|
Re: هل يقرأ الوزراء الصحف ! (Re: ahmed haneen)
|
قال الكاتب : -
(حمله تفتيش كبيره لاعادة تنظيم الانقاذ نفسها )
تانى ينظموها .. ياجماعه ما فترنا من تنظيم الانقاذ دى .. ستاشر سنه انقاذ انقاذ ... فصلنا وشردنا المتآمرين من العمل فى الخدمه المدنيه حقت ابو الانقاذ .. دخلنا السجون وعذبنا الناس المعارضين الانقاذ والمتآمرين على البلد حق ابو ابو الانقاذ.. نظمناها كم مره .. شلنا الترابى وعلى الحاج والسنوسى وعبد الله حسن احمد ومحمد الامين خليفه وحسن ساتى بتاع بنك الشممال ده وبتاع بنك الثروه الحيوانيه كمان ... مزقنا فاتورة القمح ورجعناها .ز مزقنا فاتورة السكر ورجعناها .. امريكا وروسيا قد دنا عذابها شلناها .. ابعدنا شنان وقيقم .. شلنا ليكم قصه اعراس الحور دى بقت ما شغاله والماذون ذاتو المان بعرس للناس اقلناهو ... كنا عايزين نستأصل الطائفيه من السودان .. غيرنا رينا مش على كيفنا ... الحزب الشيوعى والاحزاب اليساريه وكل الاحزاب الكفريه القلنا لا مجال لها فىالسودان اذا فى روح بتنبض بقينا نجيب اخبارها فى التلفزيون ...رقيص الرئيس الكنا بنفتح بيهو الحفلات العامه وقفناهو .. اها تانى ننظمها ليكم كيف . حكمه والله وحكايه تضحك الغنمايه قال ينظموها قال
قال الكاتب :- ( من كان لصا فليعلق امام اعين السابله عظه لمن لا يعتبر ) يقول اكرم الخلق :- اذا سرق فيكم الشريف تركوه واذا سرق الضعيف قطعوا يد والله اذا سرقت فاطمه بنت محمد لقطعت يدها
اذا ارادت الانقاذ ان تعلق 1 - فالتبدأ بعبد الرحيم محمد حسين الذى بنى له مقاول كلية الرباط المنهاره منزله , اترى لو جلس فى بيت امه وابيه لبنى له منزله ؟؟ام هذه السلط والجاه 2 - لتبدا بعلى الحاج الذى قال خلوها مستوره ولم تطارده الا بعد الخلاف ولما ذكر محمد طه الفساد فى الجريده ومعه محجوب عروه لفقت لهم الحكومه الاتهامات وقبضت عليهم لمجرد الكلام عن فساد على الحاج والحسينى . لتبدا الانقاذ من راس الهرم وليس من القاعده وهناك الكثير المثير .
|
|
|
|
|
|
|
العنوان |
الكاتب |
Date |
هل يقرأ الوزراء الصحف ! | محمد حامد جمعه | 08-15-05, 09:10 AM |
Re: هل يقرأ الوزراء الصحف ! | Ali Alhalawi | 08-15-05, 09:15 AM |
Re: هل يقرأ الوزراء الصحف ! | محمد حامد جمعه | 08-15-05, 09:30 AM |
Re: هل يقرأ الوزراء الصحف ! | ahmed haneen | 08-15-05, 03:05 PM |
Re: هل يقرأ الوزراء الصحف ! | ahmed haneen | 08-24-05, 01:09 PM |
Re: هل يقرأ الوزراء الصحف ! | wadalzain | 08-25-05, 02:16 AM |
Re: هل يقرأ الوزراء الصحف ! | محمد حامد جمعه | 08-25-05, 02:20 AM |
Re: هل يقرأ الوزراء الصحف ! | هميمة | 08-25-05, 03:42 AM |
Re: هل يقرأ الوزراء الصحف ! | Nour Kamil | 08-25-05, 05:00 AM |
Re: هل يقرأ الوزراء الصحف ! | Mohamed E. Seliaman | 08-25-05, 05:17 AM |
Re: هل يقرأ الوزراء الصحف ! | wadalzain | 08-25-05, 10:11 AM |
|
|
|