|
|
 Re: يا جماعة التحالف..هل ( ابو غسان) العميد عصام ميرغني تم تعيينه نائبا برلمانيا؟؟ (Re: هشام هباني)
|
الأخ الفاضل,,, لك السلام والرحمة أخي فقط اسألك سؤال واحد ولا دخل له انو عصام دخل الجب ولا لسع ما وقع جوه سؤالي هو
ايهم افضل صلح وحساب ام خصام وعدم مقدرة على الحساب كما اثبتت لنا 16 سنة مضت,,,, ؟؟؟؟؟
أخي والله كفاية كفاية زهقت ارواح الكثير من السودانين في جنوب السودان وفي غربه وشرقه وكلهم ابرياء لا ناقة لهم ولا جمل في كل الذي جرى ويجري في السودان. اخي والله انا لا معك ولا معهم لكن سوداني بحب السودان واهل السودان الطيبين. يختصم الساسة ويموت المساكين الابرياء ,,,,, اذكر لي عدد من الكبار ماتو غير شهداء رمضان والقليل من عقبوهم؟؟؟؟؟؟ اخي الآن عليك الله اجلس وواجه نفسك بصدق كم فقد السودان فقط بعد الانقاذ ما تمشي بعيد, ملايين. من هم 97% منهم من عامة الشعب لا ناقة لهم ولا جمل سواء كانو من قوات التحالف أو من جنوب السودان أو من حاربو في صفوف الحكومة أو من دارفور الحبيبة الآن. في شان شنو نقتل بعض وينتظر الساسة النصر سواء كانو في الحكومة أو من هم ضدهم لتقلد المناصب والعيش الرقد ,,, ومن هم الساسة هم نفسهم من سنة 1955 , الرأي السديد اخي السودان ما بمشي لقدام ألا برجال محدثاهم نفسهم متجردين من اي ولاء حزبي جربنا كتير ودائما يقدم الولاء الحزبي على حق الناخبين والمحاربين والشعب الميت ليه مئات السنين ,,إستعمار تركي وانجليزي واحزاب متناحرة لمصالحها وانقلاب عسكرية غاشمة,,, والشعب هو البدفع دم واراوح وبعد دا كلوا مافي راحة ,,, حقوا الناس تجلس عشان تشوف الحل وين ما هو الحل حتى يمشي بلدنا لقدام بدل ان نتناقش في امور لا تأتي بخير لنا ولاهلنا
والله المطلوب بس نجلس بصدق مع انفسنا ونجتر الحاصل والبحصل كل يوم في بلدنا وما هو الحل؟؟؟
ودا كلوا بفسرو مثل سوداني ( دا أمير ودا أمير ودا أمير ,,, منو البركب ليكم الحمير )
خالد
|
|
 
|
|
|
|
خالد علي محجوب المنسي
فيس بوك
تويتر
انستقرام
يوتيوب
بنتيريست