|
Re: عمرو كمال يتعرض لحادث حركة .... ألف سلامة (Re: Najlaa El Mahi)
|
ابـننـا الـحـبيـب عـمـرو،
الـف الـف حـمـداللـه عـلي السـلامـة مـتمنيآ من اللـه تعـالـي ان تكـون والأسـرة الكريـمة بخـيـر.
لـوكنـت انا معاكـم في الخـرطوم واللـه ماكنت خـليتك تشـتـري عـربية في شـهـر يوليـو بالذات، يأاخـي ده شـهـر نـحـس في السـودان من سـنه ماحـفروا النيل الازرق والابيـض!!!، اها كان ماشـهر فـقـر يـموتوا فيـه ناس عبـدالخالق والشـفيع وهاشـم العطـا وتـقع طـيارة قـرنق وليبيا تقرر اعـدام 123 سـوداني والفيضـانات تغـرق البلـد علي الخـراب الفـوق عليـه، والبشـيـر قاعـد فـي " الطـراوة !!!".
فـي زمانات الاربعـينيات كنا نـحـنا الشـباب " وقـتها" بنقول كنوع من الفـخـر: الـراجـل الـمادخـل السـجـن... ماراجـل، والسـواق الـماصـدم وكـسر عـربتو ... ماسـواق!!، حـأواصـلك بالماسـنجـر والتحـية للعائلـة واللـه يكفيكم شـر يوليو!!!.
| |
![ICQ](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
........................................ لقطة........................................
صحى..... هو البحر حفروه سنة كم؟؟؟؟
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عمرو كمال يتعرض لحادث حركة .... ألف سلامة (Re: Ishraga Haimoura)
|
كغارة ياعمرو ياخ وسلامة الاسرة ومع انه متاخرة لكن مبروك على العربية الما جيتنا بيها والواضح انها محتجة على انك ما وريتها لي اصحابك وما اديتهم بيها سحبة ومنتظرين السحب بعد تتصلح ولو ما مؤمن عليها ممكن ندفع معاك شيرنق التصليح وترجعوا لينا سحبات والا رايك شنو ولو موافق ممكن نشوف طريقة نعمل بيهها العربية بي دركسونين عشان يسوقوها اكبر عدد من الناس الحدتفع في الشير بتاع تصليحها كل الود
| |
![Edit](https://sudaneseonline.com/db/blank.gif)
|
|
|
|
|
|
Re: عمرو كمال يتعرض لحادث حركة .... ألف سلامة (Re: Ishraga Haimoura)
|
تسلمى يا إشراقة
وشكرا لإتصالك والإطمئنان
والله انا ما حسيت بالراحة إلا بعد مكالمات شباب سودلانيزأون لاين
Quote: "عشان تاني تستعينوا على حوائجكم بالكتمان ... في ناس عينها حارة" |
مكواة بس.....
انا قلت أخستك بالشباب وموضوع نتذكر بيه أيام الحملة والحوامة والشره وكده
لكن أهو...خستكت بروحى
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عمرو كمال يتعرض لحادث حركة .... ألف سلامة (Re: على محمد على بشير)
|
Quote: الف حمدالله علي السلامة دة مش العندو بوست لسه جديد اسمو "اشتريتلي عربية ؟ " لحقو سحرو لاحول ولا قوة الا بالله العلي العظيم.. ومن شر حاسد اذا حسد |
كفارة يا عمرو و ان شاء الله ما تشوف شر العربية الجاية اتصل بعمك "أبوبكر" في دبي خلي يقرأ ليك عليها بالتلفون .. أصله أبكر ده سره باتع !! ألف سلامة ...
| |
![Edit](https://sudaneseonline.com/db/blank.gif)
|
|
|
|
|
|
Re: عمرو كمال يتعرض لحادث حركة .... ألف سلامة (Re: Ishraga Haimoura)
|
الف حمدالله على السلامة يا عمرو لك وللاسرة وان شاء الله تسلم وتركب احسن منها.. وتعود لينا اقوى من زمان والمرة الجاية تعمل كرامة للسلامة وكرامة تانية للعربية الجديدة والعودة بقوة الى المنتديات بقلمك الرشيق... بس عليك الله تنزل صورة الخروف فى المنتدى (مضبوحا)..
نورالدين منان
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: عمرو كمال يتعرض لحادث حركة .... ألف سلامة (Re: Mannan)
|
إشراقة نجلاء عمنا بكرى خضر أبوبكر محمد حيمورة إنعام وإنعام التانية محمد على ابوذر محمد مرزوق أميرة رأفت عصام سمؤال الطيب معتصم تراجى على مولانا نبيل فاروق الشفيع الفاتح دينق هيثم ياسر الصحافة 30 عادل منان
وجميع قراء البوست
ومن سمع الخبر ودعا لنا بالسلامة
أشكركم ، لا... ليس شكرافقط... أحبكم
فما عرفت يوماقدرا من الحب والوفاء، مثل ما عرفت فى هذا البوست
أن الكلمة المداد جعلت بيننا جسرا للتواصل وخلقت ودا وحبا و إلفة
عفوا إن لم اتمكن من الرد ، كلًَََُ على حدة
لكن
اكن لكم الحب والتقدير
عمرو
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|