|
|
 ابو جهينة يا ...
|
يمكنك ان تضيف هذه الحمة الى الحكمة المشهور العفش داخل البص
( من لم يمت بالمايك ما بغيظه)
وقبل ما ادخل في الموضوع لابد من مقدمة
واحد بيطري شاب كان في جولة مع خواجة في شرق السودان ، لقوا واحد هدندوي قاعد تحت شجرة وقدامة غنمايتين واحدة بيضا والتانية زرقا ، البيطري حب يدي فكرة للخواجة عن التربية البلدية
فسال الهدندوي
- اسمع يا ابن العم الغنمايات ديل بتاكلن شنو
- البيدا ( البيضا) والا الزرقاء
- البيضا
- نديه برسيم
- والزرقا ؟
- بردو ( برضو) نديو برسيم
- بياكلو كم ربطة برسيم ؟
- يا تها البيدا والا الزرقا؟
- البضا ؟
- نديو ربته واهدة ( واحدة)
- والزرقا؟
- بردو نديو ربتة واهدة
- بتجيب كم رطل؟
- يا تها البيدا والا الزرقا ؟
البضا؟
- تجيب رتلين
- والزرقا؟
- بردو تجيب رتلين
- انت ليه كل ما اسالك تقول لي البيضا والا الزرقا ؟
- عشان البيدا هقتي ( حقتي)
- طيب والزرقا؟
- بردو هقتي
وتخيلت هذا الحوار جري بيني وبين جلال ابو جهينة
- انت يا جلال بترطن؟
- الرطانة يا تها البيضا والا الزرقا
- البيضا
- ايوة برطن
- والزرقا؟
- برضو برطن
- انت من النوبة ؟
-ياتها البيضا والا الزرقا؟
- البيضاء
- ايوة منها
- والزرقا؟
- برضو منها
- النوبة ديل كيف؟
- ياتها البيضاء والا الزرقاء؟
- البيضاء
- كويسين
- والزرقاء؟
- برضو كويسين
لانهم كلهم سودانيين بس البطن بطرانة
ولكن يا ابو جهينة امس اكتشفت انك جلابي
حمد الله على السلامة والرياض نورت
|
|
 
|
|
|
|
|
|
|
|
Re: ابو جهينة يا ... (Re: walid taha)
|
بركة الجيت... بركة الجيت
آآآآآآآآآآآي
تعرف يا ابو جيهنة انا قاعد ارقص والمكتب فاضي حتى الكوفي بوي غائب اليوم
عموما حمديلا الف على السلامة..
بالله ناس الكلاكلة كيف وبالاخص محطة ما قبل واحد
مشتاق للفة وفول اللفة
شارع الظلط لسع كويس ولا اتردم بالتراب
اها في المطر دا كيف كنتو بتعملوا الزيارات
| |
|
|
|
|
|
|
|
|
|
Re: ابو جهينة يا ... (Re: Zomrawi Alweli)
|
عزيزي زمراوي
تحياتي و مودتي
Quote: بالله ناس الكلاكلة كيف وبالاخص محطة ما قبل واحد
مشتاق للفة وفول اللفة |
كل الكلاكليون بألف خير .. و لا بأس على فولهم .. غير أن ماء المطر قد جعل من دخول الشوارع الداخلية أمراً محفوفاً بتوقف ماكينات العربات الصغيرة .. فيما تخترق الركشات المياه كتماسيح النيل.
دمتم
| |
|
|
|
|
|
|
|
|
|
Re: ابو جهينة يا ... (Re: د.محمد حسن)
|
اخوي د . محمد حسن
ابوجهينة
طلع جلابي
الرجل الموسوعة ابوجهينة
النوبي القح
أماندا والابنوس
جلابي
سجمي سجمي
في مصطلحات مستخدمة في السودان
نحن ما بنعرفها أندنا في المحس
منها ذي كلمة جلابي
انصر دين ودين دين اليوريني معني جلابي
| |
|
|
|
|
|
|
|
|
|
Re: ابو جهينة يا ... (Re: حمزاوي)
|
بسم الله الرحمن الرحيم
يا ود ودنوباى دائما جميل ورائع
والمغالطناوما مصدقنا يسأل دومتكم الراميه فى الشارع
صراحة يا دكتور أنا أشم فيك رحية ودنفاش والهادى ( الهادى )
مرحب بالريس أبو جهينة وحمدالله ألف على السلامة .
| |
|
|
|
|
|
|
|
|
|
Re: ابو جهينة يا ... (Re: حمزاوي)
|
بسم الله الرحمن الرحيم
يا ود ودنوباى دائما جميل ورائع
والمغالطناوما مصدقنا يسأل دومتكم الراميه فى الشارع
صراحة يا دكتور أنا أشم فيك رحية ودنفاش والهادى ( الهادى )
مرحب بالريس أبو جهينة وحمدالله ألف على السلامة .
| |
|
|
|
|
|
|
|
|
|
Re: ابو جهينة يا ... (Re: حمزاوي)
|
حمزاوي أخوي
سلام كبير
فQuote: ي مصطلحات مستخدمة في السودان
نحن ما بنعرفها أندنا في المحس |
الناس بيوزعوا ليها السلطة و الثروة و نحن بقوا يدونا المصطلح بتاع جلابي ..
| |
|
|
|
|
|
|
|
|
|
Re: ابو جهينة يا ... (Re: د.محمد حسن)
|
بوحميد
والله إنت بارع بشكل خرافى
لربطك التقديم بموضوع يجهله البعض
إلا من حضر الواقعه
بعدين ياااخ للامانه
ابوجهينه دا
عجيب عجابه شديده بالحيل
تخّيل زول من اول وهله
يؤكد لك بجزم سعيه التام
ليوفر لك أى سبيل للراحه
والعجيب أن يغمرك بحفاوه يعجز عنها الوصف
إذا الجلابه بهذا الوعى الإنسانى الفريد
يارب كل الناس يبقو جلابه
إحترامى
| |
|
|
|
|
|
|
|
|
|
Re: ابو جهينة يا ... (Re: د.محمد حسن)
|
د/محمد حسن
سلمت وربنا يديك الصحة والعاقية
وشكرآ على المعلومة
ألف حمدآ لله على سلامة ألأخ/أبوجهينة..
عودآ حميدآ مستطاب....
إسماعيل محمد احمد عباس............
| |
|
|
|
|
|
|
|
|
|
Re: ابو جهينة يا ... (Re: د.محمد حسن)
|
د. محمد حسن
سلام يا عزيزنا
| Quote: ولكن يا ابو جهينة امس اكتشفت انك جلابي |
جلابي الدين داود ( على وزن جلال الدين داود )
أمس التومة صاحبتي كانت منزعجة شديد و ما عبرتني طب عشان كدة دير أغير للتومة التانية.
أوعك تقول لي التومة ياتا .. البيضا ولا السمرا ؟
حتقول لي : البيضا متنرفزة
طيب السمرا : برضو متنرفزة
دمتم
| |
|
|
|
|
|
|
|
|
|
Re: ابو جهينة يا ... (Re: ابو جهينة)
|
حدوتة ( حجوة ) :
أبيض ما أبيض شحم
أسود ما أسود فحم
أحمر ما أحمر لحم
الما بعرفو , بليد و قليل فهم ؟؟؟؟ **
أما أبا جهينة هذا فسيدنا ..
جلابي , نوبي , فدجاوي , هدندوي , محسي , حلبي .... أي حاجة .
لكنه يبقى جلال داوود .. أبوجهينة ..
أرق و أجمل و أرقى و أبلغ و أحنّ و أطيب و أصدق و أحلى و أعمق من في هذا المكان ..
أي زول يغالط ؟؟؟
فليلقني خلف هذا الكلام .
....
** هو برش العروس بخطوطه الحمراء و السوداء و البيضاء ..
( و هي ألوان الأساس في الثقافة النوبية ) .
بس دخل ده شنو بألموضوع يا دكتور ؟ ..
الله أعلم
محبة لكما .. و ود .
| |
|
|
|
|
|
|
|
|
|
Re: ابو جهينة يا ... (Re: Emad Abdulla)
|
عماد ذو العماد
لا أستطيع أن أقول لك أكثر من ( مشتاقون لحد ممتد ) ..
في الخرطوم جبنا سيرة ناس .. كنت أنت ملح السيرة المفتوحة ..
حاولت مقابلة رفيق الصبا عثمان فلم أجده على مكتبه فتركت له رسالة ..
مودتي الباقية على أهداب حروفك ..
| |
|
|
|
|
|
|
|
|
|
Re: ابو جهينة يا ... (Re: ترهاقا)
|
ترهاقا الغالي
تصدق اليومين ديل أنا عزابي .. مررت بشارع بيتك ... .. و جلساتنا الجميلة .. لا أدري كيف إختزلتَ أيام عزوبيتك .. فالغربة تزيدها وجعا ..
تحياتي لعلاء و أم علاء
| |
|
|
|
|
|
|
|
|
|
Re: ابو جهينة يا ... (Re: ابو جهينة)
|
الجلابـــــــة .. إزيكم لعلكم طيبين في حيكــــم ..
ولكــــن تبين أنهم لم يأتوا .. للحصــــأد .. التجاهل التجاهل ..
الجلابي الأرباب مركب مكنــة دكتور .
بالمناسبة يادكتور/ واحد سأل جلابي .. قال ليه في حاجة بتطير وبتقول نــــاوو .. ناووو
دي شنـــو ؟
الجلابي قال ليهـــو : تكــــون كــديسـه مدنهـــا شلــــــوت
عوداً حميــدا جلابي داوود .. بحضورك .. تحضر عقولنا وتعود الحكمة ..
| |
|
|
|
|
|
|
|
|
|
Re: ابو جهينة يا ... (Re: Khalid Saeed)
|
جلابي داؤود
حلوة والله كلمة جلابي داؤود دي 00
ياريس ألف حمد لله على السلامة
وكل لمة جلابية وأنت بخير
ونغني ليك : ( لي في الجلابة غزال )
شكرا أيها الدكتور الرائع محمد حسن
مع مودتي 000
| |
|
|
|
|
|
|
|
|
|
Re: ابو جهينة يا ... (Re: ابو جهينة)
|
د. محمد حسن
نشكر لك بيض الحمائم وزراقهن
ورفرف علي إيكها الخال القامة
جلال داؤد (أبوجهينة) حمدا علي
سلامة العوده ونفخر كثيرا بأن
الحضارة (نوبة + نوبة) كن بعافية
البيضاء
والزرقاء
،،،،أبوقصي،،،،
| |
|
|
|
|
|
|
| |
د.محمد حسن
walid taha
ادريس خليفة علم الهدي
ابو جهينة
Zomrawi Alweli
ادم الهلباوى
ismeil abbas
Emad Abdulla
ترهاقا
Khalid Saeed
عثمان سيد أحمد
مجدي عبدالرحيم فضل
معتصم دفع الله
فيس بوك
تويتر
انستقرام
يوتيوب
بنتيريست