|
|
 هموم الكرة السودانيةوالانذار المبكر... غانا 2008
|
إنتهي الدرس يشره كُله , وبقيت الفائده المستخلصة من هذه الشرور المكررة , ونحن هنا نري ونقرأ مايدور في هذا المنتدي وكذلك الصحف الرياضية السودانية , ولللأسف لم نر كلمة حق ولم نقرأ ماينفع .
لكم ان تتفقوا معي ان هناك شخوص اساسية هي أُس القضية ( خروج الهلال اولاً وهزيمة المريخ ثانياً) ,
هاهي :
[B]المدربيين الاجانب:
المفترض انهم استجلبوا ليقوموا ويعدلوا السلبيات ويضعوا النهج السليم للكرة واللاعبيين في الناديين ,ومن ثم يضعوا الناديين في طريق البطولات المحلية والاقليمية والقارية وعليه تهتدي الكرة السودانية الي سيرتها الاولي.
إذاً الاهداف واضحه ومقرؤه للجميع , والسؤال هل تم ذلك ونجحوا في مهمتهم ؟!!
مساعدي المدربيين الوطنيين:-
هم سودانييون ذو خبرة ودراية باللاعب السوداني لهم كفاءتهم التدريبية العالية ,اُستعين بهم اولاً لتسهيل مهمة المدرب الاجنبي , وتمرير المعلومة السهلة بين المدرب واللاعبيين ,بالتالي استيعاب الخطط والجُمل التكتيكية والوقوف علي تنفيذفها كما هي بكل صرامة, كذلك رفع كفاءة المدربيين الوطنيين بالاحتكاك المباشر مع المدارس الاجنبية لما فيه فائدة الاندية والكرة السودانية.
السؤال كيف نري ذلك ونتحقق منه واين النقله التدريبية ونحن نري فرقنا تسقط وتُهزم بطرق كربونيه ,هل تمت النقلة وهل فعلاً استفاد ماذدا وبكري عبدالجليل؟!!
الاداريين:-
لا اريد ان بكي علي اطلال اداريين قدام هم علامات فارقة في فن وصناعة إلادارة, وهي نفسها هلال مريخ مُنذ ان تأسسا,اين دور الاداري اليوم ؟ بل اين هو ؟ كل من هناك الوالي وصلاح ادريس , أ هكذا تدار فرق البطولات أم تدار الشركات ,هذه انديه مفترض تكون رياضية اجتماعية ثقافية جامعة لكل عشاق الوهاجيين الازرق والاحمر, هنا يكمن السؤال الخطير وأهم اسباب التخبط وتذبذب المستويات ,هل هناك تدخل مباشر من الاداريين (مُلاك الاندية) في عمل اللجان الفنية ؟ وهل هناك تحزبات ادارية ولعيبة؟ أين الشفافية والمصداقية عند الاخفاقات؟!!
من منكم لديه مثل حدثي بأننا نُهزم بإدارييننا قبل لعيبتنا؟
اللاعبيين
هم المنوط بهم ومعقودة بارجلهم فرحة و سعادة هذه الجماهير .او بالعكس تعاسة وانكسار كل شامخ أبي,واللاعبين انواع بل اشكال , اركم تتفقوا معي ان فيهم من هو ذو موهبة وحرفنة وهي التي ساقتهُ الي هذا او ذاك النادي وهذا ناجح لا محال وان طال الزمن, ومنهم جاء بصحبة اداري او إبن منطقته أو قريبوا فلان الفلاني وهذا مع التدريب والتكرار يايصيب او يبقي خميرة عكننة وطابور خامس و احسبه من اقصر اللاعبيين عمراً, وهناك من ساقتهُ الصدفة المحضة بدبل كيك او لعبة علي الطائر او طلع ليهو كورة من الشبكة, ومن ديك مشي هلال مريخ وبقي نجم تسجيلات , وهذا ايضاً حظهُ اوفر .
اها هلالنا ومريخنا ديل لايخلوا من ديل , عشان كده جبنا الخبير الاجنبي عشان يرمي الطالح ويعّلم الصالح, والاجنبي عشان يشغل الغربال بتاعوا لازم مايلبسوا اي نظارة(تعصبية),اها تلقي اللاعب ده وداك عشان كده اليوم في السماء وبكرة الواطة زاته كويسه؟
السؤال هل العيب في اللاعب وعدم مقدرته علي استيعاب الخطط؟
هل هناك عيب ما في توصيل المعلومة ؟
هل هناك معلومة منقولة من اصلوا؟
إذاً اين الخلل ؟؟
الاعلام الرياضي:-
مات غير مأسوفاً عليه
الجمهور:-
فاكهة لذيذة طول العام......لكنه مغلوب علي أمره
ياجماعة نتفق ان السودان هو هلال مريخ الا من قّله , وتتدوال الايام بينهم
نحن الآن مقبلون علي غانا وياجماعة بصريح العبارة كدة دفاعنا كعب بعدم الوقفة الصحيحة وعدم إجادة شيل الرأس, وسط دفاع علي أطراف , ود شغل مدربيين , وانا في الشايفهم ديل ,الخلل ده ما بيتصلح , لو ما اتصلح حقوا من مطار الخرطوم ما نتحرك.
لكم .....ان تضيفوا
وارقدوا عافية .......وفوق ...فوق سودانا فوق ( وشيلنا كلوتحت)
معتصم العربي
|
|
 
|
|
|
|
معتصم عبدالرحيم
فيس بوك
تويتر
انستقرام
يوتيوب
بنتيريست