|
أحقد غنماية في العالم ..
|
( منقول بتصرف , بعد إذن أحمد العربي و فيصل نوبي و .. جدي عليهو الرحمة ) .. و الأغنية مهداة إلى : تمبس و دكين في محنة عشقهما الطراوة و الريدة الأم فكو .. و رجاهم للري . و أيضاً بمناسبة إستشراء ( الهم ) العام و الغم الوارم .. و الزهج المكرضم .
..... " اتسببت في نهاية أول حب في حياتي .. غنماية " - المهاتما غندي -
كنت بدرس في الخرطوم الجديدة الثانوية .. و هي ( حبيبتي .. و ليست الغنماية ) بتدرس في الخرطوم الجديدة بنات . يوم لقيتها كاتبه إسمها بقلم عريض جدا على وش الشنطة بتاعتها ( فالحبيبات أرعنات متهورات ) .. زعلت طبعا لأنه كنا بنمشي من بيوتنا لحد المدرسة كداري , و الشوارع العالم مكسرة فيها في النواصي و تحت الشدر .. يعني كل الأمة الهاملة كاحلة , و يقومو يقرو اسمها و يعرفوهو .. و تجيب لينا سمعة , صاح ؟؟ المهم .. حنبكتَ و غضبت لحبي الذي بقى هامل و حبيبتي التي بقت على كل لسان .. فقلت ليها : يا حبيبتي , تجيني الليلة في البيت , عندي معاك موضوع حياة أو موت .. ( و كنت جادي .. زول بيحب و مجروح و الكرامة سايلة و ما داير أي مفاهمة ) .. خافت بت الناس و طوالي المسا جات بيتنا , و البيت كان جالوص - لكن كان مزبل تمام التمام .. أخلص فيهو عمنا أحمد الزبال و ما قصر - .. هي بيتهم سمح و مطرطش و عندهم عتبات زي سلم سلم كده . في بيتنا مافي مكان أحب فيهو حبيبتي غير زقاق الغنم الكان بيننا و بين الجيران .. فيتنا ميتين متر و يعج بكمية ناس . زقاق الحب عندنا ضيق و في نهايتو زريبة الغنم الفيها زي خمسة غنمايات , سخلتين و أمهاتن .. الأم الكبيرة لونها بني كده وللا طوبي طوبي ما عارف .. لون أشتر و سخان .. كانت غنماية بايخه و دمها تقيل .. و تمشي ليك بررررراحه .. شكلها أهبل , أسغل غنماية في العالم . المهم الغنماية التافهة دي كان أظن عندها قحة شديدة - بتكون أزمة - في اليوم المهبب داك .. جيت أنا و حبيبتي عشان أديها محاضرة في الأخلاق و كيفية مراعاة مشاعري أنا الحبيب الذي يكتب فيها الشعر و يباري القمرة من تمغرب الدنيا , و لغاية ما تختفي قمرة حبنا ورا حيطة ناس وقيع الله جيراننا , و هي تعمل عمايلها الما كويسة دي . المهم .. و قفنا في الزقاق الضلمة داك قريب لبيت الغنم .. - و قد شهد ذاك الزقاق تشابك أيدينا و رميشنا و كتيل عيوننا في الضلمة ديك , و كيف كل مرة أقول ليها : آآآآآآآه .. و كل مرة برضو هي تقول لي : و الله أنا زاتي , و نفضل كده نتوهوه معاينين لي بعض , معاينين معاينين معاينين زي ساعتين كده - و طبعا الرمسنة دي وسط مسرح الريحة و البرطعة و الحاجات العجيبة .. حب أصلي . فقام مع الحنفشة العشقية ديك و جرح قلبي الغائر و كرامتي التي هي في الواطـة .. ابتديت أسمع البنيه الدرس الحفظتو ( فقر و حنك بيش ) : ليه تجرحي مشاعري كده ؟؟ راعي لخاطري .. أنا بغير .. أنا و الله بي حركاتك دي بقوم يوم أدقك .. و ... ( كُحك .. كُحُك ) إتهجمتَ .. أديتا صنّة .. وعملت ميت .. تاني : كُحُك , كُحُك .. إنا لله .. الغنماية المتخلفة ابتدت السيمفونية الكُحية بتاعتها , طوالي اتحرجت جدا جدا ( والواحد في الحب بتحرج بسرعة ) .. المهم الكحة استمرت و أنا أرفع في صوتي عشان أغطي بيهو على صوت الغنماية المتخلفة ديك .. و بلغ حسي عنان السماء كواريكاً .. ناس وقيع الله كوركو بالحيطة : هوووووووووي ده منو ده ؟ .. آآآآآ ؟؟ و الغنماية الحاقدة العيانة - الله لا كسبها - تزيد عليها العشراقة .. و تديها كحاااااك .. كحيييك .. كحك .. كحك .. و أزيد أنا الكواريك و النبيحة . تقوم بعد شوية الغنماية المخلوق الفضيحة الغبي , تقوم تتزنق كحة و تدخل في السيمفونية صوت تاني .. أي و الله .. صوت شين و مطرطر و بايخ بياخة و محرج , وبعد ده عندو ريحة .. حبيبتي الحقارة ابتدت تتنخق ضحك و هي مدنقره راسها عشان ما أشوفها بتضحك .. ( كانت دايماً بتراعي مشاعري , راعاية كانت الله يطراها بالخير ) .. زعلت , و طوالي حسيت بـ ( لا يسلم الشرف الرفيع من الأذى ) و انتفضت غضباً لحبي المراق سليقة ساكت .. : تضحكي لأنه نحنا بروليتاريا كادحة و عندنا غنم ؟؟ أيوه عندنا غنم .. و أيوة غنمنا بيقحو و يظـ....ـطو .. أيوه نحنا فقرا .. شغال أنا محاضرة في القيم الإنسانية النبيلة ( و الغنماية المنعولة - الله يكرم السامعين - شغالة فوق تحت .. كُحك .. طاط .. كُحك .. طاط .. كُحك .. طاط ) . اتعقدت عقدة عمري في تلك الهنيهة المصيرية , فهرشت الحبيبة : خلاص .. أنسيني .. أنسي قلبي الحباك .. وداعا أيها الحب , فرتقي ( وهي الهبلة الحقارة .. السمحة , ميته من الضحك ) . حبيبتي مرقت بي جاي .. كرضمت ليك يدي وأديت الغنماية أم دلدوم بكل قوتي لمن نفسها اتقطع .. و قعدت جنبها أندب حبي الراح سمبلة .. الغريبة بعد أم دلدوم ديك الكحة راحت منها .. !!!!!
و مضت حبيبتي شايلةً معاها حبي الأول و حطام قلبي و الحاجات .. الله لا تاجر الغنم و لا عوضهم .. فهم السبب في ضياع الحب في العالم .
..
|
|
|
|
|
|
|
العنوان |
الكاتب |
Date |
أحقد غنماية في العالم .. | Emad Abdulla | 06-22-08, 04:28 AM |
Re: أحقد غنماية في العالم .. | Tagelsir Elmelik | 06-22-08, 04:38 AM |
Re: أحقد غنماية في العالم .. | Yassir Tayfour | 06-22-08, 04:51 AM |
Re: أحقد غنماية في العالم .. | Emad Abdulla | 06-22-08, 05:01 AM |
Re: أحقد غنماية في العالم .. | Emad Abdulla | 06-22-08, 04:53 AM |
Re: أحقد غنماية في العالم .. | وضاحة | 06-22-08, 04:54 AM |
Re: أحقد غنماية في العالم .. | Emad Abdulla | 06-22-08, 05:05 AM |
Re: أحقد غنماية في العالم .. | وضاحة | 06-22-08, 05:17 AM |
Re: أحقد غنماية في العالم .. | عماد محمود علي | 06-22-08, 09:34 AM |
Re: أحقد غنماية في العالم .. | Emad Abdulla | 06-22-08, 12:56 PM |
Re: أحقد غنماية في العالم .. | محمد أبوالعزائم أبوالريش | 06-22-08, 06:26 AM |
Re: أحقد غنماية في العالم .. | Emad Abdulla | 06-22-08, 01:05 PM |
Re: أحقد غنماية في العالم .. | عبدالله كع | 06-22-08, 07:11 AM |
Re: أحقد غنماية في العالم .. | Emad Abdulla | 06-22-08, 05:19 PM |
Re: أحقد غنماية في العالم .. | عزاز شامي | 06-22-08, 07:11 AM |
Re: أحقد غنماية في العالم .. | Emad Abdulla | 06-22-08, 05:29 PM |
Re: أحقد غنماية في العالم .. | عثمان دغيس | 06-22-08, 08:50 AM |
Re: أحقد غنماية في العالم .. | عمران حسن صالح | 06-22-08, 09:10 AM |
Re: أحقد غنماية في العالم .. | Emad Abdulla | 06-22-08, 05:47 PM |
Re: أحقد غنماية في العالم .. | Emad Abdulla | 06-22-08, 05:39 PM |
Re: أحقد غنماية في العالم .. | خالد عبد الله محمود | 06-22-08, 09:47 AM |
Re: أحقد غنماية في العالم .. | محمد سنى دفع الله | 06-22-08, 09:51 AM |
Re: أحقد غنماية في العالم .. | Emad Abdulla | 06-23-08, 03:54 PM |
Re: أحقد غنماية في العالم .. | Emad Abdulla | 06-22-08, 06:00 PM |
Re: أحقد غنماية في العالم .. | عماد محمود علي | 06-23-08, 11:27 AM |
Re: أحقد غنماية في العالم .. | Emad Abdulla | 06-23-08, 04:07 PM |
Re: أحقد غنماية في العالم .. | عماد محمود علي | 06-25-08, 06:56 AM |
Re: أحقد غنماية في العالم .. | انعام عبد الحفيظ | 06-22-08, 09:54 AM |
Re: أحقد غنماية في العالم .. | Emad Abdulla | 06-23-08, 04:21 PM |
Re: أحقد غنماية في العالم .. | Khalid Osman Jaafar | 06-22-08, 09:55 AM |
Re: أحقد غنماية في العالم .. | Emad Abdulla | 06-23-08, 04:25 PM |
Re: أحقد غنماية في العالم .. | تماضر الخنساء حمزه | 06-22-08, 10:05 AM |
Re: أحقد غنماية في العالم .. | Maysoon Nigoumi | 06-22-08, 10:11 AM |
Re: أحقد غنماية في العالم .. | rosemen osman | 06-22-08, 10:21 AM |
Re: أحقد غنماية في العالم .. | اسامه خليفه | 06-22-08, 11:13 AM |
Re: أحقد غنماية في العالم .. | Osman Musa | 06-22-08, 04:13 PM |
Re: أحقد غنماية في العالم .. | طارق جبريل | 06-22-08, 04:38 PM |
Re: أحقد غنماية في العالم .. | حنين للبلد | 06-22-08, 04:49 PM |
Re: أحقد غنماية في العالم .. | خدر | 06-22-08, 04:58 PM |
Re: أحقد غنماية في العالم .. | الطيب برير يوسف | 06-22-08, 04:56 PM |
Re: أحقد غنماية في العالم .. | حنين للبلد | 06-22-08, 05:00 PM |
Re: أحقد غنماية في العالم .. | حنين للبلد | 06-22-08, 05:08 PM |
Re: أحقد غنماية في العالم .. | عبدالكريم الامين احمد | 06-22-08, 05:32 PM |
Re: أحقد غنماية في العالم .. | معتصم ود الجمام | 06-22-08, 05:35 PM |
Re: أحقد غنماية في العالم .. | اساسي | 06-22-08, 05:38 PM |
Re: أحقد غنماية في العالم .. | عصام الجيلي | 06-22-08, 05:54 PM |
Re: أحقد غنماية في العالم .. | شول اشوانق دينق | 06-22-08, 05:38 PM |
Re: أحقد غنماية في العالم .. | على محمد على بشير | 06-22-08, 06:23 PM |
Re: أحقد غنماية في العالم .. | خالد عويس | 06-22-08, 06:26 PM |
Re: أحقد غنماية في العالم .. | عبدالفتاح أبوشيمة | 06-22-08, 06:08 PM |
Re: أحقد غنماية في العالم .. | عبدالله كع | 06-22-08, 08:34 PM |
Re: أحقد غنماية في العالم .. | ريهان الريح الشاذلي | 06-22-08, 08:50 PM |
Re: أحقد غنماية في العالم .. | AMNA MUKHTAR | 06-23-08, 01:28 AM |
Re: أحقد غنماية في العالم .. | Rihab Khalifa | 06-23-08, 01:37 AM |
Re: أحقد غنماية في العالم .. | Balla Musa | 06-23-08, 03:21 AM |
Re: أحقد غنماية في العالم .. | Tragie Mustafa | 06-23-08, 04:20 AM |
Re: أحقد غنماية في العالم .. | صلاح أبودية | 06-23-08, 08:57 AM |
Re: أحقد غنماية في العالم .. | خالد عويس | 06-23-08, 02:18 PM |
Re: أحقد غنماية في العالم .. | Emad Abdulla | 06-23-08, 03:00 PM |
Re: أحقد غنماية في العالم .. | محمد المرتضى حامد | 06-23-08, 03:18 PM |
Re: أحقد غنماية في العالم .. | محمد الطيب حسن | 06-23-08, 03:56 PM |
Re: أحقد غنماية في العالم .. | صلاح أبودية | 06-23-08, 05:15 PM |
Re: أحقد غنماية في العالم .. | عبدالفتاح أبوشيمة | 06-23-08, 03:21 PM |
Re: أحقد غنماية في العالم .. | emad altaib | 06-23-08, 04:15 PM |
Re: أحقد غنماية في العالم .. | tayseer alnworani | 06-25-08, 06:39 AM |
|
|
|