|
|
 Re: وإن طال السفر ..محمد عبد الماجد الصحفي الهلالي مبااااااالغة (Re: gamal)
|
يا ود الفاروق ،، شوف خالد عزالدين فى جريدة الكابتن بقول شنو
بعد ان كان اسهل قرار لوزراء المالية في عهد مايو هو تخفيض الجنيه السودان ي في مقابل الدولار اتذكر ان احد الاقتصاديين قال مقولة جميلة وهو ينتقد هذه السياسة فذكر ان المريض لو استعمل الدواء اكثر من مرة ولم
يشفي فإن الطبيب يستبدل له الدواء.. وعليه فإن هذا الاقتصادي طالب وزير المالية في ذلك الوقت ان يستبدل دواء الجنيه السوداني المريض ولا يستمر في سياسة تخفيضه!
وهناك فلسفة معروفة في الحياة تنادي بعكس الاشياء اذا لم تستمر معك .. وهو امر معروف ايضا في العاب الورق بعكس الجرّه!
ومن هذه النظرية فإنني اقدم نصيحة لابناء عمومتنا في المريخ ان يبدلوا الدواء وينسو حكاية تخفيض الجنيه دي ويعكسو الجرّه ..! طالما ان السياسة الرياضية لديهم وخلال خمس سنوات لم تؤتِ اُكلها فمن غير المقبول ان تستمر نفس السياسة!
اول عكسة تكون في الطابق الثاني .. بدل ما تبنو الطابق الثاني فوق حاولوا اعملو طابق ارضي (اندر قراوند) خصوصا وان ارض المريخ مساعدة علي ذلك!
طابقين كده تحت الواطه .. اي هزيمة الجماعة طوالي علي الارضي!
الموسم الجاي العبو بدون محترفين اجانب ولا مجنسين .. كلو يرجع اهلو .. ايداهو يسوق ايفوسا علي نيجيريا واليجا يعكس اتجاهو مع ابالو كلو واحد في طيارة ! وباولينو تذكرتو مفتوحة عايز يمشي البرازيل يمشي عايز يرجع اوربا الله معاهو!
ما في تسجيل مشاطيب من الهلال .. محمد آدم من هسه يطلع من غرفة التسجيلات وطمبل ومجاهد وعلاء الدين بابكر ديل يتوزعو علي اندية صديقة!
وحكاية الفسخ والطبخ دي ما معانا .. بدل عمر بخيت تسجلو بخيت التاج! وبدل فسخ عقد المعز تفسخوا عقد بهاء الدين!
فسخاني وبحب الفاكهة !! العنب العنب العنب .. احمر.. واصفر !!
التسجيلات بالدين او شيكات او اتوس وما يكون جديد .. فقيري عدلان يا بعيد!!
الحوافز ذاتها تكون نهاية الموسم .. الكاش ده اصلو ما يظهر من اول يوم في الموسم الجديد لحدي المباراة النهائية .. نشوف الكاس في الدولاب تشوفوا الكاش في الجيب .. ده الشرط الاساسي .. واوعه تشطبوا لاعب تدوهو حافز .. اللاعب المشطوب تدهو طوب! في زول شطب لاعب اداهو! ما دي الطريقة البتضيع الاقوان من ايداهو !!
لاعب المريخ مرات كده بقول اخير اضيع الاقوان واطلع بحافز شطب احتمال يكون اكبر من حافز البطولة!
ومافي سفر بالطيارة .. السفر كلو بالبر .. بورتسودان زي مدني وجده زي امبده .. بحر وبر بس .. الميناء البري ده مالو عيبو لي!
ونثريات سفر مافي .. ما كفاية السفر ذاتو ..
وكفاية لف ودوائر .. الغاء دائرة الكرة .. الغاء غرفة التسجيلات .. الغاء منصب رئيس القطاع الرياضي .. الغاء منصب مدير دائرة الكرة .. الغاء منصب مساعد المدرب .. مساعد مدرب! ما عايزين مدرب ذاتو .! ما جبتو خمسين مدرب النتيجة شنو؟ الموسم ده لاعبين بدون مدرب!
ومافي لجنة تسجيلات .. لجنة تسجيلات لي شنو؟ لا عندنا قروش بالشوال ولا عندنا لاعب عايزين ندسو ..
والاحتفالات بداية الموسم .. اوعه من الاحتفالات والتصريحات .. ونحن قادمون من اجل اعادة البسمة لجماهير المريخ واسألوني عن هز شباك الهلال ورفضت الاهلي المصري من اجل عيون المريخ ولن اوقع للهلال ولو وزنوني ذهبا !! ذهبا ! لا فضة!!
اعكسها طوالي يا والي لا اقطاب ولا نهضة ولا مجلس استشاري!
والغوا مكتب الارشيف بتاعكم ده .. ما عايزين حكاية افتحو ملف اقفلوا ملف .. عايزين ملف واحد يكون مفتوح طوالي .. وريهم العين الحمراء يا والي!
وما في مجاملة للاتحاد العام والقصة تبدأ بي مشكلة مع شداد ومعتصم جعفر يرجع قروش علاء الدين يوسف وعايزين يعملو احتفالات ولا علاقات مع الاتحاد الافريقي يعملوها في استاد الهلال ! ومباريات المريخ ما تنقلها النيل الازرق اصلها (نحس) النقل التلفزيوني كلو من قناة الشروق وقناة الشروق ذاتها ما تنقل الا الشعار الدهبي ده يتعمل فضي ! فضي وبحب الفضة .. الدهب الدهب الدهب!
و104 دي عملت لينا فلقة .. المريخ مغلوب وناقلين عودة البعثة علي الهواء .. ده الكلام البجيب الهوا .. فريق ما جاب كاس .. الضجة في شنو يا ناس؟
وزول يصفق للرئيس وهو داخل مافي وزول يودعو وهو طالع مافي .. وفروا الصفقة دي للدوري الممتاز .. وكترت الوداع دي ياها ذاتها الخلتكم تودعوا البطولات!
وانت ذاتك يا جمال ما تكتر الطله .. الحوارات التلفزيونية دي كمان قللها شوية .. والمناسبات الاجتماعية خليها مرة مرتين في الموسم .. والوزراء الكتار في اي كورة ديل ما جاك منهم خير! بدل صاحبك داك جيب الجيلي عبد الخير!
وصديق علي صالح .. ايوه صديق ده بالذات يرجع الامارات .. وابراهومة الفرحان ده اول زول طالع يلبس الميدالية الفضية قايل روحو كابتن ولا شنو .. ودحية .. ياخي كمال دحية من دخل الاستاد ما طلع منو ولا دخل فيهو كاس! ومصطفي توفيق .. خلي يمشي يمكن نشوف توفيق .. واوعه تقول لي نرجع ابوجريشة ولا نتفاوض مع جمال ابوعنجة ولا نجيب جمال الكيماوي .. القصة دي جربناها كتير ! اعكس طوالي يا والي..
والنفرات والعربات والرقم وصل مليون طوبة دي تاني ما في .. وبرشلونه والانتر وكاظم الساهر وسهر الجداد ده ما عايزنو .. الممتاز ما بجي كده والله لو الكاس ماشي عليكم وسمع برشلونه دي يرجع..
خلي الامور بسيطة وجرب العكسة دي .. لكن كان ما نجحت والهلال تاني شال الممتاز السادس .. انا آسف مضطر اقول ليك .. الحل في الحل!!
|
|
 
|
|
|
|
|
| العنوان |
الكاتب |
Date |
| وإن طال السفر ..محمد عبد الماجد الصحفي الهلالي مبااااااالغة | عمر الفاروق | 12-02-07, 11:14 AM |
| Re: وإن طال السفر ..محمد عبد الماجد الصحفي الهلالي مبااااااالغة | humida | 12-02-07, 11:58 AM |
 Re: وإن طال السفر ..محمد عبد الماجد الصحفي الهلالي مبااااااالغة | ملكة سبأ | 12-02-07, 12:42 PM |
| Re: وإن طال السفر ..محمد عبد الماجد الصحفي الهلالي مبااااااالغة | عمر الفاروق | 12-02-07, 04:02 PM |
| Re: وإن طال السفر ..محمد عبد الماجد الصحفي الهلالي مبااااااالغة | omar altom | 12-02-07, 04:45 PM |
| Re: وإن طال السفر ..محمد عبد الماجد الصحفي الهلالي مبااااااالغة | gamal | 12-02-07, 04:57 PM |
| Re: وإن طال السفر ..محمد عبد الماجد الصحفي الهلالي مبااااااالغة | كمال مبارك | 12-02-07, 05:34 PM |
| Re: وإن طال السفر ..محمد عبد الماجد الصحفي الهلالي مبااااااالغة | عمر الفاروق | 12-02-07, 05:50 PM |
| Re: وإن طال السفر ..محمد عبد الماجد الصحفي الهلالي مبااااااالغة | Ashraf el-Halabi | 12-02-07, 07:25 PM |
| Re: وإن طال السفر ..محمد عبد الماجد الصحفي الهلالي مبااااااالغة | mohmed khalail | 12-02-07, 09:29 PM |
| Re: وإن طال السفر ..محمد عبد الماجد الصحفي الهلالي مبااااااالغة | عمر الفاروق | 12-03-07, 07:29 AM |
| Re: وإن طال السفر ..محمد عبد الماجد الصحفي الهلالي مبااااااالغة | mohmed khalail | 12-03-07, 07:45 AM |
| Re: وإن طال السفر ..محمد عبد الماجد الصحفي الهلالي مبااااااالغة | Ahmed Alrayah | 12-03-07, 08:07 AM |
| Re: وإن طال السفر ..محمد عبد الماجد الصحفي الهلالي مبااااااالغة | عمر الفاروق | 12-03-07, 08:16 AM |
| Re: وإن طال السفر ..محمد عبد الماجد الصحفي الهلالي مبااااااالغة | Ahmed Alrayah | 12-03-07, 08:28 AM |
| Re: وإن طال السفر ..محمد عبد الماجد الصحفي الهلالي مبااااااالغة | عمر الفاروق | 12-03-07, 08:46 AM |
| Re: وإن طال السفر ..محمد عبد الماجد الصحفي الهلالي مبااااااالغة | abuguta | 12-03-07, 09:41 AM |
| Re: وإن طال السفر ..محمد عبد الماجد الصحفي الهلالي مبااااااالغة | Ahmed Alrayah | 12-03-07, 09:00 AM |
| Re: وإن طال السفر ..محمد عبد الماجد الصحفي الهلالي مبااااااالغة | عمر الفاروق | 12-03-07, 09:09 AM |
| Re: وإن طال السفر ..محمد عبد الماجد الصحفي الهلالي مبااااااالغة | Ahmed Alrayah | 12-03-07, 09:15 AM |
| Re: وإن طال السفر ..محمد عبد الماجد الصحفي الهلالي مبااااااالغة | عمر الفاروق | 12-03-07, 09:24 AM |
| Re: وإن طال السفر ..محمد عبد الماجد الصحفي الهلالي مبااااااالغة | Ahmed Alrayah | 12-03-07, 09:39 AM |
| Re: وإن طال السفر ..محمد عبد الماجد الصحفي الهلالي مبااااااالغة | عمر الفاروق | 12-03-07, 09:43 AM |
| Re: وإن طال السفر ..محمد عبد الماجد الصحفي الهلالي مبااااااالغة | Ahmed Alrayah | 12-03-07, 09:53 AM |
|
| |
كمال مبارك
فيس بوك
تويتر
انستقرام
يوتيوب
بنتيريست