|
Re: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! (Re: انعام حيمورة)
|
يا نادية اتكينا وصحينا الصباح لقينا البوست عمل 85 ده استفتاء عديل
الناس دي كلها بتفتش في البوست
والخطفو زولا معروووووووف
بس حكم القوي زي ما بقولو
Quote: بكرى براااهو العمل الحركة دى ومابرتاح الا اعرف السبب !! |
قبلك كان اشطر بكري ده جلدو تخييييييييين
الا تحرجي بالبوست ده وبرضو بيعمل نايم
موش مواليد دول العالم الثالث ؟ مافي زول بيقول بغم وتلت التلاتة كم كلو قرقوش
| |
|
|
|
|
|
|
Re: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! (Re: hajhamad)
|
الاكرم hajhamad
تحية واحترام شديد
Quote: كيفك و منورة المنبر و حمدا لله على السلامة و كل سنة و انتي طيبة.. شوفي محبة الناس دي البوست فاق الالف (دخل عالي). أتمنى نشوفك في بوست الشعبية (فاق 15 الف مشاهدة) |
وانا والله ربنا يعلم بى قلبى بحب الناس ديل كلللهم الاعضاء المشاركين والقراء كمان ونفسى المنبر ده يكون قبلة للحب والاخاء والاختلاف بنبل والخصومة بشرف والسودنة الجد جد السمحة ديك
وبروق واجيكم بيتنا فى الشعبية جنب السوق والمركز الصحى سمح ؟!!
| |
|
|
|
|
|
|
Re: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! (Re: Kostawi)
|
كستاوى العزيز
Quote: لا بكري كان مشتاق ليك كتير من شدة شوقو ليك عمل كليك في المحلة الغلط
و البوست إنشرب. |
تقول والله ؟!! (وجه مليان غرور وكده ومبتسم نص ابتسامة باهتة ومتغاظ من بكرى )!!
Quote: أعملى واحد غيرو, بس المرة دي أعمليه فجر لأنو بكري نومو تقيل و بدوك صلاة الصبح. |
لا لا .. فى موضوع البوست المسحوب داك ماعندى اى شئ اكتبو ولا اضيفو تانى والله يكفينا شر المشاكل يارب !!
| |
|
|
|
|
|
|
Re: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! (Re: نادية عثمان)
|
Quote: ناديا عثمان كده النقعد في الأرض ونتوهط لالالالالاحووووووول ناديا عديييييييل كده النقوم من الأرض ونتنفض ــ تتنفض منك الحمى ناديا عثمان لسه ماخده في خاطرك مننا؟؟ لالالالاحووووووول نادية عثمان كده النقعد في الأرض هسي انت زعلانة ولا بتتقصي في لحاصل ؟؟ الموقع ده النكلمك مسكون !! هسي انا جنب الكمبويوتر خاتي كمون اسود وأخضر وسبحة الفية وتوم وكتاب الحصن الحصين وبعد ده لمن اكتب مداخلة لي تمبس بلقاها طشت ومرقت في نيكراقوا اسمعي كلام اختك منى واتحوقلي واتبسملي انت قايلة طشتك دي ساكت ما بي فعل فاعل اها انا بحضر ليك رتينزا تشربيها ورتينزا تختيها في شنطتك ورتينزا تدفنيها قدام البيت وتجيبي جدادة حمرا وفيها نجمة وسخل ازرق وتضبحيهم وتلخبطي لحمهم وتوزعي لي الناس البكرهوك شوفي تاني كان طش ليك بوست!!! كفاية جيتك كفاية جيتك |
السنى...شكيتك على الله!
| |
|
|
|
|
|
|
Re: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! (Re: بكرى ابوبكر)
|
بكرى ابو بكر شخصيااااااااااا ؟!!
ايه الهنا الانا فيه ده ياجدعااااااااااااان ؟!!
ياتلتمائة الف مرحب ياسيد الحوش
اخيراااااااااا عبرتنى ؟(وش كيف كيف)
بركة الجيت ولو متأخر اقايتو وياها المحرية فيك يابكرى !
Quote: الحبيبة نادية بت عثمان الشوق مطر و بركة الشفناك ارفعيه تانى واوعدك ان اعلقه ليك كم يوم فى السماء |
تسلم يارب من كل شر
لا خلاص الحكاية انتهت وانا اصلا ماحافظة البوست وافتكر انو مقتطفات السمندلاوى اوضحت محتوى البوست تماما بس الله يكفينا محن منبرك ده ويبعدنا عن مشاكلو يااااااارب ويدينا خيرو وروعة جمالو ومواضيعو الهادفة للاستفادة الحقيقية يااااااارب
وكن بالف خير بكرى ابو بيان
| |
|
|
|
|
|
|
Re: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! (Re: نادية عثمان)
|
الاستاذة نادية ,هناك بوست اخر للاخ تاج السر ويبدو انه هو الاخر عينو وقعت فى البوست وهناك اقتباسات جمة من بوستيك وقمت بتجميعها مع ملاحظة اخر فقرة كانت من اقتباسي وبكدا يكون البوست شبه اكتمل وعليه يكون كالاتى:
Quote: رجاء ومناشدة لجماهير هلال / مريخ / ويابكرى اسحب عضويتى من منبرك ده عليك الله
قرابة العام ونصف او اكثر وانا مبتعدة عن هذا المكان الذى أحبه واحترم جميع عضويته من بكرى ابو بكر وحتى اصغر واحدث عضو مشارك فى هذا الصرح الذى يعلم الله كم كنت سعيدة بأن جمعنى باناس قمة فى الانسانية والكرم والاخاء حيث وقفوا بجانبى فى وفاة زوجى وآزرونى بالكلمة الطيبة التى سندت (حيلى) وجعلتنى اقف بعد ماظننت نفسى اننى لن استطع الحياة دون سندى ورجلى الذى رحل عنى باكرا تاركا اياى وحدى فى هذه الفانية العجيبة !!
وكل من عرفونى فى هذا المنبر وخارجه يعرفون ان عملى اهم مالدى فى الحياة واحرص ان اكون امينة فيه فالرب يحاسب على مايكتبه القلم !!
وكان ان قمت بعمل تحقيق كعشرات التحقيقات والملفات التى قمت بفتحها فى القاهرة اداءا للواجب المهنى الذى يمليه على الضمير الصحفى والان ومن هول (الصدمة) أكاد لا اصدق ان يستغل احدى هذه التحقيقات التى قمت باجرائها لرصد بعض عمليات النصب والاحتيال التى يتعرض لها السودانيين فى القاهرة لتصفية الخلافات الكروية بين هلال / مريخ !!
الاخ المحترم تاج السر الحسن اعرفه على المستوى الانسانى والابداعى واما الكروى فلا اعرف عنه شئ وكرة القدم نفسها ليست من اهتماماتى !!
ومااعرفه عن تاج السر على المستويين الانسانى والابداعى بحكم وجوده وانشطته فى القاهرة انه رجل شهم وكريم الاخلاق وشاعر مجيد ورجل نشط.
المهم فى الامر انا ورغم اننى ولا الصحيفة لا ذنب لنا فيما يجرى هنا من تلاسن واتهامات وخلافات بين عشاق المستديرة هلال ومريخ الا اننى اتقدم بكامل اعتذارى للاستاذ تاج السر الحسن عن مااصابه جراء تحقيق صحفى قمت بنشره قبل قرابة الثلاثة اشهر ويزيد لاجده اليوم متدوالا هنا ولا ادرى لماذا الان بعد كل هذه المدة !!!
وامر اخر هام ان الصحيفة قد اغلقت خاصية التعليقات بعدما سب بعضهم ممن لا نعلم من هم رئيس التحرير شخصيا وكالوا له الشتائم كما سخروا من جهد العديد من الصحفيين الذين يعملون فى الصحيفة ابتغاء واجب العمل الصحفى ولا يرجون من وراء ذلك الا خدمة المواطن السودانى فى الاول والاخير !!
ولاننى لا استطيع ان احتمل ان اكون سببا ولو غير مباشر او اداة لتصفية الخصومات ورمى الناس بما لا اعلمه عنهم ثم اضطر بعدها لدخول المنبر لاجد ان اسمى متدولا غمزا ولمزا دون جناية ارتكبتها فارجو من الاخ بكرى ابو بكرى الذى استعصى عليه تفعيل اللوائح ليوقف سيل شتائم بعض الاعضاء لبعضهم البعض !! ارجو منه ان يسحب عضويتى نهائيا من هذا المنبر مع كامل احترامى لعضويته المحترمة وكفى الله المؤمنين شر القتال !!
|
تحياتى بكرى
| |
|
|
|
|
|
|
Re: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! (Re: elameen)
|
الحبيبة نادية ..لكى وحشة بحجم الوطن يعلم الله ما اتلاقينابعد الخبر المشؤوم الا عبر الرسائل فى هذا المنتدى صدمنا وتألمنا لفقد زوجك له الرحمه والبركه فيك وفى الامورة ايمان ربنا يجعلها خير سند لك الف حمد الله على سلامتك وكل سنة وانتى وابنتك وكل اسرتك بالف خير وصحة طلتك بالدنيا اشرقتى البورد من جديد والله حبابك يا حبيبة وخليك دائما قريبه كل معزتى اسماء الجنيد/ مسقط
| |
|
|
|
|
|
|
Re: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! (Re: Raja)
|
رجاء بت العباسى ياغالية
معقولة يعنى بقيتى ابن بطوطة عددددددديل كل مااسأل عليك هدى ولا راوية يقولوا رجاء جات وسافرت ؟!!
واليوم داك سألت عليك تارا فى حفلة اسرار وضحكتنى راوية قالت لى رجاء قالت لينا (امشوا انتو الحفلة انا مابمشى مع الرجرجة والدهماء)
ضحكت وقلت ليهم رجوووووية دى اصلا كده لو مارسلت وفد استكشافى مابتجى حفلة ساى !!
هههههههه
ليك وحشة يابت العباسى والله ومتابعة نجاحك باعزاز وفرحة وربنا يوفقك فى كل خطوة يارب
تحياتى لخالتو علوية وبناتها واولادها بمدن العالم الاول والثالث !
بالمناسبة ضيفتكم الالمانية جات ومشت ؟(وش داير يشوف الالمانيات السمحات ديل محننات )!
| |
|
|
|
|
|
|
Re: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! (Re: soma)
|
سوما بت الجنيد يارقيقة وجميلة ونقيييييية
تسلمى من كل شر يااااااارب
Quote: الحبيبة نادية ..لكى وحشة بحجم الوطن يعلم الله ما اتلاقينابعد الخبر المشؤوم الا عبر الرسائل فى هذا المنتدى صدمنا وتألمنا لفقد زوجك له الرحمه والبركه فيك وفى الامورة ايمان ربنا يجعلها خير سند لك الف حمد الله على سلامتك وكل سنة وانتى وابنتك وكل اسرتك بالف خير وصحة طلتك بالدنيا اشرقتى البورد من جديد والله حبابك يا حبيبة وخليك دائما قريبه كل معزتى |
رسالتك الحنينة وسؤالك الطيب نزل بردا وسلاما على قلبى فما اروع ان يكون للمرء اشقاء واحباء واصدقاء بمثل رقتك ونقاء دواخلك ايتها الفتاة الجميلة قلبا وقالبا .. كونى بالف خير دوما
| |
|
|
|
|
|
|
Re: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! (Re: kamalabas)
|
الاستاذ الفاضل كمال عباس
تحية واحترام كبيييييييير
Quote: عودا حميدا يانادية ورب ضارة نافعة... الضارة سحب البوست والنافعة عودتك محمولة علي أكتاف أصدقائك بالمنتدي..... ......المنبر غث وثمين تجاهلي غثه وأستمتعي بثمره |
شكرا نبيلا لله لان لى اصدقاء مثلك ومثل من رحبوا بعودتى فى هذا البوست ..
حقيقة لم تبرحوا خاطرى ابدا ولكنها مشاغل الحياة خاصة مع تزايدها بعد رحيل المرحوم ابو ايمان ولكن الحمد لله على كل شئ وربنا يقدرنى على عمل التوازن بالتواصل مع الاصدقاء والاهل هنا والاهتمام بمشغوليات الحياة الاخرى باذن الله ..
| |
|
|
|
|
|
|
Re: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! (Re: عبدالرحمن عزّاز)
|
Quote: يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! |
يعني إنتي ما طاشه ليك مدة في حد يقدر يكلمك ... يا مرة هووووي نحن مشتاقين ليك ولي حبرك ... البوست الطشه خلي يطش .. أدينا الجديد .... إنتي البقحموك ديل عاملة ليهم راس وقعر مالك يقولو الداير يقولو وانسيهم ... كفاية الناس كلها عارفك إنتي منو .....؟ آل هلال مريخ آل
نادية بت أمي كل سنة وإنتي طيبة وعودا حميداً يا رائعة وبالجد الشوق غلب
منتصر ود زبيدة
| |
|
|
|
|
|
|
|