
ياخي والله النسوان ديل ظريفات جداً خاصة المراة السودانية يعني غضبها قليل بالمقارنة مع الأخريات كما أنها ترضى بالقليل صحيح في بعضهن نقمة على الزوج اعرف الكثير منهن تسببن في سجن الزوج بسبب الديون لكن برضو كثيرات منهن وقفن مع أزواجهن بشدة ونقل الأزواج الى السمو
| |
|
|
|
|
|
|
Re: 15% من الخليجيات يضربن أزواجهن أثناء الدورة الشهرية !!!! (Re: ابوحراز)
|
يوم أمس ذهبت لأداء العمرة ونحن في الصفا والمروة شاهدت سودانية ماشاء الله طول وعرض والراجل زي { الفار } حلفت في السعي الا يركبوها في العجلة ولحد هنا كل شيء طبيعي فإدارة الحرم توفر عربات بالايجار لكل من لم يستطع السعي برجليه بت اللذين دي قالت لزوجها الا يدفرها هي والزوج المغلوب على أمره كان يريد أن يستأجر أحد العمال ليدفر العربة ولكن حلفت ان لايقود عربتها المتحركة أي شخص آخر وصاحبك بقى يدفر 00 وهناك أماكن مرتفعة بجوار الصفا والمروة وسمعتها كثيراً يقول { يا ابومروة } اي أنه يستنجد بالآخرين ليدفروا العربة معه
طبعاً هذه معناها في البيت هي وزارة الداخلية ووزارة الدفاع الوطني
بالله أرجو تزويد البوست بدراسة عن ضرب السودانيات لأزواجهن لأننا عرفنا المصريات وكذلك نسبة السعوديات عاد الله يستر ماتكون الدراسة 80% فما فوق !!! ان شاء الله ربنا يقبل عمرتنا لأنني في كل مرة أرى هذا المخلوق أقول في نفسي " بالله دي كلها مرتك " طبعاً وزنها اقل شيء 130 كيلو وصاحبنا لايتعدى 56 كيلو
| |
|
|
|
|
|
|
|