|
|
 حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
|
يوم 23/9/2007م حايكون يوم تاريخي بالنسبة لي وربما للإتحاد الإفريقي وربما يحتفل فيه الإتحاد الإفريقي تحت عنوان :
يوم الرشاوي العالمي ..
وربما يحتفل به المريخاب تحت عنوان :
سوّيناها ظااااااااااااهرة ..
تاني يا حسين يوسف وسامي عبد الوهاب ومن شايعهم ما تجو تعملوا لينا إزعاج بي جرايدكم القديمة وتلصقوها لينا هنا..
تاني مافي زول منكم يجي يقول لينا فضيحة 2 -12 وبالعودة ..
تاني ما تجو تشبكونا منشطات وممشطات ..
تاني لمن تجو تتكلموا غطوا وشوشكم من الخجل ..
ولمن تجو تتكلموا عن التحكيم الإفريقي وسوء تحكيمه إستدلوا بي مباراة المريخ والإسماعيلي ..
ولمن تجو تتكلمو عن الرشاوي وما يحدث تحت الطاولات أرجعوا لي كورة المريخ والإسماعيلي..
أمبارح خسرت حق البنزين وحق الشاي وقلت ما خسارة إنو الواحد يدفع من أجل الإستمتاع بخسارة المريخ الكنت واثق منها بنسبة 100%..
إستمخيت وإتحركت وبديت أتفرج ومن أول ربع ساعة قلت لي فردتي مصعب تراهنّي إنو الحكم حا يدّي المريخ ضربة جزاء في الشوط ده ؟؟؟
وما خيّب الحكم ظنّي ...
إستحملتها وقلت ما مشكلة الإسماعيلي الشوط التاني قادر على التعويض وفعلاً ضغط الإسماعيلي في الشوط التاني والحق يقال بهاء الدين أمبارح كان حارس عالمي وفوق العادة وخوفي لو عملوا ليهو كشف المنشطات يلقو المعلوم "اللهم إني صائم"..
لكن الحكم فطن للحكاية وطرد مدافع الإسماعيلي في مخالفة كان من المفترض في البداية أن تحسب لصالح الإسماعيلي بعد أن شدّ موسى الزومة المدافع في مخالفة واضحة لكن الحكم إحتسب المخالفة الثانية وتجاهل الأولى ..
ومن ما شفت ليكم زولنا ده طرد المدافع قلت لي مصعب صاحبي:
كوووووووووووووووووببببببببببببببح قمنا يا صاحبي الكورة دي ملامحا وضحت وماف داعي الواحد يرفع ضغطو ساي ..
والحمد لله ما تميتا ليفاجأني صديقنا حميدة بتلفون يحكي مهازل التحكيم بعدها..
قال لي يا عمر أصحابك الحكم أدّاهم "بلينتي تاني" !!!
والغريبة العجب ضيعو !!!
والأغرب الحكم عادو !!!
والأعجب العجب ضيعو تاني !!!!
الإسماعيلي لاعب بي تسعة وعاشرهم الشيطان !!!
والمريخ لاعب بي حداشر ..وثاني عشرهم الحكم !!!
قلتو لي شنو يا صهاينة ؟
حا تدو لاعبين الإسماعيلي ورود ؟؟؟
ونعم الورود والله !!!
قلتو لي حا تكرموا وفادتهم وتروهم السودانيين طيبين كيف؟؟؟
والله ما قصرتو !!!
بالله عليكم أسة المصريين حا يكونوا راضين أكتر بعد كورة الأهلي ولا بعد كورة الإسماعيلي؟؟
ما قلنا ليكم إنتو ناس كضابين لاقين قروش الحكومة دي تبعزقو فيها يمين وشمال !! هو إنتو خسرانين فيها حاجة ؟؟؟
ويجيك حسين يوسف يقول ليك والي الجزيرة دفع للهلال 10 مليون من قروش المزارعين !!
قومو لفو كده ياخ جبتو لينا العصبي
|
|
 
|
|
|
|
|
| العنوان |
الكاتب |
Date |
| حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | عمر الفاروق | 09-24-07, 07:32 AM |
 Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | سامى عبد الوهاب مكى | 09-24-07, 07:45 AM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | abas | 09-24-07, 07:47 AM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | abas | 09-24-07, 07:55 AM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | نيازي عبدالله مرحوم احمد | 09-24-07, 08:04 AM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | ود المايقوما | 09-24-07, 08:23 AM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | الخير محمد عوض | 09-24-07, 08:29 AM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | sheba | 09-24-07, 09:05 AM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | هجو الأقرع | 09-24-07, 11:14 AM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | سامى عبد الوهاب مكى | 09-24-07, 11:17 AM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | وليد محمد المبارك | 09-24-07, 11:28 AM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | gamal elsadig | 09-24-07, 11:55 AM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | saif massad ali | 09-24-07, 12:16 PM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | hatim ibrahim | 09-24-07, 03:03 PM |
 Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | altahir_2 | 09-24-07, 03:18 PM |
 Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | altahir_2 | 09-24-07, 03:26 PM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | KOSTA | 09-24-07, 04:02 PM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | Mohamed Abdelmotalib Hassan | 09-24-07, 05:32 PM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | Moawia Mohammed | 09-24-07, 09:21 PM |
| Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال.. | حسين يوسف احمد | 09-25-07, 11:59 AM |
|
| |
عمر الفاروق
فيس بوك
تويتر
انستقرام
يوتيوب
بنتيريست