|
ورد الى مسامعنا اليوم عن الاضحيه ،،،،،
|
اليوم واثناء مروري المعتاد على قنواتنا الفضائية ،،
وقفت عند برنامج فى النيل الازرق اسمه فتواي ،،
مستضيفين فيه البروفيسير التجانى ( باقى الاسم ما عارفه ) رئيس
لجنة الافتاء الشرعى ،،،
اها الزول دا قال ياخوانا ،،، المرض دا بتسببه باعوضة ما موجوده عندنا فى السودان
الباعوض العندنا بسبب الملاريا ،، غير كدا المرض بظهر فى الخرفان او الانعام بصورة
عامة من 3 الى 6 ايام ،،
وفى علامات بارزه فى الحيوان بتظهر انه هل هو مصاب ولا ما مصاب وهى ،،
1/ قال ليك بكون صوف البهيمة منفوش ،، يعنى قائم كدا ،،زي الضارباها كهرباء (دي منى) 2/ بفرز مواد من الانف والفم ذات رائحة كريهه مصاحب بى افرازات دمويه،،، 3/ يصاب بى اسهال حاد مصاحب بى افرازات دمويه ،،،
اي واحد شاف فى بهيمته الاعراض دي يبلغ عنها مباشره ،، غير كدا عملو
حظائر ممكن الناس تمشى تشتري منها الخرفان ،، لانها تحت عنايه بيطرية سليمة
اها العايز يشتري ساكت من بره يخلى البهيمة عنده لمده 6 يوم قبل العيد طبعا ،،
لو ظهرت عليها الاعراض دي تكون مصابه ،،،
اما المرارة والحاجات دي انسوها ،، خليكم فى اللحم النجيض البدخل النار ،، :lol:
اها يا شباب دا ملخص بسيط على حسب ما اذكر ،،، :roll:
وقال ايضا انه كلامة دا ما بخص الضحيه بس هو بتكلم عن الزبائح عموما ،،
احتمال واحد الايامات دي عنده سمايه ،، :lol: :wink:
اذا فى واحد حضر البرنامج ولقانى اوردته معلومة خطاء ،، بتاسف جدا ،، الزاكره تعبانه ،، ops:
|
|
|
|
|
|
|
|
Re: ورد الى مسامعنا اليوم عن الاضحيه ،،،،، (Re: ودالعباسية)
|
درب السلامة للحول قريب
يا أخوانا ما قلمنا ليكم الضحية السنة دي أنسوها وعليكم بالكعك والحلاوة...
ناس فتاوي وقطيعنا الوطني ديل قطع شك عندهم بهايم للبيع وبيسوقوا ليها....
أبوي بيضحى لأكثر من 60 سنة وخروفه دايماً ماهو هين وأحياناً يسافر لكردفان خصيصاً لشراء الضحية!!!
السنة دي أقنعته بأن ينسى موضوع الخروف والحمد لله حتى الآن مقتنع والله يستر ما يغي ر رأيه بعد ده...
أنا شخصياً سكو....
الشايقي
| |
|
|
|
|
|
|
Re: ورد الى مسامعنا اليوم عن الاضحيه ،،،،، (Re: ودالعباسية)
|
ابن الاخت العزيزه..ود العباسيه
كل عام وانت بخير.. قلنا للاهل..اقعوا البحر..شوفوا اضخم بلطايه.ويلا..على الصاج..والزيت السخن...
البهائم فيها قولان..والكلام نى..,ما نجيض.ابدا.. خليك من بروفسير.ومن التيجانى..وتشريعاته ...
اختوا اللحم... سمك...وبس..وحمام النيل ..احسن...!! كل الاعزاز
| |
|
|
|
|
|
|
Re: ورد الى مسامعنا اليوم عن الاضحيه ،،،،، (Re: عصمت العالم)
|
عزيزي زد الباوقة
أليس من حق أهل الشأن تقديم فتوى بهذا الخصوص
لماذا يتدخل الاخرون فى ما لايعنيهم
عموما أهلنا ماشين بالبركة من ربنا خلق السودان وناسو
لا سياسة رشيدة ولا فتاوى تبل الريق
__ زمان المفتيين ديل مابنسمع بيهم إلا لما يكون فى إعدام أو تحديد بداية رمضان والاعياد وبس
هسع بقو يتكلموا فى كل شيئ
| |
|
|
|
|
|
|
|