|
الجابري...وسيد الإسم
|
سيد الاسم كلمات الأستاذ: كامل عبدالماجد محبوبى وكتين يبتسم الدنيا ياناس تنقسم الفرحه تملاها وتزغرد فيها والشوق يرتسم
مرات اقول اديهو كلمه تزعلو حبة عذاب وكلام عتاب انا عارفو مابتحملو علشان اشوف خده الحرير الدمعه جارية تبللو لكنى قبال ابدا بلحظات اقيف اتاملو الضحكة واللفته البتاخد من عيونى النوم شهور وتجفلو وانسى العتاب الكنت ناوى اقوله وارجع منهزم الدنيا ياناس تنقسم الفرحه تملاها وتزغرد فيها والشوق يرتسم
فى العيون ببنيلو دارين من موده ومن مني بضمه فى قليبى إنبساط و محبه فياضه وهنا ماردت غيره ولاهو راد زولا سواى انا نظراته كيفن اوصفا دى الفى عيوني مدونا همساته تحنان القمارى الراجعه للعش والجنا وتضوى والليل ينهزم وكتين يبالغ ويبتسم الدنيا ياناس تنقسم الفرحه تملاها وتزغرد فيها والشوق يرتسم
|
|
|
|
|
|
|
|
Re: الجابري...وسيد الإسم (Re: علوبه)
|
الأخ علوبة ألا رحم الله الفنان الرائع أحمد الجابري... وربنا يديم الصحة للاستاذ كامل عبدالماجد ليمدنا بروائعه الخالدة... وألف شكر علي مرورك.. ودمت
| |
|
|
|
|
|
|
Re: الجابري...وسيد الإسم (Re: نها محسن أبورأس)
|
دكتورة نها
صباحك سعيد,ومافي اجمل من انو الزول يبدا يومو بي اغنية لحبيب بي صوت
الجابري........يآسلآآآآآآآآم يادكتورة........وياريت لو نزلتي لينا ما نسيناك.....جاي تعمل ايه
معانا بعد ما .....بدلتنا!!!!
شكرا كتير
عمر
| |
|
|
|
|
|
|
Re: الجابري...وسيد الإسم (Re: نها محسن أبورأس)
|
... يا علي .. دارين من مودة و من منى !! وجوه العيون كمان !! يا سلام علي الخيال الشعرى !
... محمود درويش تناول راشد حسين كموضوع شعري وقال عنو في الخيال الشعري : طويل كنشيد ساحلى و حزين !
و شاعرك يا نها , قسم الدنيا . . و جاب نجوم تضحك .. و قمر بغنى حتى الصباح ! و السبب الحب اللى فتحوا ليهو ناس مرتضى ود حامد بوست كامل ..
في غنا الجابري بنشوف عبد الرحمن الريح ! بصماتو و جملو اللحنية .. كتر خيرك .. ودام عليك الهنا و السرور
| |
|
|
|
|
|
|
Re: الجابري...وسيد الإسم (Re: أحمد طراوه)
|
Quote: اهديها الي احمد الامين وعروسته فهو عاشق الجابري الاول في العالم |
كضباً كاضب يا كيكي .. أنا أول عاشقي الجابري ..
و نهى أصابتني في مقتل الله يشهد .. شكرا على القتل الرحيم يا نهى ياخ . ينصر دينك .. ريحتينا الله يريحك بركة جاه النبي . و ما دامك قادرة يا نهى .. ختي لينا هنا ( الزهور بسمت لينا ) .. و يا ريت بتسجيلها القديم زي ما الله خلقو .
| |
|
|
|
|
|
|
Re: الجابري...وسيد الإسم (Re: Emad Abdulla)
|
يا نها قال لي احد الصحاب بانه يحدد الذوق العام للناس بسؤاله لهم عن مدى حبهم للجابري . وقال لي انه يذيد عن الجابري في حبه لنفسه وفنه....ذاك الصاحب تمنيته هنا الان لنمد سويا اقداح من جماله لا تشبع وكؤسا من فنه لا تنضب نوزعها انخاب ود وجمال في خيطك الذي افردتيه لكبير فينا اسمه احمد الجابري.
وسلم الجمال
| |
|
|
|
|
|
|
Re: الجابري...وسيد الإسم (Re: أحمد طراوه)
|
الأستاذ أحمد طراوة نورت البوست وألف شكر علي المعلومات القيمة وياريت لو واصلت لينا في سردها لأنك علي حسب علمي ماشاءالله عليك علي دراية تامة بالشعراء السودانيين وخصوصا فيما يختص بالأغنية السودانية... فياريت لو مديتنا بالمزيد من النعلومات... وألف شكر علي التعليق وربنا يديك العافية...
| |
|
|
|
|
|
|
Re: الجابري...وسيد الإسم (Re: أحمد طراوه)
|
تعرف يااخى د.احمد طراوة حى العرب دى فيها سر عميق كورة وسياسة وفن وطرب كلمنا شوية عن اللحن والاداء المتفرد للجابرى ؟ بعدين فى سؤال علاقة الحنية العند الجابرى واختياره للكلمات ؟
| |
|
|
|
|
|
|
Re: الجابري...وسيد الإسم (Re: b_bakkar)
|
b_bakkar
ياسلام عليك والله إنت أصبت كبد الحقيقة وهي محاولة عولمة موسيقانا الرائعة المتفردة...والمفروض إنو أي سوداني أصيل يجب إنو يغير علي تراثو من الإندثار...لكن الملاحظ إنو موسيقانا غير مفهومة للعالم ما لم يتم تغيرها(عولمتها)..وأنا من رأيي إني موسيقتنا عاجبانا وما حنغيرها ولو عايزين يفهموها كده أهلا وسهلا وإلا عنهم ما فهموها...واللا شنو؟ وفعلا الفنان الجابري صاحب صوت مميز وطريقة متفردة في الغناء وهذا ينطبق علي كل الفنانين في السودان وهو أن لكل منهم لون غنائي يتميز به عن الاخرين وهذا ما يجعلنا نتذوق متعة الإستماع لكل واحد منهم علي حدا... ألف شكر وربنا يديك العافية..
| |
|
|
|
|
|
|
Re: الجابري...وسيد الإسم (Re: نها محسن أبورأس)
|
نهى ..او نها وعندي بعدين كلام في دي !! لك التحية وانت ترحلين بنا جميعا الى مرافىء بعيدة
تخريمة واحد من عندنا وقف يصلي وراء امام .. والظاهر صاحبنا عارف انو الامام ما حافظ كويس.. اول ما الامام بدأ يقراء سورة قل يا ايها الكافرون .. قام قاليه داخل بينا في( الكشك ) دا ليه... خليك في قل هو الله احد .. وانا عندي عقدة من كتابة الاسماء المدام بتكتب اسم اختها نورا.. وانا مصر ان اسمها نوره .. بس دي يمكن فيها اختلاف ثقافات!!!
| |
|
|
|
|
|
|
Re: الجابري...وسيد الإسم (Re: welyab)
|
أخي الولياب ألف شكر علي المرور وعلي النكتة الجميلة...... والحقيقة أنا نهي وليس نها لكن دي غلطة مطبعية من الإدارة لمن إستلمت الuser name ورسلت ليهم عشان يتصحح ولسه منتظرة...
| |
|
|
|
|
|
|
Re: الجابري...وسيد الإسم (Re: نها محسن أبورأس)
|
قالتهت الخواجية
بمكاتب صحيفة السوداني
( أنا بعشق غناء الجابري)..
قالتا بالعربي طبعاً
فهي خواجية من بلجيكيا
ومتخصصة في اللغة العربية
،،،،،،
وقالت برضو
( الجابري ليهو طريقة في الغناء متفردة)
بس شوفي جنس كلام كامل دا؟؟
القصة قصة..
| |
|
|
|
|
|
|
|