|
|
 لا حارى ولا طارى !
|
المنبر العام دا حكايتو حكاية ... تمشى وتجى راجع تلقاه خرج دفعة ضباط وكمندنات كبار والغريبة فى المعاهد العسكرية الناس بتبدا بجندى للعساكر وملازم للضباط لكن هنا توووووووووووش بس عميد وانت ماشى على لواء وما تيسر ، ودا طبعا غير نعوت دا عميل لمايو ودا عميل للانقاذ وداك عميل للمهدية واخرون عملاء (فديراليون ) وناس تانية عملاء لمنو ولشنو ما مهم، بس المهم من طرف يربطو فيك التهمة ويشبكوك عويل وصراخ وناس تطقع بالحجار وناس تهتف وناس تبرق بالقتل والقصاص وناس تنزل فيك قصائد وفى شلة كدا تمرق علي المسكين - او المسكينة - لا حارى ولا طارى تجضم فيك النضال الما خمج احب النضال زاتو !!! وناس بتحلم بالعديلة وناس تهنى وناس تبارك !
وطبعا لانو العبد الله ابو العملاء بتاعين العاميل و(ابو الزفت زاتو ) عشان كدا بتبرع بوصفة كدا خاصة انو فى شايف شباب جداد وشداد جو خاشيين علينا فاقول اول تبادى لازم تعمل مسح كويس للمنبر وتشوف اكتر حتة بيشتمو فيها الحكومة وتوووووووووش تخت كراعك وتقيل فيها واى حكاية ولا قصة ولا خبر لجماعة مسلحة ولا مصلحة طوالى تقول صااااااااااااااااح واياك ثم اياك تشغل راسك خاصة لمن يكون فى وثائق ولا بيانات فيها تناقضات ومجوبكة وكل سطر ينسف الوارهو اوعاك تشوبر وتخش وتقول ( ليه وكانى مانى ولو ان واذا كان ) ..يعنى وحركات دكان ود البصير ديك حتقولو لى ليه بقول ليكم لانكم حتكونو وقتها مشروع عملاء وناس ملحسين قروش وما عندكم ضمير ولا ذمة وناس حاسدة وطابور خمسطاشر مس ( خامس ) ضد النضال والثورة والتحرير .
ويعنى بالعربى كدا اوعى يكون عندك راى اوعاااااااااااااااك من الراى الحر المقطوع من راسك وقناعاتك ..
ولو كنت مايوى ولا انقاذى احسن تقرض على قناعتك دى وتديها صنة وتقعد خفيف ... لانك حتكون فى مرمى نيران كل انواع الشتائم والملصقات ولو كنت بتجى مارى زماااااااااان ساى بالاتحاد الاشتراكى سااااااااااى حيخلوك صاحب وضعية فيهو مميزة كسر رقبة ولو ما بتعرف المؤتمر الوطنى دا وين حيخلوك نائب ابراهيم احمد عمر والغريبة انو الانقاذ البيشتموها دى كل الناس جارية وراها صوف عشان تلقى معاها فرقة يعنى ممكن بعد اسبوع بس كل الناس الشتموها ديل يلقو نفسهم نسابتها ومن اهل البيت البيكون بينهم مرات كلام بيسدو عليهو الباب ! ومايو دى خلوها سااااااااااى هسة نميرى قاعد فى ودنوباوى (بره ) وتلقاه حايم فى الحلة ويمشى دنقلا مافيهو زول سالو من الشعب - خليك من الاحزاب ومناضليها - .
البيحصل دا - باختصار - عيب يا جماعة البيحصل دا عار عليكم كلكم كفاية اكل ونهش فى الناس عشان بس مختلفين معاكم ولا يمكن قالو شى ما عجبكم ... وبامانة كدا فى ناس بتطبظ قضاياها براها بالمنهجية بتاعة التجريم ومسك الصراخات ساااااااااااى .. ..
كدى نمشى ونجى نشوف الترقية المرة دى على منو لانو الظاهر المسالة بقت ماشية طراوة لحقت حتى الناس الما اعضاء فى المنبر يعنى تكتب ليك مادة فى جريدة ولا تقول ليك مداخلة فى اذاعة يتهموك انك غواصة وعميل ... الله يستر على عوض بابكر وعبد الرحمن عبد الرسول غايتو
|
|
 
|
|
|
|
|
| العنوان |
الكاتب |
Date |
| لا حارى ولا طارى ! | محمد حامد جمعه | 06-25-05, 12:05 PM |
 Re: لا حارى ولا طارى ! | معتز تروتسكى | 06-25-05, 12:28 PM |
| Re: لا حارى ولا طارى ! | سجيمان | 06-25-05, 12:36 PM |
| Re: لا حارى ولا طارى ! | فتحي البحيري | 06-25-05, 12:49 PM |
| Re: لا حارى ولا طارى ! | معتز تروتسكى | 06-25-05, 01:00 PM |
| Re: لا حارى ولا طارى ! | فتحي البحيري | 06-25-05, 01:07 PM |
| Re: لا حارى ولا طارى ! | معتز تروتسكى | 06-25-05, 01:20 PM |
| Re: لا حارى ولا طارى ! | محمد حامد جمعه | 06-25-05, 01:16 PM |
| Re: لا حارى ولا طارى ! | محمد حامد جمعه | 06-25-05, 01:14 PM |
| Re: لا حارى ولا طارى ! | فتحي البحيري | 06-25-05, 01:27 PM |
| Re: لا حارى ولا طارى ! | محمد حامد جمعه | 06-25-05, 01:38 PM |
| Re: لا حارى ولا طارى ! | محمد حامد جمعه | 06-25-05, 01:44 PM |
| Re: لا حارى ولا طارى ! | ناذر محمد الخليفة | 06-25-05, 01:53 PM |
| Re: لا حارى ولا طارى ! | Osman M Salih | 06-25-05, 01:58 PM |
| Re: لا حارى ولا طارى ! | Osman M Salih | 06-25-05, 01:53 PM |
| Re: لا حارى ولا طارى ! | محمد الامين محمد | 06-25-05, 01:55 PM |
| Re: لا حارى ولا طارى ! | Osman M Salih | 06-25-05, 01:57 PM |
| Re: لا حارى ولا طارى ! | فتحي البحيري | 06-26-05, 07:37 AM |
| Re: لا حارى ولا طارى ! | فتحي البحيري | 06-26-05, 01:56 PM |
| Re: لا حارى ولا طارى ! | waleedi399 | 06-27-05, 01:36 PM |
|
| |
محمد حامد جمعه
فيس بوك
تويتر
انستقرام
يوتيوب
بنتيريست