|
Re: فريق ولاية كلورادو والمتاهات الخطيرة..! (Re: نها محسن أبورأس)
|
ومتابعة لردود الفعل بمدينة دنفر كلورادو اكد السيد محمد عبد العظيم حتيلة انه سيتم الاستعانه بخبرات اجنبيه لدعم صفوف الفريق وقد اشار الي خط الهجوم وخط الوسط وقال ان المنتخب يمر بمنعطف تاريخي حساس وسوف يتمكن من تجاوزه بسواعد ابناء الولاية، هذا وقد لاحظنا خيبة الامل التي بدت علي وجهه من خلال نتائج المنتخب الاخيرة وقد اشار الي انه لو ذهب ومعه اي عشرة لن يهزم بهذا الشكل.... اما السيد اسامة الطاهر فقد تناول الجانب الفني للفريق وقد اكد انه قد اصيب (بعين) حيث انه هنالك كثير من الحساد والمشعوذين الذين (كتفو) اولادنا في المباريات ولكنه نوه الي انه سيتم استقطاب (فكي) متمكن في المرات القادمة لمساندة الفريق، واكد بانه سيتم الاتصال بهيئة (الفككه) في غضون الايام القليلة القادمة لتسجيل احدهم والاستفاده من امكانياته لمصلحة الفريق واضاف ان الشوارع التي تم رصفها في خط دفاع الفريق من قبل الاريزونيين والفرجينيين والتي كانت تتحول في بعض الاحايين الي طرق سريعه (high ways) ما كانت لتكون بتلك الصورة لولا التربط... اما القطب الهلالي المعروف عبد الرؤوف فسنترك له التعليق بنفسه خصوصا وانه خال اثنان من اللاعبين R.Elgozoly و W.Elgozoly .. وسنواصل نشر ردود الفعل ...
| |
|
|
|
|
|
|
Re: فريق ولاية كلورادو والمتاهات الخطيرة..! (Re: نها محسن أبورأس)
|
الاخ احمد بابكر.... انا ارشح ادارة جديدة للفريق بقيادة.. مكى الكنغ... ولابد من ان تهيئو كل سبل الراحة للكابتن الكبير ايوب الصاروف لاثناءه عن السفرالكثير.. كما ولا بد من ضم الكابتن الكبير ولاعب الامل عطبرة سابغآ الكابتن كمال شنقر... اما من ناحية التشجيع فلابد ... من استبعاد هؤلا الرشاشات... طارق سيد ايوب واسامة عمر الطاهر وحتيلة ابكرفتة... لان حلاقيمهم دون المستولى المطلوب ولايستطيعون توصيل حلاقيمهم وصيحاتهم للجمهور... ونوصى لهم بالاكثار من اكل الكمونية والكبدة.
مع خالص تحياتى لكل اهل دينفر
سيف
| |
|
|
|
|
|
|
Re: فريق ولاية كلورادو والمتاهات الخطيرة..! (Re: Saifeldin Gibreel)
|
والله يا ابو السيوف لقد اشرت لجانب مهم جدا كان علي اللجنة الرياضية بدنفر ان تلتفت اليه وهو التشجيع.. اما من ناحية طارق (ايلف) فنؤكد لسيادتكم انه ليس برشاشه انما مريخابي عظيم ويحفظ كلمة السر جيدا.. الا وهي (المريخ العظيم) عند دخول النادي .. سلام لاهل كلفورنيا والعقبة عندكم في الازمات!! تحاياك وصلتنا ووصلت للجميع بدنفر.. لحدي ما نجيكم بي هناك.. وصنواصل نشر ردود الافعال..
| |
|
|
|
|
|
|
Re: فريق ولاية كلورادو والمتاهات الخطيرة..! (Re: نها محسن أبورأس)
|
في مقابله سريعة مع لاعب الارتكاز بالفريق قد اشار الي ان الفريق يحتاج الي الكثير... فقد لعب بطريقة 4-4-2 ولكن هنالك من لايجيدون الالتزام او لايعرفون اللعب اصلا باي طريقة.. وقد صرح بان هنالك مجاملات لبعض اللعيبة قد تمت علي حساب الفريق ... هذا وقد رفض المدرب ابراهيم عباس اقامة المؤتمر الصحفي المقام بعد المباريات وكذلك رفض الحديث للصحفيين المحليين والعالميين من داخل وخارج الولاية وكان اللاعب القدير محمد عبد الحميد لاعب الفريق السابق قد توقع الهزيمة بعد اصرار المدرب عدم اصطحاب اللاعبين اصحاب الاسماء الكبيره مع الفريق وكان ان ضرب المدرب ابراهيم عباس مثلا بمدرب البرازيل دونقا بانه لم يحتاج الي اي اسماء كبيرة ليحقق النتائج المرجوه.
| |
|
|
|
|
|
|
Re: فريق ولاية كلورادو والمتاهات الخطيرة..! (Re: ahmed babikir)
|
أخر الاخبار... علي الصعيد المحلي تم تكوين لجنة حكماء المدينه لمراجعة سلبيات الفريق ومتابعة مهام اعداد الفريق للدورة القادمة وقد رشحت اللجنة اسماء بعض المدربين لقيادة الفريق ومن بينها السمؤال عثمان لاعب الاهلي السابق والمقيم حاليا بالولاية وهو يعتبر المرشح الاقوي كما تضم القائمة الحنان لاعب النيل السابق بالاضافة لابوالقاسم الرشيد لاعب الموردة السابق وانس (شكلة) الاخ الاصغر لسيف المسيكتاب ولاعب الحاج يوسف سابقا وكابتن منتخب جامعة السودان السابق، كما سيتم ترشيح عدد من الاداريين لقبادة الفريق من جديد علي راسهم ايمن التلب ومرتضي (كدو) ورجل الاعمال معاوية اسماعيل المكي وبابكر فيصل، هذا وسيعمل المجلس علي تجديد دماء الفريق بالاعبين صغار السن واللاعبين ذوي الاسماء الكبيرة بالولاية لعملية تواصل الاجيال ونقل الخبرات.
| |
|
|
|
|
|
|
Re: فريق ولاية كلورادو والمتاهات الخطيرة..! (Re: ahmed babikir)
|
وصلتني الرسالة أدناه من الصديق: عمر حسن المشهور ب (عمر الدورى) قطب فريق ولاية كلورادو, وطلب مني أن أنشرها له في هذا البوست وها أنا أفعل:
يا سيد حجازى والمعاهو قولوا خير أو اصمتوا ياسيد حجازي اولا الغرض من الدورة دي ليس جلب كاس وخلاص وده بيدل علي انك في الكوره يامابتفهم أو انت عندك مشكله مع ناس الفريق او انك متعصب خالص زي تشجيعك بشكل عام ولعلمك انت بتكتب عن فريق ولايه انت عايش فيها وأغرب حاجه ياجماعه انو احمد حجازي السكرتير العام للجمعيه السودانيه لهذه الدوره واللي نحن بنشكرهم علي الدعم المادي والمعنوي الذي وجد منهم جميعا ماعدا السكرتير العام الشامت وبنشكر السيد د/عصام جميل الرئيس واكرم محي الدين ومحمد علي وراشد ويونس وكل الاخوه الذين ساهموا بالدعم المادي والمعنوي عدا الاخ الس--------------كرتير وبنشكر كل اللاعبين الذين واصلو التمارين بقدر المستطاع ودفعوا اموالهم والبعض منهم طلاب وتكبدو متاعب السفر ولم يجدوا حتي كلمة شكر من السكرتير العام السيد احمد حجازى بابكر ونرسل التحيه لكل لاعب لم يوفق في السفر وبنقول ليهو الجايات اكتر من الرايحات وبنشكر كل من ساهم في دعم التيم افراد ومجموعات مثل جمعية امل والاخوه محمد وداعه وود الرضي وابراهيم عباسيه وحسبو وطارق النور وكل الحضور في الباربيكيو الذي اقامته الجمعيه السودانيه والذي وجد الدعم من كل دينفر عدا السكرتير والبيكتبو معاهوا الماحضروا تمرين واحد للتيم والماعندهم اصلا علاقه بكرة القدم لامن قريب ولا بعيد ولاحتي مشاهده وفي الختام ياسكرتير نحن مواصلين في مشاركتنا في الدورات القادمه ان شاء الله ونرحب بكل واحد عنده نقد بناء أو اي طرح هادف ليس شامت ونرحب بكل من يرى انه لاعب او اداري بس مااظن انو انت واحد منهم لانو المشاركه تعني روح الجماعه والتقاء للجاليه السودانيه, تعارف و تواصل بين الأخوة وأشياء كثيرة أخرى كثيرة نرى أنها بالضرورة فايتة عليك وعلي من شايعك لكن ممكن تسافر معانا المرة القادمة حتي تعي ما نصبو اليه وتفهم الباقي عشان تفهم باقي مجموعتك كمان ولكن لا حياة لمن تنادي والسلام والشكر للاخ عاطف مكاوي وتحيه خاصه لي الكوتش ابراهيم عباس عمر الدورى
| |
|
|
|
|
|
|
Re: فريق ولاية كلورادو والمتاهات الخطيرة..! (Re: Atif Makkawi)
|
السلام أهل كلورادو الأصلاء..
شاهدت فريقكم يلعب,,,
لا تنقصكم المهارات أطلاقآ,,
ولا تنقصكم النجوم الكبيرة,,
تدارسوا إين الأخطاء,,و عودوا لنا العام القادم أكثر منعة..
وحتى نراه نهائي ثلاثي من الساحل الغربي أريزونا كلفورنيا كلورادو
أخوكم/ نجيلة/أريزونا
| |
|
|
|
|
|
|
Re: فريق ولاية كلورادو والمتاهات الخطيرة..! (Re: malamih)
|
ملامح .. تحية طيبة.. ناسكم درشونا درش شديد لكن لن تكون النهاية... وفي حديث مع ابراهيم عباس عن المباراة قال انو موقفو كان ذي موقف مدرب الهلال مع الترجي الفريق انهار في اخر ربع ساعة...دي ذاته يحلوها كيف يغيرو منو لي شنو عشان منو ماعرفته! الا بنجيكم صادين السنة الجايه! قالو ناسكم جو يوم الجمعة بالليل واتفسحو في المدينة لحدي الصباح وبي غبار الطيارة نزلو الميدان.. مرتضي (كدو) قال كل ما يجري علي الكوره تجي حاجه شششششششششو كده تقلع الكورة وتلعب الباص وتفتح للملعوب ليهو الباص في حركة واحدة! بالله عليك الله لو عندك تفاصيل عن الصالات الرياضيه البمشو ليها وتكاليفه عشان نرسل ليكم اربعة تدونا ليهم السنة الجاية ذي (استيف اوستن).. كما لا يفوتني التنويه والتشكر لهيثم علي لانو الوحيد الذي استطاع ان يفقدكم عزريتكم بهدف واحد في الدورة كلها! عشان كده حنعمل ليهو تمثال في (دنفر) وحننصبو في (صينية) محترمة.. تسلم كراعك يا ابو الهياثم.. شرفتنا!
| |
|
|
|
|
|
|
Re: فريق ولاية كلورادو والمتاهات الخطيرة..! (Re: ahmed babikir)
|
لازالت المدينة تنتظر الكاس الذي وعدنا به.. اين انت يا مرتضي فقد قلت لنا ان اريزونا في جيبي! للاسف لم نفتش جيبك لاننا صدقناك و(كان) جيبك فارغا! ايمن التلب من التمرين الجاي معانا في (هامبدن مع كونسي) ميدان العجايز اخر الاخبار.. الروووب ياناس اريزونا!
| |
|
|
|
|
|
|
Re: فريق ولاية كلورادو والمتاهات الخطيرة..! (Re: ahmed babikir)
|
لازالت الاحزان تغطي المدينة ... لقد قيل ان الصايد الشمال والصايد اليمين كانو عبارة عن طرق سريعة لعربات ومواتر اريزونا. السرعة قد تفوق ال75 ميل في الدقيقة! في اخر اللحظات وقبل كلمات الوداع صاح هيثم ساتناول الكاس واجيكم.. ولازلنا ننتظر.. مجلس حكماء المدينة وفي جلسة طارئه قد قرر الاتي .. تعيين راشد محمد مسؤول عن الصايد اليمين.. وتعيين معاوية اسماعيل مسؤول عن الصايد الشمال.. علي ان يكون هنالك باك طائر بينهما!
| |
|
|
|
|
|
|
Re: فريق ولاية كلورادو والمتاهات الخطيرة..! (Re: ahmed babikir)
|
قررت لجنة حكماء المدينة مؤخرا الاتي:- 1/ ترقية اللاعب وليد سراج من باك يمين لرجل خط يمين. 2/ ترقية اللاعب يونس من باك شمال الي رجل خط شمال. 3/ترقية اللاعب خالد حمد من استوبر الي حكم وسط. 3/ترقية اللاعب مصطفي ابوشوك من مهاجم الي حكم رابع (مراقب). 4/ استحداث الخانات التالية في الملعب:- نائب باك يمين نائب باك شمال نائب استوبر نائب ثيرد باك نائب ارتكاز يمين نئب ارتكاز شمال
انتهي البيان....
نلتقي بكم في الدورة القادمة!
| |
|
|
|
|
|
|
Re: فريق ولاية كلورادو والمتاهات الخطيرة..! (Re: ahmed babikir)
|
السيد معاوية حسن.... اين الصور ..!
الي المتابعين سكون هنالك دورة رمضانية بولاية كلورادو سنتابعها معكم علي سودانيز اون لاين.. فريق الاهلي يعود هذه المرة بثوب جديد! مفاجاءة فخر الفرق الكولورادويه ستكون في الملعب! قريبا سنعلن عن ممثلي الفريق! نجم ولا كل النجوم! فرحانه بيك كل النجوم! تابعو معنا وستعلمون!!!
| |
|
|
|
|
|
|
Re: فريق ولاية كلورادو والمتاهات الخطيرة..! (Re: ahmed babikir)
|
جاييك يا أحمد حجازى بعد أن أنتظرت عليك ثلاثة أيام عمر الدوري off point
Quote: الموضوع عبارة عن ضحك والظاهر عليك ما بتعرف تضحك انته وصاحبك! اذا كان السطر الكتبته فيك هو اصلا موضوعك معاي انا بعتزر عن كتابة اسمك وعملت علي مسحه من البوست وبطلب من معاويه حسن ان يتكرم برفع صورة الدوري من البوست بعد كده ماعندك معاي حاجه فارجو منك متكرما ان تقطع وشك ووش صاحبك معاك!
اما موضوع الرسالة المرسلة فهي خارم بارم فهي كلاف فارغ تعودت ان اسمعه منك او من ناس تانيين والعمل العام فيهو اكتر من كده.. وبحكم تربيتي واخلاقي وخبرتي في العمل العام سارد عليك؟! والرد سيكون بالعمل ذات نفسه وبالحديث والمغالطات؟؟ لاننا نعلم كيف يكون العمل؟!
Quote: ياسيد حجازي اولا الغرض من الدورة دي ليس جلب كاس وخلاص
طيب ماتعملو رحلة!
Quote: يامابتفهم أو انت عندك مشكله مع ناس الفريق او انك متعصب خالص زي تشجيعك بشكل عام
كلام عجيب!
Quote: ولعلمك انت بتكتب عن فريق ولايه انت عايش فيها
لا بالله! عليك الله!
Quote: وأغرب حاجه ياجماعه انو احمد حجازي السكرتير العام للجمعيه السودانيه لهذه الدوره واللي نحن بنشكرهم علي الدعم المادي والمعنوي الذي وجد منهم جميعا ماعدا السكرتير العام الشامت وبنشكر السيد د/عصام جميل الرئيس واكرم محي الدين ومحمد علي وراشد ويونس وكل الاخوه الذين ساهموا بالدعم المادي والمعنوي عدا الاخ الس--------------كرتير وبنشكر كل اللاعبين الذين واصلو التمارين بقدر المستطاع ودفعوا اموالهم والبعض منهم طلاب وتكبدو متاعب السفر ولم يجدوا حتي كلمة شكر من السكرتير العام السيد احمد حجازى بابكر ونرسل التحيه لكل لاعب لم يوفق في السفر وبنقول ليهو الجايات اكتر من الرايحات وبنشكر كل من ساهم في دعم التيم افراد ومجموعات مثل جمعية امل والاخوه محمد وداعه وود الرضي وابراهيم عباسيه وحسبو وطارق النور وكل الحضور في الباربيكيو الذي اقامته الجمعيه السودانيه والذي وجد الدعم من كل دينفر عدا السكرتير والبيكتبو معاهوا الماحضروا تمرين واحد للتيم والماعندهم اصلا علاقه بكرة القدم لامن قريب ولا بعيد ولاحتي مشاهده
شايفك بقيت تتكلم باسم الفريق انته صدقته نفسك ولا شنو.. مواضيع التبرع والوقوف مع الفريق حيائي يقف حائلا بيني وبينها لان الموضوع تبرعات ذي ماقلته...
Quote: وفي الختام ياسكرتير نحن مواصلين في مشاركتنا في الدورات القادمه ان شاء الله ونرحب بكل واحد عنده نقد بناء أو اي طرح هادف ليس شامت ونرحب بكل من يرى انه لاعب او اداري بس مااظن انو انت واحد منهم لانو المشاركه تعني روح الجماعه والتقاء للجاليه السودانيه, تعارف و تواصل بين الأخوة وأشياء كثيرة أخرى كثيرة نرى أنها بالضرورة فايتة عليك وعلي من شايعك لكن ممكن تسافر معانا المرة القادمة حتي تعي ما نصبو اليه
مشي تمومة عدد سوي نفسو زول.. انته بتتكلم بلسان منو!
Quote: وتفهم الباقي عشان تفهم باقي مجموعتك كمان ولكن لا حياة لمن تنادي والسلام والشكر للاخ عاطف مكاوي وتحيه خاصه لي الكوتش ابراهيم عباس عمر الدورى
باقي مجموعتي! انته قصدك اصحابي! انته عارف علاقات الناس ديل ببعض ولا ناطي (شاي)!! انته عايز تصل لشنو! اوعي تخش بين البصلة وقشرته! عارف ليه؟ دي بقولوها ليك عديل.. اما شبيهك الظاهر عادل عبد العاطي اداهو نفس شويه بقي ساعي بريد! اها داير (تغتال) شخصية هنا! رسالتك ورسالة مجموعتك وصلت! (عدل بواسطة ahmed babikir on 06-09-2007, 03:04 ص) (عدل بواسطة ahmed babikir on 06-09-2007, 03:08 ص) (عدل بواسطة ahmed babikir on 06-09-2007, 03:12 ص) (عدل بواسطة ahmed babikir on 06-09-2007, 04:28 ص) (عدل بواسطة ahmed babikir on 06-09-2007, 04:37 ص) (عدل بواسطة ahmed babikir on 06-09-2007, 04:41 ص) |
| |
|
|
|
|
|
|
|