|
|
 ضع كلمة عن بكرى واهرب
|
بكرى ابوبكر انسان بما تحملة كلمة الانسانية من معانى وهو اخ و صديق للجميع ليتنى كنت مثلة بما يحملة من قلب محب للجميع بكرى زلك الانسان الرائع الزى جمع بيننا فى منبرة الحر العامر بوجودكم جميعا
|
|
 
|
|
|
|
|
|
|
 Re: ضع كلمة عن بكرى واهرب (Re: waleed500)
|
ان قلت اكتب بكتب عن بلادي في شخصك
لان من جمع هذه النخبة
تجسد الوطن فيهوا
ويا هنئيايا وطني ببكري وامثاله
ويلا نرفع بلدنا حطوة تبداء من هنا
ولك الود ما دمنا معك وبك نناضل يا وطني
وشكرا علي كل هذا المجهود
عباس فداسي
| |
|
|
|
|
|
|
|
|
|
Re: ضع كلمة عن بكرى واهرب (Re: Ridhaa)
|
يكفى الرجل فخرا انه أسس لنا هذا الموقع ولم يبخل بدعمه فى كل صباح بكل ما يستجد واطلق يدنا لنكتب ما نشاء دون حجر على فكر او رأى الشىء الذى لم تحتمله حتى حكومتنا فنحن هربنا من الانترنيت كله الى موقعه هذا بينما يهرب الناس من الوطن الى بلاد اخرى..
الشكر والتحية للأخ بكرى على كرمه الفياض بمنحنا هذا الموقع ليجمع شتاتنا ويدعمنا بأ×بار الوطن الجميل مما خفف عنا عناء الغربة وعذابها..
| |
|
|
|
|
|
|
|
|
 Re: ضع كلمة عن بكرى واهرب (Re: قرشـــو)
|
كم تشتكى وتقول إنك معدم
والأرض ملكك والسما والأنجم
ولك الحقول وزهرها وأريجها
ونسيمها والبلبل المترنم
والماء حولك فضة رقراقة
والشمس فوقك عسجد يتضرم
والنور يبنى فى السفوح وفى الذرى
درراً مزخرفة وحينا يهدم
وكأنه الفنان يعرض عابثاً
آياته قدام من يتعلم
وكأنه لصفائه وسنائه
بحر تعوم به الطيور الحوم
ايليا أبو ماضى
| |
|
|
|
|
|
|
|
|
|
Re: ضع كلمة عن بكرى واهرب (Re: koky)
|
ولماذا نهرب طالما إننا نقول الحق !!!؟؟؟
البساطة والتلقائية الشديدة ، وحب الخير والعمل من أجل الآخرين . وكمان أندهو فى ساعة الحارّة والعوزة تلقاه قدامك وبسرعة عيان بيان .. ده هو أخونا بكرى أبوبكر وزيادة كمان وبلا نقصان وأسألوا مجرب .. أنا قعدت معاه وشفته ، وشفت وفاءه ، وصورتنا المنشورة مع بعض فى البورد بتوريكم إنه فعلاً أنا بتكلم عن تجربة حية ولاّ لا .. وفى الختام شكراً ليكم
| |
|
|
|
|
|
|
|
|
|
Re: ضع كلمة عن بكرى واهرب (Re: بكرى ابوبكر)
|
تسلم يا ود البلد الاصيل
الكلمات لا توفيك حقك
كل عام وانت واسرتك الكريمة بخير وسلام
ودمت ذخرا للوطن الذى لم يمنعك البعد من خدمته
وسجلت اسمك مع الخالدين من ابناء الوطن
تحياتى
| |
|
|
|
|
|
|
|
|
|
Re: ضع كلمة عن بكرى واهرب (Re: kofi)
|
الاخ بكري
كل التحايا
كل الاحترام
لشخصك والذي يجبر الكل لاحترامه
لك مني وحدي تقدير يفوق كل ما كتب عنك وماسوف يكتب
وربنا يسدد خطاك
ونحن وانتم على الود المقيم نبقى
| |
|
|
|
|
|
|
|
|
|
Re: ضع كلمة عن بكرى واهرب (Re: osman68)
|
و لماذا الهروب
بكرى لم أعرفه سوى من الأصدقاء الأعزاء الذين شجعونى على القدوم إلى هنا..
أرسلت له رسالة قصيرة جدا و أتانى رده بردا ً و سلامــا ً
هل سنجد كلمات شكر ٍ توفيه حقه علينا .. و نحن نستظل فى خميلته الوارفة
كلماتنا لا تزيد أو تنقصه شيئـاً .. بقدر ماهى أصالة منـّــا أن نوصلها له عرفانا بجميل عجز كثير من القادرين على فعل ما قام به
الجبــل الصعــب ما حاوطـنـّــو نســــور
و السيـــل الدفــق ما بحملنـّــو بحــور
جهدك مقــدّر و جـوّانــــا جـــدْ مدخــور
لملمت الشتات .. و و لّـعتنـا لينـا بخور
نجزيه الشكر و العرفان و هو بيننا قادر على سماعنا .. لا بعد أن يغادرنا - لا قدّر الله- كما دأبنا دوما أن لا نعرف قيمة و مكانة من نعزه و تأثيره علينا إلا بعد أن يغيب _ أيـا ً كانت أسباب الغياب_ !!؟
التحية لك أخى بكـرى
التحية لك أخى عثمان
و دام الود موصـــولا
| |
|
|
|
|
|
|
|
|
|
Re: ضع كلمة عن بكرى واهرب (Re: Abu Muhja)
|
انا لا اضع كلمه واهرب فى شان الحبيب بكرى ابوبكر بركز معاه
لك حبى يا رجل بقامه وطن
وامنياتى ان يديم الله هذا البورد دوما بكل هذا الالق والتوهج ويجعله الله مكان الحقيقه
دمتم جميعا
| |
|
|
|
|
|
|
|
|
|
Re: ضع كلمة عن بكرى واهرب (Re: osman68)
|
بكري ... رغم انو مفروض لو بنحب زول ما نشكروا قداموا .. لكن ده عالم مختلف عن الواقع .. ده عالم النت .. حيث لا تعبير عن المشاعر الا بالحروف ..
بكري أبوبكر .... سلامات يا زول يا رائع
الكلمات لا تعبر عن مدي امتناننا لك
أحيانا يكون الصمت أبلغ .. خاصة عند السودانيين
تسلم لينا دوما
مودك
| |
|
|
|
|
|
|
|
|
|
Re: ضع كلمة عن بكرى واهرب (Re: osman68)
|
بكرى ابوبكر
والله انت خيط السبحة اللمتنا وقد تفرقنا شذر مذر , وعمليتك دى زى ما قال ابو داؤود ود عرب ما بعملها , غايتو ما طريقة نجازيك بيها الا نكتلك , الله يديك العافية وطول العمر
| |
|
|
|
|
|
|
|
|
|
ضع كلمة عن بكري هنا واهرب (Re: osman68)
|
يديك العافية اخي بكري ود بلد اصيل من خلالك ربطتنا علاقات حميمة بالعديد من الاخوة البورداب واتمني ان نتعرف عليك شخصيا
وكل عام وانت بخير والاماني الحلوة تتراقص حيالك
| |
|
|
|
|
|
|
|
|
|
Re: ضع كلمة عن بكري هنا واهرب (Re: albagir altahir)
|
العطاء للوطن والابداع يكون فى اشكال وصور متعددة وفى تقديرتى هذا البورد مساحة من مساحات ارض الميلون ميل مربع وارض سودانية نتحاور فيه ونتناقش ونختلف ونحلم بسودان جديد ونسهم كلنت منا بقدر امكانيته اذن هذا المساحة تتحدث عن نفسها ويبدوحقيقة انه متجرد ومعطاء ومبدع ومناضل بدرجة التصوف ... هذا عبر عطائه دون تناول شخصه من قريب او بعيد لعدم معرفتى وان كنت مهموم بهذا الابداع وانسان بمثل هذا العطاء والوفاء لوطنه لا اعتقد يكون هناك تناقض بينه وبين شخصه واتمنى ان نحافظ على هذا المنبر وفاء وتقدير للمجهود وهذا الزخم من ابناء الوطن الرائعين وهم مجتمعين فى البورد شكرا لبكرى وشكرا لكم
| |
|
|
|
|
|
|
|
|
 Re: ضع كلمة عن بكرى واهرب (Re: osman68)
|
الأستاذ الكريم عثمان
لك التقدير والإمتنان
سوف أضع كلمات ولن أهرب - لأن بكري سوداني ولأننا سودانيين لذلك أقول له: إن شاء الله يوم شكرك ما يجي يا بكري
| |
|
|
|
|
|
|
|
|
|
Re: ضع كلمة عن بكرى واهرب (Re: almulaomar)
|
كل سنة وانت طيب ...بس في سؤال دائما في بالي كل ما افتح البورد ليه بكري ابو بكر القائم على المنتدى بعيد عنه...يعني بحسك في ما بتظهر الا في الحاجات الرسمية....طبعا وضعته ليك اجوبة كتيرة على لسانك في بالي لكن اتمنى اسمع الجواب من لسانك انت
ودمتم
| |
|
|
|
|
|
|
|
|
|
Re: ضع كلمة عن بكرى واهرب (Re: osman68)
|
بكري الفاهم والواعي ما بوصوا
قال تعالي في محكم التنزيل وقوله الفصل
الذين تتوفاهم الملائكة ظالمي أنفسهم قالوا فيماكنتم قالوا كنا مستضعفين في الارض قالوا ألم تكن أرض الله واسعه فتهاجروا فيها فاولئك مأواهم جهنم وساءت مصيرا
صدق الله العظيم
وليك هاجرنا يابكري
سلامي لك ولرفيقة دربك أم يوسف فأنا أعرف مدي التضحية التي تتحملها معك وكلنا قد خضنا العمل
هنيئا ببعضكم البعض وكل عام وانتم بخير وأكثر سعادة
أخوك د.متوكل
| |
|
|
|
|
|
|
|
|
|
ضع كلمة عن بكرى واهرب (Re: osman68)
|
أعزائي
اذ قلت اي شئ فى حق هذا الصرح الشامخ ، الذى نستظل به جميعا،اخاف اني لم انصفه ولكن برغم ذلك بقول عن بكري الغالى علينا
هو السودان ياهو دا السودان الذي عرفناه بإصالته وعمق أنتمائه وواحة وارفة وحضن دافي للجميع ، وسير وعين الله ترعاك ودمت زخرا لنا
| |
|
|
|
|
|
|
|
|
|
Re: ضع كلمة عن بكرى واهرب (Re: bilbila)
|
السيد بكرى
مؤسس هذه الجمهورية الفاضلة ، له منا كل تجلة وإحترام وليجعل الله له مقابل كل كلمة تكتب في هذا البورد من أجل الوطن وكل حرف أختط من أجل أهل الوطن ألف حسنة في سجل حسناته ويثيبه الله عنها خير الجزاء
| |
|
|
|
|
|
|
|
|
 Re: ضع كلمة عن بكرى واهرب (Re: james)
|
اخي الحبيب
حافظ علي الباندوث والجندر
المحطات ناشفه
---
ويابكري الليله ماااااك براك
طريت الأهل ولا شنو تشيل وتنكت في القديم
بس ياريس شكرا ليك علي كل حال اهو نضع كلمه (وماحنهرب)..سميها ضغاله
| |
|
|
|
|
|
|
|
|
|
Re: ضع كلمة عن بكرى واهرب (Re: osman68)
|
وطن شامخ اتمثل فيه
زول مضياف مافى مثيله
لو قلنا اخلاق يكفى المنبر بتهذبيه
بتقنية عالية البرود مفتون بيه
نحياتى له ويكفى ان البورد اضحى وطنا بجمعنا رغم بعد المسافات فى غربة الداخل والمهجر.
@@@@@@@@
كم لاطياف الليل من بهاء
ولكن كثيرا حولها الى ارتكاب المصائب
| |
|
|
|
|
|
|
|
|
|
Re: ضع كلمة عن بكرى واهرب (Re: osman68)
|
الأخ عثمان
لك أجر المبادرة
قال الإمام المهدي
القيادة قدح وسباته
فبكري قدحه مليان وسباتته مفروشة للكل
واقول
لولا المشقة ساد الناس كلهم
الجود يفقر والإقدام قتال
لك التجلة ثم التعالي والانتصار
| |
|
|
|
|
|
|
|
|
|
Re: ضع كلمة عن بكرى واهرب (Re: Abd-Elrhman sorkati)
|
والله خايف عليو من الناس انا وخاصة من الميرغني والصادق لانوا بعد ده بكري لو نزل في انتخابات بفوز والله بفوز وبفارق كبير جدا من الصادق المهدي
وجد رائع انسان
وبقول ليك تاني
سلامات يا زول يا رائع
سلمات عوافي
سلمات يا خلاصة الخير الفي الناس وترياق الزمن المتعافي
| |
|
|
|
|
|
|
|
|
|
Re: ضع كلمة عن بكرى واهرب (Re: osman68)
|
شفنا التهانئ تطاقش سآلنا فى شنو يا جماعه قالو عيد ميلاد منو...بكرى!!!!!!!!!!!!! دنيا دواره, طبعا فى ذاكرتى لسه الصور اياها,البركس..دبرسه..سفه كبيره.. بنطلون غير معروف اللون الاصلى..والشله الجهنميه.. هشام..حامد..والاخرون..ياعزيز كل سنه وانت طيب والله يديك الصحه و العافيه..مافى داعى نسترسل فى الذكريات بتجيب ليها كلام تانى...نتلاقى فى ساعة خير
| |
|
|
|
|
|
|
|
|
|
Re: ضع كلمة عن بكرى واهرب (Re: esam gabralla)
|
بكري.. لا سابق معرفة..لكن يكفي ما اراه من صنيعك الابداعي كل يوم..دفعت ضريبة الوطن اضعافا مضاعفة..لك الشكر وانت تحلق بنا في فضاءات ما حلمنا ببلوغها من قبل ..من اعماق فؤادي....اتمني لك التوفيق في اتحافنا بالمزيد من انجازاتك المقدرة..
| |
|
|
|
|
|
|
|
|
|
Re: ضع كلمة عن بكرى واهرب (Re: esam gabralla)
|
صديقى العزيز عصام جبرالله
حديثك هذا ارجعنى الى احلى و اجمل ايام حياتى قبل 17 عاما عندما كنت طالبا فى جامعة الخرطوم ما اروعكم يا ابناء عمى المناضل جبراله سيد احمد لقد تحدثت الى اختكم الفاضلة ناهد بداية هذا الاسبوع لاكثر من ساعتين اعادت فى الروح وايام الشباب والونسة الظريفة مع الرائعين امثالكم ان العيشة و الحياة فى هذه البلاد تكبر و تشيخك سريعا
واله يا عصام و ما دائر منى حليفة الاسبوع ده كله متمنى لى كيس صعود ويا حبذا لو يكون من الوطنية او سوق الجلود
ارتسل باقى الزكريات يا عصام ولا يهملك من الكلام التانى وارجع بى الى تلك الايام الخالدة والشلة الرائعة شلة ضهر التور هشام حامد جيب الله اشو ميو ياسر على ادريس بكرى عبد العزيز الخ سوف ارفع لك بعض الصور لتلك الايام الجميلة
ولحديث بقية
| |
|
|
|
|
|
|
|
|
|
Re: ضع كلمة عن بكرى واهرب (Re: osman68)
|
سودانى
اصيل
و زول اخو اخوان و البورد دا شاهد
كمان ممكن نقول شخصية ديمقرطية عديل كدا
كل التوفيق له فى هذا المشوار الصعب
و على الجميع التعاون فى هذا الوطن المصغر
عشت يا بكرى و لك كل الياسمــــــــــــــــــــــــيـــــــــــــــــــن
| |
|
|
|
|
|
|
|
|
|
Re: ضع كلمة عن بكرى واهرب (Re: osman68)
|
ربما كلمات الشكر تكون تقليدية وربما رأى عنه يكون عادى بالمقارنة مع من سبقونى فى هذا البورد لكن الماعادى وماتقليدى هو هذا الرجل المسمى بكرى لا ادرى كل هذا الابداع ولم اناس من مناطق وبيئات مختافة بكرى شكرا لك لا تدرى كم خففت عنا فى هذه الغربة وكل الذى اتمناه هو ان يحترم الآخرين خاصة الذين يخلقون المشاكل جهد هذا الرجل الذى فتح لكم منبره الذى هو بيته وفتح قلبه واعطاكم من وقته واحسن وفادتكم فاحسنوا مقامكم بين اهل هذا المنبر .
عتاب يا بكرى شحدتك بى خشمى ترحب بى ما نفع وفتحت بورد للترحيب بى ما نفع نزلت اغنية ورحبت بالكل الا انا لكن ما مشكلة انا بقيت زولة بيت يا بكرى ترحيبك حردنا
| |
|
|
|
|
|
|
| |
osman68
waleed500
مهاجر
omergoda
Abomihyar
Ridhaa
قرشـــو
يازولyazoalيازول
عاطف عبدالله
بكرى ابوبكر
wadazza
مهيرة
HAMZA SULIMAN
Modic
zola123
albagir altahir
امبدويات
ود العجمى
عزيز
wadsolfab
نصار
سمندلاوى
tmbis
Mutwakil Mahmoud
maman
مشتاق
Al-Shaygi
Kabar
james
alfatih
bushramk
دورنقاس
Mohd Mubarak
بلدى يا حبوب
elsharief
محمد الواثق
Abd-Elrhman sorkati
خالد
OMDRMAN
يحي ابن عوف
cola
Elhadi
abdel abayazid
اسامة الخاتم
ود محجوب
oudenoord
فيس بوك
تويتر
انستقرام
يوتيوب
بنتيريست