|
لمحة من حالك يا خاتم .. والخوف من موت المنافي !!
|
أنها لمحة سطرتها يوما .. واليوم أسقطها على صديقي الرجل الرقم الخاتم عدلان :
جـد فـقدتك يا بـلد جـد فقدتـك جـد فقدتـك لما ليل الوحدة أمسى وشفتا صورتك وعشتا سيرتك
دمعة سالت جارية مني وانتي عارفةوغصب عني مشيت هجرتك
ولو حصل أنا غبتا عنك أو سنــين طولتا منـك لاتسيئ بيا ظنك أو تقولي خلاص هجرتك
لا لا .. وألف لا لا وأصلي يابلدي البـحبـك جوا في وجـداني شـلتـك وفرحة في أعماقي عشـتك زاد هواكي ..وجد عشقتك وفي ليالي الغربة يمة نجمة ضاوية بعيدة شفتك ..
عشتا وحدة زول متيم شلتا ليل الغربة رهبـة وعيني مالاقت مناما وجد عرفتا الفرقة صعبة وكيف ليالي الغربة مرة وما بتحقق لينا رغبــة
وأنتي يابلدي الحبـيـبة عارفة يا رمز المحـبــة أصلي زلن جد حنين قروي ضــايع في أروربـا لا المحن فايتات دروبو ولا الزمن حققلو رغـــبة وفي نهاية عمرو يحلم بى وطـن يبقالو تــربـة فيهو يحضن كوم ترابو داالمنى العاش ليهو شبا وحلمو كان وطنن معزز خيـرو زاد كيمان وعبــا
الا بس ملعونة غــربــة شتت ياناس أهلنا وبعثرت في الكون أحـبة وعشتا مكسور الجناح قروي ضايع في أوروبــا.
********************
آه .. آه ..
ما أقسى أن يموت الواحد منا في المنفى وفي قلبه حنين للوطن وشوق لأهله.
رحمك الله ياخاتم فقد كنت شامخا في زمان الانبطاح .
خضرعطاالمنان
|
|
|
|
|
|
|
|
|