|
|
 المريخ يدرش الدراويش بهدف مع الرأفة ويتوجه نحو النهائي بثبات
|
نبارك لكل الصفوة فوز المريخ العظيم على الاسماعيلي المصري بهدف النيجيري إيداهور في مباراة شهدت أحداث كثيرة كان بإمكان المريخ أن يضاعف النتيجة لولا تألق حارس حارس الاسماعيلي محمد صبحي.
وشهدت المباراة سوء سلوك كبير من لاعبي الاسماعيلي أدى إلى طرد لاعبين ونيل آخرين إنذارات ومحاولات متكررة من الجهاز الإداري والفني للاسماعيلي للاعتداء على الحكم.
وبين الشوطين طالب مراقب المباراة بتوفير قوات أمنية لحماية الحكم عند محاولة أي تدخل من الجانب المصري وكذلك عقب المباراة.
ألف مبروك مرة أخرى وعقبال التأهل الرسمي من نيجيريا الفأل الحسن على المريخ دوماً
|
|
 
|
|
|
|
|
|
|
 Re: المريخ يدرش الدراويش بهدف مع الرأفة ويتوجه نحو النهائي بثبات (Re: waw)
|
نعم يا واو
التحية للوالي الغالي ولنهتف جميعاً ستيم تفاح يا الوالي تيمك صاح.
والتحية لمجلس الشورى المريخي وللمدرب والخبير الكروي المونديالي أتوفيستر، وللقائد فيصل عجب ولكل لاعبي المريخ وجهازه الفني.
افتقدنا اليوم بشدة الساحر باولينو والمهاجم القناص هيثم طمبل، وبوجودهم يكون للمريخ أيضا شكل آخر ونكهة أخرى.
ألف مبروك لكم الفوز
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Rakoba)
|
راكوبة
انت بي صحك
ياتو سوء سلوك
لو ما الحكم الكورة تعادل
ولو ما بهاء الدين انت عارف الباقي
اللاعبين المطرودين خرجو من الملعب بمنتهى التهذيب ولم ينتظروا الكرت الاحمر الحكم صفر انذار ثاني طوالي خرجو
بالنسبة للعتراض على الحكم على الظلم ده والله لو انت جوه الميدان كان برضوا اعترضت بالطريقة دي
ولعلمك الاسماعيلي كان منسحب لكن طه بصري كمدرب كبير وعريق وخبير طلب من لاعبيه الرجوع للملعب وما كان من اللاعبين الا تنفيذ امر المدرب
وانت نسيت زيكو لمن شال الكورة والمريخ مهزوم بهدفين من الهلال ايام التوالي منو القدر من ناس المريخ يقول ليهو رجع الكورة او ارجع والعب الكورة
كلكم سكتوا ساكت وقلتوا الحمد الله عشان ما تبقى اربعة
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: جمال السنوسي)
|
الأخ جمال
في مشاهد لم تراها حدثت بين الشوطين، أما عن بهاء الدين فهو لاعب في المريخ وواجبه داخل الملعب هو منع الاهداف وهو ما أجاده اليوم، والبطاقات الحمراء التي نالها لاعبو الاسماعيلي كلها صحيحة وسط لعب غير شريف ومحاولة إصابة المنافس بطريقة غير رياضية.
والحمد لله أزاح المريخ فريق عنيد في طريقه نحو المجد، وهـو حامل لواء الكرة السودانية الأوحد حتى الآن في المنافسات الأفريقيـة.
وأيضا لولا توفيق محمد صبحي حارس الاسماعيلي لفاز المريخ بنتيجة عريضة لا تقل عن رباعية كوارا أو سداسية دولفين النيجيري.
مبروك لك فوز المريخ وعقبال ما نشاهد كأس الكونفيدرالية في الردكاسل.
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: جمال السنوسي)
|
راكوبة
اولا مبروك جدا كمان ، لكن
لاول مره -منذ بداية البطولة الفدرالية - المريخ بهذا الشكل ، ضعيف علي كافة الاصعدة ، خاصة الشوط الثاني ، وحتي الآن لا ادري لماذا تراجع المريخ للدفاع ، رغم ان الاسماعيل فريق عاااادي جدا ، وكانت النيجة من المفترض اكثر من سته ، لكن ...
ثانيا ، ضربة الجزاء غير صحيحة بالمرة ، الاعمي لن يحتسبها ، اغايتو الحكم بالغ ، لكن في النهاية بنقول (زاوية الرؤية ) ربما ...
ثالثا ، اعادة ضربة الجزاء خطأ ايضا ، فلاعب المريخ دخل الملعب ايضا ،(وصراحة لا ادري حكم القانون في حالة دخول لاعب من كل فريق لمنطقة خط 18 قبل اللعبة)
رابعا ، حالتي الطرد صحيحات مائة بالمائة، ولعل هنا نلاحظ ان اللاعب السوداني ترك النرفزة من غير داعي ...
المريخ تأهل للنهائي ، حسابيا ليس بعد ، لكن منطقيا مبروك المباراة النهائية ، وعقبال الكأس المحمول جوا (الثاني
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: رقم صفر)
|
مبروك يا رقم صفر انتصار الزعيم واللعب في رمضان له مساوئه أيضاً خاصة عدم تعود لاعبينا على اللعب في رمضان، إضافة فقدان المريخ لمجهودات المحترف البرازيلي " باولينو" والمهاجم طمبل، والبرمجة الضاغطة التي أثرت على أداء لاعبي المريخ.
وملاحظتك عن برود اللاعب السوداني نود أن نشير هنا إلى مجهودات الجهاز الإداري والفني للمريخ ، هم من قاموا بتنبيه اللاعبين إلى حيلة المصريين القديمة في نرفزة الخصم للتأثير على مستواه داخل أرض الملعب، وبين الشوطين حصلت عركة مفتعلة من لاعب مصري قوبلت ببرود تام من إداريي المريخ ولاعبيه حتى كان ن يفقد اللاعب المصري صوابه!
احترافية كبيرة رأيناها في تعامل اللاعبين مع الحكم والخصم ونقطة إيجابية تحسب للجهاز الفني والإداري.
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: رقم صفر)
|
راكوبة
خميتني خم وما رديت علي ليه ما عارف
وبعدين زمن المباراة في القانون 90 دقيقة داخل الملعب
ازل مرة زول يحسب لينا الهاف تايم من ضمن زمن المباراة
خلينا نكون شجعان ونقول الحقيقة
قارن بس بين اعتراض زيكو واعتراض لاعبي الاسماعيلي
وشوف انفعال زيدان الذي تسبب في خسارة كاس العالم
الظلم الظلم الظلم الظلم الظلم عـــيــــــــــب
قولوا الحقيقة لانفسكم قبل ان تقولوها لنا
خليكم شجعان شوية وقول يا راكوبة ضربة الجزاء ظالمة والحكم جامل المريخ كثيرا
وشكرا
جمال
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: جمال السنوسي)
|
استاذنا جمال
تقول لي زيكو شال الكورة وطلع؟ " يوسف عبد العزيز" كابتن الهلال في 1984 أنهى كورة الهلال والأهلي الخرطومي بي عكاز بعدما احتسب الحكم ركلة جزاء للأهلي، مما حدا بالاتحاد العام إيقاف الهلال لعام ونصف لسوء السلوك، ولولا تدخل المريخ والأندية الخرطومية الأخرى لكان الهلال مجمداً حتى الآن.
حتى أخطاء التحكيم جزء أصيل من كرة القدم، وهي يوماً عليك ويوماً معك، لا نظلم المريخ فقد أدى وكان الأجدر والأقرب لنقاط المباراة، فركلة الجزاء احتسبها الحكم وكررها لاعبو الاسماعيلي مرة أخرى ، وأضافوا عليها سوء سلوك وبطاقتين حمراويتين كللوا بهما مظهرهم السيء في هذه المباراة.
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Rakoba)
|
راكوبة
لحدي دلوقت انت ما رديت علي
انا وانت وكلنا شفنا المباراة وشفنا النتيجة
انا عايز رأيك انت في ما حدث
انا لا ابحث عن تبريرات
انا عايز راكوبة يقول لي رأيه الشخصي في ضربة الجزاء
والتحكيم
يا ريتك شفت كيف كانت مباراة الاهلي والاتحاد الليبي وتشوف التحكيم وعناق اللاعبين والالعاب النارية الاحتفالية بعد نهاية المباراة
ولسه انا وراك عشان ترد
تخريمة :
ليس هناك مبرر لسوء السلوك من زيكو او غيره
ولكن لاعبي الاسماعيلي مظلومين ومنفعليت وكملوا المباراة بامر مدربهم طه بصري
ودي محسوبة لصالحهم وليس ضدهم لانهم كانوا حيدخلو البطولة دي في خبر كان
ومبروك لكم بس جاوب لينا
جمال
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: جمال السنوسي)
|
الأخ جمال
ركلة الجزاء أمر فني بحت قرره قاضي الجولة، فما ذنب المريخ إذا احتسب له الحكم ركلة جزاء، هل كان من الممكن أن يمتنع لاعبو المريخ عن تنفيذ الركلة أو إهدارها متعمدين؟
كما أسلفت هذه القرارات وغيرها جزء أصيل من كرة القدم، ودونها لا تصبح كرة القدم اللعبة التي نعشق والتي نسميها بالمجنونة.
رأيي ان هناك احتكاك بين اللاعب المدافع والعجب وبعد الدفع رفع اللاعب يديه إلى أعلى ليبين للحكم بأنه لم يلمس العجب نهائياً، مع أن العجب قد اخترقهم عنوة واقتداراً في طريقه نحو المرمى، والكل يعرف أن العجب ليس باللاعب السهل وقوعه على الأرض.
| |
|
|
|
|
|
|
|
|
 Re: المريخ يدرش الدراويش بهدف مع الرأفة ويتوجه نحو النهائي بثبات (Re: Rakoba)
|
انا هلالى على السكين
واقول مبروك للمريخ الفوز الصعب
على الدراويش وقد تجرعنا ذات الكاس فى
مباراةالهلال الاخيرة خاصة فى الشوط الاول
ولم نكن نتمناها للمريخ ولكن اتمنى من المريخاب
ان يعرفوا ان الكورة مدورة وقد مروا بنفس الظرف
فلا داعى للمداخلات غير اللائقة من المريخاب او الهلالاب
لنجعل الاكف ببركة هذا الشهر الفضيل تدعوا بالنصر
للهلال والمريخ والسودان بالفوز المؤزر
يلا قولوا آميـــــــــــــــــــــن يا رب العالمين
ضياء الدين ميرغنى
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: altahir_2)
|
راكوبة
هى البطولة الكنفدرالية اتت طائعة مختالة لديارها الحمراء فى الردكاسل..
اقول مبروك تاهلنا للنهائى باعتبار ان مباراتنا القادمة مع دولفين لن تفقدنا الصدارة الا اذا فاز علينا دولفين باكثر من ستة اهداف و هى مهمة مستحيلة لدولفين .
يتبقى ان نعد العدة منذ الآن لانهاء امر البطولة بالردكاسل ضد الصفاقصى التونسى و هى المهمة الاصعب و لكن ثقتنا فى الجهاز الفنى المقتدر للمريخ و فى اللاعبين الذين اثبتوا فى مباراة اليوم احترافية عالية فى الاداء و الاخلاق .... و لعمرى ان فيصل العجب اثبت اليوم انه لاعب احترافى من الطراز الاول بالرغم من تضييعه لضربتى جزاء الا ان ذلك لا ينقص من انه هو المتسبب فى تاهل المريخ للنهائى من خلال استخدامه لمهارته العالية فى المراوغة و التى تسبب منها ضربة الجزاء التى احرز منها ايداهور الهدف القاتل للمريخ .
ليكن تركيزنا منذ الآن على مبارة الصفاقصى التونسى فى ام درمان لانها فى نظرى هى المباراة المهمة و التى بواستطها يستطيع المريخ ان يحسم امر الكأس قبل وصوله الى تونس .
تبريكاتى .... و مليون تهانئ للمريخ الكونفيدرالى .
و التهنئة موصولة لمجلس الادارة و اللاعبين ... و لجمهور المريخ الصفوى العريق...
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: KOSTA)
|
كوستا الحبيب
اليوم تفوق مازيمبي على صن داونز الجنوب أفريقي وأصبح نقاطه 9 نقاط خلف الصفاقصي المتصدر ب10 نقاط، وباقي مباراة لكل فريق إذا تعثر الصفاقسي بالتعادل أو الخسارة وفاز مازيمبي سوف يكون هو المتأهل.
واليوم أيضا تقدم الرهيب موبوتو برصيده في الأهداف إلى 8 اهداف في صدارة هدافي المنافسة وهو للمفارقة حتى الآن هداف دوري الأبطال برصيد 9 اهداف وربنا يسهل.
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Rakoba)
|
.
ألف مبروك يا راكوبة
ولكل الهلالاب الزعلانين ( مشجعي المربخ )
انا غايتو ما شفت الكورة
بس في واحد صاحبي ( محايد ) هاتفني من السودان وقال لي صراحة الجماعة عملوها ( ظاهرة ) شديد 
وأردف قائلا : بقينا أكعب من المصريين ذاتهم هاهاها ..
يا سيدي النقاط الثلاث في جيبكم .. مبروك ليكم
بس عاوز أعرف : هل ( ضمن ) المريخ التأهل للمباراة النهائية ؟؟
ده سؤال جادي والله ..
.
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Rakoba)
|
.
راكووووووووووووبة
هاهاهاهاهاهاهاهاهاهاهاهاهاهاهاهاهاهاهاها
والله لي خمس دقائق في حالة ضحك متواصل
شفت قبل شوية في اخبار الفضائية السودانية لقطات من المباراة
وشفت ضربة الجزاء هاهاهاها
مبااااااااااااااااااااااااااااااااااالغة
هاهاهاهاها
الله يعلم الليلة تقدروا تنوموا مرتاحو الضمير ..
معقولة وصلنا للدرجة دي ؟؟؟
مبروك انتصار جمال الوالي
.
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Elmosley)
|
ردك يا راكوبه كالآتي :
المريخ لعب كرة قدم وما حدث من سوء تقديرات للحكم طالت ايضا المريخ وركلتي الجزاء والطردين صحيحين مائة بالمائة
العنوان يا راكوبة كرة قدم
ومباراة كرة القدم تتكون من فريقين بشعارهم وميدان وحكام عادلين
انا متاكد انه كله كان موجود الا التحكيم العادل وهو اهم حاجة في ترجيح كفة الفائز
فلذلك لا اعتبر ان هذه مباراة كرة قدم على الاطلاق
سميها اي حاجة تانية
اذا انت مقتنع انه ضربة الجزاء الاولى صحيحة اتركك لضميرك فقط
فنحن قوم لا نخاف قول الحق لو حتى على انفسنا
استذنا الموصلي كتب :
يا اخوانا جمال السنوسي صديقنا العزيز
بردو ليهو بطنو
قولو ليهو المريخ كعب ومفروض ياخد سته
انا ما قلت كده ولا طالب كده انا بقول الكورة انتهت والمريخ فاز خلاص بس حقوا نقول الحقيقة لانه كلامنا ما بيغير في النتيجة حاجة بس كنا نتوقع من مريخاب البورد ديل يقولوا الحقيقة انه الحكم جامل المريخ وده حسب كلام مذيع المباراة الغير سوداني وقال هو مسئول عن كلامه انه الحكم ضيع مجهود عام كامل لفريق الاسماعيلي
غايتو انا في محل الاسماعيلي بنسحب طوالي من المباراة وبلطش الحكم لانه كده كده خربانة وقبل كده ناس جورماهيا الكيني ضربوا حكمنا السوداني المرحوم حسن عبد الحفيظ عشان حسب بنلتي للزمالك في القاهرة ظلما لصالح اللاعب طارق يحيى وقتها وعوقب فريق قورماهيا وابعد كذا عام من البطولات الافريقية وقصدي انا من انسحاب الاسماعيلي مش المريخ او الحكم قصدي هو مسئولي الاتحاد الافريقي عشان يتعلموا من اخطائهم ويعينوا حكام عادلين من بلاد لها تاريخ كروي معروف مش ناس (بتسوانا ) ديل لو لعبو في الليق معانا بنغلبهم
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: ABDELMAGID ABDELMAGID)
|
استاذنا الموصلي
نحن ما قلنا نخسر وكده
نحن قلنا التحاد الافريقي يتولى مسئولياته بطريقة احسن من كده عشان يطور الكورة في افريقيا وتقدر الفرق الافريقية تنافس على المراكز الاولى في كاس العالم وتحرز كاس العالم كمان
لكن بالطريقة دي انا اكسب في بلدي بالتحكيم وغيري يكسب بالتحكيم ويضيع التنافس الشريف
نحن لو حكام الكورة في افريقيا بقوا زي ساسة افريقيا
منه العوض وعليه العوض
تخريمه :
باله شوف فريق فرنسا ده ما معظمه من افريقيا كيف قدر يحرز كاس العالم
نحن عايزين في الاول الاعتراف بوجود اخطاء لكي نعالجها وننجح في المستقبل
وبعدين ما تفوت عليكم يعني الاداكم الليلة مع الاسماعيلي ممكن يدي غيركم في النهائي
وتقعدوا تبكوا وتلعنوا التحكيم في افريقيا
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: جمال السنوسي)
|
Quote: وبعدين ما تفوت عليكم يعني الاداكم الليلة مع الاسماعيلي ممكن يدي غيركم في النهائي
وتقعدوا تبكوا وتلعنوا التحكيم في افريقيا |
البنالتي صحيح ميه الميه
شفتو في يو تيوب عشرين مره
واضح ان اليد اليمني لمدافع الاسماعيلي علي شمال
دفعت (دفرت) فيصل العجب الي الامام
انا مقتنع غايتو
ونتمني نحتفل فوز كل من الهلال والمريخ بالبطولتين
يلا ايدك معانا
عشان (خاتر) السودان الحبيب
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Rakoba)
|
| Quote: وضربة الجزاء صحيحة 100 بالمية ولو كره الكارهون |
عارف يا راكوبه ذى ماقلته ليك معا المصريين اى حاجه حلال
والناس ديل فى القاهرة عملوها فينا
واكتر حاجه بقت تعجبنى فى الحكام الافارقه( الافارقه الجد البلاك)
بقوى يقفوا معا اخوانم البلاك الزيهم...الا السنغالى داك عامل فيها ود عرب
ضربة الجزاء فيها خبرة وفيها ايضا دفع من لاعب الدراويش بس
فيصل العجب زاد ليها كمية الليمون والنشادر فقامت فارت
احب الحكام الافارقه البــلاك الحقيقين
بس انتو لسانكم طويل شوية..
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: bob)
|
شكرا يا بوب على الفيديو ...
و رمضان كريم ...
دى مش ضربة جزاء و بس ! ياخى الزول ده قلع كتف فيصل العجب
عديل كدى .... و دى طريقه معروفه و قديمه عند اولاد بمبا ، و هى
استعمال ال ELBOW و دى عقوبتا فى الكورة و NBA الطرد ( EJECTION )
و هذا هو مصيرهم المصريين عندمايصطدمون بتحكيم صارم لا تفوت عليه
ألاعيبهم و مكرهم فيكثرون من العويل و الصراخ و التظلم ...
و يبدو أن الكثيرين يقعون تحت تأثير اعلام شبكة ART و التى يسيطر عليها
المصريون من الألف للياء فلا يرون الأشياء الا من خلال منظار مصرى
داكن فى العتمة ...
و فوق فوق مريخنا فوق ....
عبدالماجد
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Rakoba)
|
الف مبروك ياراكوبة
أخبارك دايما تفرح....... صدقني الكاس قريب شديد.
شكرا بوب علي الفيديو الجميل.
البلنتي ده الا الزول يقتلوهو وينطو فيهو جوز ودمو يسيل ولا شنو؟؟ الزول ده من أول ما الملك فيصل وصل قصادو رفع ساعده اليمين وختاها علي الملك ومعاها دفرة واضحة أثرت في توازن الملك فيصل , الصورة ممكن تكون أوضح لو اللقطة كانت من الزاوية الفيها لاعب الاسماعيلية... لكن لي زول دق الكفر قبل كده ده بلنتي و معاه كرت كمان.
الهدية التحت دي لي ناس النقة والحاقدين:
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Rakoba)
|
ياراكوبه لك حق ان تنتشي فى ليلة رمضانية رائعة مثل هذه لكن ياخي معقوله داسي اغلي هدف للمريخ حتي الان و لم تضعه لمشاهدي حوش بكري .... المفروض تجيب الكوره كلها للناس هنا شان يشوفوها.اشهد الله ما شفت فى حياتي مباراة مصريين مع سودانيين مطرود فيها ٢ مصريين  و ٢ ضربات جزاء لكن عجبني ليهم اولاد بمبه المستهبلين ديل يبكووووووووووووا بس عام ٢٠٠٧ هو عام اتعست فيه الكره السودانية الكرة المصرية و تذكر معي كم ليله نام فيها الشعب مصري مندهش للمستوي الذي وصلت له الكره السودانية.... جيب القون و اجمل لقطات المباراة للي ما شاف يشوف.
تخريمه العجب وقع التقول داير يغطس فى قناة السويس ولا بلاجات الإسماعيلية قمه الحنكه و المكر و اكلها الحكم زي الحلاوة ويل دن well done يا عجب
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Sayed Bekab)
|
قال:اليوم اولادنا فرحونا و فرحوا الشعب السودانى أجمع الا من أبّى
قلنا: و من يأبّى ؟؟؟
قال : كل حاقد على المريخ الزعيم و من تبعهم.
قلنا: و من هم ؟؟؟
قال : سيسبقهم حقدهم فيفضحوا انفسهم بانفسهم!!!!!!!
الله يشفيهم و يسترنا منهم ، اما خصومنا ففى الميدان بنعرف كيف نواسيهم .... هييييع مريخ السودان و زعيم الاحرار فجّرت غضب الشمّات ....
و ياك لهب الثورة العملاقة... ياالأحمر يا فتنة الألباب .... و الانظار.
و مبروك علينا النهائى يا جماهير المريخ ياصفوة الصفوة
و عقبال نضيف الكأس الجوى الـ............ ، ( ما عارفه رقم كم من كثرتهم!!!! )
و عين الحسود فيها عود....و البيحب النبى يصلى عليه.
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Sayed Bekab)
|
| Quote: تخريمه العجب وقع التقول داير يغطس فى قناة السويس ولا بلاجات الإسماعيلية قمه الحنكه و المكر و اكلها الحكم زي الحلاوة ويل دن well done يا عجب |
سيد بكاب
ده ما العقل الاحترافى PROFFESIONAL للقائد العجب ... و فعلآ العجب بالاضافة للدفع القوى الذى مورس عليه استخدم ذكاء خارق و لم يكن امام الحكم الا ان يحتسب ضربة الجزاء ..... لاعبينا اذكياء و فنانين نعمل شنو ؟؟؟ نعاقبهم ؟؟؟ ... و بعدين هم( الجماعة اياهم ) ما يتعلموا الحاجات الزى دى لانو تاس شمال افريقيا ديل لازم تلعب معاهم بنفس اسلحتهم التى دمرتنا سنين عددا ... بس عشان يعرفوا ان المريخ ده متقدم عليهم و سابقهم فى اى حاجة ..
راكوبة اصحى معانا !!
يا اخى المريخ ده هو واهب الفرح للسودان من زمن حفرو البحر ... و ...ما زال .
بس البيقنع ناس كاسى راح و جيت الوصيف ديل منو ( على وزن قريعتى راحت )؟؟؟
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Sayed Bekab)
|
أبوالسيد
الملك فيصل ساحر الكرة السودانية وأحد أمهر من أنجبتهم الملاعب الأفريقية وليس السودانية فحسب، بالأمس أدى عجبكو مباراة كبيرة تألق من خلالها في الوسط والدفاع والهجوم، وظللنا نسمع هتافات مساعد مدرب الاسماعيلي " فوزي جمال" وهو يهتف للاعبيه " العجب - العجب، خلوكم مع العجب" وبرضو مافي فايدة.
تعدد الحلول عند السلطان حاكم هذا الزمان أحد المفاتيح المهمة لفريق المريخ، فهو يمتلك مهارة التسديد من بعيد والمراوغة والتمرير المتقن والتهديف بالرأس كلها بمستوى واحد.
ولهم الحق المعلقين العرب يتغزلون في نجمنا حتى في مباريات دوري أبطال أوروبا حينما يلعب رونالدينهو وميسي يذكر العجب وحده.
وفعلاً " ليس في الأمر عجب".
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: امجد محمد الأمين)
|
ألف مبروك للزعيم و لكل عشاق الأحمر الوهاااااااااج .. و نحو السادس بإبداع إن شاء الله ..
و للإخوة الحاقدين الذين أحزنهم فوز الزعيم و أرادوا مداراة حقدهم خلف وهمة التحكيم ..أقول لماذا يا أيها الأتقياء الأنقياء لم نسمع لكم حساً أو رأياً عن التحكيم في مباراة المجد السوري حينما نقضوا له هدفاً لا ينقض .. و في مباراة النجم الساحلي الذي حرموه ضربة جزاء أوضح من الشمس .. واضح المسألة ليس مبدأ لكنه الحقد و لكنها عين السخط التي تبدي المساويا ..
خلاصة الأمر أن الحاقدين ينبحون و الزعيم نحو السادس بإبداع يمضي ..
| |
|
|
|
|
|
|
|
|
|
Re: العجب مكانه الجهاز الفني وليس أرض الملعب !!! (Re: Raja)
|
ألف مبروك يا شباب .. المريخ حقق المهم وهو الفوز وحصد النقاط الثلاث ...
لكن الأداء في الشوط التاني زي الزفت .. وبصراحة كده فيصل العجب أصبح عالة على الفريق ، وما عارف لمتين حا يفضل الفريق يلعب بعشرة لاعبين في وجود العجب "العالة" ...
وبالأمس حرام كان أن يبقى العجب في أرض الملعب ويخرج المجتهد علاء الدين بابكر بعد أن بدأ أدائه في التحسن وتشكيل خطورة على الإسماعيلي ...
| |
|
|
|
|
|
|
|
|
|
Re: العجب مكانه الجهاز الفني وليس أرض الملعب !!! (Re: Elhadi)
|
الأخ الهادي
مبروك لك انتصار سودان المريخ
حكمك على العجب متسرع بعض الشيء، للعجب مهام أخرى خفية غير بناء الهجمات والتسجيل ، فلاعب بإمكانيات العجب يستطيع أن يشغل أكثر من مدافع طيلة زمن المباراة ويحرمهم من تقديم المساندة إلى خط الوسط أو التقدم إلى جبهة المريخ، إضافة إلى عودته في هجمات الإسماعيلي على مرمى المريخ.
ولو تابعت بدقة كيف أن مساعد مدرب الإسماعيلي ظل واقفاً طيلة زمن الشوط الأول وهو يهتف ويصرخ على لاعبيه ( العجب – العجب – خلوكم مع فيصل) لعرفت أن هناك أدوار خفية يسندنها الخبير الكروي أتوفيستر لفيصل العجب لشغل الخصوم والتقدم للتهديف والتسجيل عند اللزوم.
فالرجل أدى ما عليه، والمريخ في الفترة الحالية يحتاج إلى قائد في داخل أرض الميدان يستطيع ترجيح كفة فريقه في أي لحظة.
وعقبال الكأس إن شاء الله لمريخنا العظيم
| |
|
|
|
|
|
|
|
|
|
Re: المريخ يدرش الدراويش بهدف مع الرأفة ويتوجه نحو النهائي بثبات (Re: Rakoba)
|
Rakoba
فرحانين.. نطمبل.. والما عاجبو يشرب من (العجب)!
إنتوا بخسوا.. ونحن بنمشي النهائي ونجيب الكاس!
مرتاحين نتنسم عبير الكؤوس الجوية.. ونترك لغيرنا البكاء على الأطلال..
ومساعي التبخيس.. والسهر للكتابة في أنصاص الليالي سعياً لتشويه
إنجاز الوصول لنهائي الكونفدرالية!
آخر أنباء معارك رمضان.. الدرويش مدروش.. والقطن منفوش.. والجايينا في النهائي مكشوش!
haaaaaaaaaayakaaaaaaaaa
الزعيم في المسالمة كان سيد الحارة.. والليلة سيد البلد.. وبكرة سيد القارة!
haaaaaaaaaaaaaaayaaaaaaaaakaaaaaaaaaaaa
عجبكو ودانا غانا.. والما عاجبو عجبنا ما يمشي معانا!
يا ربي الملك المرة الجاية مودينا وين.. تونس ولا الكنغو؟
ده عجبكو ولا الإماراتية؟
haaaaaaaaaayakaaaaaaaa
في شهر رمضان.. شبعنا أقوان!
فطور الوالي في الإستاد رهيب.. في كل طبق ربع دجاجة!
الوالي فطرنا دجاج.. وحلينا سمسمية!
haaaaayakaaaaaaaaaaaaaa
ماشين البحرين عن طريق دبي.. كية للما حاسي بي!
haaayakaaaaaaaaaaa
بهاء الدين خطير.. لأنو بطير!
haaaaaayakaaaaaaaaaaa
يا مأمون أبو شيبة.. كسبت رهاني معك!
فريق (دايت)!
صديقي خفيف الظل نهاد شاخور قال إن لديه صديق مجنون بالنجمة زعم أنه يرغب في ترك تشجيع المريخ.. فسأله نهاد: لماذا تريد هجر المريخ؟ قال؟ مريخ جمال سكرو زايد.. وأنا عندي سكري.. عاوزكم تستأذنوا لي جمال الوالي يخليني أخلي تشجيع المريخ وأشوف لي فريق (دايت)!
haaaaayakaaaaaaaaaaaaaaaaa
الفضل ما شهدت به.. الدراويش!
كتب الدكتور طلعت عبد العزيز عضو منتدى موقع الإسماعيلي على الإنترنت مقالاً جميلاً جاء فيه ما يلي: أعتقد إن الصدارة حسمت عملياً للمريخ السوداني رغم إنها نظرياً لم ينقطع أمل دولفين و لكنه شبه مستحيل.. مبروك لأشقائنا مشجعي المريخ السوداني تلك الصدارة ففريقهم يستحقها و كان ذا مستوى ثابت و متميز طوال البطولة و فوز المريخ بالبطولة سيكون العزاء الوحيد لجماهير النادي الاسماعيلي و نحن منذ الآن وراء المريخ لنيل شرف حملها بإذن الله.
بهاء الدين ودامر أمام الإسماعيلي (زبيب وحليب)!
بحمد الله.. فرغنا من درس.. ودرش الدراويش!
مريخ ود الياس..على مشارف الكاس.
مريخ الوالي.. نهائي الكاس طوالي!
hayyakaaaaaaaaaaaaaaaa
جيل العجب سيجمع المجد من أطرافه.. سوبر.. وكونفدرالية.. وعربية!
في شهر رمضان.. شبعنا أقوان!
haaayyyyyakaaaaaaaaaaa
| |
|
|
|
|
|
|
| |
Rakoba
keiga2000
محمود ريحان
شهاب الفاتح عثمان
جمال السنوسي
فيصل نوبي
رقم صفر
نادر الفضلى
sheba
altahir_2
Alsa7afa_30
Elmosley
jini
bob
Abomihyar
Sayed Bekab
Mohamed Abdelmotalib Hassan
Gaafar Ismail
hajhamad
الزنجي
هاشم أحمد خلف الله
الفاتح الجنيد
مجدي عبدالرحيم فضل
طلحة عبدالله
السمؤال بدرالدين
Raja
Elhadi
فيس بوك
تويتر
انستقرام
يوتيوب
بنتيريست