|
عافيه منك وراضه عنك سو رضايا ومابخيب الرضا والدتو يا جنايــا
|
الاخوات والاخوة الاعزاء رمضان كريم وببركة هذا الشهر الكريم أسال الله أن يدخل جميع الأمهات جنات عدن مع الأنبياء والصديقين والشهداء.
عافية منك وراضية عنك سو رضايا كلمات: علاء الدين عبدالرحيم غناء: عبد الرحيم أرقي
عافيه منك وراضية عنك سو رضايا وما بخيب الرضا والدتو يا جنايــا ****** أنت من يادوب صغير من زمان دايما معايا انت ديمه امامى ساير ما بخليك بى قفايا مابتغيب من عينى لحظه ولا حصل سبتك ورايا لا من الله يشيل امانتو انا ببقى خاصاك بالرعاية ****** لى يرعاك البيرعى لي بيك يبرد حشايا أصلك انت هديه منو والله بيك أجزل عطايا جيتنى واحد مالو تانى رحمه فى اخر صبايا قبل ماافقد قدرتى وقبل ماتنهار قوايا جيتنى زى بدرا منور وفجأة طليت فى سمايا ****** أنت لما خلاص كبرت داير تسيبنى اعيش برايا داير تفارقنى وتهاجر والحزن يصبح جزايا كيف يهون لك تحزن أمك شان تحقق ليك غايا كان مسافر عشان علاجى بلقى فى شوفتك دوايا وكان عشان تسقينا مالك نحن بى حنك روايا كان عشان كرعينا راحل نحن بى بعدك حفايا كان مهاجر عشان تعرس خير أبوك مالى التكايا وخيرو وافر ابوك يحمدو مراحو مليان بالسعايا وبالقروش الجيب مجكن ولسع برضو الجايا جايا ****** برضو منك ما بقصر بحفر أديك المعايا كان ده كلو كمان شوي بتلقى فى دهبى الكفايه اصلى من سويتو ناذره يبقى لى ايام قسايا خاتا للزمن البعاند لى سعاتك يا عشايا أنت من شبيت صغير راسي ما بتحتاج وصايا ما حصل خيبتا ظني ولا فشل فيك زين غنايا لاتسيب أمك تهاجر يمه محتاجي الحمايا ****** لاتسيبنى وراك ترحل انت ياك ضلى وضرايا أنت فوق الحوبة مقنع انت للمكشوف غطايا دايري منك تبقى جنبي . جنبي فى فرحى وفى بلايا دايري كان قحيت اتبنك ارفع اقسملك غتايا أنت ساعة تبقي جنبي تبقي ضلي وتوب قفايا وما بخاف ظلم الليالي وأنت ياك عكاز عمايا ****** دايري أقضى عميري جنبك أصلو قارب للنهايا خايفي كان سافرتا ترجع تلقي فاضي البيت بلايا حينا ما بتنفع قروشك وما تجيب لك أم سوايا ماني عارفي سبب رحيلك يا وليدي شنو الحكاية الا تبقي براك شايف في فراق الوالدة غايه ما بعاتبك وما بلومك لو رحلت بلقي في الأمثال عذايا علي حجر دايما قليبك وقليبي كله عليك جنايا ***
عافية منك وراضية عنك
(عدل بواسطة Dr. Faisal Mohamed on 09-16-2007, 01:00 AM)
|
|
![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 09-15-07, 11:04 PM |
Re: عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 09-15-07, 11:10 PM |
Re: عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 09-15-07, 11:22 PM |
Re: عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 09-16-07, 00:16 AM |
Re: عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 09-16-07, 00:32 AM |
Re: عافيه منك وراضه عنك سو رضايا ومابخيب الرضا والدتو يا جنايــا | Tragie Mustafa | 09-16-07, 00:37 AM |
Re: عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 09-16-07, 00:54 AM |
Re: عافيه منك وراضه عنك سو رضايا ومابخيب الرضا والدتو يا جنايــا | سلمى الشيخ سلامة | 09-16-07, 03:44 AM |
Re: عافيه منك وراضه عنك سو رضايا ومابخيب الرضا والدتو يا جنايــا | يسرى معتصم | 09-16-07, 04:43 AM |
Re: عافيه منك وراضه عنك سو رضايا ومابخيب الرضا والدتو يا جنايــا | يسرى معتصم | 09-16-07, 04:58 AM |
Re: عافيه منك وراضه عنك سو رضايا ومابخيب الرضا والدتو يا جنايــا | انور الطيب | 09-16-07, 02:03 PM |
Re: عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 09-16-07, 08:38 PM |
Re: عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 09-16-07, 08:31 PM |
Re: عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 09-16-07, 09:19 PM |
Re: عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 09-17-07, 02:02 AM |
Re: عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 09-17-07, 02:09 AM |
Re: عافيه منك وراضه عنك سو رضايا ومابخيب الرضا والدتو يا جنايــا | Dr. Faisal Mohamed | 10-11-07, 07:31 PM |
|
|
|