يا رمال حلتنا زولا كان بيأنسك يا حليلو يا حليلو فات رحل من بلدو روح روح ولا روح روح وفاتو لى دار ما ها هيلو ما ها هيلو ****** يا حليلو الكان بيطلع ينزل ومرة يطلع ينزل ومرة يشرب من سبيلو من سبيلو ومرة يترنم يحاكى حسه يردم فوق نخيلو ****** الرمال تشكى وتعاتبو تبكى منو وتشتكيلو تقولو ليه خليتنى فتا والزمن فتش بديلو ****** الليلة يبكى دموعو سايلى نازلة ما بسرك حويلو يبكى مطرتش مودر متيبس فاقد دليلو فقد دليلو ****** فاقد للايدو يمسك يورى لضلو ومقيلو وفاقد للدموع و يمسح ليهو يثنى وقت يشيلو ****** ينظر القمر المنور ساح شعاعو مغطى نيلو ينتشي ويعزف ربابتو لحن ما موجود مثيلو ****** يا سلام لو كان رجعلك يا بلدنا الهم يزيلو يسمع القمرى المغرد وينسا حزنو مع هديلو ****** يا رمال حلتنا زول كان بانسك يا حليلو يا حليلو فات رحل من بلدو روح روح ولا روح روح وفاتو لى دار ما ها هيلو ما ها هيلوِ
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة