الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسكاتهم
|
إستجابت د. بيان مشكورة لنداءاتنا المتكررة لها بالعودة إلى المنبر العام في بوست العزيزة/ د. بيان .. رمضان كريم وخاطبتنا ببوست أحسن منه في منبر مجاور لا أرى أن بكري سيستسيغ الإشارة إليه هنا، ولكن لا أظن أن هناك مانعا من إيراد النص هنا حسب قوانين المنبر المجزأة التطبيق.
Quote: قرأت بريدك الموجه لي في القرية المجاورة ولامس شغاف قلبي... وعليه لك كل الشكر وعظيم الامتنان.. اذا كانت في النداءات السابقة شبهة المجاملة لشخصي من اناس احبهم وأودهم واعرفهم.. الا ان بريدك له طعم مختلف لانه من زميل بوردابي... لا تربطني به وشائج المعرفة او الصداقة.. سعدت جدا ايها العزيز وكان بريدك بمثابة "توسكا لمسة حنان" في وقت تكالبت وتكالبت على الخلق... بريدك هذا عزني جدا ربنا يعزك في الدنيا وألاخرة أود ان افشي سرا يعرفه عدد قليل من الخلص وهو ان الاخ بكري قد سحب الاسم بيان من المنتدى واستبدله بالاسم نجاة محمود..مضيفا لقبي العلمي... لابدأ من نقطة الصفر باسم جديد.. ولذلك تجد الان المواضيع قد جاطت ثم جاطت زيادة ولن تنفرج.. وكما حدث قبل 15 عاما تركنا وطنا السودان لظلم حاق بنا ومرت السنوات ليكن لنا اوطانا افتراضية التقينا فيها باصدقاء قدامى و اصدقاء جدد اختلفنا وآتلفنا كان هذا الوطن الافتراضي هو اقرب النقاط الى الوطن.. هو نافذتي على بلادي واهل بلادي بشرهم وبخيرهم.. ساندوني وعزوني في وفياتي وهنوني بنجاحاتي وعندما مرضت لم يتوقف الهاتف عن الرنين اصدقاء واحباء واناس انا مختلفة معهم.. اثناء العملية دومة من الصين ومنعم من واشنطون يقدمون الدعم المعنوي لبنياتي وليدي وزوجي .. الاتصالات من اناس لا نعرفهم وقراء .وسط طنين الاجهزة وبين اليقظة والنوم ابنتي تتلوا على الاسماء..فرحة وسعيدة ان هناك من يشاركهم مصيبتهم وكانت معنوياتي ترتفع واحس ان الحياة جميلة وتستحق ان تعاش.. اعطوني معنى ان تكون محبا ومحبوبا... هؤلاء البورداب والبوردابيات... صاروا جزء من عائلتي.. صاروا النافذة المنفتحة على الوطن الجميل.. اسعد لسعادتهم وافرح لفرحهم واحزن لاحزانهم ويتملكني قلق كامل عند مرضهم او مرض من يليهم..وعندما يموت احدهم احس انني فقدت احد في اسرتي.. هذا هو عالم البورد العجيب يا اخي العزيز وهناك تلك الاشواك التي تنموا هنا وهناك... اتحملها لاخر درجة... ثم يدور الزمن يا اخي العزيز وتخرب بوستاتي عندما اطالب بالعدل يحذف بوستي.. احس بالمرارة وبالظلم وارحل مرة اخرى من وطن احببته الى وطن آخر يعطيني الامان والمحبة والوطن ه المكان الذي نحس فيه بالامان لم ارحل لاجل الشتائم التي طالت اسرتي والا كنت رحلت منذ سنوات.. لقد رحلت لانني ظلمت والظلم امر من العلقم.. خرجت من وطني الاصلي بسبب الظلم ومن الوطن الافتراضي بسب الظلم
اشكرك على روحك الطيبة ونبلها.. ورمضان كريم.. وتامل هذه الابيات لعنترة وهي تعبر عني
أَثْنِي عَلَيَّ بِمَا عَلِمْتِ فَإِنَّنِـي سَمْحٌ مُخَالَقَتِي إِذَا لَمْ أُظْلَـمِ
فَإِذَا ظُلِمْتُ فَإِنَّ ظُلْمِي بَاسِـلٌ مُـرٌّ مَذَاقَتُـهُ كَطَعْمِ العَلْقَـمِ
وسيكون سودانيات وطني الافتراضي.. ولك الشكر مرة اخرى...وطمع في حسن تفهمك.
وممنونة وشاكرة.. |
أحسست من خلال حديث د. بيان أن سبب مغادرتها هو بكري أبوبكر صاحب الموقع وليس مناضلي الكي بورد من رجرجة السياسة ودهمائها. كنت – وكثيرين غيري - أناشد د. بيان من قبل بالعفو عن الذين أساؤوا إليها وتجاوزوها في الإساءة إلى أسرتها ظنا مني أنهم سبب مغادرتها لسودانيز أون لاين، ولكنني الآن أناشد بكري أبوبكر بإنصاف د. بيان والإعتذار لها إعتذارا صريحا واضحا، لا لشئ سوى رفع الظلم عن مظلوم، وأصر على ذلك حتى وإن أصرت د. بيان على عدم العودة لهذا المنبر مرة أخرى. __________________________________________ د. بيان .. أعرف أنك سوف لن تحبين تصعيدي لقضية توقفك لأبعد من ذلك.. وأعرف أنك كنت تودين إن كنت قد توقفت عند هذا الحد.. ولكن القضية أصبحت تشكل لدي هاجسا عاما أكثر من كونه موضوع يتعلق بك.. وأعرف أنك حسمت هذا الأمر في قرارة نفسك.. وفوضت أمرك إلى الله فيه.. ووجدت لك وطنا بديلا لموطننا الجميل التباين هذا.. ولكن حنين البدايات الجميلة .. وعشق الأيام الخضر الزواهي في هذا المنبر ما يزال فاضحا لك في تاباتك.. تحن شاشاتنا إلى كتاباتك.. وتشتاق أقلامنا إلى مجادلتك.. والجدال لم يعد ذلك الجدال أيام كنت تزينين المنبر بالكثير المتميز.. أعلم كم تحنين إلى البورد .. ولكنها مرارة الظلم .. تجعلك ثابتة على مبدأ التوقف كالطود الأشم.. عدينا أنك ستعودين بعد انقشاع الظلام لتحتلين موقعك بيننا.. عودي فإن غد أفضل من الأمس..
وإلى حين الإستماع لوجة نظر الباشمهندس/ بكري تقبلي تحاياي الناضرات.
|
|
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: بكرى ابوبكر)
|
الباشمهندس/ بكري أبوبكر لم أندهش أبدا من مبادرتك إلي هذا الإعتذار الصريح الواضح الذي لا غبار عليه. الإعتذار فعل نبيل لا يستطيع الإتيان به إلا من كان ذو نفس عظيمة. بمثل هذه الصفات فقط تمكنت من قيادة هذه السفينة رغم الأمواج العاتية والمتلاطمة. لم يخب أبدا ظني فيك مذ قابلتك لأول مرة في منزلك العامر بمدينة فينكس في ديسمبر الماضي. كل الذي كنت أسعى إليه – وإن لم أطلبه صراحة - أن تقر بإجحافك في حق د. بيان والإعتذر العلني عن ذلك.. وها أنت تفعلها دون أن أشير إلى ذلك صراحة. أدعو الله لك مزيدا من التوفيق والنجاحات قادمة. شكرا بكري .. وبث.
_______________________________________ الليلة يوم التجليات .. أي زول عنده مظلمة حقو يجي .. طلب تاني صغيروني ما عنده علاقة بالموضوع ده .. راجع ما سنجرك يا زعيم.
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: بكرى ابوبكر)
|
Quote: رمضان كريم يا حبيب غالى و طلب رخيص و هل ارفض لك طلب وانت اكلت معاى عيش و ملح و شرفتنى و اخوانك فى بيتنا المتواضع باريزونا ولى منو دكتورة نجاة محمود التى اكلت معاها فى بيتها فى السامراب و فى بيتنا فى الحلفاية و الخرطوم و الاخوها صديقى و زميلى عادل الشبح ويا سيدى اعتذر للدكتور نجاة عنى اى خطا ارتكبته فى حقها.كما يا حبيب دايراك تعرف انو اى شخص عندو مكتبة هنا نحن نعتبره موثق و يكتب للتاريخ و نخافظ على ما يكتبه فى عدة اجهزة للاجيال القادمة و دكتورة نجاة و احدة و عنصر مهم فى هذه العملية التوثيقية لهذا تجدنى اعتذر لها مرة اخرى ان اجبرتها على التوقف بعمل شى لا ترضاه .....و مرحب بيها باى شكل تختاره مكتبة د.نجاة محمود احمد الامين عنوانها http://www.sudaneseonline.com/cgi-bin/sdb/2bb.cgi?board=113
يلا لى قدام و تصوم وتفطر على خير |
الكبير كبير ربنا يتقبل يا حبيب
و يله يا دكتورة أرجعي لينا
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: أبو عبيدة البصاص)
|
الأخ أبو عبيده البصاص .. سلامات يا راجل ..
Quote: الاخ بكري ابوبكر .. الاسم الادبي لها هو ( بيان) وعرفها الجميع ببيان من هي د.نجاة محمود احمد الامين ؟؟؟؟؟؟ بيان عرفتها لسنوات عددا اسفيريا وكلما ناديتها بنجاة احسست بانني اخاطب شخصاً آخر إعادة الاسم الادبي هو اول عتبات رد الاعتبار |
إن لم تخني الذاكرة فقد سبق لأت قرأت حديثا لبكري يشترط فيه الإسم الحقيقي لطالبي العضوية الجدد فقط، وأن لا حرج على الأعضاء من قدامى المحاربين في الإحتفاظ بالأسماء الحالية حتى إن لم تكن أسماؤهم الحقيقية. لدي بعض التساؤلات في هذا الإطار للباشمهندس بكري أو من لديه فكره عن الموضوع: أولا: ما هو سر تعديل إسم بيان الأدبي الذي اشتهرت به إلى إسمها الحقيقي مسبوقا بلقبها العلمي؟ ثانيا: هل انسحب هذا الإجراء على كل الأعضاء القدامي من ملاك المكتبات أم هو تعديل قاصر على د. بيان؟ ثالثا: هل بالإمكان إعادة الأمور إلى نصابها، وإرجاع مكتية بيان باسمها الأدبي الذي أحيت وعشقت وبه اشتهرت نزولا لرغبتها خاصة وأن بكري إعتذر لبيان وتمنى عودتها بالشكل الذي تحب؟
بكري طالما أنك أعلنت إستعدادك للترحيب بـ بيان يالشكل الذي تحب، أرجو تنفيذ رغبتها يغض النظر عن عودتها إلى الكتابة من عدمه. شكرا بكري مرة أخري على تفهمك للموقف وسعة صدرك للجميع.
شكرا أبو عبيده .. وتحياتي للأستاذه والوليدات.
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: بكرى ابوبكر)
|
العزيز الباشمهندس بكري أبوبكر شــكرا جزيلا على الإعتذار الصريح الجميل لدكتورة بيان..والإعتذار دائما شيمة من حباهم الله بالخلق الحسن النبيل. جعلك الله ذخرا لمكارم الأخلاق وقدوة حسنة لهذا الوطن المصغر .
الأخ النبيل محمد نور ِلك ألف شكر وتقدير لسعيكم المقدر على حث د. بيان العودة للمنبر بعد أن قدم لها بكري الإعتذار الذي أحسب سيزيل ما لحقها من ظلم وغبن. لن نتوقف ، إن شاء الله ، من الدعوة إلى إرساء روح المودة والاحترام المتبادل وحسن الخطاب .
الأخت العزيزة د. بيان أرجو مخلصا جبر خاطر كل الإخوة الذين ناشدوكِ العودة للمنبر..
صادق مودتي وفائق احترامي
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: معروف حمدين)
|
باعتذار بكري الواضح والصريح تخرج قضية د. بيان الآن من كونها قضية إدارية بين عضو ومدير موقع إلى حيز الرأي العام داخل المنبر وخارجه أيضا. أظن أن المسبب الآخر الذي سوف يجعل د. بيان تستمر في التوقف عن المنبر هو قلة الأدب وسوء معاملة الأخوات في البورد، وهو موضوع نقاشي هنا وبيان أنموذج لذلك. تعرضت د. بيان تحت سمعنا وبصرنا نحن الأعضاء جميعا إلى إساءات بالغة تلامس الشرف والأخلاق مما لا يرضاه أي منا لأخته أو زوجته، ولا أدري كيف مر الجميع عليها بدون شجب وإدانة الذين يدرت منهم هذه الألفاظ والمطالبة بتنفيذ اللائحة عليهم. لم أكن متابعا جيدا للبورد أيامها بجانب حداثتي فيه وقتها لكني سمعت وقرأت مثل غيري كثيرا من الإسفاف الموجه لبيان وتراجي وغيرهما من الأخوات، واسأل الله أن يغفر لي صمتي حينها. - لقد سبق أن خاطب أحدهم د. بيان بعبارة : " الصعلوقة بيان" .. آي والله .. وهذه قرأتها بأم عيني هاتين. - لقد سبق أن خاطب أحدهم زوج بيان الذي لا علاقة له بهذا المنبر من قريب أو بعيد بعبارة " صحصح يا فلان" ذاكرا إسمه، في إشارة واضحة لا تخفى على طفل بأن زوجتك تفعل شيئا مخلا بالأدب والأخلاق وأنت نائم لا تدري ماذا يحدث. - وسبق أن لمح أحدهم إلى وجود علاقة بين د. بيان وأحد الإخوة المتداخلين لمجرد أنه وافقها الرأي في موضوع معين في مناقشات هذا البورد. أنا لا ادعي ذلك ولكن الأرشيف يشهد بذلك .. وليس من الصعوبة إثبات ذلك بالكوتوتات إن كان هناك من يشك فيما ورد أعلاه. ليضع أحدنا نفسه مكان زوجها!!! ليضع أحدنا د. بيان مكان زوجنه أو أخته.!!! ماذا كانت ستكون ردة فعله؟ كيف سكت الجميع على عفن مثل ذلك.!!!؟؟؟ إن كنا ندعي فعلا أن كل من تكتب هنا هي أخت لنا و يتوجب علينا حمايتها ومعاملتها بما نعامل به أخواتنا في البيت فإنه حري بنا أن نجد مخرجا لهذا الأمر، وإلا فلا يعدو أن تكون نظرتنا لزميلات البورد هنا سوى أنهن مطلوقات فاضيات شغلة عديمات تربية ماشات على حل شعرهن، ويجب أن نتوقف عن إيهام أنفسنا بأننا نصون عرضا أو نحفظ كرامة، وأن نتوقف عن إطلاق مسميات "أخو البنات" و "عشا البايتات" و "مقنع الكاشفات" والتي إعتاد البعض إطلاقها في أرجاء هذا المنبر.
أكرر أن منطلقاتي لمناقشة الموضوع يتعدي د. بيان إلى مناقشة قضية عامة لا تعدو د. بيان إلا أن تكون نموذجا لها مما يجعلني أواصل في نفس البوست.
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: معتز القريش)
|
حبيبنا/ معتز القريش.. التحايا النواضر..
Quote: هذا أعظم بوست مرّ على سودانيز أون لاين
والآن عودتك يا دكتورة ـ ومن هسع أنا حاجز بوست الترحيب
شفتي كيف ؟؟؟ شــهرة وكدا يعني ... |
شكرا على الإشادة بالبوست .. فإن كان البوست عظيما فعلا فأظن ذلك مردود إلى إرتباطه بموضوع مهم بجانب إسم بيان الذي لا تتخطاه العين. قبل الضبايح وبوستات الشهرة التي أنت لست في حاجة إليها دعنا نناقش العنف اللفظي في المنبر ضد الأخوات والأخوان أيضا.. وأظن أن ذلك هو ما أخرج بيان من وطنها الإفتراضي ومفارقة من تعز إلى موطن آخر أكثر أمنا واطمئنانا. هل نحتاج فعلا أن نعامل بعضنا البعض نساء أو رجالا كنا بهذه الدرجة من سوء الأدب والنابي من الألفاظ في الحوار؟.. سبق أن تعرضت أخوات كريمات هنا: بيان .. تراجي .. هنادي ..الخ كنماذج إلى الإساءة بألفاظ سوقية ونابية مما لا يرضاه أي منا لبت حلتهم خل أخواته في البيت .. ماذا يمكن أن نفعل حيال هذا الأمر لتصحيح الوضع وتفادي ذلك مستقبلا والوصول إلى منتدى حوار معافى نختلف فيه باحترام.
أتمنى عودتك مرة أخرى يا معتز.
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: محمد نور أحمد)
|
Quote: شكرا على الإشادة بالبوست .. فإن كان البوست عظيما فعلا فأظن ذلك مردود إلى إرتباطه بموضوع مهم بجانب إسم بيان الذي لا تتخطاه العين. قبل الضبايح وبوستات الشهرة التي أنت لست في حاجة إليها دعنا نناقش العنف اللفظي في المنبر ضد الأخوات والأخوان أيضا.. وأظن أن ذلك هو ما أخرج بيان من وطنها الإفتراضي ومفارقة من تعز إلى موطن آخر أكثر أمنا واطمئنانا. هل نحتاج فعلا أن نعامل بعضنا البعض نساء أو رجالا كنا بهذه الدرجة من سوء الأدب والنابي من الألفاظ في الحوار؟.. سبق أن تعرضت أخوات كريمات هنا: بيان .. تراجي .. هنادي ..الخ كنماذج إلى الإساءة بألفاظ سوقية ونابية مما لا يرضاه أي منا لبت حلتهم خل أخواته في البيت .. ماذا يمكن أن نفعل حيال هذا الأمر لتصحيح الوضع وتفادي ذلك مستقبلا والوصول إلى منتدى حوار معافى نختلف فيه باحترام.
أتمنى عودتك مرة أخرى يا معتز. |
الأخ الكريم محمد نور
شكرا على الرد الطويل واظن كدا... وان بعض الظن اثم انت قاصد ترجع لورا شوية ... الموضوع مش موضوع مناقشة العنف اللفظي ضد الأخوات عموما (في هذه المداخلة على الأقل) ... لأنه أنت عارف انو أنا ضده ... وزي ما قلت ليك دا برضو ظن ... انت عاوز ترجع لموضوعي مع هنادي يوسف ... وبرضو أظن لو انت كنت متابع كان اتذكرت انه هي من بدأت بشتمي بألفاظ التي لا يمكن أن تقولها لي بت الحلة ناهيك عن أختي أو بت عمي ... ولأنه أنا لي زمن ما شايف هنادي في البورد وما عارف اذا كانت هي متوقفة من نفسها أو هي موقوفة فلن أتعرض لهذا الأمر إلا بوجودها ... وأنا من هنا أتحدي أي واحد يجيب لي لفظ واحد بذئ أنا قلتو لأي أخت هنا ... كثر هم من قالو عني ... ظلامي ... كوز ... سلفي متعفن ... أشباه الرجال ...الكوز الراقص ... المشهلاتي ... وكتير كتير اللي اتقال ... بل أن أحد الأعضاء هنا اتهمني بالشذوذ الجنسي على عينك يا تاجر . ولو عاوز بجيب ليك عينات ... محمد نور انت وكثير من الأخوة والأخوات هنا تعرفونني إلا عبر إلا من خلال ما دار بيني وبين هنادي ولو أنكم جميعا تجردتم لحكمتم ولعدلتم ... ولكن ما أصعب العدل في زماننا هذا ... شوف كيف حتى الزمان ظلمناهو وشتمناهو وهو ما عندو ذنب (نعيب زماننا والعيب فينا وما لزماننا عيب سوانا). يا سيدي أكرر شكري وتقديري لك على هذا المجهود الرائع وأتمنى أن يكلل بالنجاح .. أما سؤالك عن كيف يمكن تجنب العنف اللفظي ضد الأخوات فالحل بسيط جدا جدا (أي أخت تحترم أخوها في البورد زي أخوها في البيت عشان هو احترمها في البورد زي أختو في البيت .. والعكس تماما صحيح)
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: هجو الأقرع)
|
الصديق/ هجو الأقرع.. تحاياي الطيبات الزاكيات. كنت أتعشم في مداخلة مختلفة تماما منك ومن كل الذين عبروا من هنا.. ردا يتجاوز عودة بيان إلى ملامسة ماوراء الموضوع.. كنت قد توقعت منك بالذات مداخلة أكثر غوصا في المشكلة المطروحة.. حسب قراءاتي في المنبر فأنت واحد من الزملاء القريبين لبيان في قضايا كثيرة .. هذا بجانب موقفك المتزن في المنبر وتناولك للقضايا بموضوعية رغم إختلاف الكثيرين معك في ذلك.. كل ذلك بجانب إحساسي بأنك حقاني يجعلني أتوقع منك مداخلة غير ذلك.. إن كنت قد فعلت ذلك قبلا فاغفر تقصيري في عدم المتابعة..
شكرا يا هجو على المرور .. ومعك أقول لبيان:
Quote: نامل العودة فورا، تقبل الله الصيام والقيام |
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: انعام حيمورة)
|
الأخت/ إنعام حيموره.. التحيات النواضر..
Quote: اتمنى ان تعود بيان لاني لما قريت كلامها دا لما بكيت .. |
بيان زولة حبوبة جدا .. وباين عليها ولوفه.. بتحبها وتدخل قلبك بدون استئذان.. حتى من غير ما تعرفها.. كنابة لحد الدهشة لمن تبعد عن السياسة والجلابة والهامش .. كتاباتها الأدبية اللاقتني في المنبر آسره لحد بعيد .. تحسي بالأمان والإلفة والعاطفة في كتاباتها.. بارعة جدا في التعبير عن المشاعر.. تحسي بالصدق في كلامها.. عشان كده لازم بتبكي لمن تكتب عن شكل ارتباطها بالناس في البورد.
Quote: وشكرا بكري ابو بكر ونتقل عليك شوية الرجاء منك فتح بوست وسميه عودة بيان .. عشان تجي ونكون كلنا اسرة واحدة ذي ما قالت .. |
مقترح جميل لو تكرم بكري وعمله .. على الأقل يكون تم جميله وعمل العليه .. ويبقى لبيان أن تقرر عودتها من عدمه.
شكرا على المرور والمتابعة.
____________________________________________ كدى عليك الله با إنعام باعتبارك أخت .. رأيك شنو في الكلام البيتقال هنا في المنبر للأخوات في ساعة ذروة الخلاف السياسي..؟
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: Hatim Yousif)
|
الغريبة يا جماعة كلكم فرحانين بالبوست وباعتذار الباشمهندس/ بكري وكلامي التحت ده مافي زول هببوا لي!!!؟
Quote: باعتذار بكري الواضح والصريح تخرج قضية د. بيان الآن من كونها قضية إدارية بين عضو ومدير موقع إلى حيز الرأي العام داخل المنبر وخارجه أيضا. أظن أن المسبب الآخر الذي سوف يجعل د. بيان تستمر في التوقف عن المنبر هو قلة الأدب وسوء معاملة الأخوات في البورد، وهو موضوع نقاشي هنا وبيان أنموذج لذلك. تعرضت د. بيان تحت سمعنا وبصرنا نحن الأعضاء جميعا إلى إساءات بالغة تلامس الشرف والأخلاق مما لا يرضاه أي منا لأخته أو زوجته، ولا أدري كيف مر الجميع عليها بدون شجب وإدانة الذين يدرت منهم هذه الألفاظ والمطالبة بتنفيذ اللائحة عليهم. لم أكن متابعا جيدا للبورد أيامها بجانب حداثتي فيه وقتها لكني سمعت وقرأت مثل غيري كثيرا من الإسفاف الموجه لبيان وتراجي وغيرهما من الأخوات، واسأل الله أن يغفر لي صمتي حينها. - لقد سبق أن خاطب أحدهم د. بيان بعبارة : " الصعلوقة بيان" .. آي والله .. وهذه قرأتها بأم عيني هاتين. - لقد سبق أن خاطب أحدهم زوج بيان الذي لا علاقة له بهذا المنبر من قريب أو بعيد بعبارة " صحصح يا فلان" ذاكرا إسمه، في إشارة واضحة لا تخفى على طفل بأن زوجتك تفعل شيئا مخلا بالأدب والأخلاق وأنت نائم لا تدري ماذا يحدث. - وسبق أن لمح أحدهم إلى وجود علاقة بين د. بيان وأحد الإخوة المتداخلين لمجرد أنه وافقها الرأي في موضوع معين في مناقشات هذا البورد. أنا لا ادعي ذلك ولكن الأرشيف يشهد بذلك .. وليس من الصعوبة إثبات ذلك بالكوتوتات إن كان هناك من يشك فيما ورد أعلاه. ليضع أحدنا نفسه مكان زوجها!!! ليضع أحدنا د. بيان مكان زوجنه أو أخته.!!! ماذا كانت ستكون ردة فعله؟ كيف سكت الجميع على عفن مثل ذلك.!!!؟؟؟ إن كنا ندعي فعلا أن كل من تكتب هنا هي أخت لنا و يتوجب علينا حمايتها ومعاملتها بما نعامل به أخواتنا في البيت فإنه حري بنا أن نجد مخرجا لهذا الأمر، وإلا فلا يعدو أن تكون نظرتنا لزميلات البورد هنا سوى أنهن مطلوقات فاضيات شغلة عديمات تربية ماشات على حل شعرهن، ويجب أن نتوقف عن إيهام أنفسنا بأننا نصون عرضا أو نحفظ كرامة، وأن نتوقف عن إطلاق مسميات "أخو البنات" و "عشا البايتات" و "مقنع الكاشفات" والتي إعتاد البعض إطلاقها في أرجاء هذا المنبر.
|
يا ربي الكلام ده بيكون ما صحيح وما حصل!!!؟ ولا الكلام ده بقى عادي ما مشكلة كبيرة في عصرنا الحالي وفي ظل التطور التكنولوجي!!!؟ ولا طالما الكلام ما بيمسنا مباشرة في أخواتنا وزوجاتنا في البيوت ما فارقة!!!؟ ولا الناس خايفة من حاجة (طيب ما تكلمونا نخاف معاكم)!!!؟ أدونا راسنا يا جماعة الخير .. فهمونا الحاصل شنو؟ ما هو ما ممكن في عشرمية مداخلة زول قال الكلام ده مرفوض ساكت مافي!!!؟ ولا العجب الأخوات مافي ولا واحدة قالت حاجة غير الأستاذة/ حيمورة واللي طالبت أيضا بعودة د.بيان فقط.!!! الغريبة في كمية من الأخوات في قائمة الحضور من المأكد بيكونن تاوقن ومشن .. ما ممكن الكلام ده بكره ممكن يبقى فيكن و يتقال عليكن يا بنات أمي.!!!. هووووووووووي يا ناس .. البوست ده حقي أنا .. و أنا قضيتي الآن ما د. بيان تجي ولا تجي .. عندي موضوع تاني خالص الآن، ود. بيان فقط نموذج للموضوع ده.. فبالله ما تشبكوني .. عودي .. آن الأوان .. نراك قريبا.
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: محمد نور أحمد)
|
Quote: لقد سبق أن خاطب أحدهم د. بيان بعبارة : " الصعلوقة بيان" .. آي والله .. وهذه قرأتها بأم عيني هاتين. |
المنافق محمد نور أحمد.
أنا الذي وصفت بيان بالصعلوقة ولقد كان ذلك ردا على أسائتها لي و أنت تعلمها جيدا. ولكنك كأنسان منافق لن تستطيع أن تزكر ذلك وكل الذي تريد أن تسمعه هو أن تلمع وتدافع عن صديقتكم. ولكن يجب أن تعلم شئ مهم , أنا لن أسمح الى أي شخص أن يشتمني أو يسئ لي وأنت لأنك جبان لن تستطيع زكر أسمي ولكني أرد عليك الان وأوصفك بالوصف الصحيح الذي يناسبك. وفي كل لحظة يتم زكر أسمي أو الاشارة لي بهمز أو غمز جبان سوف أتصدى لكم ولدجلكم بالبورد. ويا لك من منافق كبير.
دينق.
| |
|
|
|
|
|
|
@@@@@@@@@ (Re: Deng)
|
يابكرى انا زاتى قلت كدا على كل اشكرك على تهذيبك بيان فى العين القلب
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: محمد البشرى الخضر)
|
abubakr »Adil A. Salih »ahmed abdalla »altahir_2 »amir jabir »Amiral »azhary awad elkareem »bushra suleiman »Deng »Elbagir Osman »Emad Abdulla »gamal »Ishraga Mustafa »jini »kamal ali »kamalabas »KOSTA »mayada kamal »Mehaira »Mohamed Suleiman »Rashid Elhag »RIHAB ELFIL »Sabri Elshareef »salah elamin »sharnobi »Tagelsir Elmelik »Tragie Mustafa »waw »willeim andrea »zuhair zenaty »ابراهيم بقال سراج »امير مصطفى احمد »ثابت محمد »جعفر سومي »جلال ناصر »حجة امنة »حسن زمراوي »حسين يوسف احمد »حيدر حسن ميرغني »خضر الطيب »د.نجاة محمود» »عبد المنعم سيد احمد »عبد الوهاب المحسى »عمر عبد الخالق سعيد »غباشي »فرح »محمد ابو القاسم »محمد البشرى الخضر »محمد حسين آدم »محمد صباحى »محمد صلاح »محمد عبد الله شريف »محمد عمر الفكي »محمد مكى محمد »مشتاق »معتز جعفر الحسن »معتصم ود الجمام »منزر احمد بابكر »مهتدي الخليفة محمد نور »هاشم أحمد خلف الله »هشام هباني »هضيبي علي سعيد »ودالعباسية »وليد شريف ---------------------
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: فرح)
|
الأخ الكريم/ فرح .. تحياتي
Quote: »حسن زمراوي »حسين يوسف احمد »حيدر حسن ميرغني »خضر الطيب »د.نجاة محمود» »عبد المنعم سيد احمد »عبد الوهاب المحسى »عمر عبد الخالق سعيد |
د. نجاة محمود هو المسمى الجديد للعضوة بيان سابقا، وملصق معاها درجتها العلمية كمان.. تلاحظ من خلال حديث بيان في اعلى البوست أن هذه إحدى المظلمات التي تعرضت لها من قبل سيد الحوش.. إذ لا بعقل أن يكتب شخص لفترة تقارب الـ 5 سنوات ياسم أدبي معين ويشتهر به بجانب إسمه الصحيح .. ويأتي بكري بعد كل هذه الفترة ليحيلها إلى إسمها الأصلي وكأنها لا تعرف أن إسمها الأصلي نجاة محمود. أعتقد أن هذه مصادرة لحق أدبي عمره خمس سنوات .. كأنك تطالب شخصا بالتضحية بـ 5 سنوات من عمره وتطلب منه أن ينسى ما مضى و يبدأ بدايات أخرى جديدة. عموما ناشد بكري بيان بالعودة بالكيفية التي تريد .. أرجو صادقا أن يعيد بكري الأمور إلى نصابها.
____________________________________________________________ بالمناسبة لاحظت أيضا تواجد بيان في المنبر أحيانا كثيرة أون لاين ولكن ما تزال تصر على المتابعة من بعيد أتممنى تواجدها بالداخل قريبا.
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: Tragie Mustafa)
|
Quote: يا ربي الكلام ده بيكون ما صحيح وما حصل!!!؟ ولا الكلام ده بقى عادي ما مشكلة كبيرة في عصرنا الحالي وفي ظل التطور التكنولوجي!!!؟ ولا طالما الكلام ما بيمسنا مباشرة في أخواتنا وزوجاتنا في البيوت ما فارقة!!!؟ ولا الناس خايفة من حاجة (طيب ما تكلمونا نخاف معاكم)!!!؟ |
الاخ محمد نور رمضان كريم وتسلم عزيزي علي اهتمام وجهد ليس بغريب علي شخصك: كلامك ده يا هو بيت القصيد زاتو, الموضوع مش خوف وبس , الموضوع أكبر بي كتير: الموضوع شلليات وولاءات حزبية ضيقة , وعنصرية وقبلية وأحقاد شخصية وغيره وحسد.... نحن كسودانيين الغلط من الصاح بيتوقف علي حسب الشخصية المرتكبة الفعل المعين: هل هو من شلتك ؟ ولاحزبك ؟ ولا قبيلتك ؟ ولا من نفس الجهة؟ شرق ؟ شمال ؟ جنوب ؟ غرب ؟ وسط ؟, يعني ببساطة شديدة وعلي سبيل المثال أنا ممكن أضرب لي زول كف ويجي مية زول من شلتي وقبيلتي ويطلعني انا الصح والزول المضروب غلطان ونفس الكف لو ضربو زول تاني لي نفس الزول حيطلعو مجرم كبير وحقار و... الخ اذا ما لقي ناس من قبيلتو ولا حزبو ولا شلتو. دحين يا خوي يا هو ده السودان وحيظل كده!!!! يعني كلمة زي ( ياصعلوقة) كلمة كبيرة وخطيرة جدا .. لكن القالها بكل بجاحة ممكن يجي يطول لسانو عليك انت ويطلعك منافق و... الخ وبعد شوية حيطلعك كوز تشادي ( حلوه كوز تشادي دي!!) وفي نفس الوقت في ناس يجو ويحنسوهو ويتلطفو ليهو( شفت كيف؟؟). المهم انت أنجرت المهمة علي خير ما يكون... لك الشكر العميق علي جهدك المقدر. شفت القصة الغريبة؟؟ انت العملت الشغل ده كلو والناس وقعت شكر في بكري ابو بكري, أكيد سمعت بالمثل القائل: الخيل تجقلب( زي السخلة في الابريق) محمد عبد المطلب
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: Mohamed Abdelmotalib Hassan)
|
الأخ الكريم/ محمد عبدالمطلب .. سلامات ورمضان كريم..
Quote: الموضوع شلليات وولاءات حزبية ضيقة , وعنصرية وقبلية وأحقاد شخصية وغيره وحسد.... نحن كسودانيين الغلط من الصاح بيتوقف علي حسب الشخصية المرتكبة الفعل المعين: هل هو من شلتك ؟ ولاحزبك ؟ ولا قبيلتك ؟ ولا من نفس الجهة؟ شرق ؟ شمال ؟ جنوب ؟ غرب ؟ وسط ؟, يعني ببساطة شديدة وعلي سبيل المثال أنا ممكن أضرب لي زول كف ويجي مية زول من شلتي وقبيلتي ويطلعني انا الصح والزول المضروب غلطان ونفس الكف لو ضربو زول تاني لي نفس الزول حيطلعو مجرم كبير وحقار و... الخ اذا ما لقي ناس من قبيلتو ولا حزبو ولا شلتو |
كان كدي يا محمد حالكم شين خلاص.. السودان ده ما كان كده..الحصل شنو؟ لكن بيني وبينك.. نظريتك دي شكلها ما صحيحة!! طيب د. بيان دي ما كل المنبر ده شلتها.. وكان على القبيلة تراها شايقية/جعلية وحامده الله على كده.. وكان على الجهة من الشمالية المنها الرئيس ونائبه ووزير بتروله.. أها يا ربي ديل كلهم ما نفعوها.. وياها قاعدة بره المنبر مظلومة.. تتاوق كل شويتين كان انصلح الحال ولا لسه أعوج..
هسع عليك الله يا أبو حميد .. لو كلامك ده طلع صاح.. أبقى أنا طلعت سلاق بيض ساكت.. أقبل وين يعني .. براي في المنبر ده .. أبو ذر الغفاري بس.. لا عندي شلة .. لا قبيلة .. ولا جهة مشتركة مع زول في المنبر ده.. يعني خلاص أرجى الراجني يعني!!؟
Quote: يعني كلمة زي ( ياصعلوقة) كلمة كبيرة وخطيرة جدا .. لكن القالها بكل بجاحة ممكن يجي يطول لسانو عليك انت ويطلعك منافق و... الخ |
إنت النفاق ده غيروا تعريفه ولا شنو؟ غايتو الأنا بعرفه زمان داك ما كده.. لكن تخيل ما مشكلة كبيرة.. As long as you are not
Quote: وبعد شوية حيطلعك كوز تشادي ( حلوه كوز تشادي دي!!) |
لا لا دي بالغت فيها يا محمد. إنت قايل شنو .. نحنا عندنا الكلام ده !! عندنا كيزان تشاديين .. وجلابة تشاديين.. ومهمشين تشاديين.. والله كله في.. بس أوع تسألني أنا مع منو في ديل؟ لأني معاهم كلهم .. كوز .. مهمش .. جلابي.. تشادي لكن .. عشان ما يجي ناطي لي واحد بعد شوية.
شكرا يا أبو حميد على المداخلة
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: Tragie Mustafa)
|
تراجي .. إزيك .. كنت راجي منك إنت بالذات مداخلة أقوى من كده ومنصفة لبيان.. الذي تعرضت له بيان تعرضت أنت لمثله أيضا إن لم يكن أكثر منه في الإساءة.. فإن تريدي تسجيل موقف رافض للأمر لأجل بيان فليكن لأجلك أنت .. أشجبي ما تتعرضي له أنت على الأقل طالما جاءت المناسبة.. أعرف أنك فعلت ذلك قبلا ويئست من أن ينصلح الأمر فأصبح الأمر سيان لديك لكن طالما المقام مقام الحديث عن العنف اللغظي ضد الأخوات في المنبر وأنت إحداهن فمن الأحرى أن نستمع إلى وجهة نظلرك.
Quote: ويا محمد نور صدقني سعيده ببوستك وسعيده بعودة بيان ولكن لازم تعرف انه بيان ايضا اغلظت القول للاخ دينق. |
والله يا تراجي أنا فاهم أنه لمن تغلط واحدة في حقي أنا كرجل مهما تقول ما بتوصلني مرحلة الألفاظ دي. أنا تربيتي يا تراجي ما بتسمح لي إني أقول لفتاة ليل أو مومس العباره إياها، مع إنه هي كده وأظن كل الناي يفترض تكون اتربت على كده.. فما بالك بواحدة بيني وبينا مشتركات كقضايا الوطن والفكر والوعي والإستناره!!
Quote: .ويا دينق لن اقول لك انت الاكبر لكن فعلا الرجال بيتحملوا ولازم تتحمل اختك بيان. |
ده الكلام الصاح .. حقوا تكرري للأستاذ/ دينق مره واتنين وعشره القصة ما فقط إنه الرجال يتحملوا .. وإنما الراجل بفترض يصون المرأة حتى وإن كانت هي ما حريصة على كده.. دي أفتكر من الحاجات الفطرية الربنا مايزنا بيها عن بعض كرجال ونساء.. أنا الراجل ده لمن أختلف معاه برضو ما مفروض يسيئني وحتى لو أسئت ليه مفروض يترفع عن الإساءة ما يجاريني ويذكرني بأدب الحوار والنقاش ويخليني أندم على إني أسأت ليه,, فلمن تسئ ليه بت بعد ده يبقى ... أخلي ليكم باقي التقدير..
Quote: وحق اخوي دينق ده امسحوا لي في وشيئ. |
يسلم وشك يا تراجي .. وما تخافي البيني وبين دينق عامرة. ودينق راجل جميل الدواخل والمحيا وحبوب جدا .. ممكن يخاصمني ويشاكلني الليلة وبكره وبعده.. لكن صدقيني ده ما حيكون الوضع الطبيعي .. فما تخافي
___________________________________________________________
Quote: منتظره الآبري يا محمد. |
حيجيك مع كعك العيد .. تقدمي لضيوفك في العيد مع الخبيز .. مش أخير ليك
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: محمد نور أحمد)
|
Quote: دكتورة نجاة محمود التى اكلت معاها فى بيتها فى السامراب و فى بيتنا فى الحلفاية و الخرطوم و الاخوها صديقى و زميلى عادل الشبح ويا سيدى اعتذر للدكتور نجاة عنى اى خطا ارتكبته فى حقها.كما يا حبيب دايراك تعرف انو اى شخص عندو مكتبة هنا نحن نعتبره موثق و يكتب للتاريخ و نخافظ على ما يكتبه فى عدة اجهزة للاجيال القادمة و دكتورة نجاة و احدة و عنصر مهم فى هذه العملية التوثيقية لهذا تجدنى اعتذر لها مرة اخرى ان اجبرتها على التوقف بعمل شى لا ترضاه .....و مرحب بيها باى شكل تختاره
|
تسلم يا باشمهندس ... فها أنت كما عودتنا نموذجاً للوعي الديمقراطي
ثُم
Quote: ومرت السنوات ليكن لنا اوطانا افتراضية التقينا فيها باصدقاء قدامى و اصدقاء جدد اختلفنا وآتلفنا كان هذا الوطن الافتراضي هو اقرب النقاط الى الوطن.. هو نافذتي على بلادي واهل بلادي بشرهم وبخيرهم.. |
من د. بيان ... ثُم لاماذا نقول من بعد هذه المفاهيم الرُقيّ ... شكراً لكما ... وللمداخلون ... ومحمد نور و{كيبورك أخضر} كما قال ودالبشري ...
نحن بأمس الشوق لموضوعات ومداخلات الدكتورة بيان ... رشيقة اللغة صلبة المعان ...
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: حيدر حسن ميرغني)
|
صاحبي حيدر ميرغني..سلامات يا جميل.
Quote: أعتقد أن الأخ دينق جعل الحالة واحدة وخاطب الاخ محمد نور بصفته عضو هنا ليس إلا
بعدين مابتفرق كثير كون ود نور تشادي او سوداني
ولوجه هذا المنبر يؤكد تفهمه الشديد لمجريات الامور فيه
يساهم بالمفيد أكثر من الكثيرين هنا
خلوه يقاسمنا الحب .... والإختلاف
مابينه وبين دينق عامر بإذن الله |
والله يا حيدر الحالة مش واحدة بس، واحدة ونص كمان .. مع دينق ومع أي زول هنا.. إنت عارف حكاية تشادي وسوداني دي ما قاعد أتذكرها إلا مرات كده بالصدف.. زمان لمن كنت في السودان بتذكرها مره في السنة.. لمن أجي مسافر بجوازي التشادي لازم أجدد الإقامة وأعمل تأشيرة خروج وعوده ولو ما سافرت لا أنا متذكر ولا وزارة الداخلية متذكره. مره كنت بنظر لشباب أصحابي كده في حاجة جميلة ما بتذكرها كانت شنو لكن بتذكر إنها كانت حاجة عاجباني جدا في السودان. في عز الإندياح والتجلي شبكت ليك الجماعة " نحنا السودانيين ديل" لحد هسع الشباب ديل ماسكنها لي.. التباين الحاصل في المنبر زايد مقدار الحرية الفيه وحبي للسودان والسودانيين أهم الأسباب الشجعتني للإنضمام للمنبر فمن المؤكد البيسري على غيري بيسري علي.. مساهمة بالمفيد دي ما بوعدكم شديد .. لكن أقاسمكم الحب والإختلاف دي عجبتني جدا.
_______________________________________________________ أها يا حيدر يا أخوي .. كلام تراجي خلصنا منه .. موضوع البوست رأيك فيه شنو؟
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: Biraima M Adam)
|
يا سلاااااام يمكن ما اثّر فيني بوست قريب دة زي البوست دة وكلنا كقراء زمان تابعنا الظروف الوصلّت د.نجاة محمد لقرارها بالابتعاد اعتذار الاخ بكري أفضل ما اصفه به هو وصف الاخ محمد بريمة انه من شيم العظماء كتر ألف خيره وهو تصرف ما غريب عليه أبدا
ومما لفت نظري في البوست أيضا كتابة احد الاعضاء للاخ محمد نور
ورد الاخ محمد نور عليه بـ
Quote: شكرا على المرور والمتابعة |
بصراحة لن يكدر جمال هذا البوست إلا ألا تستجيب د. نجاة محمود ويا دكتورة زي ما قالوا من سبقوني انه الاخ بكري كتب ان لكِ أن تعودي بالشكل الذي تختاري
تسلم يا اخ محمد نور والله يفتح عليك
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: Shayma)
|
الأخت/ شيماء .. بت العرضة .. إزيك حبابك ألف في البوست وفي المنبر.
Quote: ومما لفت نظري في البوست أيضا كتابة احد الاعضاء للاخ محمد نور
Quote: المنافق محمد نور
ورد الاخ محمد نور عليه بـ
Quote: شكرا على المرور والمتابعة |
أعتقد أن الأصل في الإشياء الإيجاب وليس السلب فالإتفاق هو الأصل والإختلاف هو الإستثناء ولذلك أعتقد جازما أن إساءة الأخ/ دينق الموجهة إلى شخصي هي إستثاء والأصل عكس ذلك تماما.. ولذلك لم أعر الأمر كثير إهتمام .. وإن كنت قد تدبرت في الأمر .. وأخذ مني حيزا من التفكير .. ومراجعة النفس .. فلعل فيما يقول دينق صوابا.. لكن أحمد الله أن الأمر غير ما ذكر.. على كل أشكره أن جعلني أراجع موقفي .. وأتحسس موطأ قدمي .. وأعرف أين أقف .. أعدك بأنك ستقرئين للأخ/ دينق يوما حديثا مختلفا عني..
شكرا لك .. وشكرا له.
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: Biraima M Adam)
|
الصديق بريمة .. سلامات.
Quote: أتمنى يا أخى أن ترد لنا الأخ عبدالرازق الطالب .. غيبته أيضاً طالت كدكتورة بيان. |
أرجو معك صادقا أن يعيد الأخ بكري الأستاذ/ عبدالرازق الطالب إلى المنبر إن كان موقوفا فعلا. مشكلة د. بيان أنها متوقفة من ذاتها تعبيرا عن إحتجاجها لما لحق بها من أذى وضرر معنوي على الصعيد الشخصي والأسري من قبل مدير الموقع بعدم إنصافها ومن قبل بعض الزملاء بالعنف اللفظي وسط سكوت الجميع. أسأل الله أن يعيد كليهما إلى أروقة المنبر. تكميم الأفواه وإخراس الألسن ليست من الديمقراطية التي ننادي بها في شئ طالما التزمنا بأدب الحوار والإختلاف. بريمة .. بغض النظر عن الإتفاق أو الإختلاف معك أنت أحد الناشطين والمداومين على الكتابة في هذا المنبر وصاحب فكر وطرح في وسط مشحون بالعنف اللفظي الموجه والمضاد .. أرجو أن أقرأ وجهة نظرك فيما هو مطروح.
شكرا على المرور والمتابعة
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: sanaa gaffer)
|
الأخت/ سناء جعفر .. صاحبة المفردات الجميلة .. رمضان كريم أي تعليق على مداخلتك يفقدها بعضا منها
Quote: لمن قالوا السياسة لعبة قذرة ما كذبوا ... لانها بتخلي الناس تنسى انسانيتها وتتعامل مع بعض بعداء غريب ... بيان كانسانة مافي اتنين بيختلفوا على طيبة قلبها ونقاء سريرتها ...والبعض الحظى بلقائها وجها لوجه بيقول انها انسانة بجد في زمن بقت فيهو الانسانية صفة تقال ولا تمارس ... لكن لمن تجي للتصنيفات السياسية القبيحة حتلقى مليون زول مستعد يرجمها بكل حجارة الارض ... ناس كتيرة كانت رافضة اسلوب العنف اللفظي الاتعرضت ليهو الدكتورة بيان ... لكن التزموا الصمت من باب طالما ما الرشاش ما جاني يبقى ما لي دعوة ... مع انو ( هنا ) الرشاش ممكن يصيب اي زول وفي اي وقت وبدون سبب مفهوم ...
جميل انو سيد الحوش اعتذر لاحدى الساكنين افواج ... الاعتذار ما بيزيل الاذي .. لكن بيجبر الخاطر المكسور ...
اجمل شئ في الحوش دة هو التنوع والاختلاف ... لانهم بيولدوا الزخم وبيفتحوا الابواب للنقاش ... ( هنا ) المنتمي واللامنتمي المصنف والغير مصنف ..هم عنصر الدفع البيخلي سودانيز اون لاين ليها طعم وشكل ولون مختلف ... لو اقصينا اي واحد من عناصر الدفع لاي سبب من الاسباب ... بيمسخ الطعم وبيبهت اللون .. وبيختلف الشكل ...
بيان ... عودي من اجل اصدقائك ... ومن اجل اعدائك ايضاً ... عودي لوطنك الافتراضي ومارسي الاتفاق والاختلاف... عودي من اجلك .... |
سعدت بمرورك .. شكرا على إحقاق الحق وتبيينه يا سناء
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: Walid Safwat)
|
رمضان كريم .. والتحية لكل الاعضاء
الاخ بكري قائد السفينة اثبت براعة شديدة وهو يدير الدفة باتقان شديد ودقة يحسد عليها .. فالاعتذار خطوة لايقدم عليها الا انسان فعلا كبير بكل ماتحمله هذه الكلمة من معاني .. فله التحية والانحناء علي هذا الدرس العظيم .. والفقرة التانية وهي الدعوة التي رفعناها في اول خطوة لنا داخل المنبر وهو الشعار الذي رفعناه(احترام حريات الاخرين وعدم التلفظ بمايشين) ورغم ان الدعوة قوبلت برفض البعض الا ان الاقلية التي فهمت المغزي كان يكفينا ان نسير في درب الدعوة الي الاحترام والحرية التي لاتتعدي حدود الاخرين .. ولكم جميعا الود
بهاء الدين / القاهرة/
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: حليمة محمد عبد الرحمن)
|
الأخت/ حليمة عبدالرحمن .. رمضان كريم..
Quote: شكرا لك اخ محمد والحمد لله ان كللت مساعيك بالنجاح. فيبان رقم لا يمكن تجاوزه في هذا المنبر العامر.. الشكر موصول ايضا للمهندس بكري ابو بكري سيد الحوش الواسع والكبير والعظيم عظمة صاحبه.. في انتظار الاخت العزيزة د. بيان. لا تتاخري.. |
ستكلل مساعي بالنجاح فقط يوم أن نحب بعضنا البعض نتفق في حب .. ونختلف في إحترام .. يصفح بعضنا عن بعض .. ونتجاوز عن سوءات بعضنا البعض .. نحترم الرأي والرأي الآخر .. من دون مصادرة للحقوق .. وبعيدا عن تكميم الأفواه .. ومناصرة الباطل بدون وجه حق .. بعيدا عن التعصب للقبيلة .. أو اللون .. أو الجنس ..
وحاجة أخيرة : أن تعود بيان. يومها فقط يا حليمة تكون مساعي قد كللت بالنجاح.
كوني بالجوار حتى نجعل ذلك ممكنا. شكرا حليمة على المرور والمتابعة.
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: baha eassa)
|
الأخ/ بهاء عيسى .. صاحب الدعوة إلى الحب والفضية .. إزيك. بوست بتاع النقد الذاتي الجميل داك وين؟ كم نحن في حاجة إلى الإمتثال بما جاء فيه من أطروحات.
Quote: والفقرة التانية وهي الدعوة التي رفعناها في اول خطوة لنا داخل المنبر وهو الشعار الذي رفعناه(احترام حريات الاخرين وعدم التلفظ بمايشين) ورغم ان الدعوة قوبلت برفض البعض الا ان الاقلية التي فهمت المغزي كان يكفينا ان نسير في درب الدعوة الي الاحترام والحرية التي لاتتعدي حدود الاخرين .. ولكم جميعا الود |
Keep it up
شكرا يا بهاء على المرور
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: محمد نور أحمد)
|
Quote: يا ريت لو فصلت لينا مقترحك .. وشرحت لينا نداءك الموجه لبكري .. |
أخ محمد نور لك ألف تحيه ماأعنيه أن على الباشمهندس بكري إعادة إشتراك دكتوره بيان إلى ماكان عليه فقد قام السيد بكري سيد الحوش بتغيير إسم إشتراكها إلي (د.نجاة الأمين) ولاأحد من رواد الإسبير يعرف من هي نجاة محمود فالكل يعره (bayan) وهو الإسم الذي ظلت تكتب به دكتوره بيان لسنين وسنين وهذا ماطالبت به في الرساله وإلى الآن لاأعتقد الباشمهندس قد أجرى التغيير اللازم ..
كما أتمنى من السيد بكري تفعيل (لوائحه) ومعاقبة كل من يتحدى حدود الأدب في هذا المنبر من أمثال (دينق ومصطفى محمود) وغيرهم من من يطاردون دكتوره بيان ويخربون بوستاتها الـ(ثره) بالألفاظ والكوبي بيست ..
مره أخرى شكراً على هذا البوست الهام والذي أرجو أن يساعد في عودة د.بيان للمنبر مرة أخرى
مؤونة عامين من الود
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: محمد فرح)
|
أخي / محمد فرح .. مرحبا بك مرة أخرى.
Quote: ماأعنيه أن على الباشمهندس بكري إعادة إشتراك دكتوره بيان إلى ماكان عليه فقد قام السيد بكري سيد الحوش بتغيير إسم إشتراكها إلي (د.نجاة الأمين) ولاأحد من رواد الإسبير يعرف من هي نجاة محمود فالكل يعره (bayan) وهو الإسم الذي ظلت تكتب به دكتوره بيان لسنين وسنين وهذا ماطالبت به في الرساله وإلى الآن لاأعتقد الباشمهندس قد أجرى التغيير اللازم |
لقد ظللنا نناشد بكري بإنصاف د. بيان في المظالم التي تعرضت لها على الأقل في الجوانب الإدارية التي هو من يملك البت فيها .. هو فقط وليس أحد سواه، واستجاب الرجل مشكورا باعتذار صريح مفتوح يتضمن كل شئ. طالب أكثر من متداخل هنا الأخ/ بكري أن يستتبع إعتذراه الواضح لـ د. بيان - والذي زاده إحتراما لدى الجميع - بخطوة عملية في سبيل تنزيل هذا الإعتذار إلى أرض الواقع، خاصة وأن بكري قد إلتزم بقبوله لعودة بيان بالشكل الذي تختاره هي، ولذلك أجدني أتفق معك تماما في أن أولى خطوات تنزيل إعتذره هذا لأرض الوافع هو أن يعيد لـ بيان إسمها الأدبي الذي إشتهرت به دون ربط ذلك بعودتها من عدمه. وما زلنا ننتظر خطوة إيجابية أخرى من الأخ الكريم / بكري.
Quote: كما أتمنى من السيد بكري تفعيل (لوائحه) ومعاقبة كل من يتحدى حدود الأدب في هذا المنبر .. |
لا أظن أن اللوائح معطلة تماما لكن بشوب تطبيقها كثيرا من إزدواجية المعايير أرجو التطبيق الكامل للائحة وبالدقة المطلوبة حتى يستقيم المعوج في المنبر.
وحتى عودة بيان وتطبيق اللائحة على الجميع .. تحاياي الناضرات
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: انعام حيمورة)
|
Quote: نظريتك دي شكلها ما صحيحة!! طيب د. بيان دي ما كل المنبر ده شلتها.. |
محمد نور أخوي أولا: د. بيان كتار جدا مطلعينها كوزة وده أساس الاستهداف لاسكاتها. صحيح شلتها كتار لكن كغثاء السيل ليس الا, ( بالمناسبة يا محمد أخوي: التقسيمات الفي المنبر ده معقده جدا.. وفي نفس الوقت من السهل جدا تبينها بالملاحظة والمعايشة ) يعني تقسيمات تحير علماء النفس مجتمعين. دي عالم تحير السمبر يا عزيزي. البعض وخاصة العنصر النسائي ( وهن قله ) للحسد والغيرة الشديدة نسبة لعلمها وثقافتها وبلاغتها وقدرتها علي الاقناع بالحجة القوية, البعض يستهدفها لانها شمالية, وكل له زاوية مختلفة لاستهدافه, ولا يخفي عليك اغبي مصلح صادفته في هذا المنبر وهو مصطلح ظلامية - الذي أطلق علي الدكتوره- لكم الركاكة الهائل الذي يحمله هذا المصطلح الغبي جدا, يعني عربي مجوبق جوبيق شديد خلاص.
Quote: لا لا دي بالغت فيها يا محمد. إنت قايل شنو .. نحنا عندنا الكلام ده !! عندنا كيزان تشاديين .. وجلابة تشاديين.. ومهمشين تشاديين |
يا محمد نور عليك الله أعمل فيني معروف و لمني في جلابي تشادي كده يكون تفتيحه لمن فضيحه... لأني عايز أعمل توأمه جلابية تشادية سودانية وبالعكس...... ما تقول لي عندكم منبر وفيهو كمية من الدباس المكرهين الناس برضو؟؟؟ يا ربي اسمو شنو منبركم؟ ( تشاديز اون لاين برضو؟)
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: Mohamed Abdelmotalib Hassan)
|
الصديق/ محمد عبدالمطلب .. عساك طيب.
Quote: د. بيان كتار جدا مطلعينها كوزة وده أساس الاستهداف لاسكاتها. |
أول مرة يا أبو حميد أعرف أنه قناعات الزول وخياراته ممكن تبقى سبب لإستهدافه!!!.. أنا كنت فاهم الوقت ده كله أنه في ثوابت زي الله والرسول والقرآن وما عدا كده حاجات خلافيه بين الناس .. يتباينو فيها ويتحاوروا ويمنطقوا فيها بعض .. يا إما أقنعت الناس بحقك .. و يا إما أقنعوك الناس بحقهم .. وتقتنع بالنتيجة في كل الأحوال .. لكن نظامكم هنا في المنبر غريب شوية .. غايتو إنشاءالله يقع لينا قريب.
Quote: البعض وخاصة العنصر النسائي ( وهن قله ) للحسد والغيرة الشديدة نسبة لعلمها وثقافتها وبلاغتها وقدرتها علي الاقناع بالحجة القوية |
دي ما بتفق معاك فيها يا محمد .. ولا أظن بيان ذاتها حتتفق معاك فيها.. ما بدعي أنه ما في ناس بيحسدوهم عشان درجاتهم العلمية .. ولا بنفي وجود الحسد.. لكن أقصد أنه الكلام ده ما ممكن يكون موجود في المنبر هنا.. وخاصة من الأخوات.. الأخوات البيكتبوا هنا أو على الأقل الأنا قريت ليهم حتى الآن كتاباتهم مميزة جدا.. وما بيتخيروا عن بعض.. ما بعرف خلفياتهم العلمية شنو .. ولا مؤهلاتهم الأكاديمية .. لكن كتابة طاعمة وجاذبة ومليانة علم حسب مجالات الكتابة.. ثم إنه يا محمد يا اخوي التفاضل بين الناس نسوان ولا رجال متين كان بالشهادات .. إنت عارف أنه نظام التقييم عبر الإمتحانات و الشهادات ده وسيلة غير دقيقة للتقييم.. و ما يزال التربوين فاشلين في إيجاد بديل منصف ودقيق ليه .. يعني مشكلتنا ما في خيار تاني ليه .. وده لا يعني بالضرورة دقة هذا النظام. طبعا كلامي ده يا محمد ماليه علاقة ببيان من قريب أو بعيد .. ده تنظير عام بيان زولة مميزة جدا وكتابة جدا وليها إسهامات تربوية وأدبية في الحياة العامة.. لكن ما بالضرورة هي أحسن واحدة في المنبر عشان عندها دكتوراه .. ولا من العدالة وضعها في مقارنة مع ناس متفاوتين في الإهتمامات الحياتية.
Quote: عليك الله أعمل فيني معروف و لمني في جلابي تشادي كده يكون تفتيحه لمن فضيحه... لأني عايز أعمل توأمه جلابية تشادية سودانية وبالعكس |
أنا ما مالي عينك ولا شنو؟ عبنك في الفيل زي الشرا في القندول يا محمد وبعدين تعال هنا .. إنت شايف إني ما جلابي .. معناها إنت مصنفني مهمش وضلامي مش؟ : لالا لالالا دي ما يتسكت عليها .. دي دايرا ليها بوست منفصل .. شايف هنا غالبا الجلبنة مربوطة بالإستناره .. والظلامية بالهامش أصبر أنجيب بيان .. وبعد كده نفضى ليك.
Quote: ما تقول لي عندكم منبر وفيهو كمية من الدباس المكرهين الناس برضو؟؟؟ يا ربي اسمو شنو منبركم؟ ( تشاديز اون لاين برضو؟) |
عندنا منابر لكن ما زي منبركم الما فيه شئ مفروز ده .. نحن عندنا الجلابة منبرهم براهم والمهمشين براهم .. المستنيرين براهم والظلاميين براهم..
الكلام الجد طبعا يا محمد طبيعة الصراع عندنا مختلفة إلى حد ما منكم.. يعني نحنا عندنا المشاكل الأساسية تصنيفاتها كالآتي: في مجال الوعي والإستناره عندنا إشكالية المثقفين بالفرنسية والمثقفين بالعربية.. في محالات الإعتقاد و التدين مثلا عندنا إشكالية سلفيين ومتصوفة .. أو سنيين ومبتدعة في مجالات السياسة عندنا حركات مسلحة زي التراب لكنها مبنية على أسس قبلية .. فتبقى الإشكالية هنا إشكالية أنا وأخي على ابن عمي وأنا وابن عمي على الغريب.. في مشكلة جنوب وشمال قريبة لي حقتكم دي .. فيها أبعاد ومرارات تاريخية مسكوت عنها .. لكنها اليومين دي بسبب مشكلات الطبقية والقهر والإحساس بالدونية بدت تظهر تاني. حأكتب بوست قريب في الموضوعات دي لو ربنا سهل.
شكرا يا أبو حميد .. سعيد بمروراتك
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: انعام حيمورة)
|
إنعام .. إزيك يت بت امي .. نعلك طيبة مع رمضان السودان الما بيغباني داك.
Quote: مرفوض وبشدة واكيد اي واحدة فينا كان قالوا ليها الكلام دا اكيد ما بترضى وحا تاخد نفس موقف الدكتورة .. |
أها يا اختي ده الكلام البدور بسمعوا من كل الأخوات في المنبر ده.. الليجو يقول رايهم ويرفضوا الكلام .. الليلة بقى في بيان وبكره ببقى في وحده تانية ونقنب نحاحي زي ده. حل البيحصل ده في نظري ما بيكون بإنسحاب الواحدة .. لا بالعكس بقعاده وعشان كده أنا مصر أنه بيان تجي راجعة على الرغم من مبرراتها المقنعة التجاوزت مشاكل المنبر.
Quote: معليش يا دكتورة امسحيها لينا في وشنا .. |
يسلم وشك ووش البشبهوك يا إنعام ..
شكرا ليك على المرور والتعبير عن رفضك للوضع
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: طارق جبريل)
|
طارق ود جبرين .. كيفنك يا اللخو .. وكيف ناس فاس الما وراها ناس؟
Quote: اتمنى حقيقة ان تعود بيان |
أتمنى ذلك أيضا با طارق.. ليس فقط عودة بيان وإنما كل المتوقفين والموقوفين من المنبر .. أتمنى أن يسود روح الحوار الجاد وأدب الخلاف أرجاء المنبر.. ليصبح المنبر أكثر إشراقا وألقا ..
Quote: انت يا محمد نور الصورة الفي بروفايلك دي دحين ماها حقتي: |
هو بالله إنت صاحب العمل الجميل .. أنا يا خوي شايله وحايم بيه كايس لسيده . وعشان تصدق كلامي .. دي مداخلتي في بوست إخوان بلإحُدوّد .. مُبادرة إنسَانية عامة غير مسَبوقة
Quote: هذه سودانيز أون لاين. الصورة من تصميم أحد الإخوة (لا أذكر من هو) لكن الصورة معبرة جدا .. بس مع الأسف أنا ما فيها.. ولذلك نطالب وبشده إعادة تصميمها ( يا فيها يا نطفيها). أرجو إيجاد خانة لها في الشعار . |
أها شن قولك.. كنت لابد ليك لي شكلة .. ما لقيت صورتي في الجماعة .. لكن الله نجاك . لمن إنت عملت الشغل ده أنا ما كنت جيت المنبر دايرين لينا وحده جديده يا طارق.. همتك معانا كده المره دي برضو ما تدخلني..
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: doma)
|
ما ما دومة يا حنينية .. إزيك يا يمه .. ورمضان كريم.
Quote: عاد يا دكتوره نجاه ان ما جبرتي بخاتر محمد نور دا تبقي فائده تب ما في . |
بيان بعد كده حتجي .. لأنها بتعزك .. وبتقدر مناشدتي.. ومناشدة كل الناس القالوا كلمة صدق في حقها.. المشكلة ما في جية بيان .. المشكلة في أنه الحصل ممكن يتكرر.. وحتجي بيان في نفس الظروف الغادرت فيها.. وبعدين ... !!!؟؟؟ أتمنى إننا نختلف بحب ونتفق بحب أعمق. شكرا على مرورك .. بيان بعد كده فعلا ما عندها حق.
__________________________________________ القراصة بالتقلية يوم تكتل ليها زول يا تجيبوا الصين.!!!!
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: يوسف الولى)
|
الأخ الكريم / يوسف الولي .. سلامات .. ورمضان كريم
Quote: لاحظت ان المكتبات فى الموقع قد سميت بالاسماء الحقيقيه لاصحابها , وحقيقه اغراض التوثيق تتطلب ايراد الاسم الحقيقى .. وان كان لابد من الالقاب فلا باس من وضعه بين قوسين |
شكرا للمعلومة .. فقد كنت أستوثق عما إذا كان بكري قد غير كل الأسماء الأدبية في المكتبات إلى الأسماء الحقيقية.. أم أن الأمر قاصر على بيان فقط .. ؟ وها أنت تجيبني إجابة المستوثق من الأمر.. فإن كان ذلك كذلك فلا أرى إستثناء لـ بيان عن باقي الأعضاء.. لكن سؤالي هو : ماذا لو تنازلـ (ت) إحداهم/ن عن الإسم الحقيقي في المكتبة وأصر/ت على إسمه/ها الأدبي؟؟ أليس هذا حق من حقوقه/ها ؟ ثم لماذا إضافة الألقاب العلمية إلى الأسماء في منبر للحوار..؟ أليس في ذلك تقييد وتأطير للمشترك(ة) بواسطة هذه الدرجة؟ كل هذا قلق يساورني لا لـ بيان دخل فيه من بعيد أو من قريب.. ويشهد الله أنني لا أغرف دوافع إحتجاجها على تغيير إسمها الأدبي بالحقيقي مصحوبا بالدرجة العلمية. أرجو أن نجد إجابات شافية من الأخ/ بكري.
Quote: نرحب بالعوده المرتقبه للدكتوره نجاه ( بيان ) |
أراك نفذت مقترحك يا الوالي قبل أن نوافق عليه نحن جماهير الشعب الصامدة
تسلم يا حبيب على المرور والمتابعة .. والله يجيب بيان.
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: محمد نور أحمد)
|
Quote: دي ما بتفق معاك فيها يا محمد .. ولا أظن بيان ذاتها حتتفق معاك فيها.. ما بدعي أنه ما في ناس بيحسدوهم عشان درجاتهم العلمية .. ولا بنفي وجود الحسد.. لكن أقصد أنه الكلام ده ما ممكن يكون موجود في المنبر هنا.. وخاصة من الأخوات.. |
محمد نور أخوي أكتر حاجة لفتت نظري في بوستك ده : حسن النية الشديدة.. والكلام ده هنا صدقني مشكلة كبيرة!!! صدقني قرار د . بيان صائب ميه الميه .. ولو قلت ليك حاجة ما حتصدقها .. الغيرة والحسد القلتهم ليك ديل موجودين وبوضوح شديد .. ولو قلت حاجة تانية ما حتصدقها برضو : هل تصدق انو في عضوه هنا خاطبت عضوه أخري بعبارة ( انتي بتكتبي من بين فخديك)؟ أكيد ما حتصدق.. عارف يا أبو حميد يا أخوي نحن السودانيين عندنا نظرية محببه للنفس جدا اسمها : أكتل الكتيل وأمشي في جنازتو وأعمل رايح.. دحين قرض علي كده لأنو الحاجة الحكيتا ليك دي حاجة خفافية من طرف الدولاب بس.... المهم يازول الواحد سعيد جدا بوجودك بيننا وأهتمامك بأمر الدكتوره وهي تستحق منا كل تكريم وفي نفس الوقت الواحد في ترقب شديد للبوست القلتو عن تشاد ويالمناسبة عندي طلب ( طبعا ملاحظ اني رفعت الكلفة وعملت فيها صحبك وكده) طبعا دي حركات جلابة أكيد ما حتفوت عليك باعتبارك أخانا في الجلبنه وكده!! وهو: بالله حاول تنزل لينا بوست تتكلم فيهو عن موضوع الجنسية السودانية والتشادية لأنو الموضوع ده بيشغل بال ناس كتار وهو موضوع حساس جدا زي ما عارف وناس كتار عايزه تفتح الموضوع ده لكن عاملين فيها نظام حساس محمد حساس وكده... بمناسبة لو قلت لك ما حتصدق الشابكك بيها دي : عندي نكته لذيذه جدا حأحكيها ليك المرة الجاية بس ما عايز أغير مسار البوست ( أغير مسار البوست دي طبعا وهمه كده شابكين فيها الناس هنا) تقول البوست ده نهر النيل؟؟ المهم يا زول ما نطول عليك ..معليش تقلت عليك لكن طبعا نحن أخوه وكده والحالة واحده.. تفطر علي خير يا عزيزي الفاضل.
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: محمد نور أحمد)
|
تحيات وتقدير..
ورمضان كريم..
كنت قد قرأت بداية البوست قبل قتره ووصلت فيه الي أن بكري ابو بكر قد وافق علي ارجاع اسم بيان الذي تستخدمه منذ بداية اشتراكها علي ما اعتقد.. ثم لم اري بيان العزيزه وقد رجعت بيننا.. وأصبحت غير متأكده من سبب عدم عودتها.. وعلي كل حال..اتمني فعلا ان لم يرجع بكري لدكتوره بيان اسمها..أن يفعل الآن فانتزاع اسمها الذي كتبت به ووثقت به كتاباتها كانتزاع هويتها في رأيي.. وهو احدي محاور الصراع السوداني التي نحاول جميعا المساهمه في حلها..
شكرا لك اخي محمد نور..
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: Muna Khugali)
|
أستاذه/ منى خوجلي .. إزيك .. ورمضان كريم ..
Quote: كنت قد قرأت بداية البوست قبل قتره ووصلت فيه الي أن بكري ابو بكر قد وافق علي ارجاع اسم بيان الذي تستخدمه منذ بداية اشتراكها علي ما اعتقد.. ثم لم اري بيان العزيزه وقد رجعت بيننا.. وأصبحت غير متأكده من سبب عدم عودتها.. |
أنا عاتب عليك .. إنت زولة بتاعت حقوقك .. ومشكلة بيان بفترض تكون واقعة ضمن دائرة إختصاصك.. فما ممكن تجي البوست مره واحدة وما تتأكدي أنه بيان رجعت ولا ما رجعت وتمشي بوشك!! عموما البركة في جيتك دي .. وبعد كده مفروض ما تتحركي من البوست ده لامن بيان تجي وتقول ليك : "أنا هنا يا منى" .. إتفقنا ؟؟
Quote: وعلي كل حال..اتمني فعلا ان لم يرجع بكري لدكتوره بيان اسمها..أن يفعل الآن فانتزاع اسمها الذي كتبت به ووثقت به كتاباتها كانتزاع هويتها في رأيي.. وهو احدي محاور الصراع السوداني التي نحاول جميعا المساهمه في حلها.. |
أها بكري ما رجع لبيان قروشها .. قصدي إسمها .. وكوركنا وما ولنا نكورك .. بكري دخل صلعته مره واحدة هنا في البوست ده .. كب إعتذاره التاريخي .. ومشى .. تاني عليمك الله كان شاف البوست ده فوق بيغمض.. كلامك بتاع إنتزاع الهوية كبير علي شوية .. لكنه كلاما سمح من خشم سمح .. أصلا ما بنقول فيه شئ .. نؤيده وبشده ..
تسلمي يا منوية ..
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: محمد نور أحمد)
|
Quote: أنا عاتب عليك .. إنت زولة بتاعت حقوقك .. ومشكلة بيان بفترض تكون واقعة ضمن دائرة إختصاصك.. فما ممكن تجي البوست مره واحدة وما تتأكدي أنه بيان رجعت ولا ما رجعت وتمشي بوشك!! عموما البركة في جيتك دي .. وبعد كده مفروض ما تتحركي من البوست ده لامن بيان تجي وتقول ليك : "أنا هنا يا منى" .. إتفقنا ؟؟
Quote: وعلي كل حال..اتمني فعلا ان لم يرجع بكري لدكتوره بيان اسمها..أن يفعل الآن فانتزاع اسمها الذي كتبت به ووثقت به كتاباتها كانتزاع هويتها في رأيي.. وهو احدي محاور الصراع السوداني التي نحاول جميعا المساهمه في حلها..
أها بكري ما رجع لبيان قروشها .. قصدي إسمها .. وكوركنا وما ولنا نكورك .. بكري دخل صلعته مره واحدة هنا في البوست ده .. كب إعتذاره التاريخي .. ومشى .. تاني عليمك الله كان شاف البوست ده فوق بيغمض.. كلامك بتاع إنتزاع الهوية كبير علي شوية .. لكنه كلاما سمح من خشم سمح .. أصلا ما بنقول فيه شئ .. نؤيده وبشده ..
تسلمي يا منوية .. |
سلام اخي محمد نور..
عارف موضوع بيان ده بدا وأنا اظني في السودان..وساعتها عرفت انها زعلانه في شتيمه جاتها..وبعد كده قريت انها متابعه الموضوع بالبوليس.. علي هذا الأساس قلت المطالبه برجوعها في الوقت الحالي ماعندها معني لأحطياطات قد يكون البوليس قد طلبها.. وكثرت ماشاء الله البوستات عن بيانات بعد ذلك وكلها تطالب برجوعها.. بعدين جيت وقريت البوست بتاعك وعرفت ببعد تاني ما كنت عارفاه..قلت استني شويه مدام بكري دخل وقال خير.. لكن الموضوع استمر.. الليله برضه خالد العبيد رافع بوست عنوانه مرحب بدكتوره نجاة.للأسف مالحقت افتحه لكن فكرت انها رجعت باسم نجاة زي ماقال العنوان....
اسه انا لسه راسي جايط..حصل شنو؟
تحياتي لك وللعزيزه بيان..
| |
|
|
|
|
|
|
Re: بكري أبوبكر.. أرجو إنصاف د. بيان.. فأنت من أجبرها على التوقف .. أما خصومها فهي أقدر على إسك (Re: Muna Khugali)
|
الأخت الكريمة / منى.. بيان توقفت من المنبر العام كما يعرف جميعنا بعد تعرضها لمضايقات وملاحقات تجاوزتها في شخصها إلى أسرتها الصغيرة .. و لو توقف الأمر في حدود الإساءة إلى شخصها وإلى ما تكتب – والذي نرفضه أيضا- لكان الأمر مقدورا عليه، فلكمبيوتر بيان أيضا كيبورد كما لكمبيوترات الآخرين كييوردات.. ولكن أن تصل الإساءات والتلميحات الخارجة عن الأدب لتمس أفراد أسرتها في ظل صمت مطبق على الجميع ما عدا قلة قليلة لهو أمر يجعل من توقفها مبررا نساندها فيه بنفس القدر الذي نتمنى به عودتها .. وما بوستاتنا التي ترينها الواحدة تلو الأخري سوى أماني من البعض الذين عشقوا كتاباتها وقراءاتها للأمور وخفة روحها الذي يتجلى فيما تكتب.. لم أتشرف بالتحدث إلى بيان مباشرة بعد وإن كنت سأفعل ذلك قريبا، لكني تبادلت معها بعض المكاتبات الداخلية عبر ماسنجر بكري تشكرني فيه على السؤال عنها وتحيطني علما بملابسات ظروف توقفها وصعوبة عودتها ، على الأقل في ظل سيادة نفس الظروف التي دعتها من قبل إلى التوقف. وبهذه المناسبة أود أن أشير إلى أن بيان ليست ببعيدة عن المنبر، ما تزال تعشقه كما اليوم الذي انتسبت فيه لأول مرة، وكثيرا ما أجدها على قائمة الحضور باسمها الجديد، ولكنها لا تكتب ولا تتداخل إحتراما لقرارها.. علمت من بيان أن قرار عودتها إلى المنبر وإن كان في يدها إلا أنها لا تود إتخاذه إحتراما لأطراف أخري في أسرتها الصغيرة، ولكنه يظل في النهاية رهين بتفعيل القوانين واللوائح في المنبر وسيادة الإحترام المتبادل بين الزملاء والإختلاف والإتفاق في ظروف أفضل من تلك التي تسود الآن.. أعتقد أن الحديث عن الإسم الجديد لـ بيان (د. نجاة محمود) باعتباره مبررا لإستمرار توقفها يفتقر إلى الموضوعية، صحيح أن بيان نفسها حدثتني عن رفضها لذلك لكنني أرى أنه في غاية الشكلية. ولذلك فإنني أرى أن الظروف السائدة في المنبر لو تغيرت، وطبقت اللوائح واحترم بعضنا البعض فإن عودة بيان حتى باسم د.نجاة محمود الذي يصر عليه بكري لهو أمر وارد، خاصة وأن بكري يساوي في ذلك بين الجميع. فبإلقاء نظرة سريعة على المكتبات ستجدين أن المكتبات جميعها مسماه بالأسماء الحقيقية لأصحابها وليست الأسماء الأدبية. و لقد ذكر بكري من قبل في إعتذاره الشهير أنه يرحب ببيان في سودانيز أون لاين بالطريقة التي تريد، وفي ذلك إشارة واضحة إلى أنه لا يمانع في عودتها حتى باسم بيان. ولذلك سأظل أردد أن توقف بيان لا يمت إلى الأمور الشكلية بصلة و لكنه قرار ينتظر بعض الإصلاحات بالمنبر العام، والتي لا أرى استحالتها إن أراد بكري ذلك. أعلم أن بيان من القدرة بمكان أن تسكت وتخرس الألسن التي تتناوشها ولكن ما جدوى أن تكون إنسانة في قامة بيان لها مركزها الإجتماعي والعلمي في ظل مثل هذه الظروف المشحونة بالسباب والعنف اللفظي والتجاوزات الغير مبررة..
أرجو عودة بيان بشدة ولكني أرجو قبله وبشدة أكثر أن نحترم بعضنا البعض ونتفق في حب ونختلف في حب أعمق..
| |
|
|
|
|
|
|
|