|
|
 Re: إنتي زي فرح الأماسي ـ قصيدة جديدة (Re: haroon diyab)
|
هههههههههههههههههههههههههههههههههها
شكرا أخي هارون دياب ، أنت تذكرني دائما بمصادر الإبداع وشقاوة الطفولة في مدرسة ديم برتي الإبتدائية وكوريا مونج ... الزمان داك ياهارون والمكان داك هما (أكسير حياة خلابة) زي ماقال شاعرنا محي الدين فارس عن أفريقيا ... وبعدين الشفتو يادوب مناظر ساكت ، وحاجة من طرف الشنطة ... صحي مدرسة ديم برتي الإبتدائية كانت عامرة بالشقاوة ولكنها أيضا كانت عامرة بالبراءة والطفولة، والبراءة والطفولة أهم مصادر الإبداع يا هارون ، وبعدين الإبداع دا ذاتو يجي من حتات كتيرة لكن أهم حتة هي موهبة ربنا سبحانه وتعالى . هي الأول ... طيب يا هارون إنتا كان قريت الرواية كنتا حتقول شنو ؟؟ الرواية دي إنتاحتكون من أكثر الناس اللي حيستمتعوا بيها ، عارف ليه ؟ لأنو أنتاحتكون عارف أكتر أبطالها معرفة حقيقية وحتكون بالنسبة ليك أحداث تعرفها بصفة خاصة كجزء من تاريخ حياتك وحياة ناس ديم كوريا وبورسودان في السبعينات الجميلة . طبعا تعرف جابر سعيد ، وبامكار ، وعمنا محمد سليمان السمد أكبر حافظ ومجود للقرآن في بورسودان وعمنا كنتيباي كل هؤلاء من أشخاص الرواية (على فكرة الرواية حتكون معروضة في معرض جدة الدولي للكتاب في جناح دار الحصاد السورية . وهي بعنوان " بر العجم " والمعرض سيبدأ في شهر يناير 2008 بجدة)
وبعدين ياهارون صحي ديم برتي ما أدتنا جنس الكلام دا ؛ لكن أدتنا مفاتيح ليهو، وهي ذاتا بعد داك بقت واحدة من مفاتيح الإبداع ... تعرف أخونا(إبراهيم جنية) إبراهيم جنية كان متكيف من إنو ديم برتي الإبتدائية على الأقل طلعت شاعر من كوريا مونج، لمن كنا في جدة
شكرا ياهارون على هذه التداعيات الحميمة .
أما فرن بشير في كوريا مونج دا براهو عاوز ليهو قصيدة لكين القصيدة حتجيب ناس كتيرة من الشخصيات التلقاها دايما قدام فرن بشير (زي الفنان إمام ، وعمر اللورد وأخونا عبد الوهاب طمبل) وناس تانية كتيرة من شخصيات ديم برتي الظريفة
وكل عام وأنت بخير
مودتي
محمد جميل
|
|
 
|
|
|
|
|
| العنوان |
الكاتب |
Date |
| إنتي زي فرح الأماسي ـ قصيدة جديدة | محمد جميل أحمد | 12-16-07, 09:27 PM |
| Re: إنتي زي فرح الأماسي ـ قصيدة جديدة | د.محمد حسن | 12-16-07, 09:44 PM |
| Re: إنتي زي فرح الأماسي ـ قصيدة جديدة | محمد جميل أحمد | 12-16-07, 09:51 PM |
| Re: إنتي زي فرح الأماسي ـ قصيدة جديدة | هند محمد | 12-16-07, 09:50 PM |
| Re: إنتي زي فرح الأماسي ـ قصيدة جديدة | محمد جميل أحمد | 12-16-07, 09:56 PM |
| Re: إنتي زي فرح الأماسي ـ قصيدة جديدة | هاشم أحمد خلف الله | 12-16-07, 10:25 PM |
| Re: إنتي زي فرح الأماسي ـ قصيدة جديدة | محمد جميل أحمد | 12-16-07, 10:35 PM |
| Re: إنتي زي فرح الأماسي ـ قصيدة جديدة | سلمى الشيخ سلامة | 12-17-07, 00:30 AM |
| Re: إنتي زي فرح الأماسي ـ قصيدة جديدة | محمد جميل أحمد | 12-17-07, 09:37 AM |
| Re: إنتي زي فرح الأماسي ـ قصيدة جديدة | محمد على طه الملك | 12-17-07, 12:13 PM |
| Re: إنتي زي فرح الأماسي ـ قصيدة جديدة | محمد جميل أحمد | 12-17-07, 03:14 PM |
| Re: إنتي زي فرح الأماسي ـ قصيدة جديدة | بله محمد الفاضل | 12-17-07, 01:06 PM |
| Re: إنتي زي فرح الأماسي ـ قصيدة جديدة | محمد جميل أحمد | 12-17-07, 03:32 PM |
| Re: إنتي زي فرح الأماسي ـ قصيدة جديدة | محمد جميل أحمد | 12-18-07, 09:45 AM |
| Re: إنتي زي فرح الأماسي ـ قصيدة جديدة | haroon diyab | 12-18-07, 10:46 AM |
| Re: إنتي زي فرح الأماسي ـ قصيدة جديدة | محمد جميل أحمد | 12-18-07, 11:44 AM |
|
| |
محمد جميل أحمد
فيس بوك
تويتر
انستقرام
يوتيوب
بنتيريست