الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
شربوت سااااااااااااااي !!
|
انا دايما بنتظر قدوم عيد الاضحي بفارق الصبر عشان اشرب الشربوت ولمن انكشف حبي ليهو الشديد .. بقوا ناس البيت ما بجيبوا البلح وبتركوا شراية البلح علي انا كل سنة .. ملوة .. ملوتين حسب المزاج !!
والفحم برضو علي ... وحتى الخميرة .. اليوم داك بلقاها اتعدمت تماما من درج المطبخ !!
ومن الوقفة المسا حبوبة بعد تستلم البلح مني تشد( حلة الشربوت ) ... ولغاية فجر العيد .. بتكون الحلة فوق النار .. تزيد فحم وتنقص جمرة !!
وغالبا ما بتحصل شكلة ... بيني وبين حبوبة لانو حسب العادة الخميرة بتختها في الشربوت مع صلاة الصبح وانا بصحا بلقى حبوبة اتطانشت حكاية الخميرة دي عن قصد باتفاق مع امي .. على اساس انو الخميرة دي بتسكر وحرام وكلام كتير كدا !!
وانا بقعد انفعل واقول ليكم انا دايرة اسكر مالكم ومالي .. ولو انت دايرين عصير بلح بنقص ليكم شوية كدا في جك !!
وشربوتنا اشتهر للاهل والجيران انو مضبوط وجميل جدا ... ومن ما تجي الساعة حداشر صباحا تلاقي جكاكة الحلة تتطاقش على بيتنا .. دايرين يضوقوا شربوتنا !!
دا غير الاصحاب البكونوا جابو جكاكتهم من بدري ..
ومن طرائف الشربوت الحصلت عندنا في البيت .. مرة اختي عندها واحدة صديقتها طلبت منها تخلى ليها الشربوت حقها لغاية ما تجي تشيلوا ... قامت اختى ملت باقة الكريستال الكبيرة بالشربوت ( تقول جابت البلح هي ) ودستها جوة دولاب المطبخ ... واول يوم وما جات البت وتاني يوم وما جات تالت يوم .. جاتنا بت خالتي ومعاها اطفالها يعيدوا علينا واثناء ما كنت في المطبخ بعمل ليهم في عصير ... نسمع ليك صوت طااااااااااااااخ طرااااااااخ والعدة الجوة دولاب المطبخ كلها تجي كاسرة باب الدولاب وجكوكة القزاز حقت امي تروح في غضب الله !!
وبت خالتي واولادها وكل ناس البيت يكسروا على المطبخ كانوا قايلين انبوبة الغاز هي الانفجرت !!
وطبعن معروف الانفجر شنو ؟؟!!
ومرة ... ثالت يوم في العيد وبعدما شربوتنا قرب يخلص .. فكرنا انا وحبوبة نعمل شربوت تاني عشان الطبايح لسه مدورة .. قامت حبوبة طمعت وملت ليك الحلة زوووود موية والشربوت دا غلي وغلي وكل شوية تزيد موووية .. قامت نادتني قالت لي تعالي ننزل الحلة دي عشان نزيد نار للشربوت وطبعا الحلة ( قوز ) كبيرة .. وتقيلة .. رفعناها .. انا وحبوبة وسندناها على حافة المنقد .. ولانها تقيلة ومليانة صعب ننزلها الارض لانها ممكن تحرق لينا رجلينا .. ولانها مليانة وتقيلة كان حاولنا ننزلها المنقد تاني برضو حتحرق لينا وشنا واصبح الوضع حرج للغاية ... كدا وووب وكدا وووب .. وانا قعدت اكورك .. وحيلي مااااااااااااااات وحبوبة صامدة ... ماسكين الحلة .. وما عارفين نتصرف كيف ؟!!
وحبوبة الله يديها العافية زولة المهام الصعبة ... كوركت لاختي وقالت ليها جيبي لي جردل صغير ... وماعون اقرف فيهو وانا من الموقف الحرج دا بقيت اضحك لمن حيلي خلاص ماااااااات كلو كلو وقربت ارمي الحلة ونخلص .. وحبوبة تنهر فيني وتقولي لي : امسكي قوي حتحرقينا وتريحينا !!
وفضلت حبوبة تقرف من الحلة وتقرف لغاية ما نقصت وبقى ممكن ننزلها دون خوووف !!
اها بعد دا كلو برضو ما تبنا من الشربوت ... وما زلت اتوق لتذوقه في العيد الجاي دا .. رغم انو مافي لحمة ... عشان كدا فكرنا نعمل اكلة شامية اسمها ( مقلوبة ) بالفراخ والارز ... ونشرب بعدها الشربوت وننووووووووووووووم ...
وكل سنة وشربوتكم بخير !!
والله يحمي بلح السودان من الآفات ..!!
|
|
|
|
|
|
|
العنوان |
الكاتب |
Date |
شربوت سااااااااااااااي !! | سمرية | 12-16-07, 11:48 AM |
Re: شربوت سااااااااااااااي !! | Ishraga Mustafa | 12-16-07, 11:54 AM |
Re: شربوت سااااااااااااااي !! | سمرية | 12-16-07, 12:11 PM |
Re: شربوت سااااااااااااااي !! | بله محمد الفاضل | 12-16-07, 08:46 PM |
Re: شربوت سااااااااااااااي !! | سمرية | 12-17-07, 07:08 AM |
Re: شربوت سااااااااااااااي !! | DKEEN | 12-17-07, 07:29 AM |
Re: شربوت سااااااااااااااي !! | سمرية | 12-17-07, 08:34 AM |
Re: شربوت سااااااااااااااي !! | Dr. Faisal Mohamed | 12-17-07, 07:35 AM |
Re: شربوت سااااااااااااااي !! | wadalzain | 12-17-07, 08:28 AM |
Re: شربوت سااااااااااااااي !! | سمرية | 12-17-07, 09:08 AM |
Re: شربوت سااااااااااااااي !! | إسماعيل حميم | 12-17-07, 08:30 AM |
Re: شربوت سااااااااااااااي !! | سمرية | 12-17-07, 09:20 AM |
Re: شربوت سااااااااااااااي !! | سمرية | 12-17-07, 08:38 AM |
Re: شربوت سااااااااااااااي !! | عمرو كمال ابراهيم | 12-17-07, 09:39 AM |
Re: شربوت سااااااااااااااي !! | سمرية | 12-17-07, 10:12 AM |
Re: شربوت سااااااااااااااي !! | عمرو كمال ابراهيم | 12-17-07, 10:28 AM |
Re: شربوت سااااااااااااااي !! | سمرية | 12-17-07, 10:32 AM |
Re: شربوت سااااااااااااااي !! | عمرو كمال ابراهيم | 12-17-07, 12:11 PM |
Re: شربوت سااااااااااااااي !! | سمرية | 12-17-07, 12:25 PM |
Re: شربوت سااااااااااااااي !! | عمرو كمال ابراهيم | 12-17-07, 12:41 PM |
Re: شربوت سااااااااااااااي !! | إسماعيل حميم | 12-17-07, 09:43 AM |
Re: شربوت سااااااااااااااي !! | سمرية | 12-17-07, 10:23 AM |
Re: شربوت سااااااااااااااي !! | mamkouna | 12-17-07, 10:20 AM |
Re: شربوت سااااااااااااااي !! | سمرية | 12-17-07, 10:35 AM |
Re: شربوت سااااااااااااااي !! | ريهان الريح الشاذلي | 12-17-07, 01:18 PM |
Re: شربوت سااااااااااااااي !! | عمرو كمال ابراهيم | 12-17-07, 01:45 PM |
Re: شربوت سااااااااااااااي !! | محمد أبوالعزائم أبوالريش | 12-17-07, 01:47 PM |
Re: شربوت سااااااااااااااي !! | Najlaa El Mahi | 12-17-07, 04:48 PM |
Re: شربوت سااااااااااااااي !! | Nola | 12-17-07, 07:02 PM |
Re: شربوت سااااااااااااااي !! | الطاهر ساتي | 12-17-07, 07:09 PM |
Re: شربوت سااااااااااااااي !! | Rawia | 12-17-07, 07:22 PM |
Re: شربوت سااااااااااااااي !! | علاء الدين حيموره | 12-17-07, 08:14 PM |
|
|
|