|
مبروك يا هلالاب .. ولكن فليذهب طمبل غير مأسوف عليه فقد أضاع على الزعيم فوزاً تأريخياً!
|
نبارك للإخوة الهلالاب فوز فريقهم بالدوري الممتاز للمرة الخامسة على التوالي وهو انجاز كبير يستحقون عليه التهنئة والاحترام ..
لكن بالعودة لمباراة الديربي نجد أن المباراة كانت في متناول المريخ تماماً الا أن رعونة ورواشة هذا اللاعب المتلاعب الذي يدعى هيثم طمبل أضاعت نصراً كبيراً وتاريخياً على المريخ .. ولا ادري ما سبب اصرار مازدا على الزج به وابقاء عبد الحميد السعودي في دكة الاحتياطي ..
وبالله عليكم جميعاً مريخاب وهلالاب ماذا كان سيفعل عبد الحميد السعودي بمعكوسة باولينو بعد هدف العجب و التي تعامل معها هيثم بكل استهتار وعدم مسؤولية وربما هذه امكانياته .. ولا نطالبه باكثر منها . لكن نحن غير ملزمون وغير مضطرون بالبقاء عليه في وجود شباب صغار السن وفي مستوى عالي أمثال عبد الحميد السعودي وجيمي ناتالي ..
والمصيبة الكبرى أن هيثم طمبل هو لاعب المقدمة في منتخبنا الوطني الذي سيلعب ثلاث مباريات غاية في الصعوبة امام عتاة فرق افريقيا ومنها فريقين هما من اميز فرق افريقيا وهما مصر والكاميرون .. ولا تقل زامبيا عنهما كثيراً لكنها تتفوق علينا بمراحل .. فاذا كان مازدا سيصر على الدفع بهيثم طمبل كمهاجم أول في المنتخب فلا اطن اننا سنزور شباك اي من المنتخبات الثلاث .
فأرحمونا من هيثم وارحمونا قبله من مازدا في المريخ والمنتخب معاً .
اكرر المباركة للهلال وجمهوره .. وحظ أوفر للزعيم في قادم المنافسات .. ونرجو رد الاعتبار والمحافظة على كأس السودان.
|
|
|
|
|
|
|
|
Re: مبروك يا هلالاب .. ولكن فليذهب طمبل غير مأسوف عليه فقد أضاع على الزعيم فوزاً تأريخياً! (Re: امير عوض الجمري)
|
ابوقصي يا حبيب هاردلك
Quote: أخي الأمير أمير هاردلك للنتيجة هكذا كرة القدم هي فرص والهلال أستقل الفرص والمريخ أضاع الفرص .
مبروووك الهلال هاردلك المريخ. |
هيثم هو الاضاع فرصة الفوز التاريخي للمريخ .. والهلال لم يجد فرصاً اصلاً فأهدافه الثلاثة الأول تسديدة من خارج منطقة الجزاء ولو لم تلج الشاك لما اعتبرت فرصة ضائعة والثاني من ضربة جزاء لا داعي لها الا ان خبرة سعيد السعودي لم تسعفه للتعامل مع سيف مساوي يمكن اعتبار الثالث فرصة بالنسبة لمهند الطاهر الذي وجد الشباك خالية00
لكن ماذا تقول عن فرص هذا الأرعن هيثم طمبل !!!!!!!!!!!!
| |
|
|
|
|
|
|
Re: مبروك يا هلالاب .. ولكن فليذهب طمبل غير مأسوف عليه فقد أضاع على الزعيم فوزاً تأريخياً! (Re: امير عوض الجمري)
|
يا امير
يعني اتكلم عن الاتنين وقال كلاهما سيئ
ولكن من النتيجة
نجد الهلال سيئ والمريخ الاسوأ
والعبرة بالراية الرزقاء التي نصبها ريتشارد على منصتكم الحمراء
يا امير
انت امير
مكانك ليس مع الرعية
مكانك معنا نحن امراء وملوك وسلاطين القبيلة الزرقاء
تخريمة :
نحن بنعمل في قائمة فك تسجيلات للمشجعين الراقين امثالك والذين نعتز برجوعهم لقبيلتنا مرة اخرى (اصلوا كل المريخاب هم هلالاب زعلانين)
واوعدك بنخت اسمك مع القائمة الاولي ونضمك لينا زي ما ضموك ناس الصحافة قبل الامتداد
مرحب بك يا امير وسيبك من وجع الوصيف بالجوز خلال اسبوع واحد
| |
|
|
|
|
|
|
Re: مبروك يا هلالاب .. ولكن فليذهب طمبل غير مأسوف عليه فقد أضاع على الزعيم فوزاً تأريخياً! (Re: ALGARADABI)
|
Quote: نبارك للإخوة الهلالاب فوز فريقهم بالدوري الممتاز للمرة الخامسة على التوالي وهو انجاز كبير يستحقون عليه التهنئة والاحترام ..لكن بالعودة لمباراة الديربي نجد أن المباراة كانت في متناول المريخ تماماً الا أن رعونة ورواشة هذا اللاعب المتلاعب الذي يدعى هيثم طمبل أضاعت نصراً كبيراً وتاريخياً على المريخ .. ولا ادري ما سبب اصرار مازدا على الزج به وابقاء عبد الحميد السعودي في دكة الاحتياطي .. |
.. طيب يا امير بتبارك بي صوت ضعيف كدا مالك .. ما تعلي صوتك شوية عشان نسمع .. يعني حسع الواحد لو عايز يجي يبارك ليكم .. ويجيب معاهو حلاوة إن شاء الله ابو بقرة، يعني ينتظر عشان يبارك ليكم بعد ستة سنوات ..؟ يعني حسع انا انتظر خمسة سنوات عشان .. ( تحببو ) الرش بتاعكم دا .. وبعدين نلعب مباراة فاصلة وتقولو كدا وتشيلو الكاس .. ومن استادنا .. لاحظ من استادنا دي عامله كيف .. ويقومو العجــب وهيثم طمبل ديل يجيبو ليهم ( سقالات ) يا ( ونشيين ) علشان يطلعو في العراضة ويرفعو الكاس والله يا امير عايز نصيحة اخوك ..؟ المسالة دي بعيدة خلاص .. بعيدة عديل كدا.
عندي افتراح إنو نجمع من كل مريخابي نهاية كل موسم .. قروش .. ونعمل ليكم بيها دورة رباعية .. نجيبكم انتو والأمل عطبرة ومريخ بورسودان .. وجزيرة الفيل .. وكان شلتو الكاس يا امير ... نقوم نشخط ليكم في الحيطة .. نقول كدا واحد .. والسنة البعيدها برضو نشخط ليكم في الحيطة .. نقول كدا اتنين . وهكذا دواليك .. المباراة الخامسة بتاعت السنة الأخيرة .. نديكم الكاس فنجرية ساكت مننا.. يا امير .. قلت لي هيثم طمبل يجيب قونين في الهلال ..؟ بلاي حسع . لو ما الحركة بتاعت المعز العملة دي .. دا قون بخش ..؟ ياعمي هيثم طمبل دا الحاجة الوحيدة البيعرف ليها .. كان بيعرف يجيب قون في المريخ .. بعد ما استهلك وضل الطريق .. بقى يجليها ثابتة ..
ما قلت لي .. ناس الاي سي ميلان جايين متين ..
| |
|
|
|
|
|
|
Re: مبروك يا هلالاب .. ولكن فليذهب طمبل غير مأسوف عليه فقد أضاع على الزعيم فوزاً تأريخياً! (Re: عامر تيتاوى)
|
Quote: فأرحمونا من هيثم وارحمونا قبله من مازدا في المريخ والمنتخب معاً |
.
قال العقلاء عندما سجل المريخ طمبل فيما كانت تسمي بصفقة العمر أن هيثم لن يفيد المريخ....
لا أود التذكير بما كتبه اعلام المريخ عن طمبلكو ..فدونك ارشيف صحف المريخ منذ تسجيله وحتي الان
أما كان من الافيد من ضياع المليارات الوقوف ودراسة الموضوع بتأني...ولكن ...
يحاول المرييخ تكرار نفس السناريو مع عمر بخيت...هل سيرتفع صوت العقل ولا:
نحن بننفخ في قربة مقدودة
| |
|
|
|
|
|
|
|