|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: nazar hussien)
|
-2007, 08:40 ص
محمد حامد جمعه
.
اخشى على الهلال من الكج والشحن الاعلامى الزائد
اخشى على فريق الهلال فى مباراته المرتقبة مساء اليوم امام الترجى التونسى من الشحن الاعلامى الزائد الذى تمارسه الصحافة والاعلام الرياضى لتحفيز الاعبين معنويا وشحذ هممهم ، القارئ لكل صحف اليوم (يشيل هم عديل كدا ) للحد ان المشجعين بدات اعصابهم فى الفلتان منذ الان . اذاعة اف ام 104 الرياضية زادت الطين بله حيث انها ومنذ يوم امس تبث مقاطع مزعجة لصراخ وصرخات وعويل الرشيد بدوى عبيد (قوووووووووووووووووووووووووووووووووووووووون ) و(قووووووووووووووووووووووو) لاهداف هلالية سابقة وكان الامر برمته مزعجا لحد ان تعليقا استوقفنى لصبى مساح احذية قال ببراءة .. الهلال دا الله يستر عليه من كج الناس ما يقومو يخشو عليهو بغلب .. الله يستر بس
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: nazar hussien)
|
Quote: في طريق عودتي من دبي قابلت عددا من لاعبي فريق الترجي في المطار .. واكدوا لي اصرارهم على الفوز .. وفي الطائرة قال لي احد المهاجمين ( حنا رابحين ) .. وكانوا مهتمين بدرجة الحرارة وسألني اكثر من لاعب عنها .. وعندما اكدت لهم ان الجو ارد والدنيا خريف .. اكدوا لي مرة اخرى انهم سيربحون .. ما راي الهلالاب ..
مريخابي ما عندو وطنية ( مع الهلال بالتحديد |
Nesta
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: nazar hussien)
|
Quote: يا ناس روقو وامشوا حاولو شوفو ليكم حل للمصيبة الجاياكم وقوون ما عندكم إلا قون رمضان الحبر الاكبر...قلواك بغطــــــــس حجركم الترجي = امبدة 1000X يعني اخير ليكم تشدو حيلكم شوية وتختشو على تاريخم المخجل الخاوي وتبطلو الادعاءات وقبل ما تخشو في خرف تلحقو تحققو ليكم إنجاز...يا فريق عجوز من غير كؤس!
قال خايف على المريخ...
|
سامي عبدالوهاب.. وعصفورتيه
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: Rakoba)
|
Quote: عشان استادكم الجميل ولا شنو يانزار! قبل كده فزتم على الترجي فماذا كانت النتيجة ياصديقي؟! فضيحة بجلاجل! ربنا يهون في الإياب وما تنسوا ترباس! |
والله يا راكوبة يا اخوي...وخال ودحلتنا...وجارنا في المرابيع حالتكم صعبة خلاص...تهنئة ساكت ما عايز تهني...خايف علينا من المباراة القادمة...؟ قول غلبونا فيها 14 صفر...برضو حا يكون طريقنا سالك...
أها ناس حمّص كيف؟ ومسلسل اسماعيلية رايح جاي لسة في دور العرض.
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: nazar hussien)
|
ابن عمي /عمادQuote: Quote: عشان استادكم الجميل ولا شنو يانزار! قبل كده فزتم على الترجي فماذا كانت النتيجة ياصديقي؟! فضيحة بجلاجل! ربنا يهون في الإياب وما تنسوا ترباس! |
!!!!!!!!!!!!!!!!!!!!!!!!! الغالي نزارQuote: أها ناس حمّص كيف؟ ومسلسل اسماعيلية رايح جاي لسة في دور العرض. |
!!!!!!!!!!!!!!!!!!!!!!!! هارون دياب
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: nazar hussien)
|
يا ابــن عمي .. ظنيتو الحســاب ولــد: أنا من أمس بعد المباراة .. وحات خوتك عندي صداع العدو .. وهبوط مفاجي واستفراغ .. دي فرحــة بس .. مشيت المكتب .. رجعوني .. البورد ده كنت ناوي اكون فيهو من بعد المباراة امس بالليل .. لكن الله غالب ويادوبك جيت داخــل وزيي زيك يا نزار بفتش لي الجماعة اياهم .. ما شايف لي واحد حايم غير راكـوبة .. وراكوبة ده طبعا ما داسيها وده كويس جدا .. امبارح الظاهر لي بيكون جاب ليهو كمية بتاعت تلتج للمكمدات زي كل مرة .. يا يكون اشترى ليهو بنج .. وطبعا راكوبة يا نزار .. كلما نمشي لي قدام يقول ليك ارجو الراجيكم .. كلما نلعب مع تيم ونطقطقو .. يقول لينا انتو شفتو حاجة .. ياخي انا بقيت اضرب بيهو المثل هنــا .. البسلم علي ساكت أقول ليهو .. ياخي انت قايل نفسك راكـوبة ..؟ غايتو انا افك ليك شفرة راكــوبة دا .. راكوبة يانزار خايف الهلال يقلع الكاس ده وكان قام كدا الهلال قلع الكاس ده بإذن الواحد الاحد .. بعد كدا الفورة الف .. يعني ناس قريعتي راحــت بعد كدا الكاس بتاعهم دا .. إلا يقطعوهو اسبيرات .. طبعا كلامي ده لنوعية راكوبـة وكل من لف لفهم .. ناس اساسي وباقي الشلة دي .. وبوست الفرح بتاعنا ح نعملو هنا .. ح اجي اشرح معاك الشــلة دي .. علشان نمتعهم .. والحساب ولد واكلو اخــوان واتحاسبو بورداب .. نحن ما قاعدين ( ندني ) لينا زول ولا بنقول العجب ده مالو والا بهاء الدين الحاصل عليهو شنــو .. نحن نخليهم يكتبو ويطلعو كل الجواهم .. ونجي نحن ( نبصــر ) ونلعبه ليهم ( كش الولد ) .. ويقوموا كدا اصحابك .. يتدسدسوا ويتغتغتوا .. زي ناس فرانكلي .. وابو حروف كبيرة واساسي .. بس يطلعو زي ناس راكــوبة ديل .. علشان يفرحــونا بي حركاتهم دي .. ونستغرب ليهم .. يجو يكلمونا عن الاستاد الكلو حفــر .. وعن ( عش ودبرق )... ياخي يقولو ليكم نحن رشيــنا الترجي اتنين صفر مع الرأفــة .. تجو تقولو لينا استادكم كراسيــو لونه ابيض وازرق .. انا بديك بوست يا بن عمي زي الترتيب .. بوست خريف ابو السعن عديل كدا .,. بتلقى فيهو جماعتك ديل كلهم بي ربطة المعلم متجمهرين .. وهاك يا توقعات .. وهاك يا شماته .. بلاي قطع علي مزاجك .. وعلى نار هادئة جدا .. وانا عقب بجيك صاد في واحد بتذكر قال الهلال بقى الطيش من أول مباراة عليك الله يا نزار شوفو لي من وسط الجماعة ديل .. ( واضرب ليهو قرن ) جيبو هنا ده خليهو يجي يورينا شعورو شنـو حسع .. أو شاعر بي ياتو احساس ..؟ أما ناس فرانكلي والشلة دي .. علي بالطلاق تخليهم لي .. بدردقهم ليك واحد واحد . والحساب ولد ونحن ما جنينا على زول .. ولا اتجنينا .. نحن قاعدين في ( عرضتنــا ) جو براهم ( دنونــا) غرق في البوست ده يا نزار وبتلقى ( العجب ) .. مواضيع كتيييرة بس لو كانوا صبرو شوية مش كان احسن ليهم .. بدل الفضايح بتاعتهم دي .. ؟ الهلال او البغل المزامل الخيل (بوست مفتوح لمعرفة حجم الهلال الحقيقى)
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: tmbis)
|
يا نزار يا اخوى العالم كلو بتحدث عن تطور فريق الهلال وأنه فريق جدير بالأحترام .. الناس البتحلل دى ما بتعرف تجامل ولا مأجره بيت جنبنا قريب من أستاد الهلال .. قالو انه الهلال يكفيه كان السبب فى تأهل الفريق القومى لغانا لأنه يضم مجموعة كبيره من لاعبى المنتخب .. الناس دى لسه بتتكلم عن الهلال وكانه فريق معاهم فى مستوى واحد بلعب بالخطة السليمانيه "شتت .. شلت .. طفش .. قرش" !! حظنا كده اننا بنلعب معاهم فى دورى واحد.
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: Frankly)
|
Quote: حتى نكون منصفين
التحية لجمهورية نيجيريا الفدرالية لهزيمة لاعبيهاالفريق التونسي على أرض السودان
يجب أن لا ننسى دور نيجيريا في هذا الفوز
ونحيي الموطنين النيجيريين على مهارة محترفيهاالكورة حظوظ ومدورة والإياب قدام
|
أكيد ما اتوضيت يا فرانكلي ولا قلت بسم الله...كدي سمي الله وتعال لينا راجع
عشان نحن كلام الهضربة دا ما بنعرف ليه
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: Rakoba)
|
والكراسي البيضاء والزرقــا وإنت الصادق .. سوق معاك صاحبك ابو حروف كبيرة .. عبد الماجد تربيع وافتحــو ليكم بوست بتاع ( سدي ردي ) خليهو يكتب ليك عن الحفــر بتاعت الاستاد بحـروفو الكبيرة .. وإنت جيب لينا الكراسي وجيبو معاكم فرانكــلي .. يعمل ليكم ( ختمــة ) ويكتب ليكم محايات من الهضربة الماسكاكم من أمس بالليل دي
لقيتونــا كيف ..؟ يا ابو النيز أنــا مش قلت ليك بدردق ليك الجماعة ديل .. ما صدقتني ؟؟ شيخ فرانكلي .. وابو حـروف كبيرة .. باقي اساسي بس .. تلقاهــو من أمس بالليل بيهضــرب .. قودويين .. قودويين .. واصلو هو قودويين ده حالق ليهو من بدري .. وماخد منو موقف ..
تعال يا اساسي يا معفــن .. مش قلنا ليك الفــورة الف .. ... ويسرني في هذه السانحــة أن ارفق لكريم عنايتكم عدد واحد بوست شماته اتقطع لي صاحبــو في راسو .. تقطيع شديد جدا .. نرفق هذا البوست ونعلن عن مقدرتنــا التحليلة العالية في تشريح هذا النوع من الكتابات .. استنادا لخبرتنا التي استمديناها .. من وجودنــا هنا مع هذه النوعية من الصهاينة الما عندهم ذمــة .. اساسي مثالا : القرعة والفريق القومي وتاريخ المباريات يتأمرون علي الهل... (شماتة حتي الشماتة) وفوق ليهـو بوســة نظرة لحال .. المريخاب بالبورد
Quote: كيف تتقدم الكورة السودانية ..؟ كيف يتقدم وطــن اسمه السودان ..؟ إذا كان هذا مستوى وعي قاعده جماهيرية .. ، تنطلق من الآن في المساعدة على محاولة هزيمة امة كاملة متمثلة في الهلال السوداني العظيم ؟؟ ارحموا وطنكم . يرحمكم الله .. أرحموا انفسكم . يرحمكم الله .. احقنوا شماتتكم حسب معتقدكم .. بداخلكم ،، احملوا طبولكم وشجعوا ضدنــا لا تنقصر شماتتكم هنا فلقد فعلتوهــا من قبل .. ستجدونــا صقور جديان .. نزود عن شعارنــا الأزرق والأبيض بالدم .. وبالروح .. سنزود عن علم الســـودان .. ونجعل كل المباريات ملاحـــم..سترقصون عندها طربا وأنتم تبكون حالكم الحزينة .. سترقصون غصبا عنكم كما فعلتوهــا مجبرين عندمــا درسنــا لكم من استعديتم لتشمتوا بهم فينا .. وتسارعتوا بنقل تصريحات ( اموكاشيكم ) ـ وتسارعتوا بتلوين هذه الصفحات والجرائد .. وظهرت اسنانكم قبل بداية المباراة .. ما انفكت ان تكسرت تحت ترقيصات البرنس وقودووووين الذي اذاقكم مر العذاب والويــل.. كل ما تكتبوه هنــا يعكس إلى أي مدى انتم تركضون من خلف الهلال العظيم وتسعون لتكسير مجاديفه وهو يواجه اعتى الفرق المصنفه عالميا .. وأنتم بعيدين كل البعد عن هذه المرحلة وتحتاجون الكثير لتصلون إليها .. أو حتى تجلسون في عتبات احتياطيها كفرق ربما ينظر في حالكم ويبحثون عن اي مادة لإدراجكم ضمن الفرق المنافسة. فقط اتركوا الهــلال العظيم في حاله .. وانتبهوا لأنفسكم .. الا تلاحظون أننا في حال سبيلنا .. نستعد لمنازلة عظماء افريقيا؟ هل انتبهتم ـ استعديتم ـ ادخرتم من طاقة ،، ومن دموع لتسكبوها وانتم تنعون حالكم ـ وتتكسر شماتتكم تحت اقدام فتية السودان المنصورين بإذن الله ..؟ أخوان البرنس ـ وخالد بخيت ـ وريتشارد ـ وكلاتشي وقودووين ـ ومهند الطــاهر بقيادة المايسترو الفنان الساحر البرازيلي ومن خلفه ابناء الهلال في الإدارة الحكيمة وفي المدرجات .. وفي قلب الشارع ؟؟ انتبهوا ايها الحقده .. فالهلال اعظم ان ينكسر تحت شماتتكم .. وبياننا بالعمل .. وسترون كيف في القلعة الحصينة سنجرس الابطال .. وفي ديارهم ـ نحبس انفاسهم .. عشت ياهلال السودان .. عشت يا عشق الملايين .. عشت يا امل الأمــة ..
|
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: Raja)
|
رجـــاء .. وينك إنت .. والله بفتش ليك بالفتــاشــة.. عامله زغبير وفاكـه لينـا راكوبة بتاع الكراسي والميدان المحفــر ده .. نحن دايرين دمــاء حــاره .. والله راكوبة ده من نهاية الكورة أمس بالليل ما فضل ليهو إلا يجيب الحجار من الأستاد ويطقعنــا بيها..
أوعه تقولي لي ما حضرتي الرش بتاع امس بالليل ده .. خلي راكوبة يجيب ليك الأقوان .. اصلو من أمس عامل الحالة واحده .. وعامل فيها هلالابي على السكين .. يشيل ويجيب في اقوانــا .. ونحن ساكتين ليهو مخلينو يمتع نفسـو بس
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: Ahmed Alrayah)
|
يمين بالله اليشوف فرحة الهلالاب ديل يتحيّر
التقول أخدوا الكاس او حتى تصدّروا المجمعة أو ضمنوا الصعود ولو ثانياً
3 نقاط من 18 مفترضة ضّيع منها الهلال ثلاث كم تبقّى
تعرفوا فرحة الهلالاب ديل ذي الواحد يكون عطشان عطش شديدي في صحراء بيّوضة ويجي واحد يديهو قربة موية فيقعد يكبّها على راسوا ويتشطّف ويعاين بعيد للسراب الهناك ويقول قدّام الكثير
أنا ما عايز أحبط نفسياتكم كثير لكن بجد بتبالغوا
وعشان ما تزعلوا مبروك التلات نقاط
وشكراً أولاد نيجيريا عشان فرّحتوا لينا كم واحد سوداني "موهوم"
الغريق قدّام
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: Frankly)
|
الرائع نزار ألف مبروك الفوز الغالي المستحق فكرة البوست جميلة وذكية وهي جرد حساب مع المريخاب. أنا المحيرني الناس ديل بكرهوا الهلال كده ليه؟ هم طبعاً أحرار في تشجيعهم للمريخ لكن يخلوا الهلال في حالو. البعض هنا بفتكر كلامو كلام سكارى يمحوه النهار وما عارفين إنو الكملة المكتوبة وثيقة لا تمحي.. البعض هنا عشان عارف إنو الهلال غلب باستحقاق والهدفين ما فيهم أي شبهة، بقى يتكلم عن الاستاد وكأن حلاوة الاستاد تمنح صاحب الاستاد الثلاث نقاط.. وجدلهم هذا ذكرني بنكتة الراجل العكليتة الحاسد الذي كان يكره جاره كراهية عمياء، ومرة لقاهو لابس نضيف وطالع مشوار عاين ليهو من فوق لتحت ما لقى فيهو أي عيب، في النهاية قال ليهو: إنت ماشي وين عامل طاقيتك كده زي طاقية الكلب.. وأعوذ بالله من الحسد ومن العبط..
| |
|
|
|
|
|
|
Re: راكوبة, فرانكلي,عبدالماجد عبدالماجد, وتاني منو يا تمبس؟ (Re: حيدر حسن ميرغني)
|
Quote: الترجي راح في حق الله!
* كما توقعنا أمس.. لم يجد الموج الأزرق العاتي كبير عناء في اجتياح طيف الترجي صاحب الاسم الكبير.. وهزمه بهدفين نظيفين ليرد التحية الأهلي الذي قدم له أعظم هدية وقهر أسيك الإيفواري في عقر الدار.
* فوز الهلال القوي وضعه في المركز الثاني بثلاث نقاط.. ومهد له طريق العبور إلى نصف النهائي حسابياً!
* الترجي وأسيك تعثرا على ملعبيهما وخسرا خارجهما.. وفقد كل واحد منهما خمس نقاط.. بينما لم يخسر الهلال بأرضه.. وهذه أفضلية نتوقع لها أن تلعب دوراً كبيراً في حسم بطاقة الصعود الثانية.. على اعتبار أن فوز الهلال بمبارياته الثلاث على ملعبه قد يكفيه للصعود.
* وحسب مجريات التنافس على هذه المجموعة فإن فوز الهلال على أسيك في المباراة المقبلة بأم درمان سيعني اقترابه أكثر من التأهل.. لأنه سيلاقي الأهلي في الجولة قبل الأخيرة لدور المجموعات.. ووقتها سيكون الأهلي ضمن الصعود والصدارة غالباً.. ولن يهتم بإشراك الأساسيين.. كما فعل في ختام الدوري المصري.
* كما نتوقع أن تكون حظوظ الترجي قد تلاشت عندما يلاقي الهلال في ختام مباريات المجموعة بتونس.. وبالتالي سيسهل على رفاق البرنس التفوق عليه أو التعادل معه بأرضه لأنه سيلعب وقتها غالباً بلا طموح!
* مطلوب من الهلال اهتبال الفرصة السانحة.. وعدم التفريط فيها أبداً.. لأن احترام منطق المنافسات التي تُلعب بطريقة الذهاب والإياب وكسب كل المباريات بالخرطوم سيكفيه للعبور إلى نصف النهائي بإذن الله.
العقل زينة.. يا ريكاردو!
* قبل أن نحيي نجوم الهلال على الفوز الغالي والأداء العالي لا بد أن نشيد بمدربهم الذي تعقل ولعب على المضمون فكسب أغلى نقاط!
* خرج هيثم مصاباً فدفع ريكاردو بلاعب محور ثالث (مساوي) وحرر علاء يوسف.. وحرك يوسف وعلاء جبريل أماماً على الطرفين.. ثم انتظر من النيجيريين الإجهاز على بقايا الترجي فلم يخذلاه.
* حصد الهلال ثمار هذا الأسلوب العقلاني فوزاً مستحقاً سيمنحه دفعة معنوية هائلة قبل مباراته المصيرية أمام أسيك المقامة بالخرطوم يوم الأحد 22 يوليو الحالي.
* وكان كل لاعبي الهلال بقدر المسئولية.. فلم يتهيبوا الخصم واستغلوا السوانح التي تهيأت لهم لتمزيق شباكه مرتين.. فاستحقوا التربع على المركز الثاني خلف الأهلي (جعلي المجموعة الثانية)!
* على نجوم الهلال عدم التفريط في الفوز على أسيك بالخرطوم.. وبعدها (الرزق تلاقيط).. لأنهم يستطيعون خطف نقطة على الأقل من الإيفواري على أرضه وانتظار تأهل الأهلي المبكر للفوز عليه بالخرطوم ورفع الرصيد إلى عشر نقاط على الأقل ستكون كافية تماماً للصعود إلى نصف نهائي دوري الأبطال
مزمل ابوالقاسم: رئيس تحرير صحيفة الصدي: |
فوق قلبي ومصراني الحقيقة
| |
|
|
|
|
|
|
|