المساليت عرب .. وهنا تأريخهم!

Quote: ما تجمع نفسك مع ناس " الشِمال " سااااي كدي ... وتاكُلنا حنك ... النُقطة دي لِسع ما أقنعت الناس بيها ... إنت إفريقي ... وعرب الشِمال - ده لو في عرب أصلو في الشِمال - ما أخوانك ولا حاجة ... وبِإفتِراض إنو في الشِمال في عرب ما بِهِمهُم كتير إنو " المساليت " يِكونو مدخل لِبقِية مُكَوِنات الإقليم ... ليه؟ لأنهُم ما بِتربُطُم لا بِالمساليت ولا بِغيرُم مِن قبائِل غرب السودان علاقة وطيدة ... هو لو كان عرب السودان شاعرين إنو في علاقة بيناتُم وبين القبائِل الإفريقِية كان الحرِب ولعت ... الكلام المعروف والزايغة مِنو الناس كُلها كُلها ... إنو اليَوم وغدًا حتظل القبائِل ذات التقاطيع الإفريقِية والألوان الغامِقة في نظر مُدَعي العُروبة في السودان ، إنهُم " عبيد " ساي ... دي حقيقة ... أكان رضيت بيها ولا أنكرتها ... وده السبب الخلا الجنوب يِوَلِع مِن 1955م وده السبب الخلا دارفور تَولِع ... إنهُم سامعين كِلمة " يا عب " وبِتعاملو معاهُم على هذا الأساس ... ما تتنطع لي إنت ولا غيرك ... أنا ما عايِش في سكسونيا ... قُمت وإتربيت في الخرطوم بحري " الشعبِية " وعارِف كِده وإنت عارِف كِده يا بريمة ... الحل شنو طَيِب؟ أول حاجة لازِم تِتصالح مع روحك وتقنِعا بِإنك < إفريقي > قد يِكون دخلتو بعض الدِماء الـ < عربِية > ... دِماء عربِية بسيطة جِدًا وغير مؤثِر ... بِدليل إنو أغلب أشكال قبائِل غرب السودان إفريقِِية بِنِسبة 9ر99% ... سود ... شعر قُرْقُدي ... أنف أفطس ... شِفاة غليظة ... مُش دي مُواصفات ناس غرب السودان ولا عاوِزنا نِتغابا فيكُم العِرفه كمان ... الروشِتة الكتبتها ليك دي ، إجتِهاد مِني ساي ... حلاً لِمُشكِلة الهَوِية ... نِحنا بِصراحة كِده ... ما إنتابنا إحساس بِالدونِية طول تاريخنا ... لأننا كُنا الحلقة الأقوى ... أصحاب الأرض الأصلِيين ... أكثرِية وقت دِخول العرب لِدِيارِنا ... لم تأتي النِساء مع العرب التُجار ، فإضطروا إلى مُصاهرتِنا بعد (600) سنة مِن أول دخولُم لِدِيارِنا ... تنَوب الإنتاج النوبي العربي عن بِكره أبيه وإحتَوتهُم الثقافة النوبِية ... نِحنا النوبِيين أقرب إلَيكم مِن عرب الشِمال ... ده بِإفْتِراض إنك غرباوي أصيل .. يعني لُغتك الأُم غير عربِية ... الفرق بينا (النوبيين) وبينك (الغرباوي) إنو تِحِت كُبرينا جرت مِياة عربِية / تُركِية / مجرِية / مِصرِية ... بِحُكم الجُغرافيا ... عِندنا مثلاً في حلفا خشُم بيت كبير جِدًا ومؤثِر إسمهُم " المجراب " ... المجراب ديل حِكايتُم شنو؟ في الحرب العالمِية التانِية جات فِرقة " مِجرِية " وعسكرت في شِمال السودان ولامِن الحرب إنتهت ، بعض أفراد الفِرقة المِجرِية ، تزَوج مِن نوبِيات ، فأصبحوا خشُم بيت كبير " المجراب " وطبعًا إحتَوتُم الثقافة النوبِية ، بِالرغم مِن ألوانُم الفاتحة وعِيونُم الخدرا ، ما بِتلقى زول فيهُم بِقول ليك أنا " مِجري " وحدث زي ده مع أتراك وشركس " الكُشاف " مثلاً ... وبِرغم ذلِك ... بِنفتخِر بِنوبِيتِنا ومُتمسِكين بيها وبِندرِس أولادنا اللُغة النوبِية ، بِحِصص مدفوعة الأجر وبِنسمِعُم الأغاني والألحان النوبِية غصبًا عن " إكون " و " ياني " بِالمُناسبة مُمكِن نعرِف إنت مِن وين في السودان ... ياتو قبيلة بِالضبط؟

(عدل بواسطة بريمة محمد on 11-08-2009, 06:06 PM)