|
يا خرطوم، يا بنيه مين شتت هديل عمرك؟
|
قعدت حداكى قدام منامات الشموس الغايبه ليها أزل ندهت معاكى ريحة الفرح البتاوق فوق شقانا يا صفصافه مين ودر صباح نهرك جدع ليلك بعيد يا قمريه وينو غناكى مين شتت هديل عمرك سرق خرس البيوت حسك ولا السكات هزم النشيد يا عطريه وينو شذاك مين دنس صلاة زهرك دفن جوه الفيافى مناكى حلمك رهاب جوه العطش محبوس دمك يباب مسمر فى الأسى الجواكى ونحن ليهو نكوس
قدام منامات الشموس الغايبه ليها أزل عبيت قرب ليلك عذاب قبال تصل ومرقة بدرى زى عمرك يتيمه صباحا بعيد وما ملحوق وفتحتَ فى العينين مسارب سويت دروب سيلك سراب مرقة غنا الناس القراب تفضح بالحنين أمرك والمواويل القديمه هدت حيلك الممحوق مضاريا بالشوق المحل
قدام منامات الشموس رجيت غيماتك الفسلا قعدت براى زى عشم الأرض مدسوس يا جايينا من جوانا اتمهل يا حابسنا جوه دمانا اتمهل يا طافينا بى نيرانا اتمهل شيل ضو الصبر فانوس وعاين فى ضلام دنيانا بى مهلا
قدام منامات الشموس الغايبه ليها أزل قبال مواعيد الخفوت شمسك مكتفه بالضلام قبال مراكب الليل تصل لملم شراع حزنك وفوت للشوق هنا طعم البيوت وللنيل هناك معنى الوئام
|
|
|
|
|
|
|
|
Re: يا خرطوم، يا بنيه مين شتت هديل عمرك؟ (Re: soma)
|
يا أسماء الج -نيد- مال الحسنى
يا حضور منظوم سنا يا إسم الحدائق وسوسنا
كيف الحال وكيف أرض البخور ولون البيوت الأبيض زى عديلة العشاق زى فرح الأمهات
Quote: من فتر الرحيل فى دروب الدردره للرزق جابد بين الحيل الانتكى .. وبين الحس الراح من كتر الصياح
|
تعب الدرب ونشاف ريق المسافات الطوال
وما زلنا لسه بنجابد والله يا اسماء
والقمرا هناك بعيدة، ترتب فى الحيشان وترش فيها عطر الضوء وغناء الأمسيات
ونحن لسه بعاد
لكين أكيد
لا بد من النيل وإن طال الوجع
الأزرق الأيام دى هايش زى عريس الحفلة
متعب الأنام والسوام
لكنهم برضو فرحانين بيهو، سلسل الفراديس
شكرا ليك يا أسماء
شكر أطول من النيل وأكتر من شوقنا ليهو
| |
|
|
|
|
|
|
|