|
بوست خاص بالنساء (( لجؤ مؤقت لحين قرار الطرد )))
|
هنالك دعوة من الاخ الكريم خضر بطرد النساء من البورد (( هو دا من حقو يا ربي)) فهذا البوست مكان خاص للجؤ المؤقت لحين صدور القرار سلبا او ايجابا لدعوة الكريم خضر و عليه نرجو علي جميع السيدات و الانسات و من يدعمهن اللجؤ الموقت هنا بدعم الفكرة او دحضها و هاكم توقيعي
أدعم الفكرة لانو الزول ح ياخد راحتو في مكان منفصل صايبري مغلق علي النساء وح تكون مدينة افلاطونية انشاء الله
و
لقدام
|
|
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: sudania2000)
|
سودانية لكن لازم تعملي بيان
بمقاطعة البوست موضوع النقاش مقاطعة تامة
وحيث أنه وبما أنه معظم المتداخلات من الجنس الناعم
فليقاطعن ذلك البوست العنصري
الذي ينادي بالعنصرية ضد المرأة والقهر وحرمان حقها في حرية التصرف والتعبير عن رأيها سواء كان خاطئاً أو صحيحاً
ومن هذا المنبر يكون النداء
بطرد خضــر الطيــب العنصري صاحب البوست
أهااا عليك الله لقيتني كيف وانا داخله حامية كده ؟؟؟!!
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: كوليل)
|
الأخت Hozy
Quote: بمقاطعة البوست موضوع النقاش مقاطعة تامة
وحيث أنه وبما أنه معظم المتداخلات من الجنس الناعم
فليقاطعن ذلك البوست العنصري
|
كلامك صح بالمناسبة أنا عندى بوست زيه بس ما ضد النساء ضد مبدأ العراك من أصله
عارفه شنو . . قاطعته أنا زاتو
الموضوج بقي ملزق وكترة الكلام بقت تضر أكتر ما تنفع
سودانيه لسة مستنيك إنتى وكوليل فى سوق الجمعة
سوري يوم الجمعة
تحياتى
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: Muna Khugali)
|
اعلان اسحب مداخلاتي مع الكريم خدر و اطالب بنوتات البورد باللجؤ ناس الجندرة و الامم المتحدة اصلهم ما بقصروا معانا
اللذيذة مني
بطانية كمان نحن هنا بنقول يا لطيف 50 درجة ذكرتني زحل و البطاطين بيتك و مطرحك و نحجز كمان للاميرة مقعدين
الكلمة بتغيظ : بورد خالي من النساء زي نحن حاجة ممكن تلغي بمزاج اي زول
تبلدي رقمي دا ديكور ؟؟
تسلم يا راقي
لنا::: الامين القادم للامم المتحدة ليدي بعد كدة ممكن نعلن اللجؤ الجندري في اي حالة عصيان
لوووووووول
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: sudania2000)
|
.. .
Quote: تبلدي رقمي دا ديكور ؟؟ |
قرقر قرقر قرقر رقمكـ إنتيكه من الأناتيكـ بس الله يجازى الزمن !! طريق مدنى بقي لينا مساسكة واليومين دى بقينا نقطع حنتوب فى اتجاه القضارف والله زمن للالقاء السلام مافى ناهيكـ عن كوب من العصير ما تاخدوا خفسه كدا يوم 24 عشان اللمه تكون اقليمية ..
تسلمي يا دوكى؛
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: Tabaldina)
|
الأخت سودانية وصويحباتها :
ليكم القومة والتحايا ،،
رغم أن البوست خاص بكم لكني أخدت استثناء مؤقت لزوم المداخلة بس ، وبمرق تاني بسرعة ،،
باركوها يا أخواتي ، ومافي داعي للدعوات الانفصالية ، وكفاية علينا أشباح الانفصال التي تحوم في بلدنا شرق وغرب ، خلونا نحاول طردها عشان ما عاوزين تفتيت .. ولو دعا الحال هنا حانطرد ليكم أخونا خضر ونرسله لافغانستان دعماً لطالبان هناك .. بس خليكم معانا. وليكن بوستكم هذا استراحة محارب قصيرة تعودون بعدها للحوش الكبير والذي يسعنا جميعاً .
تحياتي ،،،
( ليمو )
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: Hisham Amin)
|
شاي المغرب و اللقيمات و العشاء قوام يا بنوتات
أول تبـادي الشاي والليقيمات دي لي منو?
الرجـال بيتاوقـو مـرة مـرة ديل ماشين ياكـلوا ويشـربوا معانـا?
ان كـان بقي آآآي...يبقي يـخدمـوا معانا ..والا وحـاة سـتي ست نور مـن بوكـاني دا ماني قايمي...شـن طـعمـوا اللجـوء ان كـان الحـال ياهـو الحـال!
ردي لي سريع خـيتي
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: خضر الطيب)
|
أيوااا يا خضر ما دام جيتنا لحدي هنا
الليلة يحلك الحلى بلى ؟؟!!! ( ما بعرفه حلاه شنو بلى ده )
وانتي يا منى مش مسكوك الباب ده لكن انتي فاضية من النوم !
الزول ده يدخل ساااي كده
المهم يا زول ( كلام خاص بيني وبينك ) انا قلت الزول ده فردة في بوست الحبشية مع انك كان شكلك متغاظ بالجد من النساء السودانيات، قلت اشوف مويته شنو لكن لقيت كلامك حلو، تاني جيت خربتها شديد بالبوست بتاعك أنا بصراحة كان ممكن افهم انك بتدعو نوع معين للسيدات عشان يبطلوا مشاكل في البورد لكن بصراحة لما شفت الآيات القرآنية والأحاديث اللي استدليت بيها دي ما جاني احساس منها إلا بعنصرية شديدة وده غير باقي الكلام كان مافيه فرز ولا حتى أي أيحاء او شي يفهم من صياغ الكلام حتى إلا بعد انت وضحت بكلام جديد يعني كان كلام يشمل الجميع
وأنا بصراحة أتضررت نفسياً من جراءها ( حلوة يا بنات اتضررت نفسياً دي صح ! )
المهم نرجع لموضوعنا
إحنا ممكن نسامحك إذا كان خانك التعبير
لكن بمطالب
أهااا يا جماعة مطلوب اجتماع فوري لساكنات الخندق
هو بالله خندق انا كنت قايلاه مكان محترم
المهم خندق خندق
اهاااا يا جماعة غير بوست أعتذار من الزول ده عشان ما نصب عليه لعناتنا في مطالب ثانية ؟؟؟!!
تخريمة: انا عارفه شكلكم عجبكم المقام على قول خضر لكن ولو يا بنات رابطة نساء البورد الإعتصامية
| |
|
|
|
|
|
|
مطالب/خضر/مطالب (Re: sudania2000)
|
Quote: اهاااا يا جماعة غير بوست أعتذار من الزول ده عشان ما نصب عليه لعناتنا في مطالب ثانية ؟؟؟!! |
هوزي يا غالية عارفاكي طيبة و حنينة بس خضر طالما جا هنا بي رجلينو فالمطالب كالآتي: 1/يسجل حطيبتو في البورد أو اضعف الإيمان يخليها تقرأ المنبر 2/نسيت كدي خليني أفكر و أجي راجعة ببقية المطالب لغاية ما البنات يصحو و يجو لنا
| |
|
|
|
|
|
|
Re: مطالب/خضر/مطالب (Re: lana mahdi)
|
فتاح ياعليم رزاق ياكـريم...أصـبحنا بالله والرسـول.. حـتي بطـانيتي ومخـدتي...يعني جـايباهم بعرق جـبيني ماتخلوني أنـوم?
أسـمعو في حـتتين في الحـوش أنـا مابنام جنبهم...متعقـدة منهم عـديل.. الباب...والحمام.. ترحـلوني لي مكـان تاني و ولا أمشي افتش علي asylum أحـسـن?
وبعـدين ياهـوزي والباقيات براحـة علي خضـر....الراجـل إعتـذر وتغيير كـلامه ما هـو الا نتاج للتغيرات الثقافية والاجـتماعية والسـياسية التي تصـاحب الفترة الانتقالية الذكـورية في السـودان ..وهي مـؤشـر صـحي...بـدليل انه خضـر اعتـذر والـدليل التاني الأهم خطـب احـدي الحسـان..والعروسـة مصـيرها تفتح وانشـاء الله لا نقعـد تحت حـيطة ولا نسمع أي زيطـة!
Quote: وأنا بصراحة أتضررت نفسياً من جراءها ( حلوة يا بنات اتضررت نفسياً دي صح ! |
وأنا اتضـررت نفسيا وجـسـديا...مـن عجـن اللقيمات والرقاد علي الو ا طـة وعـدم القـدرة علي النـوم...كـانت سـاعة مهببة الجـابت فيها سـودانية سـيرة اللجـوء دي... لكـن عارفـين يابنات...كـلامها طـلع صـح سـودانية..وزي مابتقـول خـالتي علوية...برافـو Bravo عليـك..أهـو موقف اتسـجـل وخـضـر شـرح مـوقفه مـع الاعتـذار...
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: إدريس محمد إبراهيم)
|
Quote: والله كيتا عليهم الا ادخل اي بوست اسوطوا ليهم بي مفراكتي واليرفع راسو ولا يطنطن يا خد لبعه بالكنش فوق صنقورو خاصه اصحاب الرؤوس المقودسه محمد اي سليمان واصحابوا |
الله الله اللعبـة إحـلوت...
دقيقة أسـرح شـعري وأجـي أقعـد بمـزاج...علشـان أغـني معـاكم غـنا مكـاوا
مـاقـال بيجـي ..مـالـو ماجـه?!
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: Hozy)
|
Quote: بس يا بتي قومي اعملي كركدي باااااارد للبنات ديل و ما تنسي الناعم معاكي
|
السلام عليكن يابنوت البورد هوى وكدى جيبن لى صحن ناعم وكبايه كركدى بارده .. عشان عندى طلب وهو انو عايز استسمحكن فى انو تقبلن بتى زينوبه معاكن .. لانه البت دى والله ورغم انها رضيعه الا انها دكتوراه فى الاحتاج والبكاء يعنى بصراحه كدا جهجهتنى وجهجهت امها .. عشان كدا قلنا نديكم ليها كم شهر كدا عشان تناضل معاكم .. واهو شايف منى بت خوجلى طوالى نايمه فى المعسكر .. يعنى لو ختتا جمبها ما ح تكلفا شئ .
واكان قبلتن بتى معاكن فانا اتضامن معكن فى قضيتكن العادله والا فسانضم الى حزب طرد النساء من المنبر .
والسلام ختام ابو زينب
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: Muna Khugali)
|
Quote: بس النويمي دي يحسـدوك فيها! |
عليك الله ما بتخجلى يامنى قالت ( نويمه ) قالت
انتى من يوم فتحوا المعسكر دا وانتى نايمه لا شفنا منك لقيمات ولا شفنا منك ناعم ولا حتى كباية كركدى لاهينا لامن حلقنا دا نشف وانتى عامله فيها اضان الحامل طرشاء
وبعد دا كله محتجه وتقولى ماكى دايره تنومى تانى اها بعد مانجيب ليك ( زينوبه ) وترقديها فى حضنك .. تانى النوم دا تشميه قدحه ... ومع ( زينوبه ) موش ح تعرفى تغمضى عينيك
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: بارعة)
|
Quote: وبعد دا كله محتجه وتقولى ماكى دايره تنومى تانى اها بعد مانجيب ليك ( زينوبه ) وترقديها فى حضنك .. تانى النوم دا تشميه قدحه ... ومع ( زينوبه ) موش ح تعرفى تغمضى عينيك |
ألحـقـو يابنات ...كـادر ذكـوري مـدسـوس في شـكـل طـفلة!
ممنـوع دخـول أي انثي أقـل مـن 18 سـنة! شـاي ..لقيمات... دا انت ياظـريف الهاتشـمها قـدحـة... حـلاة البوكـان بلا راجـل!
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: Muna Khugali)
|
شوفوا يا بنات
خضر دة لازم يقعد في ا########## ويعرف هو سوي شنو . علشان كدة انا جاتني
فكرة مووووووش بطالة -
يا بنات يا حلويين انا بقترح الاتي إنة إحنا لازم نطبق العقوبات دى علية
1- لإزم يشوف الفضائية السودانية وبالذات برنامج احمد البلال الطبب
وبرنامج وجة النهار مع منعة من شوفة اى فضائية تانية لمدة تلاتة
شهور
2- وفي نهاية المدة يا بنات نشغل ليهوا قناة ال ل بي سي علي ان
تراقبة خطيبتة
3- واذا دة كلة مانفع نفوم نحولة لعمر الجزولي ليستضيفة في برنامجة
اية رايكم؟؟؟؟؟؟؟؟؟ ولاشنو
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: sudania2000)
|
اخت الشهيد الشفيفه / منال
بالنسبة للعقوبات الذكرتيها دي انا خلصت منها , اشتغلت في برنامج المدعو احمد البلال فتره اكثر من فترة العقوبة
وبرنامج وجه النهار مماكان برنامج لحدي مابقى عماره لزوجات الكيزان السريات
وبرنامج عمر الجزلي دا عييييييييييك سنين مع المراحيم
لكن لو كان قصدك انو عمر الجزلي يستضيفني في البرنامج يبقى شكلك كدا عاوزة تغطسي حجري مرة واحدة كده
وبالنسبة لقناة ال ال بي سي , دي قناتي المفضلة وخطيبتي طبعا بعيده جدا والله الا تراقبني بالاقمار الاصطناعية
Quote: يا بنات يا حلويين انا بقترح الاتي إنة إحنا لازم نطبق العقوبات دى علية
1- لإزم يشوف الفضائية السودانية وبالذات برنامج احمد البلال الطبب
وبرنامج وجة النهار مع منعة من شوفة اى فضائية تانية لمدة تلاتة
شهور
2- وفي نهاية المدة يا بنات نشغل ليهوا قناة ال ل بي سي علي ان
تراقبة خطيبتة
3- واذا دة كلة مانفع نفوم نحولة لعمر الجزولي ليستضيفة في برنامجة
اية رايكم؟؟؟؟؟؟؟؟؟ ولاشنو
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: sudania2000)
|
سلام خدر
Quote: انتي بصراحة عندك افكار انفصالية
وعنصرية, وكنتى انتي ومعاك عدد من الاخوات منتظرين فرصة ذي دي عشان تعملوا ليكم تكتل نسوي
ما افتكر انو حيصمد امام رغبتنا الاكيدة في مشاركتكن في هذا البورد
|
أنا لا انفصالية و لا عنصرية و لا منتظرة اي فرصة منك لا من غيرك لاي تكتل نسائي بس انت براك الجبتو بطلبك الغريب دا و نحن كمجموعة روحنا في بعض و دا شئ طبيعي و الجنس للجنس رحمة بس انت ابقي قدر طلبك و دافع عنو و نحن متخندقين لحين حصولك علي الموافقة و الفكرة مقبولة و نحن احسن لينا برانا برضو تسلم
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: sudania2000)
|
سـودانية أسـمعي إشـتريت الورد ده مـن فاطـمة ..ومعاهـو اشـتريت جـبنة وعيش مـن ثريـا...وغشيت حـواء اشـتريت منها كـسرة للصـباح.. حـاجـة التـومـة قالت بترسـل لينااللبن الصـباح بـدري ان شـاء الله...
الله يخـليهـن فاطمة وثريا وحـواء والتومـة...والله مسـئولياتن كـتيرة خـلاص!
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: Muna Khugali)
|
منين يا منين يا أحلي منين فطومة بقت تعرف الورد من بتين قولي فطومة حلبت بقراتها و ادتك لبن امبارح تطيري نومي مالك يا بتي انت نزلي البرنامج و انا ارجع من المكتب القاك طبختي بامية الخدرة ققالوا خلوها عشان الكوريرا في البلد انت اجازتك دي ما انتهت البطانية وجعت يدينك ثوب ساكوبيس ابيض مناسب للجو و خفيف تسلمي يا شفيفة
| |
|
|
|
|
|
|
Re: بوست خاص بالنساء (( لجؤ مؤقت لحين قرار الطرد ))) (Re: تورير محمد باكاش)
|
عزيزتي سـودانيــــة 2000
سلام يا ستي
إنتو نصف المجتمع والوجه الجميل فيه ولا يمكن لأحد أن يرفض بقاءكم معنا ، نحن نقف معكم ونشد من إذركم في أي موقف يسجل ضد رغبتكم، الأخ خضر أوضح قصده وقصده شريف هو تحدث بالبلاغة أطلق الكل واراد الجزء وأنت سيدة العارفين في هذا المجال ، يعني خلاص بلاش إعتصام فالحياة بالخارج تنتظركم ، يعني بس معقول الورود دي تشتل داخل غرفة والبستان بي بره واسع وفسيح والمطر كمان نازل رزاز .
إعتصامكم جميل يا جميلات المجتمع وحقكم علينا ، وسماح ، وفكوا الاعتصام .
| |
|
|
|
|
|
|
| |