|
Re: نزار حسين.... وأي فتى أضاعو!! (Re: عبد الله عقيد)
|
في بوست (جنون البدر) لبدر الدين شنا كتب نزار:
جني وجن ريحة زيت شعر الهنود وجني وجن الناس أبان حركات قرود وجني وجن الحمي البتبنوها بالعود
جني وجن الزول البنخنخ وجني وجن الشتم المتختخ وجني وجن البعجن ويلتخ
جني وجن اللبس المشاتر وجني وجن نهزرة العساكر وجني وجن ال لي العشره ناكر
جني وجن صوت القواله وجني وجن الزول اب رياله وجني وجن الاسبتاله
نواصل الجنون يا البدر
جني وجن الناس السوا وبتنقرو وجني وجن ردّيم عدة العزابه جني وجن الفلس وكتين يجيك بي فقرو وجني وجن رفعة السبابة
جني وجن ملاح القرع وجني وجن الغره بلا ورع وجني وجن العوم الفي الترع
جني وجن الكلاب وجني وجن الكتل بي الحراب وجني وجن الرجال أبّان...ب
جنّي وجن الزول الشليق وجني وجن البنطلون البضيق وجني وجن مطلوقة الفريق
جني وجن الشافع البهبّش وجني وجن الشبط البكرمش وجني وجن الشرطي البفتّش
قبيل بعد الغداء وانا راقد اتذكرت ليك كترة جنون
جني وجن المس كول والشويفع الخاتنو مسئول والمحارس عند لجنة قبول
جني وجن ناس الجمارك والببيعو العشا بي الموارك والصفوف امّات كواريك
جني وجن الاجتماعات وانتظار صالة المطارات والتبرك والصفوف كان في البنوك والله السفارات
جني وجن العجايز البتحنن البلبسن للخواتم ويدخنن وهن من زمن.. قالو لي جن هوي حلاأأأأأأأأأأأأتن كونكش كوش كونكوش كوش
جني وجن الراجل اب سلاسل البباري البنوت وديمة فاصل والشغلتو قصادهن مراسل
جني وجن حضرت ولم اجدكم والبسالم الناس بي طرف كم والبقول لك جيت من عربكم
جني وجن الضرائب واللخابيت البتفرق الحبايب والشواكيش الزي قرص الدبايب
جني وجن السهر وقلقيل السراير في المطر واللضان الما بتسمع وتر
جني وجن ماك جا تعرّس وعدم احترام التلاميذ لي المدرس والبجلدك بي دو وتريس
يا البدر شن بلحقني ليك... ما اكتبه هنا نجر خلال ساكت يا اخوي... فشكرا ان أعجبتك هذه الجنياتك وعفيتن ليك لله والرسول كان جنك وجنهن
|
|
|
|
|
|
|
العنوان |
الكاتب |
Date |
نزار حسين.... وأي فتى أضاعو!! | عبد الله عقيد | 11-29-05, 01:16 PM |
Re: نزار حسين.... وأي فتى أضاعو!! | عبد الله عقيد | 11-29-05, 01:18 PM |
Re: نزار حسين.... وأي فتى أضاعو!! | عبد الله عقيد | 11-29-05, 01:22 PM |
Re: نزار حسين.... وأي فتى أضاعو!! | عبد الله عقيد | 11-29-05, 01:24 PM |
Re: نزار حسين.... وأي فتى أضاعو!! | عبد الله عقيد | 11-29-05, 01:42 PM |
Re: نزار حسين.... وأي فتى أضاعو!! | Emad Abdulla | 11-29-05, 11:25 PM |
Re: نزار حسين.... وأي فتى أضاعو!! | عبد الله عقيد | 11-30-05, 06:22 AM |
Re: نزار حسين.... وأي فتى أضاعو!! | Mohamed E. Seliaman | 11-30-05, 06:36 AM |
Re: نزار حسين.... وأي فتى أضاعو!! | عبد الله عقيد | 12-01-05, 08:08 AM |
Re: نزار حسين.... وأي فتى أضاعو!! | saadeldin abdelrahman | 11-30-05, 00:11 AM |
Re: نزار حسين.... وأي فتى أضاعو!! | عبد الله عقيد | 11-30-05, 06:51 AM |
Re: نزار حسين.... وأي فتى أضاعو!! | بدرالدين شنا | 11-30-05, 00:42 AM |
Re: نزار حسين.... وأي فتى أضاعو!! | عبد الله عقيد | 11-30-05, 10:04 AM |
Re: نزار حسين.... وأي فتى أضاعو!! | عبد الله عقيد | 12-03-05, 08:13 AM |
Re: نزار حسين.... وأي فتى أضاعو!! | garjah | 12-04-05, 00:23 AM |
Re: نزار حسين.... وأي فتى أضاعو!! | عبد الله عقيد | 12-05-05, 08:41 AM |
|
|
|