|
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا (Re: علوبه)
|
الحبيب هشام هباني الحساني سلام عليك وعلك طيبة وعافية درت
معاك نحن في كل ما ذكرت عدأ أربع
* دق الدهب فهو زينة نسائنا * الحجامة البلدية فهي علاج لكن ليس كل من هبّ ودبّ يمارسها وبتحتاج لبصارة ومعرفة * الصيد البري * وختامه مسك البطان ما بنخلي كان السما تنشق
وأسمع النقول لك
هوي يا وليد ....... حصل صحاكَ عز الهجعّه صوت شتمن بعيد مخنوق وجاتّك شخرة الطمباري مشتاقن يسوي القوق ونومك طار وأتقسّم والرشرش صبح مفروق وأتلفحتَّ نص من توبك الجرجار وعلي الدلكوكة سايق سوق تلقى هناك بنات بلدك ولاد بلدك...... يعلّو الصفقّه تقدّح في القلوب الشوق ونغم الفال أبشرن آبنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدوروا تشابي للمجهول تميل زينوبه زي البان يمين وشمال تودي الطوق
وأخوان أم شلخ إنكبوا جوه الداره زي صقرن نزل من فوق ضرب الصوت والركزّه بفرز الناس عشان زينوبه ما بتحوق
وعاد تتحزّم الجنيات وتتنظّم تقيف في رووق وكل واحد يهز ضرعاتو والحجبات تزح لا فوق جفير الخوسه فايت الكوع وسيرو مع العضل مطبوق والطاقيه تحت الحاجب المعقود هديت أم زين ومامشريه من السوق ويتقدّم عريس السمحة رافع صوتو كان بسوقوا بيهو النوق والعنجاوي ينزل في ضهورن بس تقول منشحطّه فوقا بروق يبدا مجرو بالترقوة ويتحدر مع الضلع القصار ملصوق وأحمر عين شم الدم بعد مايرش بنات عمو ويزيدن شوق وثابت حيطه لا بتهز ولا بتلز وصاري جبينو كلو عروق وقال بعد العقد طلقانّه ما يحجزوا ألا أخلوا ضهرو شقوق هناك الحال مغيّر جد وكان حجازو مدَ اليد بتسمع كع.... هووي يا وليد
بعد النضمي يا هباني تقول لي نخلي البطان والله ساعة الدلوكة دي تدق الحمار بقوم لو شعرانية وبنكون مغبيين ... دحين سو لك نضمي غير دا ابعد البطان دا من قائمتك دي ولا بنعاديك
خالد محجوب .... شندي
|
|
|
|
|
|
|
العنوان |
الكاتب |
Date |
المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزان!! | هشام هباني | 01-31-07, 07:28 PM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | هشام هباني | 01-31-07, 10:06 PM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | هشام هباني | 01-31-07, 10:53 PM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | Mustafa Mahmoud | 01-31-07, 11:14 PM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | هشام هباني | 02-01-07, 04:51 AM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | هشام هباني | 01-31-07, 11:23 PM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | هشام هباني | 02-02-07, 08:55 AM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | عواطف ادريس اسماعيل | 02-02-07, 01:40 PM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | هشام هباني | 02-02-07, 02:14 PM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | علوبه | 02-03-07, 07:47 PM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | علوبه | 02-03-07, 07:57 PM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | خالد علي محجوب المنسي | 02-03-07, 08:26 PM |
Re: المنظمة السودانية لمكافحة المرارة وام فتفت والبطان والشلوخ ودق الشلوفة والحجامة والكيزا | هشام هباني | 03-10-07, 10:58 AM |
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|