|
Re: (حلم) قارورات (فكتوريا) العربى .. ينتهى بزيارة الأميره (رجاء) للخرطوم !! (Re: MOHAMED EL-BEELI)
|
أستاذ تاج السر
سلام و كل عام و أنتم بخير
عارف اليوم الخميس نهاية الاسبوع و البنات شايلات الكرت بتاع الأي ارتي من التلفزيون خاصتي و مشوا بيهو غرفتهم. جيت شلتو منهم و طبعا زعلوا و حمبكوا. أمهم قالت لي لو عند كورة ما تمشي تشوفها في القهوة زي كل الكورة الفاتت "تقصد مباريات الهلال" قلت ليها بس المريخ هو اللاعب مش الهلال! ردت علي : فرقت شنو ! ما تحرم البنات من مشاهدة قناة كارتون نت وريك في يوم إجازتهم. قلت ليها بس انا خايف امشي اقعد و اتحرج بعد ما طولنا لسانا بعد مباريات الهلال و القهوة ملانة جنسيات تانية و منتظرين يشمتوا فينا إحنا السودانين و المريخ ده ما مضمون.
طبعا ما جازفت واخذت الكرت و شفت المبارة في البيت و حرمت البنات من برنامجهم لمدة ساعتين ، بس احسن من الفضيحة قدام البسوا و الما بيسواش.
طبعا فريقك ما خزلني في 23 دقيقة مس كل الإنجازات العملها الهلال هذا العام لرفع سمعة الكرة السودنية.
إنت عارف المشكلة ما هنا المشكلة هناك لمن يفتكروا إنو يلعبوا هجوم و الجماعة الشفوت ديل ما ح يرحمهم و انا خايف جد من الفضيحة الكبيرة.
تحياتي
عمار يس النور عاشق بخت الرضا
| |
|
|
|
|
|
|
|