|
|
 Re: سَجِّـلْ !!! (Re: حسين يوسف احمد)
|
تقديري وشكري وتحاياي حسين
| Quote: وهذا نبض آخر للرائع نزار : |
وهذا نبض من صميم وجداننا
حلــم جمــيل .. يوسف حمدالنيل أبووجيدة
قال حميد : ( لمت لمت ) ...
( كان ما لمت أنا جايــــــيكم وما ندمان ) ...
قنب فوق قوز رمله هناك ...
دنقر .. صنقع .. حمر .. وصنقر
شخت فوق الرمله خطــوط ..
واحدة طويلة وواحدة قصيرة ...
وواحدات تاني ما معــــروفة ...
غايتو أخــينا حكايتو حكاية ..
لتق من سلكين نعلاتو ...
خيط بي لونين سروالو ...
ورقع الجــبه ...
كان الخيط التالت أحمر ..
ما هماهو .. أحمر ... أخضر ..
أياً كان اللون العندو
همو الأول .. يستر حالو ...
وهمو التاني .. راحة بالو ..
وهمو الدايم .. هُمّ عيالو ...
سارح شيخنا ...
بحلم بالغيمات المرن
بحلم بغنيماتو الفرن
وبحلم بوليداتو الكبرو ...
وبي حاجات ما ليهن حد ..
قال حميد : ( لمت لمت ) ...
( كان ما لمت أنا جايــــــيكم وما ندمان ) ...
قنب فوق قوز رمله هناك ...
دنقر .. صنقع .. حمر .. وصنقر
شخت فوق الرمله خطــوط ..
واحدة طويلة وواحدة قصيرة ...
وواحدات تاني ما معــــروفة ...
غايتو أخــينا حكايتو حكاية ..
لتق من سلكين نعلاتو ...
خيط بي لونين سروالو ...
ورقع الجــبه ...
كان الخيط التالت أحمر ..
ما هماهو .. أحمر ... أخضر ..
أياً كان اللون العندو
همو الأول .. يستر حالو ...
وهمو التاني .. راحة بالو ..
وهمو الدايم .. هُمّ عيالو ...
سارح شيخنا ...
بحلم بالغيمات المرن
بحلم بغنيماتو الفرن
وبحلم بوليداتو الكبرو ...
وبي حاجات ما ليهن حد
بحلم يكبر أحمد بكرة
وبعدو بتكبر بتنا نورا ...
أحمد يمشي المدرسة أول
وتمشي وراهو البت نورتـنا ...
يكبر أحمد بين رفقاتو
وتكبر نورا مع السمحات
يكبر أحمد ... ويكبر ... ويكبر
ينجح في مدرستو الأولى
يمشي الثانوي وسط الشلة
ينجح ويدخل جامعة كبيرة ...
يدرس هندسة .. طب .. جيولوجيا
أو يتخرج بي دبورة ...
وتتبعو نورا ...
بنية سميحة وماها شليقة ..
بنية بتعرف تحفظ زوقا ...
بنية حنينة أبوها يسوقا
تفوت بنوت الحي في الروقه
ولسع شيخنا ... سارح وشارد
سارح في أحــــــلامو ...
أحمد خلص لمدرستو .. ولثانويتو .. ولجامعتو
بقى دكتور ومهندس وضابط ...
علق في إضنيهو سماعة
وفوق المكتب عندو خريطة
وفوق أكتافو تشع دبورة
وترجع نـــــــورا ...
المدرسة يابا بقت دُكان ؟؟؟
كيف آبنية ؟؟؟
قالوا يجيبو قروش المــــوية
وقالوا يجيبو قروش الحـصة
وقالوا يجيبو قروش الحيـــطة
أصلها وقعت لمن جات المطرة البارح
وقالوا يجيبو البنايين
يبنوا الحيطة عشان الناظــرة ...
وشان الشهر الجاي بجينا مفتش ...
قالت كُل الخطـــبة وفاتت ...
ما مسكينة ... صغيرة وجـــاهلة
قايلا كلاما ده وقعو شــــــوية
ما عارفهو كلاما ده مُـــر ...
ما عارفهو بسوي الويـــــــل ...
وما عارفهو كلام ما بســـــر ...
قام إتــنهد شيخنا طويــــــل ...
خت شخيت ... وجنبو شخيت
عارف أنهن آبتلمن ...
إلاّ تلم السكة حـــــــديد
فكر شيخنا ...
كيف الصِرفـــة ؟؟؟ وبي ياتو دبـــــارة ؟؟؟..
كيف المــوية بقت فاتــــــورة ؟
تدفعها نـــــورا مع رفقاتها ...
تدفعها نــــورا من قوت يوما ...
أو تتشرد فوق الشارع ...
زي بنوت ماشات هـــــاملات ...
يعرق شيخنا .. يجف .. يستغفر ..
يرفع إيـدو لرب الكــــــون ...
حلها يارب ... فك إيدينا ..
حق المدرسة والتموين ...
حق الحصة والكنتين ...
شان نورتنا تـــرجع تقــــــــرا ...
ويمرق أحمد من الجــــــوقة ...
يلقى الوالد سارح وشارد ...
مالك يابــــا ؟؟؟
صباح الخــــير ...
مالك سارح وشايل هم الدُنيا بـــراك ؟..
نحن كـبرنا ولازم نعرف بالهامـــيك ...
لازم نقعد قعدة مـــعاك ...
تعال يا أحمـــــــــد ...
تعرف يا أحمـــــد ... ويسكت شيخــــــنا
قول يا يابـــــا ...
تعــرف يا أحمــــــد ... ويسكت شيخـــــنا ..
قول يا يابـــــــا ...
تعرف يا أحمـــد إنو أخيتك جات مطرودة ؟؟؟
لازم تدفع حق المـــوية أو تتوكل تمشي الشارع ..
وعارف إنت .. إنو الحال ما بخفى عليك ...
أبشـــــــر يابـــــــا ...
ودخل أحمد إيدو في جيبو ...
هاك آيابا ... قروش ... وقروش ...
لازم ترجع نــــــورا المدرسة ...
لازم تقرا ... وتقرا ... وتقــــــــرا
وغصباً عن عين أي حسود ...
لازم تقــــــــــــــرا...
أحمد كان صارف ماهيتو ...
كانت أول صرفة أظـــــــن ....
قام الوالد قالد أحمــــــد ...
نزلت دمعة في الدبـــورة ...
وفي السماعة وفي التخطيط ...
دمعة حنينة ... وحارة ... وحلوة
دمع مزيج بين فــــرحة وحب ...
عاين في وش ولدو أحيمــــد ...
وبسمة عريضة تزيـــن شيخنا ...
والله كــبرت يا أحمد والله ...
وما راح تعبي وراك رمــــاد ...
الله كريم يا أحمـــــد ولدي ...
ياهو الســــيد ونحن عباد ...
فــــرحت نـــورا ... وجات تتبسم ...
مسكت بأيديها أحيــمد ...
وقالت : الله يخليك آ اخويا ...
والله يخــلي حبيبـــنا أبـــــويا ...
مرقت ديك الساعة مـــــلاك ...
يملا الدنيا سرور وضــــياء ....
مرقت مريم من ورا ضـــروة ...
كانت قمراً في يوم العـــيد ...
كانت تشرق ونورها يــــزيد ...
كانت ديك أم أحمــــد ونـــــــورا
وكان الوقت قريب المغــــــرب ...
قعدوا إيديهم في إيدين بعض ...
وتعلو وشوشهم أجمـــل بسمة ...
وأذن مغرب داك الــــــيوم ....
قاموا إتوضوا وصلوا جمـــاعة ...
وشالوا الفــــاتحة ...
الله كريم للبصــــبر ويعمل ....
والله كريم للدايـر يوصـل ....
والله كريم لأحمد ونـــــــورا ....
والله كريم لأبوهم ومــــــــريم ....
والله كريم لكـل الناس ....
والله كريم لكـل الناس ....
فيض ودي ،،
|
|
 
|
|
|
|
|
| العنوان |
الكاتب |
Date |
 سَجِّـلْ !!! | خالدة البدوي | 12-03-07, 07:28 PM |
| Re: سَجِّـلْ !!! | خالدة البدوي | 12-03-07, 07:58 PM |
| Re: سَجِّـلْ !!! | مزاحم الضوي | 12-03-07, 09:26 PM |
| Re: سَجِّـلْ !!! | ابو جهينة | 12-04-07, 06:33 AM |
| Re: سَجِّـلْ !!! | خالدة البدوي | 12-05-07, 06:19 AM |
| Re: سَجِّـلْ !!! | خالدة البدوي | 12-05-07, 06:16 AM |
| Re: سَجِّـلْ !!! | د.محمد حسن | 12-04-07, 09:29 AM |
| Re: سَجِّـلْ !!! | هاشم أحمد خلف الله | 12-04-07, 10:57 AM |
| Re: سَجِّـلْ !!! | خالدة البدوي | 12-05-07, 06:25 AM |
| Re: سَجِّـلْ !!! | ابن الرشيد | 12-06-07, 09:43 PM |
| Re: سَجِّـلْ !!! | خالدة البدوي | 12-05-07, 06:22 AM |
| Re: سَجِّـلْ !!! | يوسف السماني يوسف | 12-04-07, 06:33 PM |
| Re: سَجِّـلْ !!! | حسين يوسف احمد | 12-04-07, 08:48 PM |
| Re: سَجِّـلْ !!! | حسين يوسف احمد | 12-04-07, 08:52 PM |
| Re: سَجِّـلْ !!! | خالدة البدوي | 12-05-07, 06:31 AM |
| Re: سَجِّـلْ !!! | مجدي عبدالرحيم فضل | 12-05-07, 06:32 AM |
| Re: سَجِّـلْ !!! | خالدة البدوي | 12-06-07, 06:10 AM |
| Re: سَجِّـلْ !!! | خالدة البدوي | 12-05-07, 06:28 AM |
| Re: سَجِّـلْ !!! | El Dukhri | 12-05-07, 06:25 PM |
| Re: سَجِّـلْ !!! | خالدة البدوي | 12-06-07, 06:21 AM |
| Re: سَجِّـلْ !!! | خالدة البدوي | 12-06-07, 06:23 AM |
| Re: سَجِّـلْ !!! | د.محمد حسن | 12-06-07, 06:37 AM |
| Re: سَجِّـلْ !!! | خالدة البدوي | 12-06-07, 08:52 PM |
| Re: سَجِّـلْ !!! | حمزاوي | 12-06-07, 08:14 AM |
| Re: سَجِّـلْ !!! | خالدة البدوي | 12-06-07, 08:55 PM |
| Re: سَجِّـلْ !!! | خالدة البدوي | 12-06-07, 08:56 PM |
 Re: سَجِّـلْ !!! | ود الباوقة | 12-06-07, 09:23 PM |
| Re: سَجِّـلْ !!! | خالدة البدوي | 12-08-07, 06:24 AM |
| Re: سَجِّـلْ !!! | خالدة البدوي | 12-08-07, 06:27 AM |
| Re: سَجِّـلْ !!! | salma subhi | 12-08-07, 06:47 AM |
| Re: سَجِّـلْ !!! | خالدة البدوي | 12-09-07, 06:20 AM |
| Re: سَجِّـلْ !!! | صالح عبده | 12-08-07, 06:46 AM |
| Re: سَجِّـلْ !!! | حسين يوسف احمد | 12-08-07, 05:02 PM |
| Re: سَجِّـلْ !!! | علاء الدين حيموره | 12-08-07, 06:51 PM |
| Re: سَجِّـلْ !!! | خالدة البدوي | 12-09-07, 06:31 AM |
| Re: سَجِّـلْ !!! | خالدة البدوي | 12-09-07, 06:28 AM |
| Re: سَجِّـلْ !!! | خالدة البدوي | 12-09-07, 06:24 AM |
 Re: سَجِّـلْ !!! | عواطف ادريس اسماعيل | 12-09-07, 06:33 AM |
| Re: سَجِّـلْ !!! | خالدة البدوي | 12-09-07, 08:02 PM |
| Re: سَجِّـلْ !!! | خالدة البدوي | 12-11-07, 06:28 AM |
| Re: سَجِّـلْ !!! | Mohamed Abdelgaleel | 12-11-07, 08:10 AM |
| Re: سَجِّـلْ !!! | خالدة البدوي | 12-12-07, 06:35 AM |
| Re: سَجِّـلْ !!! | حسين يوسف احمد | 12-13-07, 02:40 PM |
| Re: سَجِّـلْ !!! | خالدة البدوي | 12-14-07, 04:20 PM |
|
| |
خالدة البدوي
فيس بوك
تويتر
انستقرام
يوتيوب
بنتيريست