الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: رايكم شنو؟ المرجو من الجميع المشاركة (Re: نصار)
|
اعتقد هذا ترسيخ لفكرة الهجرة العكسية للوطن واعتقد هذا حلم الكثيرين ولكن حتى لا ينقطع ذلك التواصل فى مناخ ديمقراطى يمكن ان تجنى الناس سماروا وعلى كل محاولة الان لاباس بها ويمكن ان يتم احتفالات مؤقتا فى المنافى على ان يشارك فيها المبدعين نت شعراء ومسرحين ومغنين على كل بكثير من النقاش يمكن ان نصل لرؤية مشتركة وادعم الفكرة من حيث المبدأ
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
ورغم بعدي برسل سلامي سلااااااااااااااااام كتير يا بكري يا امير اها نصر زي نصار الا ناس بش بش ديل يعملوا الباي باي لكن مستعد لاي التزامات تانيه وربنا يوفق ويساعد ونشوف قريب سودانا سودان البساط في ازدهار ومنبرنا فوق فوق وسلاااااااااااااااام شديد
| |
|
|
|
|
|
|
Re: رايكم شنو؟ المرجو من الجميع المشاركة (Re: ودرملية)
|
great idea ya Za3eem.
Give me a ring when you come to Khartoum. And dont forget to invite me. My offices will be situated inside the present Republican Palace. Of course i would be the democratically elected Sudan Prime Minister.
Rest assured that nobody would be subjected to any cruel, degrading or inhumane treatment. No arrests. No detentions. No persecution or harassment.
| |
|
|
|
|
|
|
Re: رايكم شنو؟ المرجو من الجميع المشاركة (Re: Badri)
|
استاذنا الزعيم موافقين وعندي اقتراح انو نقوم بتكريم المبدعين جميعاالاحياء منهم والاموات وعايز تكريم من نوع اخر لرجال وضعوا لبنات العمل التربوي والسياسي والثقافي لانوا التكريم نايمين بيهوا ناس الفن بس واهلناابدعوا في مجالات كثيرة ويا ريت لو ما قدرنا نساهم في علاج ومساعدة المبدعين وهذا هو التكريم ايضا اقتراح اخر
اذا لم نستطيع عمل المهرجان ندعوكم باسم بورداب جدة بعمله في جدةوما تخافوا في حرية في جدة لعمل احتفالنا انشاء الله وبالمرة اعملوا عمرة معا جميعا ولدينا وكلاء عمرة في كل العالم ومرحب بالجميع
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
اعتقد يا استاذ بكري ان نقسم انفسنا لفئات متخصصة مثلا الممثلين، الفنانين الكتاب والصحفيين ونشوف رؤية كل فئةللاحتفال، واتمنى الا يكون هناك مانع (سياسي) وقتها من حضور الكل.. وطبعا يمكن حسابي معكم، هل أدفع بالدولار أم الدرهم؟
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
كلنا نحلم بان نلتقى فى ربوع وطننا الحبيب ولكن من الواضح بأن هناك فئة تصعب عليها تحقيق هذا الحلم وان شاءالله اذا تغير الوضع هناك فليس هناك عائق ولكن الا ان يقضى الله امرا كان مفعولا دعونا نبوب الاعضاء حسب اماكن تواجدهم فى المنافى الاختيارية او الاجبارية واين تكون الاغلبية نقترح بتحويلها هناك وما اعتقد انها صعبة فرغم حال جواز سفرنا الغائب الا الذين متواجدين بالخارج يسهل لهم حركة التنقل بين البلدان ( حسب شروط الدولة المقترحة)
وبعدين يا بكرى اخوى القصة ما 20-50 دولار بس القصة يا اخوى ضرائب وزكاة وفضائية وغيرة والحاجة التانية انت قاصد يناير حقنا و لا يناير تانى ال انت قاصده ده ينائر
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
اقترح رائع ويجب التحضير لة من الان واذيد اقتراح بتكوين رابطة منتدى الحوار الحر وتكون لها لجنة تنفذية وفروع فى كل لدول وتكون مهامة رابطة اجتماعية ثقافية لها الحق ان تتحدث بى اسمهة امام جميع الجهات وتعمل على جمع الشتاتات من السودانين وان تكون لها برامج ولوائح وهذة اتركها للمختصين فى هذا المجال وان تكون العضوية بدون شروط او اى انتماء لى جهة او حزب اوقبيلة وان تكون العضوية للجميع حتى لى الذين ليس اعضاء فى المنتدى اوليس لهم علاقة بالنت ودرو الاعضاء ان يعرفوا اعضاء الرابطة بى المنتدى واهدافوا اتمنى ان اكون وصلت الفكرة والباقى يتموا الشباب
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
تسلم يا استاذ بكرى ..والله كالعادة عودتنا على اقتراحات وافكار رائعة ومدهشة.. يديك الف عافية ومن هسه معاكم ولو التنظيم بدا من بدرى كما ذكرت حا تطلع منتهى الابداااع ..وحا يكون برنامج يسجل فى التاريخ ..ونبل شوقنا وسط اهلنا بيكم ومعكم سلام بالايدى بدل البوستات وتهانى حاره بمناسبة اللقاء ..اتمنى النجاح لمشروعك الهادف وربنا يدينا الصحة والعافية جميعا ونلتقى باذن الله لك الف تحية واحترام
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
الأستاذ بكري الفكرة رائعة ونوافق عليها دون قيد أو شرط وانا أوّل المشاركين فيها واعلن تبرعي المبدئي بمائة دولار كبداية عندما تطلبونها. وعلى استضافة 2 من الأعضاء المشاركين بمنزلي بالخرطوم إذا لم يكونامن سكان العاصمة. وبالله التوفيق
| |
|
|
|
|
|
|
Re: رايكم شنو؟ المرجو من الجميع المشاركة (Re: cantona_1)
|
الشكر لك الاخ بكرى على هذا المقترح الذى يدل على روح وطنية صادقة مؤكد اذا كنا بالوطن حينها ستكون المشاركة فعلية نتمنى ان يكون الوطن حينها سالما اما عن المشاركة المادية نتمنى ان تكون واجبةحتى لو لم يستطع العضو المشاركة بالحضور هذا وجه مشرق للسودان نتمنى ان ينجز
| |
|
|
|
|
|
|
Re: رايكم شنو؟ المرجو من الجميع المشاركة (Re: Alsawi)
|
الاخ العزيز بكري
فكرة قيمة جدا وتستاهل ان نغامر من اجل تنفيذها وعملاق انت اخي بكري ,واهميته هذا المهرجان تاتي من انه في السودان في ارضي الوطن الحبيب وبين اهلنا الطيبين الحلوين وفي حالة نجاح الفكرة واتمني ذلك من كل القلبي وعلي بااذن الله التكفل بجلب فرقة فنية من الشرق الحبيب والفنان الكبير محمد البدري فنان الشرق الاول, في حال تعزر اقامة هذا المهرجان في السودان عليه اقترح اقامته في دولة الامارات المتحدة , ودمت لنا
دقنه البجاوي
| |
|
|
|
|
|
|
Re: رايكم شنو؟ المرجو من الجميع المشاركة (Re: degna)
|
الأخوة الأحباب
دعونا نعمل من الآن على تنفيذ هذا المشروع الجبار
أولا تحديد المكان
الأفضلية للسودان وإذا تعذر الأمر فالأمارات وخيار آخر لسوريا أو أى مكان آخر ترونه
ثانيا أنت كعضو فعال لدينا ماذا يمكن أن تقدم لهذا المهرجان الكبير حتى نصيغ البرنامج؟؟
ثالثا بورداب الداخل يمكن مساعدتنا فى معرفة الإجراءات اللازمة من تصاديق ورسوم ومتى وكيف تسدد وماهى طبيعة هذه التصاديق التى يمكن أن تطلب منا؟؟؟؟؟
وأى إقتراحات أخرى مفيدة لنتدارسها فيما بيننا
ويلا بينا يا شباب ننجز هذا العمل الكبير والغير صعب التنفيذ
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
بسم الله الرحمن الرحيم
كثير من الاوقات ينتابني الشعور بان هنالك فائده من موقعكم الرائع
وحقيقة يزداد الشعور يوم بعد يوم
الاقتراح جمـــــــــــــــيل ويحتاج للدراسة ووضع كل المقومات
والعوائق في الحسبان
واتمني ان يكون المشروع واقع ويبتعد عن السياسة
اتركونا نجتمع اولا ونتفاكر بعيدا عن من هو متواجد في سدة الحكم
حاليا حتي تكون نقطة بداية لمشاريع اخري تاتي تباعا
وانا من ضمن المشاركين فارجو تدوين اسمي
اخوك امير الجيلي
| |
|
|
|
|
|
|
Re: رايكم شنو؟ المرجو من الجميع المشاركة (Re: Amer)
|
الزعيم بكرى والاحباب
ما اجمل ان نجد شىء ما يجمعنا ونتفق عليه اضافة الى حب الوطن وما اجمل ان يكون التلاقى فى رحاب الوطن الجميل ..
ارى ان الكثيرين يتخوفون من زيارات منتصف الليل او الاستقبال فى المطار من اولئك ولكن الا نستطيع الحصول لهم على عهد امان كما حدث للاستاذ نقد من نميرى ايام اليوبيل الفضى لمدرسة حنتوب الثانوية وكيف انه (أى نقد) منح الامان من لنميرى حتى قضاء الاحتفال وكانت هى اخلاق السودانيين فى نميرى رغم كل شىء آخر ؟؟ هل يستحيل ذلك ؟؟ وهل احبتنا متأكدين انهم على قوائم الحظر ام انها تخوفات فقط ؟؟
اعرف زميل لنا من رواد حزب الامة وكان متخوفا جدا من العودة حتى شاء الله ان تتوفى والدته فاضطر للعودة ولكن قضى كل ايام العزاء وعاد ولم يسأله أحد .. ربما سقطت القوائم احبتى ولتكن لنا اياد خفية نعرف خلالها هل احبائنا فى القوائم ام لا ؟؟؟ ربما لان يدى فى الماء اتحدث بهذه البساطة ؟؟
مقترح آخر بخصوص التمويل كنت اود الاستئثار به لنفسى ولكن داعى الجماعة يجعلنى اطرحه للبحث وللصالح العام وهو الاستفادة من مواد البورد المنشورة هنا واخذ موافقة الجميع لنشرها فى سلسلة كتيبات مثلا كان تكون بعنوان
سلسلة مطبوعات سودانيز اون لاين تقدم
ماذا يقول ابناء السودان عن اتفاقية مشاكوس
وتتعدد العناوين والكتيبات ولتكن بسعر زهيد مثلا 10 ريالات او ما يعادلها ويلتزم الاعضاء بتوزيع اكبر قدر على المعارف والزملاء .. بذلك نكون قد ضمنا تمويلا ذاتيا من اقوالنا واراءنا وضمنا نشر اراءنا وافكارنا على الاخرين حتى يعرفنا الناس اكثر خاصة الذين لا يتعاملون مع الانترنيت.. ما اكثر المواضيع الجميلة المنشورة على الصفحات ولا اظن ان اصحابها سيبخلوا بها على دعم هذا المشروع الرائد .. لكم التحية جميعا وارجو ان نتدارس الموضوع بجدية
| |
|
|
|
|
|
|
Re: رايكم شنو؟ المرجو من الجميع المشاركة (Re: قرشـــو)
|
بكرى والاخرون
تدفعونى الان لاعلن لكم ما كنت ادخره الى حينه
تدور مناقشات بينى وهاشم صديق والقدال لعمل منتدى شهرى لسودانيز اونلاين بالخرطوم
نحدد فيه مكان معين وتاريخ معين من كل شهر يجتمع فيه الجميع ويقدم فيه اعضاء المنتدى اعمالهم للاساتذة لتقييمها وتوجيههم للافضل وتشجيعهم
بالاضافة الى استضافة فنانين او سياسين او شعراء اخرين فى كل مرة لتنويع النقاش وتعميم الفائدة
من هنا
اعتقد ان هذه الفكرة ستكون بذرة لتحقيق هذا الحلم وستمكننا من مساعدتكم اكثر
وفى كل الاحوال
احنا جاهزين لكل التفاصيل
تسلمو
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
والله الفكرة جميلة ورائعة يا بكري ويار يت لو تكون في السودان، وعلى الجماعة المتخوفين من السودان والله لو تعرفوا الحاصل هناك كان بقت عليكم نكتة محمد موسى بتاعة الراجل المشى شاف بته بتقرا مع حناكيش امدرمان الاهلية وكان خايف عليها ولمن شافهم قال ليها لو ديل زملانك اقري ساكت واللهالحبة ما بتجيك!!0 هسة والله ده حال السودان الحكومة من يوم 11 سبتمبر بقت والله ما بتخوف ومش كدة وبس بقت هي زاتا تخاف من ضلها، وسالوني انا جيت من هناك قبل ثلاثة شهور وقبلها كنت غايب ستة سنوات ، والو خاجة حسيتها هناك انه مافي حكومة ولا يحزنون، واي مواطن عادي يقول ليك يا زول ها والله انت زول قديم خلاص انت من زمن الجبهة والحكومة؟ ديل زمان سفوها وزاغو وخلونا لافين صينية0
هسة تعالاكم هناك هو صحيح بتكون في مضايقات بتاعة تصاريح وحاجات من النوع ده بس في النهاية بتلقى الغرض رشاوي وكدة يعني في ناس عاوزة تاكل والسلام وفي الاول يحمروا ليكم عيونهم لمن يهجموك وفي النهاية تلقى المراسلة يثول ليك يا ود العم ما توسع مخك!!!!0
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
كعادتك يا بكري دائماً اقتراحاتك متفردة
الفكرة ممتازة واعتبروني من المشاركين فيها بجهدي المتواضع واري أن يتم تقسيم البورداب حسب مواقعهم يعني ناس الداخل تتكون ليهم لجنة وناس الخليج وناس أوربا وناس أمريكا وهكذا عشان حتى مسألة تجميع المساهمات تكون أسهل وفي النهاية يتم تجميعها للجهة التي ستقوم فعلياً بتفعيل الفكرة وإنزالها لأرض الواقع لأنو الفكرة بدون دعم مادي حتظل فكرة وبس
ودمتم نادر
| |
|
|
|
|
|
|
Re: رايكم شنو؟ المرجو من الجميع المشاركة (Re: نادر)
|
الاخ بكرى اعتقد الفكرة جيدة والزمن كافى لترتيب الامور واعتقد انوا السودان افضل مكان لعمل الاحتفال ماعشان نحن هنا لكن الايامات دى نسمع برفع قوائم الحظر دى بتكون فرصة للجميع للقاء حتى الاهل ونحن فى السودان مستعدين لى تكليف فى اى شى يخص الاحتفال او غيره
| |
|
|
|
|
|
|
happy new year.أستاذنا الجليل وحبايبنا ناس البورد (Re: بكرى ابوبكر)
|
اليكم امنيات باتساع الكون وحلم دافئ بغد افضل وعام اكثر انسانية لكم ما تشتهون ولي حق الحلم معكم بهذا الغد واول الموافقين والمساهمين بمبلغ 75 دولار وجاهزة بعيد.... وانشاء الله لي الزمن داك يكون عهد جديد ووضع جديدومزيدا من الديمقراطية والرفاهية وننزل نشوف ناس حلتنا التحت الفوق الليهم الله وعيشة السوق، ونشوف الزين والضوء ومريم ونسلم على عمنا ود عجبنا وعم عبد الرحيم ونجلس في تلك الشجرة الوارفة الظلال ونشرب الشاي والقهوة مع أمونة والشول ومن هنا بناشد الزملاء والزميلات بالوقوف مع هذا الحدث الجميل الرائع
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
العزيز بكري ..
فكرة جميلة تساعد على لم الشمل .. وبالتأكيد سوف تتوج هذه اللقاءات عبر الشبكة بلقاءات مباشرة على الطبيعة ..
أسأل الله تعالى أن يكون جميع من في هذا البورد بأتم الصحة والعافية لتكتمل المعرفة ..
ولكن أرجو يا منظم الملتقى أن يكون اللقاء وطني غير مسيس .. حتى لا توغل الصدور ويفقد اللقاء هدفه النبيل.
نريد تعارفاً ودياً .. يمثل بحق مجتمع السودان مثالي المتسامح ..
أعتقد بذلك سيكون اللقاء أنموذجاً يحتذى في لم الشمل الكبير ..
ولك يا أستاذ شرف هذا الاقتراح كما حصلت من قبل على شرف إيجاد هذا المنتدى .
التحية للجميع ..
جـــاد
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
الرائع ابو بكر
والله اقتراح جميل جدا وايدكم ومن اسى انا معاكم
الله يسهل
اها ونحن مشمرين سواعدنا
ربنا يديكم العافيه
وباقترح انو يكون اسبوع ثقافى اجتماعى شامل كل النشاطات
وبالمره عياده مفتوحه عشان نقدر نشارك والبورد كمان مليان دكاتره
| |
|
|
|
|
|
|
Re: رايكم شنو؟ المرجو من الجميع المشاركة (Re: Auditor)
|
الأخ الرائع بكرى إنت طلبت من الجميع المشاركة هاك رأيى ماقلته أمنية جميلة .. ولكن على ذمة " ديك الجن " فى البورد فى واحد " قال لزوجته "كل عام وانتى حبيبتى فتعرض للتحقيق فى السودان
عشان كدة أنا ماماشى معاكم
لك الود
| |
|
|
|
|
|
|
Re: رايكم شنو؟ المرجو من الجميع المشاركة (Re: مارد)
|
الرائع دوماًالاستاذ بكرى الفكرة رائعة بروعة ريحة البلد وريحة الدعاش والمطر واتمنى ان نلتقى فى اى مكان جميعاًوأتمنى أن لايكون البعد السياسى حاجزا بيننا عشان شوقنا للبلد أقوى من اى دافع آخر مع احترامى للاخوة المعارضين اللين قالوا ان لايكون اللقاء داخل السودان . وإ تخيل لى أن احب مكان لأى واحد فينا بلده المهم ماعايزه اطول الكلام بس الفكرة موافقة عليها إنشاء الله الأمدرمانية أحب مكان
| |
|
|
|
|
|
|
Re: رايكم شنو؟ المرجو من الجميع المشاركة (Re: مارد)
|
سلااااام للجميع
حقيقى فكره رائعه يا بكرى كما عودتنا
وباسم بورداب الداخل
بقول ليكم جهازين ابتداء من الاشتركات
مرورا باستضافه بوردبيات من خارج الخرطوم
انتهاء بتنظيم المهرجان وليكن مهرجان لا مثيل له
معاكم قلبا وغالبا
فاطمه ـــــ ان الحروف تموت حين تقال
| |
|
|
|
|
|
|
Re: رايكم شنو؟ المرجو من الجميع المشاركة (Re: مارد)
|
والله يا زعيم دى فكره حلوةوجميله ودى دائماً افكار العظماء انت عارف يا زعيم انا اول ما قريت الخبر فرحت فرح شديد لانى متمنى فى حياتى اشوف اخوانى البورداب جميعهم بربطة المعلم وانا اؤيد الفكره واقف معها بشدة وانا من بورداب الداخل لكن فى كلام تانى خلانى اخاف انو ده ما حيحصل زى الجماعه البيقولوا واحد قال لمرتو ديل حيثبطوا الهمه وانا برى انا افضل مكان لهذا العمل السودان وانا جاهز لاى عمل تطلبونه منى واقول نقف من خلفكم ونشد من ازركم عندك
شرقاوى يجرح ويداوى
| |
|
|
|
|
|
|
Re: رايكم شنو؟ المرجو من الجميع المشاركة (Re: مارد)
|
الأخ المناضل بكري فكرة جميلة ومقبولة جداً وأنا شخصياً مستعد للمشاركة بأي شكل كان حتى لو لم نتمكن من الحضور شخصياً لظروف العمل خارج أرض الوطن وأتمنى أن يكون موعد هذا اللقاء مصادفاً للإجازة السنوية أرجو التوفيق للجميع
| |
|
|
|
|
|
|
Re: رايكم شنو؟ المرجو من الجميع المشاركة (Re: مارد)
|
الرائع بكري سلامات اعتقد انه اقتراح يداعب اشواقنا ، لكن بيننا وبينه تمتد مساحات من الحرمان ، نحن الذين جئنا وأحرقت المراكب خلفنا كيف نعود الى الوطن بلا جواز ؟؟؟ هنالك مشكلة نعاني منها وهي ان هذه البلاد التي منحتنا حق الاقامة فيها لا تمنحنا جوازات سفر الا بعد فترة بالتاكيد لن تكتمل في يوليو من العام القادم 2004 ولكني اشيد بالفكرة . وحتى وان لم نستطع حضور هذا المهرجان لكننا سندعمه بكل ما نستطيع وكل من يستطيع العودة في التاريخ المحدد عليه منذ الان ان يعمل على التاسيس لعودته وبالتأكيد هذه العودة ستثمر فهما جديدا وتساهم في بل اشواق شعبنا برؤية هذه النوارس المهاجره وهي تعود الى بحرها .. حقيقي يا بكري اشعر بحسرة انني لا استطيع العودة في هذا التاريخ .. لا نني لا احمل من وطني سوى اسمي .. وخرجت منه ولا احمل جواز سفر .. لكن احييك على هذا الاقتراح وسندعمه بكل ما نستطيع ... وسنرسل عبركم تحيانا مكتوبة سواء كانت شعرا ام نثرا ام حكايا الى تراب الوطن الجميل ولك المدى
| |
|
|
|
|
|
|
Re: رايكم شنو؟ المرجو من الجميع المشاركة (Re: مارد)
|
في سودان نت وقبل عدة سنوات أقترح أحد الأعضاء فكرة هذا التلاقي في ربوع الوطن ،،،، ولكن كان حلماً مستحيلا ،،، ورغم أنه لا مستحيل في أمر كهذا ،،، إلا أن الإستحالة أتت من ردود المشاركين .
ولكن
أن يتبادر (سيد البيت) بهذه الفكرة (شيء رائع ) والأروع أن يلتف الجميع حول سيد البيت موافقين لرأيه ومقترحين ما لديهم من أفكار .
فكرة رائعة ويا حبذا يوليو2004 شهر التلاقي .
| |
|
|
|
|
|
|
Re: رايكم شنو؟ المرجو من الجميع المشاركة (Re: مارد)
|
الاخ والرائع بككورين
اليك منى الحب والسلام والتحية وبقية البورداب نحن معاكم ياناس بس نتفق على المواعيد فكرة يوليو دى احسن لانو معظم الناس اولادهم في المدارس وفي شهر يوليو بتكون كل المدارس في العالم في اجازه وبتكون المشاركه كثير ويلا نحن معاكم ندعمكم ماديا ومعنويا ولاقدام نتش عين الضلام بالضوء
| |
|
|
|
|
|
|
Re: رايكم شنو؟ المرجو من الجميع المشاركة (Re: مارد)
|
الفكرة جميلة لكن الزمن قريب باقترح الاتى طرح ثلاثة اماكن... ثم اختيار الأأمن والاسهل للوصول اليه من قبل الغالبية طرح ثلاثة تواريخ ثم اختيار الانسب للغالبية تكوين لجنة داخل الدولة المختارة لمعرفة التكاليف والاحتياجات تكوين لجنة شاملة لجمع التبرعات والافكار لانجاح تلك اليوم معليش لو الاقتراح مكرر...في الحقيقة ما قريت كل الردود جاهزين بقدر استطاعتنا المتواضعة
| |
|
|
|
|
|
|
Re: رايكم شنو؟ المرجو من الجميع المشاركة (Re: Auditor)
|
الأخ الرائع بكرى إنت طلبت من الجميع المشاركة هاك رأيى ماقلته أمنية جميلة .. ولكن على ذمة " ديك الجن " فى البورد فى واحد " قال لزوجته "كل عام وانتى حبيبتى فتعرض للتحقيق فى السودان
عشان كدة أنا ماماشى معاكم
لك الود
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
الفكرة رايعة .. و كل مرة اعاين في الردود و ازوغ لاني ما ح اقدر امشي السودان عديل كده .. نفسيات ياخواننا .. الى أن تتحقق الشروط المحفزة للعودة
يا جماعة ما في طريقة تعملوا اللقاء ده في فيجي؟ و الله جزيرة حلوة و هادئة و و وادعة و التكاليف فيها رخيصة .. و قريييييييييبة بيجاي
طبعاً ما في زول ح يوافق على فكرة فيجي دي .. لكين و الله اللمة الزي دي مشتهيها
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
بكري الكلام كتر وأنا دائما أتخوف واتشائم من الكلام لمن يكتر لقد رحب معظم الأخوان بالفكرة رغم علمهم بالصعوبات الكبيره التي تواجه مجهود كهذا مثلا الأتفاق علي الزمان /المكان/الأجنده لكل مجموعه يجب أن يعطي الزمن الكافي لأكبر عدد من تحضير نفسه زمنيا وماليا لأن السفر مشقة وقطعة من نار ومكلف لكثير من لأخوة في الغربة رجائي أن تشرع فورا في تحديد لجنهExploratory Commitee to decide the feasibility of holding such a conference for the Muntada members in the Dispora and what are the preparation that should be taken by each one of us starting now and when is the dead line for participation so that we decide whether it is doable practically at the designated time by the Number of participants or not .This is the crux of the matter. في أنتظار أعلان لجنتك للبحث والتقرير شكرا ودمت أخوك د.متوكل
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
الاخ العزيز بكري والاخوان في بلد الشتات تحيه معتقه برائحه النيل اولا الفكره اكثر ممتازه ونؤيدها بشده اقترح انشاء لجان في كل بلد من بلاد الشتات لحصر وتسجيل وجمع التبرعات من المشاركين مثلا لجنه الامارات تكون فى ابو ظبي تتابع من هناك لجنه السعوديه من جده والرياض لجنه سوريا دمشق وهكذا يقدم كل الاخوه انفسهم وعناوينهم وتلفوناتهم للجنه تبداء اللجنه بنشر تلفوناتها ومقر اقامتها في المدن المختاره تقدم لجان المدن المختاره تقريرها للجنه المكونه من رئيس المهرجان ومعاونوه وبدورهم يكونوا حلقه وصل لجمع البودراب في جميع العالم تقوم الجان الفرعيه المختاره بورشه عمل لشكل المهرجان ومايمكن تقديمه وجدوله المشاركين فيه بحسب مجالاتهم شعراء اوفنانين او غيرهم،،،، متابعه المواد المقدمه وعمل بروفات لهاحتى تظهر بصوره لائقه باهل البورد ودمتم احبتي
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
الفكره رائعه ولاتوجود صعوبه لتحقيقهاالمهم الاتفاق على مكان الالتقاء وعندنا ثلاثه دول ماعدا السودان الوطن وهى العراق وسوريا وليبياوهى الدول الوحيده التى نتمكن من دخولها من غير فيزا وتبقت منها دولتين فارجوان نتفق على واحدة لئلا نفقدهم اتمنى نجاح المشروع واشد من ازركم دمتم
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
الاخ بكرى تحيه طيبه فكره رائعه وجميله وزى ما قال اتبراوى السودان اصبح فاضى يعنى ما حتكون هناك مشكله التصاديق مقدور عليها اخدنا فيها خبره اقترح اجتماع كل البرداب فى كل منطقه من الان والعمل على كيفه دعم الشروع عشان ما نكون زى كل السودانين يشتروى الحاجات يوم التاسوعه نحن فى الداخل راقبتنا سداد لكى شى يدعم البورد ودمتا يا كبيرنا ودعقاب
| |
|
|
|
|
|
|
Re: رايكم شنو؟ المرجو من الجميع المشاركة (Re: بكرى ابوبكر)
|
الاخ بكرى تحيه طيبه فكره رائعه وجميله وزى ما قال اتبراوى السودان اصبح فاضى يعنى ما حتكون هناك مشكله التصاديق مقدور عليها اخدنا فيها خبره اقترح اجتماع كل البرداب فى كل منطقه من الان والعمل على كيفه دعم الشروع عشان ما نكون زى كل السودانين يشتروى الحاجات يوم التاسوعه نحن فى الداخل راقبتنا سداد لكى شى يدعم البورد ودمتا يا كبيرنا ودعقاب
| |
|
|
|
|
|
|
|