خااالي امحمد ودملين رمضان كريم تصوموا وتفطروا علي خير ...لكن ان بتدور النصيحة يا خاال وحات شيخي ودالشيخ موسي علي بالحرام حالك تب ما بسر..ااااخااال الساحة علي بالحرااام فاضية وقاعدة تنقرارة ودلجة ساكت وبس دايرة الزول البملاها وحكومة السجم والرماد قاعدة ام فكو ساكت قايلة الروووب علي بالحرام كان طرشق لستك كارو ساكت في السوق العربي علا تقع والريس محل افتشوهو ما القوهو العوقة التلوقة!قوم يا خااال فوق قبايل العيد دي وانفك من ساجور الجبهجية اولاد لحرام ديل خليهن ان شاء الله ادخلوووك السجن اخير ليك من القعدة الوخيمة دي والما بتشبهك تب ... دحين اكون الجماعة اولاد الهرمة كتبوك فوق جناح بومة لمن اتبومت ولا اكون سووووا ليك عمل وعرووق انبهامة وبقيت منبهم لا بتهش ولا بتنش... وحات الله شايف الغلب والهم والغم في عويناتك ديل....كدي قوم يا خال اتنفض وسوي العليك والباقي علي الله اهو اولاد الطائفية ناس علي محمود ومبارك المهدي دخلوا السجون وبكره بمرقوا مناضلين غلاد وبقولوا عليك بكرة اتفنست وانفزرت وحزب الطبقة العاملة راقد سلطة لا بهش لا بنش بس قاعدين موظفين بالتعيين عند الكيزان!! افو افو يا خااال..حزب الطبقة ارقد سلطة....اح ح ح ح ح..اخ خ خ خ خ خ اها ارقد عافية يا حاااال في امان الله نسمع منك كل خير!!
اااااها قصرنا مع الخااااال حق الله وبق الله وحق القرابة سويناهو! الله ارحمك يا بص جدي محي الدين (ود دقاقة) علي بالحرام لمن مات جدي عليهو الرحمة ولمن اتكركب البص بتاعو وكان البص الوحيد في خط المنطقة الما ركبوا ليه كووووز في مكنتو! تجوا يا خاااال اخر الزمن حزب الطبقة العاملة ظاااااطو تدخلوهو كمان جووووه الكوز ومش بالعكس!!؟
09-18-2007, 09:12 PM
هشام هباني هشام هباني
تاريخ التسجيل: 10-31-2003
مجموع المشاركات: 51293
الله اطول عمرك يا قريبي عمر الاطرش اشهد الله انك زول مبدئي اصلي امبريالي سي اي ايه حديد سكيت روسيا لمن سقطتها بالفحم من حيطة لحيطة لمن كملت فحم القطينة والقرى المجاورة لمن وقعت روسيا في الواااطة وكمان الليلة وقعت معااااك الخااال ود ملين!
الغريبة ياهباني وعلي الرغم من مشاركةالشيوعي في فيما يسمي بالبرلمان تراهم ممنوعيين من أقامة ندوات بالعاصمة يقول نقد ** الحزب الشيوعي ليس له وجود داخل العاصمة ؟؟؟
أسألوا جهاز الأمن فقد تقدمنا للأجهزة الأمنية بأكثر من طلب لإقامة ندوة إلا أنها رفضت التصديق بذلك.
المصدر محمد إبراهيم نقد لـ(السوداني) ليست هنالك مؤتمرات سرية بل قاعدية يأتي هذا علي الرغم من أتفاق نيفاشا بل يأتي خرقا لها فالاتفاق ينص علي أن تصبح مهمة جهاز الامن" جمع وتحليل المعلومات وتقديم المشورة للحكومة" .....هذه الخروقات والتعدي علي الحريات العامة تشكل أرضية صلبة للخروج من الاجهزة التشريعية وفضح تجاوزات السلطة كمال عباس
09-18-2007, 09:52 PM
هشام هباني هشام هباني
تاريخ التسجيل: 10-31-2003
مجموع المشاركات: 51293
Quote: يأتي هذا علي الرغم من أتفاق نيفاشا بل يأتي خرقا لها فالاتفاق ينص علي أن تصبح مهمة جهاز الامن" جمع وتحليل المعلومات وتقديم المشورة للحكومة" .....هذه الخروقات والتعدي علي الحريات العامة تشكل أرضية صلبة للخروج من الاجهزة التشريعية وفضح تجاوزات السلطة
انا والله تب ما ملوم عمنا ود ملين...لكن الحزب البركة ده الشي لا فيهو مذكرة عشرة لا الثورة بالنص لا الشنقيطي....لا خور عمر.....ولا اكون يا الله ما فضل فيه طفاي النااار! انا لله وانا اليه راجعون والرجوع الي (حق)فضيلة!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
amin siddig
kamalabas
فيس بوك
تويتر
انستقرام
يوتيوب
بنتيريست