|
Re: مدرسة امتداد ناصر (3) الإبتدائية بنين (Re: خالد العبيد)
|
درست في بري الدرايسة الابتدائية بالرغم من اني كنت اسكن امتداد ناصر الا اني اتذكر من دفعتي في تلك المدرسة صبري مكين لاعب الهلال وناجي الحلفاوي والكثيرين .. المسجد المقابل لها وعم حمدان الموذن (رحمه الله ) والبيت الذي يفتح في الزاوية ما بين المسجد والمدرسة والخالة التي تبيع (اجمل تسالي) مر علي حتي الان .. كان صفينا في (المذاكرة) بعد درس العصر .. طريقنا اليومي مدرسة بري الاميرية من شارع منزل ابراهيم السنوسي وحتي نهاية امتداد ناصر قبالة كوريا ومنزل ناس جحا .. نادي كوريا وطريق العودة من خلف المدرسة وميدان الاخوة .. افضل ما حصل لي اني لم اكن طالبا في تلكا لمدرسة التي درست فيها يا خالد العبيد الان علمت اين رأيت فقد كنت علي يقين اني رايت هذه السنحة من قبل اذكر اني رايتك في محطة تسعة امتدد ناصر ايضا مع (الحلفاوي )نسيت اسمه الذي كان يكتب الصفحة الرياضية لجريدة الميدان...
| |
|
|
|
|
|
|
Re: بعق وين؟؟ (Re: عبدالغني كرم الله بشير)
|
اخي عبدالغني .... لك التحية
ومليون تحية لفرقة الوان الطيف (بالمناسبة الدفعة الاولى منهم الان باولادهم )
فلها في دواخلنا مكانة خاصة.
أبوعرب ده ياربي فاتح علي استاد بري ؟؟
| |
|
|
|
|
|
|
Re: مدرسة امتداد ناصر (3) الإبتدائية بنين (Re: بنفسج)
|
العزيز بنفسج لك تحايا الورد طبعا حيرتني ! انا كنت مدرسا في مدرسة امتداد ناصر 3 وهي اول مهنة لي بعد تخرجي من الثانوي واذكر ان عمنا المرحوم الحاج حضرة الذي كان رئيسا لمجلس أباء المدرسة ووالد الموسيقار عبد الرحمن حضرة كان سببا في تعييني عندما جاء الى والدي المرحوم الحاج العبيد وتأمرا على ادخالي الى سلك التعليم وقد كان ... واذكر ان مدير المدرسة أنذاك كان الاستاذ الطيب الامين ومن ديك وعيك اصبحت مدرسا واذكر من الذين عملت معهم مدرسا في تلك الفترة الاستاذ القدير حامد النو محمد سعيد والاستاذ المرحوم عبد الرحمن بشرى الذي مات واقفا مثل الشجر بعد جف الماء في جسده قطرة قطرة وبعد مجئ الانقاذ تم فصلي من العمل وعملت بعدها في مجال الاطفال المشردين في جمعية صباح وتم تعييني فيها بواسطة زميلتنا في المنبر أم سهى واثناء كل ذلك كنت اعمل في مجال الصحافة لك ودي ولي شوق قاهر الى ناصر 3
| |
|
|
|
|
|
|
Re: مدرسة امتداد ناصر (3) الإبتدائية بنين (Re: خالد العبيد)
|
اخي خالد لك الاف التحايا
اذكر تماما تلك الفترة وللحقيقة قد اخذني البوست بتاعك الى عوالم حقيقة اشتاق واحن دونا اليها تخيل معي كيف كانت هي !!! وماذا نحن فيه الان .... شتااااااااااااااااااااااااااااااان أعدت الى مخيلتي تلك الشخصيات التي يزداد اليهم احترامي وهم غائبون كيف لا وانهم كانوا اباءا واخوة قبل ان يكونوا معلمين كما هو حال المعلمين الان ............................
الحاج حضرة .. ابو الكل .. شموخ
الشيخ الطيب الامين ( الناظر ) والعمة والجلابية بكل الوقار ويكفي انه كان سهلا
حامد النو محمد سعيد رائع حقيقة وانسان
عبدالرحمن البشرى ( رحمه الله بقدر ما أعطى ) فقط يكفيه انه أعطى واعطى وهو معذب
وان كنت تذكر قسم السيد محمد قسم السيد .... لم يدرس طويلا
وعارف الفاضل وعلى ما اعتقد كان اخر العنقود في تلك الفترة
الكريمة حسنى ووقارا يزينه علما
العزيز صديق وجهد بلا توقف
العم احمد وحرصه على ( المزيرة ) العجيبه
فقط التحايا والتجلة لمن على قيد الحياة منهم والرحمه والمغفرة لمن انتقل لرحمة مولاه ويا حليـــــــــــــــــــــــــــــــــل زمــــــــــــــــــــــــــــــــــــــان
| |
|
|
|
|
|
|
Re: مدرسة امتداد ناصر (3) الإبتدائية بنين (Re: بنفسج)
|
سلام يا اولاد برى
انا بقى قريت شوية فى برى المحس الاِبتدائية و بعدين ما نفعت و كنت مخستك و أهلى شالونى ودونى مدرسة تانية لكن ما بتذكر كان معانا شباب من امتداد ناصر يا اساسى - انت البجيبك لى برى الدرايسة شنو امتداد ناصر دة ما كان فيهو مدارس و لا شنو - الغريبة انو كان معانا فى برى المحس أولاد كتار من الدرايسة باين ناس امتداد ناصر ملو ليهم المدرسة
بالمناسبة فى واحد فيكم عارف حى برى الاِسمو كوريا دة سموهو كوريا ليه
و شكرا
| |
|
|
|
|
|
|
Re: مدرسة امتداد ناصر (3) الإبتدائية بنين (Re: بنفسج)
|
برى يا أولاد برى سلام يا خالد
انا من زمان كنت بقول انو الاِسم دة ليهو علاقة بى كوريا لكن ما كنت عارف قصة انو المقصود كوريا الشمالية و كمان قصة انو بنو نادى هناك - لأنو فعلا تسمية كوريا فى غير موضعها - لأنو المحس سميت على المحس الذين اِنتشروا من توتى الى برى و شمبات و أغلب سكانها من المحس أحفاد الشيخ ود الأرباب و من أهلها خرج المناضل (جدى) عبيد حاج الأمين و برى الشريف سميت على أل الشريف - أها الدرايسة دى جات من وين ???
انا بتزكر طارق جميل طشاش لكن القلتهم من المحس ديل ما بتزكرهم لكن كان بعض أقربائى هناك اِحتمال يكونو من دفعتكم ناس كمال أحمد هاشم و أخوهو محمد و بالمناسبة ناصر البدانى دة ود حلتنا و جيرانا - بالله الزول دة حسى وين أخر مرة قابلتو كان سنة 93 و كان وقتها فى أمريكا و بعد داك تفرغت بنا السبل و كل زول غادر لى جيها براهو - بالله لو عندك أيميل ليهو و لو عارف خبرو و رينا
و شكرا
| |
|
|
|
|
|
|
Re: مدرسة امتداد ناصر (3) الإبتدائية بنين (Re: بنفسج)
|
العزيز زول لك تحايا الورد والله فتحت شهيتي لي بوست جديد ممكن نسميه يا اولاد بري اجمعوا هنا لكن احسن نسيبوا بعد الارشفة البراري خرجت مناضلين كثر اذكر في مقبرة بري اللاماب قبر لاحد مناضلي اللواء الابيض اعدمه الانجليز اسموا طشة مني .. يمشي ويجي لكن بتذكروا ليك لا اعرف تسمية بري الدرايسة حقيقة لكن هل للاسم علاقة بعمال الدريس كمال احمد هاشم ( سيد الاسم )! كيف ما بعرفوا ناصر البداني لي منو سنين طويلة وانا مثلك عرفت انه في امريكا بعد ان تخرج من الهندسة، ياخي حرام عليك لو ناصر جاركم معقول ما بتعرف مختار حسن مختار ( ود الجزار ) اشهر جزارة في بري المحس ، والدته امنا العظيمة المناضلة الحاجة خدرة سري شقيقة الدكتور مصطفى سري ، وحوشهم كبير من اشهر بيوت بري المحس ، جنب سوق بري !! لك التحايا ،، يا اولاد بري اجمعوا هناالحاضر يكلم الغائب خالد
| |
|
|
|
|
|
|
Re: مدرسة امتداد ناصر (3) الإبتدائية بنين (Re: بنفسج)
|
خالد العبيد التحايا النواضر اولا احتجاج خفيف كيف تقول يا اولاد بري اجمعوا هنا مفروض تكون ياناس بري او حتي ياشباب يعني نحن مامعاكم ولاشنو المهم اتشرف بان اكون اول زول يجمع ليك لاني منها ولها قضيت فيها اجمل سنوات عمري ولي هنالك زكريات وشجون لا اظنها ستعبر في حياتي مرة اخري والحقيقة والدي رحمة الله علي اساسا من بري المحس ولكن نحن نشأنا ببري كوريا وهي جزء صغير بين الدرايسة وامتداد ناصر وكل اهل البراري تجمعني بهم روابط اسرية وصداقات غالية اتمسك بها رغم كل ظروف الغربة فهي واحتي الظليلة وسط صحاري شمال امربكا القاحلة وياشباب دعوني اذكر معكم الشخصيات اعلاها اولا طارق جميل جيراننا الحيطة بالحيطة ومختار حسن مختار برضه جيرة وصداقة عمر وزمالة مع شقيقته وفاء ناصر البداني تجمعني به صلة قرابة قوية وكذلك المناضل عبيد حاج الامين فهو جدي وايضا كل الهاشماب ابناء عمومة ابي وساواصل ومعا حتي نعود
| |
|
|
|
|
|
|
ا (Re: بنفسج)
|
العزيز زول لك تحايا الورد اها اتذكرت ليك اسم المناضل عبد البديع علي كرار من مناضلي جمعية اللواء الابيض اعدم رميا بالرصاص ودفن في مقابر بري اللاماب او مقابر ابو تلة وقبر ابوي جنبو
يلا يا اولاد وبنات بري واصلو
| |
|
|
|
|
|
|
Re: مدرسة امتداد ناصر (3) الإبتدائية بنين (Re: بنفسج)
|
تحية لشباب بري..
وخاصة لأحفاد عبيد حاج الأمين
فقد كان ناظر مدرستنا ببري المحس عمر الهادي حاج الأمين..
وأعتقد أنه ظل ناظرا لها جتى وقت قريب جدا لايتجاوز الثلاث أعوام..
ثم بري الأميرية...بالقرب من نادي كوريا
| |
|
|
|
|
|
|
أبوعرب ده ياربي فاتح علي استاد بري ؟؟ (Re: بنفسج)
|
أبوعرب ده ياربي فاتح علي استاد بري ؟؟
بس فاتح على استاد بري (الوهمي)، والذي علت كشافته الخشبية، ثم هوت (كأشياء أخرى هوت في هذا الظلام النفسي الدامس)، هناك في تلكم الكرونة الجميلة لناصر، لنا ذكريات، يتفح بيت أخي الأكبر على تلك الفسحة الشديدة الثراء، ففيها يتم كرنفال فطري يومي، يتجالس الجنوبيون بطولهم المحبب، وشكلهم الأحب، وهم عائدين من نادي بري، أو مدرسة قرنفلي، وتتحرك الفتيات منن على البعد، (كم هو لين جسد الجنوبية، وكأنه مسقى بندى)، وأهمس في خاطري (هل اخترقتها كلمات غزل من الفتى الملاصق لها كشق التمرة)، أم داهمتمها انين المشردين، النائمون كالموتى داخل الخيران، في تلكم الفسحة، لعبنا الكرة، وسجلنا أهداف رائعة على مرمى مكون من حجارة وملابسنا البسيطة الساذجة، لا يكدر صفونا سوى تسابقنا لمعرفة (نوع الطائرة الهابطة السعيدة)، والأخرى ا لمقلعة التعيسة (أرضي ووطني جنة)وفي المساء، تتخذ الفسجة شكل مخيف نسبيا، لنساء الحي، ورجاله كمان، وومتع، و(ستار)، لبعض أهل الحي والعابرووووون....
والآن تقلصت بيوت ناصر، لا بفعل الزمن (كعادته القديمة)، ولكن الجيران (أهل الصفاء)، تطاولوا حتى حرموا فتيات ناصر من النوم في الفسحة وتأمل سحر النجوم اليومي، وهكذا العلو، يجعل الإنسان (إله)، يتحكم في الأخرين، وتلصص على السقيان من عل، وهي تخرج من الملاءات....
فلنتجر الذكرى، ولنا عودة، بإذنه،،،،
| |
|
|
|
|
|
|
|