الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: قطيعة نسوان... ماذا تقول النساء عن الرجال في مجالسهن.. (Re: تماضر الخنساء حمزه)
|
عاد يا دينا فتحتي ليك بابا ما بنسد ...
نصيحة للرجال .... قبل ما تدخلو هنا ... اعملو ساتر.
ان جيتي لي قطيعة النسوان يا اميرة يا بت امي عاد ما تديك الدرب .. وكمان النسوان ظاااطهم "على قول هباني" عندهن مرات حركات .. اسمعي القصة دي يا تماضر دي على وزن "ما تجمعي".. مرة في عز رمضان ما الفات لا لا القبالو ايام كنت مكلبشة وكدا .. لاقيت واحدة صاحبتي طولت ما لاقيتها ..سلامات ومطايبة وبدت الشمارات "كيفك واخبارك .. النبي راجلك ان شاءالله يكون ودحلال وكويس" رديت ليها"والله غايتو يا "فلانه" الحمد الله .. الرجال ما كلهم زي بعض ومغستهم واحده" ردت "بري بري يا بت امي ما كلهم زي بعض" رديت وانا اتأبط شراً "قصدك شنو يعني؟؟ انتي ما ممغسة" ردت لى "بري يا يمة" قلت ليها "اسمعي هوي انتي صايمة ولا فاطرة" ضحكت وقالت لي "عاد كان ما فاطرة كان بقدر اكضب على الله جنس الكضب دا"
شوفي جنس دا !!!!!
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: Amira Elsheikh)
|
انا مفروض يقولو لي "دجانقو افرز" ...
هي يا اميرة... العتب على الكيبورد يا بت امي .. معليش امسحيها لي في وشي.. انا عارفة روحى داعيتك دعوة قاضية ماضية .. النبي كان تدعي علي ..
كلام سر .. ما تسمعي كلام تماضر دي .. انا الليله صنفتها "سيريال كيلر" .. لانها بي كلامها دا بتساهم في الابادة الجماعية لنفسيات العنصر النسائي في البورد .. ولا تكون ما صايمة الستوت
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: تماضر الخنساء حمزه)
|
Quote: عاطف ماتصدق انا نوع:
ياسلام عليهو مستتني وشايلني فوق راسو تعبان وغلبان يشقى طول اليوم عشان بيتو حملتو الصفات الجميلة شيال التقيلة ود عمي اريتو ودعم البنيات لي حدهن لابزاعل لابناقر لافي كلامو مشاتر |
جنس كلامك دا يا طمطم هو البجيب رجلين البنيات ويرميهن في الورطه دي ...
حكمنا عليك بالجلوس الى جوار "بعلك" امام التلفزيون لمدة 6 ساعات ... طبعا الرجال لما يقعدوا في البيت بيعملوا فيها "مثقفاتية" شئ جرايد وشئ قليب في القنوات الاخبارية التقول خلاااااص بكرة ح يترشح في البرلمان .. عليه القعاد معاهو بيرفع ليك الضغط والسكري .. اما هذا او لتقلعن عن محاولات التزييف "المضروبة"تلك وتثوبي الى رشدك...يا هداك الله.
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: Amira Elsheikh)
|
طبعا يا اميرة في فرق كبير جدا جدا بين قطيعة البنات والنسوان .. قولي لى كيف؟؟؟؟اوريك..
البنات بقطعن من خط 18 .... علا النسوان بقطعن من خط 6 ... يعني شنو برضو ؟؟ اوريك .. يعني البنيات ما عارفات البير وغطاها وقايلات القبة تحتها فكي .. اها بكونن لسه مجتهدات مع الكورة ويحنسن فيها عشان تخش القون ويجيبن رجل المدافع .. عشان كدي قطيعتن كلها بتكون في "البوزيتيف سايد" .. لكن النسوان ديل ما خلاس انفردن بي المرمى ووصلن خط سته والواحدة فيهن عرفت الحاصل .. يعني كان ما تشجيع الجمهور والهتيفة كان بترجع صاده بي كورتها ... نقول شنو بس الله غالب..
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: Randa Hatim)
|
Quote: طبعا يا اميرة في فرق كبير جدا جدا بين قطيعة البنات والنسوان .. قولي لى كيف؟؟؟؟اوريك..
البنات بقطعن من خط 18 .... علا النسوان بقطعن من خط 6 ... يعني شنو برضو ؟؟ اوريك .. يعني البنيات ما عارفات البير وغطاها وقايلات القبة تحتها فكي .. اها بكونن لسه مجتهدات مع الكورة ويحنسن فيها عشان تخش القون ويجيبن رجل المدافع .. عشان كدي قطيعتن كلها بتكون في "البوزيتيف سايد" .. لكن النسوان ديل ما خلاس انفردن بي المرمى ووصلن خط سته والواحدة فيهن عرفت الحاصل .. يعني كان ما تشجيع الجمهور والهتيفة كان بترجع صاده بي كورتها ... نقول شنو بس الله غالب.. |
رندا حاتم
دا كلام لاعب كبير ومحترف فى صفوف الحياة ..
معنى نحن لسه فى دائرة السنتر اكوردينق لتحليلك ...
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: Amira Elsheikh)
|
Quote: دا كلام لاعب كبير ومحترف فى صفوف الحياة .. |
هو داب احتراف ...
هسي عارضين علي اكون "كوتش" في تيم نسائي عشان ادربهم على كشف مخططات الفريق الاخر قبل شروعه في تنفيذها..طبعا المخططات دي بتكون مرت عليك "ناس البوهيه والكلام الدقاق والاحلام الوردية ... الخ" فانا بي خبرتي واحترافي عرفت انو الفريق التاني بيلعب بخطه هجومية .. يعني مركز على خط الهجوم .. فانا قمت عملت خطه مضادة بتعتمد على الاسلوب "البرازيلي" يعني "اكتســـــاح" تكوني مهاجمه ومدافعه وجناح وسيرباك وحارس مرمى اذا لزم الامر .. المهم يا ستي ...ح انشرها قريب.
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: Dina Faisal)
|
Quote: ياسلام عليهو مستتني وشايلني فوق راسو تعبان وغلبان يشقى طول اليوم عشان بيتو حملتو الصفات الجميلة شيال التقيلة ود عمي اريتو ودعم البنيات لي حدهن لابزاعل لابناقر لافي كلامو مشاتر |
الخنساء
أحلف ليك بشنو إنك الليلة ( ما صايمة ) الستوت على قول صاحبة رندا
الستوت دي الأيام الستة من شوال
يا
ناس بلاد برة
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: Dina Faisal)
|
Quote: خارج القطيعة
الغريبة الشافعين ديل الفي بروفايل عاطف ومحمد البشرى والله من اشوفهم احسهم حقوتي عديل كده بعد اذنكم طبعا الصور حفظتها عندي لاوكمان بي تطوراتهم العمرية الغريبة الليلة اتلموا في بوست واحد
كل الحب ليهم اتنينهم |
الخنساء وبمنتهى الجدية
لم تذهبي بعيداً ولد أخوك يبقى ولدك عديييييل كدا هم وصورهم تحت أمرك ولك المحبة أضعاف
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: Dina Faisal)
|
قطيعة النسوان في مجالسهن ممكن تستمدّها عااااادي من أغاني البنات :
حماده التش مالو ما جا الشنبو حش مالو ما جا ..
ودي إشارة واضحة لي إنو معظم مجالسكن في عايني ده حلاااااتو وده وجيهوني وده لابس قميص مبااااااالغة و وووووووووب علي من قامتو وأحححححي من سمرتو ..
الأخدر الليموني ..خلاني براي.. بشيلو في عيوني .. خلاني براي ..
قال قطيعة قال نسوان بكّايات ما عندكن شغلة
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: تماضر الخنساء حمزه)
|
Quote: الفيك إتعرفت ياتمبس أسي كان حشرتا إسمي في النص كان مسخت؟؟
أهن تمبس ده دمو تقيل ومسييييخ (واحد من أسباب القطيعة كان واحد فتح لينا) |
هههههه والله يا تماضر بعدما كتبت المداخله دي وقلت ارسله .. لاني قايم من قدام الكمبيوتر .. رسلتها ولقيت اسمك مافيش .. وقلت يا ولد ارجع عدل الكلام دا بسرعة .. ودخل تماضر التشكيلة .. قبلما تطلع لسانه الطويل دا .. بلاي مسافة اعمل رفريش وتعديل .. اللقاك قطعتي فيني .. .. أنا قبيل قلت ليهم عشان تعرفوا السيكلوجيه المتبعه في القطيعه .. ويكون عندكم .. حصاغنه دبلوماسيه ضدها .. يا تكونوا مجهزين الكمده بالرمده بتاعته .. يعني علشان ما تجيب لي نفسك الهوا .. تقوم زي تماضر دي .. ما تجيب ليها الحاجة البترفع ليها ضغطها .. علشان تضمن بعدين في القطيعة بتاعتن تكون في السيف صايد
والله لكن علم ..
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: عمر الفاروق)
|
عمر الفاروق
Quote: ودي إشارة واضحة لي إنو معظم مجالسكن في عايني ده حلاااااتو وده وجيهوني وده لابس قميص مبااااااالغة و وووووووووب علي من قامتو وأحححححي من سمرتو .. |
وبرضو فى ونسة من نوع
بث هو مالو معولق ومبشتن كده .. اقايتو شعرو المنكوش ده غايظنى غيظ .. وووواى الراجل ده ماعندو غير البنطلون ده نائم بيهو وقايم بيهو يادى ؟!!
وهكذا دواااااااااليك !!
قول وانا اقول والفورة الف على رأى صديقنا تمبس
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: Dina Faisal)
|
سلام يا اهل الدار ... فى نسوان قطيعتهم تدميرية و فى واحدات قطيعتهم مفيدة و اقل فايدة ممكن الحصول عليها هو الفضفضة و تخفيف المغسة باقى مغسة الرجال اكوام و الوان و اشكال ... تجيك واحدة تقول ليك بالله انتى راجلك كده برى يا يمه انا راجلى لا يمكن اطلاقا يتصرف معاى كده كان اديتو كسرة بموية يبوس يدو وش و ضهر و يقول لى كثر خيرك يا تاج راسى .... و انتى طبعا من جوه ضغطك يرتفع و تتغاظى زيادة و تزيدى الحملة على بعلك .... و هى تلاقيها راجلها ممغسة ديك يا المغسة المن نوع ابو كديس ... بجيكم تانى لمن تدخلو فى الغريق ....هيروقو
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: عاصم ابوبكر حامد)
|
التفاصيل يا عاصم:
قطيعة رقم (1)
"اول عبارة مشهورة ومتداولة بين ستات البيوت هي:
ضل راجل ولا ضل حيطة
"فمن دونهم الحياة لا طعم لها ولا لون, الراجل كل شيء في حياتي, يحميني من عيون الذئاب وطمع الاخرين, ويعطيني مكانتي الاجتماعية كسيدة ولا يجعلني احتاج الى احد, لانه بيشتغل بدراعه ويسد احتياجاتي"
دة كان رأي بهية السكري (ربة منزل)
ذكرتني بغنية يا بهية وشاب الزمن جنية وغادي غاااادي
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: Dina Faisal)
|
دينا
Quote: ضل راجل ولا ضل حيطة
"فمن دونهم الحياة لا طعم لها ولا لون, الراجل كل شيء في حياتي, يحميني من عيون الذئاب وطمع الاخرين, ويعطيني مكانتي الاجتماعية كسيدة ولا يجعلني احتاج الى احد, لانه بيشتغل بدراعه ويسد احتياجاتي" |
دى ممكن وقطيعة مقبولة شديدة ...
كل البقدر اقوله انه البوست دا عجوة معطونة في عسل وعليها شوية سمنة بلدية من النوع الخاص ..
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: Dina Faisal)
|
الحضور الكريم
كل الجمال هنا
حضوركن بهاء
نادية
اشراقة
دينا
بس ليش سيرة البحر دي
في داعي يعني
القطيعة العامة في مجالس النساء عن الرجال :
كلهم زي بعض سجم في رماد
او هم ............. والحفي مابنقدر عليهو
او زي العيال
او لوايق ساكت
بس دا كلو كلام برة برة
في القلب في القلب
الرجال بابا واخوي وحبيبي وصديقي ونصيبي
الله يحفظكم لينا يا رب
| |
|
|
|
|
|
|
Re: قطيعة نسوان... ماذا تقول النساء عن الرجال في مجالسهن.. (Re: هاشم أحمد خلف الله)
|
اىىىىىىىى ياسودانية ينصر دينك دا كلام صاح
ازيكم كلكم المراة بتبقى دايرة تكون فى نفس الليفيل بتاع نسيبتا لكن دا صعب فمكانة الام صعبة جدا فى قلب الرجل فبدلا عن الممحاكات و الخطط الجهنمية التى تتبعها الزوجة الحديثة اخير لها تصبر شوية شوية بتتغلغل
دى يمكن تكون اهم قطيعة
لانها اهتمام الزوج بامو شديد دى غايتو بتعمل ليها العصبى لكن الحصافة هنا واجبة
و على ذات السياق يعنى فى نفس الكتلوج جيب الهدوم خصوصا فى المناسبات الاعياد و الاعراس من الزوج لاخواته و امه بكون دايما مصدر لقطيعة المراءة مع جاراتا انو جاب لاخواتو
دا غايتو لحدت اسه الاضانى لقطتو لكن ياكافى البلا ليوم الليلة ماسمعت قطيعة فيها فايدة القطيعة ذات الفايدة فى مختار الصحاح هى التى لايعقبها ندم و التى ان حضر المقطوع فيه لا يكون هناك تحرج من المواصلة و لا لا يضطر قاطعها ان يقول (و قولى كدى يالمرة موتى)
| |
|
|
|
|
|
|
|