|
Re: الله يسامحك يا (الهلال) .. طممت بطنى من الكتابه وخليت جنسى (كرنقو) !!!!! (Re: تاج السر حسن)
|
ديامى ومجاهد ولطفى ومكى .. يا اخوانا كتر الف خيركم بى هنا وبى هناك .. لكن عندى مزاج أواصل فى الثقاله دى اصلو الهلال طمم بطنى من الكلام السمح .. قلنا للهلال عايزين (عبار) جمال زى عبار (دينق) .. قاموا دفقوا ليهم صفيحة عسل نحل اصلى .. اها النبدأ فى الثقاله (العسل) وعرفناهو .. لكن (النحل) منو ؟؟
عندى ثقالة (حارقانى) شديد خاصة بمدرب الأهلى جوزيه: جوزيه ذكرنى نكتة ثقيله لازم نعيدها هنا .. قالوا فى داخل بص مزدحم .. بنية سمحه سماحه شديد .. جنبها عسكرى لابس رسمى .. قامت البنيه فجأة كده رفعت يدها و(ظرررررر) لفحت ليك العسكرى كف .. العسكرى مسح الكف .. بعد شويه جنبها راجل عجوز عمل نفس العمليه .. رفع يدو فوق و(ظرررررر) رزع ليك العسكرى كف .. برضو المسكين مسح الكف ولبد .. اها قام ولد صبى كده عمل نفس عملية الراجل العجوز .. فى واحد كان فى آخر الباص شاف المنظر جا ماشى من هناك لحدى ما وصل العسكرى فى اول البص برضو (ظررررررر) خبط العسكرى كف!! قام السواق حول البص لنقطة البوليس ونزل ومشى على الشاويش (النبطشى) وقال ليهو ، يا أبن العم الناس ديل وقعوا فى العسكرى ده تكفت ومانى عارف الحصل شنو !! اها المتحرى جر دفترو الما خمج .. وبدا يحقق مع الجماعه .. وبدا بالبنيه مالك ضاربه العسكرى كف؟؟ ردت البنيه:- انا واقفه جنب العسكرى الصعلوق ده و قام مد يدو (وقرصنى) !! المتحرى قال ليها:- طيب كويس، لكن الراجل العجوز دخلو شنو فى الموضوع؟ رد العجوز :- انا ابوها!! المتحرى قال ليهو طيب انت عرفناك الولد ده مالو؟ رد الولد وقال للمتحرى:- انا اخوها قام المتحرى قال ليهم طيب كلكم عرفنا سببكم، لكن الزول الجا من آخر البص ده مالو؟ قام الزول الشليق وعلى العليهو (تمتام) رد وقال للمتحرى:- والله جنابو .. انا شفت الناس بتخبط فى العسكرى وافتكرتها (اتقلبت)!!
أى واحد من حقو يسال ويقول علاقة النكته الثقيله دى بجوزيه مدرب الأهلى شنو ؟؟ الرد بسيط أنه الولد التمتام القام من آخر الباص وضرب العسكرى كف كان لابس فنلة حمراء! طيب موضوع جوزيه شنو البشبه الموقف ده؟؟
جوزيه يا حلوين عمل عمليه غريبه جدا جدا ما ح افهما بعد ترليون سنه !!!!!! الهلال كان غالب بى قونين .. فجأة وقف (جوزيه) ومشى من آخر الكنبه الكان قاعد فيها وبدل مهاجم خطر جدا أسمه محمد بركات بى منو تتخيلو ؟؟ فى الحقيقه انا خفت قلت امكن الأهلى سجل فى غفلة مننا رونالدينو أو زين الدين زيدان!! لكن الحصل انه جوزيه غير محمد بركات بمدافع بليد اسمه وائل جمعه (الأسم سالم) !! (جوزيه) ده لمن شاف الكفيت كتر .. افتكرها انقلبت ولا شنو ؟؟
__________
برجع ليكم لى ثقالة سيكافا وكاس الكوؤس .. وحسبة برمه والعد العنقالى !! معقول اخلى حبايبى الحلوين فى حالهم فى يةوم ثقيل عليهم زى ده مقداره الف سنه؟؟
| |
|
|
|
|
|
|
Re: الله يسامحك يا (الهلال) .. طممت بطنى من الكتابه وخليت جنسى (كرنقو) !!!!! (Re: تاج السر حسن)
|
Quote: الهلال كان غالب بى قونين .. فجأة وقف (جوزيه) ومشى من آخر الكنبه الكان قاعد فيها وبدل مهاجم خطر جدا أسمه محمد بركات بى منو تتخيلو ؟؟
|
يا تاج السر ،،، يا رهيف ،، يا حريف ،، يا الكلامك دمو خفيف
والله انا حاسى انو الدنيا فيها شئ جديد ،، ورغم الرطوبه بمدينه الخبر
بالشرقيه حاسى انو الجو ربيع وكل الناس حلوين ،، نومت مرتاح وسعيد
يا اخى والله الهــلال دة عشق خاص نوع تانى لا بعرفو قيس وجربتو ليلى دا نوع
اخر لا يعرفه الا شعب الهـــــلال
بخصوص اخونا مدرب الاهلى ،، عمل حساب عدم زيادة الاهداف ،، لانها لها حسابات
اخرى حسب اللوائح ،،، فى حاله هزيمه الاهلى من أسيك انشاء الله ،، تدخل هنا
حسابات الاهداف بين الهلال والاهلى ونتيجه مباراة الفريقين ،، وبما اننا توفقنا
بهدف يبقى التاهل من حساب الهلال ،، باين عليه مذاكر لوائح الاتحاد
مبروووووووووووك يا تاج السر ،، واصل وزيد فى غيك اصلك مسكون وممكون بحب
الهــلال وليك حق ،،
| |
|
|
|
|
|
|
Re: الله يسامحك يا (الهلال) .. طممت بطنى من الكتابه وخليت جنسى (كرنقو) !!!!! (Re: تاج السر حسن)
|
استاذ تاج السر
والله ماعارف اعبر كيف عن فرحتي بهذا النصر الكبير لكن مافي احسن من الحمدلله رب العالمين شكراً لك يا برنس يا قائد شكراً لك يا ريكاردو وقبلكم شكراً لك يا رئيس النادي يا صلاح ادريس شكراً لك يا داريو كان وشكراً كثيرا كثيرا كثيرا لك يا اسحق كرنقو يا حقنا وشكراً لك يا قودوين شكراً لعلاء الدين يوسف شكراً لعمر بخيت (ياسلام عليك يا حبة) شكراً للمعلم ريتشارد (يا سلام عليك يا فردة) شكراً لك ويا سلام عليك والله يديك الصحة والعافية يا معز يا ودمحجوب (محجوب ولد والله) شكراً لك يا علاء الدين جبريل يا استاذ شكراً لك يا يوسف محمد (ياسلام عليك يا بركة) شكراً لك يا كلاتشي (ما عجبتني امس) شكراً للأسد فوزي وشكراً لبكري عبدالجليل وشكراً لمدرب الحراس وشكراً لمدرب اللياقة شكراً لا ينتهي أبد الدهر لجمهور الهلال وياسلام عليهم
ورقص عصام الحضري يا جدع
أبوفتحية
| |
|
|
|
|
|
|
Re: الله يسامحك يا (الهلال) .. طممت بطنى من الكتابه وخليت جنسى (كرنقو) !!!!! (Re: تاج السر حسن)
|
حتى لاينسى الاعلام المصرى
هذه قصاصة من العربية نت بعد المباراة الاولى
الإثنين 10 جمادى الثانية 1428هـ - 25 يونيو2007م
--------------------------------------------------------------------------------
السودانيون ينتظرون قرار مراقب المباراة أنصار الأهلي يرشقون لاعبي الهلال بالحجارة والحضري يستفزهم -------------------------------------------------------------------------------- أنصار الأهلي متهمون بالاعتداء على لاعبي الهلال
دبي - العربية نت
شنت الصحف السودانية هجوماً على أنصار ولاعبي الأهلي المصري بداعي سوء المعاملة التي لقيها لاعبو الهلال السوداني عقب مباراة الفريقين في دوري أبطال افريقيا لكرة القدم, علماً ان المباراة التي اقيمت في القاهرة انتهت بفوز الفريق المصري 2-صفر. وقالت صحيفة "قوون" السودانية أن فريق الهلال تعرض لمتاعب في القاهرة عقب مباراته امس امام الاهلي وذلك عندما تحرشت جماهير الاهلي باللاعبين وقذفت الباص الذي استقلته البعثة السودانية بالحجارة وحطمت الزجاج تماماً, وذكرت الصحيفة أن الباص شق طريقه بصعوبة الى مقر اقامة البعثة في مشهد تابعته عيون الصحافة ووسائل الاعلام المختلفة التي رصدت احداث المباراة. وسبق ذلك سيناريو مثير بطله حارس الاهلي عصام الحضري وبدأ اثناء عملية القرعة بين قائدي الفريقين قبل انطلاق المباراة عندما تعرض الحضري بالاساءة لقائد الهلال هيثم مصطفى الذي تعامل معه بروح رياضية عالية ورفض الرد عليه وتمادى عصام الحضري في تحرشه بقائد الهلال هيثم مصطفى بعد نهاية المباراة عندما توجه اللاعبون الى غرف الملابس وواصل اساءاته, ورد عليه هيثم بقوة قبل ان يتدخل جوليت وابوبكر شريف وطاردا عصام الحضري الذي فر هارباً محتمياً بالشرطة والجماهير ووضح ان حارس الاهلي المصري قد تعمد منذ بداية المباراة استفزاز لاعبي الهلال لقناعته بان فريقه غير قادر على الفوز بالطرق الشريفة. وحول تحرش الجماهير ببعثة الهلال وتحطيم زجاج الباص ذكر سكرتير الاتحاد السودانيمجدي شمس الدين ان مراقب المباراة اذا دون هذه الواقعة ستصدر عقوبة ضد نادي الاهلي. من جهتها اعترفت صحيفة "المساء" المصرية بالمشاجرة التي حدثت بين لاعبي الفريقين عقب المباراة وقالت: " وقعت مشادة كلامية وتشابك بالأيدي بين لاعبي الأهلي والهلال السوداني عقب انتهاء المباراة.. بدأت المشاجرة باحتكاك بين هيثم مصطفي لاعب الهلال وعصام الحضري في نهاية الشوط الأول ومع نهاية المباراة ذهب شادي محمد لمصافحة لاعبي الهلال لكنه فوجيء بهم يعتدون عليه وعلي الحضري لتتفاقم المشاجرة لتشمل باقي لاعبي الفريقين إلا أن رجال الأمن استطاعوا احتواء الأزمة قبل حدوث أية إصابات". وأدت هذه المشاجرة لإلغاء المؤتمر الصحفي عقب المباراة مما اضطر الصحفيين إلي الذهاب أمام غرف اللاعبين حتي يتسني لهم الحديث مع المدربين.
| |
|
|
|
|
|
|
Re: الله يسامحك يا (الهلال) .. طممت بطنى من الكتابه وخليت جنسى (كرنقو) !!!!! (Re: تاج السر حسن)
|
من امبارح وانا مشرك لى كلام من نوع ليه ما شلتو كاس سيكافا وليه ما شلتو المرحوم "كاس الكوؤس" والمقارنات البيزنطيه بتاعت المشجعين عشان ارد عليها بثقالة ما حصلت!! مشكور أخ اسمو (شمس الدين خواجات) مريخابى كما هو واضح كتب فى بوست الأخ هشام المجمر ما يلى:-
Quote: ياهلالاب ,, عارفين ردة الفعل عكسية للفرح ,, خلتكم بتهضربوا ساى ,, دولفين الضعيف ده ,, هو الاخرج فريق (نساروا)البعبع الوحيد الواجه الهلال ,, فى بطولة افريقيا ,,, |
طيب بالمنطق ده ذاتو بتاع الصحفى المشجع الضيع المريخ وبوظ ثقافتهم ووعيهم بالجدل غير المجدى والتضليل، لازم نتفن فى الواطه ونعقد مقارنه بالعنقالى!! الأهلى ده زعيم افريقيا والعرب .. صاح ولا ما صاح ؟؟ الأهلى ده شال كاس اندية افريقيا أكثر من 3 مرات وكاس الكوؤس أكتر من مرة وكمان وصل حد انه ثالث اندية العالم .. صاح ولا ما صاح ؟؟ وهنا لازم تعرج على الزمالك برضو هو ثانى اتدية افريقيا للقرن العشرين.. صاح ولا ما صاح؟؟ يالا يا البتعقدوا الدم بالعضا وبتعقدوا مقارنه بى ناساروا ودولفين وانه دولفين الفاز عليهو المريخ بى 6 انتصر على الهلال يعنى دولفين قوى!! طيب !!!!!!! يبقى نصنف الهلال ونختو وين وهو المجضم الأهلى امبارح 3 مع الرافه ؟؟ والأهلى هو زعيم افريقيا للقرن العشرين وثالث اندية العالم والفريق الأول فى العالم انتصر على الأهبى بى قون واحد ما 3 ، يعنى بحسابكم الكوار ده الهلال هو بطل العالم لأنه لو لاقى بطل العالم ح يغلبوا 2/ 1 !! ولا كيف؟؟ وما فى داعى نتحدث عن الزمالك م ثانى اندية افريقيا للقرن العشرين المسح بيهو الهلال الواطه .. ولا عندكم راى تانى؟؟ _____
يا مشجعين وعاملين صحفيين .. الكوره دى فيها كلام اسمو (لكل مقام مقال) !! وكل مباراة ظروفها تختلف من المباراة الثانيه .. ويجوز ناس نا ساروا كبوا لى ناس الهلال سم فى الأكل !! لكن ناس المريخ ما كبوا لى ناس دولفين شطه، وانما (ملحو) ليهم ساكت!! مرة ثانيه والمصريين قالوا التكرار بعلم الشطار!! الهلال المنتصر على الأهلى سيد افريقا مع الرأفه والذله 3/ صفر، ممكن بكره يتعادل مع ام بده لأنه لاعب ام بده انتصارو على الهلال يعنى شئ، لكن انتصار الهلال على أم بده لا يعنى اى شئ!! المهم فى الموضوع انه الفريق بلعب فى ياتو منافسه .. وضد منو .. وحقق شنو !!*نحنا نلعب ولا ندرس ؟؟؟
| |
|
|
|
|
|
|
Re: الله يسامحك يا (الهلال) .. طممت بطنى من الكتابه وخليت جنسى (كرنقو) !!!!! (Re: تاج السر حسن)
|
انا شاهدت الكوره فى جروبى عدلى .. ناس راقين مهذبين لمن الكورة انتهت باركوا لينا!! _______________
لكن الليله عملت لى ثقالة لمن اتكيفت من روحى وخح اكررها 3 مرات!! مشيت اتغدى فى مطعم البرنس .. المطعم مليان باخوانا المصريين وكلهم كبار وصغار ما بتكلموا فى شئ غير مباراة الأهلى بحرقة شديده .. طبعا فيهم واحدين ما قايلبن فى سودانى بينهم .. لذلك تغزلوا فى الهلال .. وانه فرقة (جامده اوى) لمن قربت اشوت الأكل واقوم اعرض !! وعديل كده واحدين قالوا الفرقه دى لو فى منطق مفروض تأخذ الكاس !! وأظهروا خوف شديد على الأهلى من اسيك لأنه الأهلى ناقص ابو تريكه وربما عماد متعب ومحمد شوقى، لكن واحد عاقل قال ليهم فرقة اسك مش هى بتاعت السنه الماضيه والا لقلت على الأهلى السلام. المهم (فتو) ما خلو حاجه وكيفونى كيف ما عادى .. لكن الجرسون بحديثه معى كشف عن انى غير مصرى طبعا م من اللهجه الواضحه جدا مهما اختلطت بكلمات مصريه !! وقام واحد سالنى قائلا :- الله .. الأخ سودانى؟ طبعا سرا قلت ليهو لا انا جنسى (كرنجو) .. لكن جهرا فلت ليهو لا !! قام قال لى ازاى ومال انت ايه؟؟ قلت ليهو:- صومالى!! وواصلت:- لكن ليه بتسال ؟؟ قال لى:- لأنه امس كانت فى فرقة سودانيه جامده اوى بتلعب مع الأهلى!! قلت ليهو:- أسمها ايه الفرقه دى؟؟ قال لى:- الهلال!! قلت ليهو:- ومبن الى فاز ؟؟ قال لى مستغربا:- هو انت ما تعرفش؟؟ قلت ليه:- اعرف ازاى ومن فين وانا ما ليش فى الكوره!! قام قال لى:- معاك حق الأهلى امس انهزم 3/ صفر وربنا ستر عليهو!! قلت ليهو بى جواى:- السيييييييييييييييييك
| |
|
|
|
|
|
|
Re: الله يسامحك يا (الهلال) .. طممت بطنى من الكتابه وخليت جنسى (كرنقو) !!!!! (Re: تاج السر حسن)
|
بينما الحمام الميت (كوارا .. العوارا) .. يكيد للهلال كيدا .. والمباراة انتهت ليها اسبوع بحالو .. وانتى مشغوله بجريده .. اخوانا المصريين لا زالوا منشغلين بالهلال لدرجة لا تصدق!!
الأهلى لديه مباراة مساء اليوم ضد المحله .. توقعت أن اقرا تحليل قبل المباراة يوضح نقاط الضعف والقوة فى الفريقين واحتمالات التصر والخساره .. لقيت بدلا عن ذلك تصريح لمدرب المحله قال فيه انه سوف يدرس شريط الأهلى أمام الهلال دراسة دقيقة .. يعنى عايز "يشف" الخطة بتاعت "ريكاردو" !! مع انها ماركه مسجله.
مصر كلها مشغوله بالهلال .. العايز يلعب كوره عايز يلعب زى الهلال .. واللى عايز يضرب واحد زعلان منه يقول ليهو (اقوم اضربك ضرب الهلال) ؟؟ ورقصة 10 بلدى الغياظه شديد سموها رقصة الحضرى فى استاد الهلال .. وكان بعرفو "مزمل ابو القاسم" كان سموها رقصة "الصحاف" .. صراحة مزمل معاهو حق .. لو الدنيا حصل فيها شئ غلط ولقيت نفسى مريخابى كنت ح اتغاظ جدا انه كيف الهلال ينتصر على الأهلى ويرقص للحضرى فى خط 6 !!
المدربين فى مصر كلهم اليومين ديل ما عندهم كلام غير مدرب الهلال البرازيلى الساحر الذى تغلب على العجوز (جوزيه) الكان معقدهم ووصلت به درجة الأفتراء وسوء الأخلاق انه يقلع ملابسو فى مباراة انتصر فيها الأهلى 3/ صفر !! يعنى ما راضى وعايز يفلب 1000، تفتكر لو ما قالوا للخواجه السودان فيهو شريعه والبقلع هدومو (بنجلد) كان عمل شنو بعد (قون) قرنقو ؟؟
فى مصر يبحث الناس الآن عن حليب الهلال .. والبعرس بكره ح يربط فوق راسو هلال!! ووزير البترول قبل فترة كأن اسمو المهندس عزالدين (هلال)، اخشى ان يواجه (اهلاوى) فينتحر أو (صحاف) حاقد فينكسر !!!!!!!!!!
| |
|
|
|
|
|
|
|