|
يا دينق أعمل حسابك ود الريح طلع ما "كوز" وكمان ود شيوخ .. بشهادة والده !!!
|
صدفة أكثر من عجيبة جمعتنى بوالد اخونا وزميلنا أحمد الريح وكنت أتجاذب معه اطراف الحديث فى امور شتى لعدة أيام قبل أن أعرف بأنه والد اخونا العزيز أحمد الريح، وذلك اللقاء كان يتم فى مقهى بوسط القاهرة يجتمع فيه عدد كبير من السودانيين من أهل الفكر والأدب والرياضة، صحفيين وأدرايين وشعراء وغيرهم مقمين وزائرين .. نعم غالبيتهم أم درمانيين واكثريتهم هلالاب .. وليس لنا ذنب فى ذلك!!
منذ أن عرف الأخ / كمال آفرو الضابط السابق الشيخ "الريح" لا استطيع أن اقول العم أو الخال حيث لا يفرق العمر بيننا كثيرا، بأننى أم درمانى وهلالابى متعصب "أعتز وأفتخر" بذلك، حتى لمست معاملة خاصة من الشيخ "الريح" شعرت بها من طريقة استقباله حينما أجئ بعده أو قبله.
الصدفة وحدها كشفت لى عن أن "الشيخ" الريح هو والد اخونا "أحمد الريح" وأن جده مباشرة "الشيخ حمد النيل" الولى المدفون فى أم درمان .. مدد .. مدد. ضحكت وقلت له أحب "أحمد الريح" كهلالابى يوثق للهلال ولأعداء الهلال بصورة مذهله، لكن يا شيخ "الريح" صراحة كده "أحمد" ولدك عندنا اخونا اسمه "قرنق" شابكو ليك "الكوز" .. "الكوز"!! ضحك شيخ "الريح" وقال لى نحنا أبعد الناس عن "الكوزنه" وأحمد ولدى وعارفو ما كوز!! فقلت له لماذا لا ينفى أحمد عن نفسه تلك الكوزنه؟؟ فقال لى : هذا طبعه !!! يا ابو حميد يا اخى ما تخلى "الغتاته" وتنفى "الكوزنه" طالما انت ما كوز ولا ما عايز تريح "دينق" ؟؟
الشئ الأكثر غرابة اكتشفت أن شيخ " الريح" أكثر منا أم درمانية وتعصبا ومعرفة بالهلال وقد غالط فى جلسة الأمس مقرر التسجيلات فى الأتحاد العام عن صحة تسجيل "ماردونا" السودان كما وصفه "مزمل ابو القاسم"أعنى لاعب المورده الحريف المنتقل للهلال "صالح عبدالله"، وأتضح مساء اليوم أن وجهة نظر شيخ "الريح" هى الصحيحة 100% بتأئيد وتأكيد من الصحفى المعروف " طلحة الشفيع" مدد .. مدد !!
يا ود الريح كنت احبك كهلالابى والآن أحبك أكثر لأنك أم درمانى وكمان ما "كوز" ولو اصر "دينق" !!
|
|
|
|
|
|
|
|
Re: يا دينق أعمل حسابك ود الريح طلع ما "كوز" وكمان ود شيوخ .. بشهادة والده !!! (Re: Deng)
|
الحبيب دينق يا زول أعمل حسابك الناس ديل طلعو شيوخ ، والشيخ حمد النيل ده النوبات كل جمعه صوتها واصل السماء .. عارفك مسيحى لكن برضو المسيحيين عندهم حاجات قريبه من المتصوفه .. فى اثيوبيا كانت تربطنى صداقة باسرة اثيوبيه مسيحيه ، عند كل اربعاء يتصلون بى ويدعونى لشرب قهوة "الجيلانى" . والله يا دينق والد أحمد سودانى اصيل محب للسودان كلو دون ادعاء هاش باش وكما هلالابى أكتر منى .. وزول زى ده لازم ينجب زول كويس ، بس أتضح لى انه "أحمد" غتيت شويه.
| |
|
|
|
|
|
|
Re: يا دينق أعمل حسابك ود الريح طلع ما "كوز" وكمان ود شيوخ .. بشهادة والده !!! (Re: تاج السر حسن)
|
Quote: الحبيب دينق يا زول أعمل حسابك الناس ديل طلعو شيوخ ، والشيخ حمد النيل ده النوبات كل جمعه صوتها واصل السماء .. عارفك مسيحى لكن برضو المسيحيين عندهم حاجات قريبه من المتصوفه .. فى اثيوبيا كانت تربطنى صداقة باسرة اثيوبيه مسيحيه ، عند كل اربعاء يتصلون بى ويدعونى لشرب قهوة "الجيلانى" . والله يا دينق والد أحمد سودانى اصيل محب للسودان كلو دون ادعاء هاش باش وكما هلالابى أكتر منى .. وزول زى ده لازم ينجب زول كويس ، بس أتضح لى انه "أحمد" غتيت شويه. |
تاج السر.
ده كلام فطير ساكت وتمييع للقضايا. البشير نفسه على المستوى الشخصي رجل طيب وبجي في بيوت البكا وبياكل الاكل كلوا لوحده. هل هذا سوف يعفيه من الجرائم التي أرتكبت في السودان؟ تاج السر. كن كده أحسن لك خليك في كورتك دي وبس.
دينق.
| |
|
|
|
|
|
|
Re: يا دينق أعمل حسابك ود الريح طلع ما "كوز" وكمان ود شيوخ .. بشهادة والده !!! (Re: تاج السر حسن)
|
صدفة غريبة فعلاً يا تاج السر!
والدي العزيز -عمر عبدالرحيم- هلالابيّ يهوى حقيبة الفن، يعني "سليم الذوق"! إما حكاية إنو أنا كوز فدي حقيقة يا التاج، مع مراعاة معنى الكلمة دي في sudaneseonline
نحن صاحيين كويس لمحاولات المريخاب صرف أنظارنا عن "قضايا الهلال المهمة" وشغلنا في قضيا جانبية، لكن ده ما بيحصل، والدليل صالح مارادونا! الولد ده جبناهو جاهز وبي لقبو كمان... جنس ثقالة زي ما بقول خالد عز الدين!
يا ريت يا التاج لو كنت نقلت معاك من الأرشيف المقال ده... "جمــال الوالى" يقول .. "مزمــل ابو القاسم" كضاب كبير!!! _____________________________
كنت عاوز أفتح مقال عن تباكي صحفيي المريخ على هيبة الموردة وتأريخها، بس مباراة الهلال مع الترجي أهم، وإن شاء الله في أقرب فرصة حنشوف مع بعض الفيلم "الحزايني" الما ظريف ده!
كنت حا أسمي المقال [دمـــوع في عيون وقحــة]
| |
|
|
|
|
|
|
|