|
Re: كرسي جانبي خارج المقهى.. مساحة لحوار مفتوح (Re: عصمت العالم)
|
عزيز العالم لك التقدير واشكر لك هذا الانسياب السلس والتطواف الجميل بين المعاني والتأويلات لك البشارة فقد أفلحت في اقتلاعي من حالة القنوط مؤقتا.. لأعايش معك بعض الترحال في فضاءات الأمل.. والذي يترسخ في ذهني بصورة الوهم كلما مر الوقت.. هو وهم نعيشه في وطن معافى، وغد معافى، وحياة وهم.. نعم ولكنه أمل سأظل داخل هذه الدائرة تتراوح أفكاري مثل كرة يتعاورها مضربي الوهم والأمل. ولكنها تتمسك بأن تظل رائحة غادية بين المضربين وألا تسقط في شبكة القنوط
"قل يا عبادي الذين أسرفوا على أنفسهم لا تقنطوا من رحمة الله" صدق الله العظيم
صباحاتك سعيدة ومساك ندي ومعطر
ولك التقدير
| |
|
|
|
|
|
|
Re: كرسي جانبي خارج المقهى.. مساحة لحوار مفتوح (Re: عبد الله عقيد)
|
الاخ ود عقيد ..
الامل .. بلقاء من نحب .. ببلد تسرح فيه على كيفك .. ونيلك هيلك جرا قدامك
لا قنوط
ماذا لقينا صحبناها ثلاثينا تنوح كالجرح في الدنيا أمانينا
......
أنسى الماضي إلا في حد العبرة والشحذ المعنوي .. وأنظر للأمام دون أن تفقد التركيز على اللحظة الراهنة بكل أبعادها فهي التي تشكل غداً أفضل .. وهناك يرقد الأمل .. بإحسان زراعة اللحظة الراهنة المتحركة نحو المستقبل
| |
|
|
|
|
|
|
Re: كرسي جانبي خارج المقهى.. مساحة لحوار مفتوح (Re: عبد الله عقيد)
|
العزيز ود عقيد...
فى زمن غابر حكى ان هنالك اسود قد روعت القرى ..وهى تهاجمها فى ضراوة وعنف...واتفق ان رجلا ظهر وله مقدرة فذه فى العزف على مزمار ان سمعته الاسود تنفق فى لحظتها وتم التعاقد معه..وصار يطوف من قرية الى قريه.والاسود تترنح وتنفق بمجرد سماعها لنغمات الصوت..واشتهر الرجل وسمى بعازف الموت...وهدات الاحوال فى القرى المجاوره...ونعم سكانها بالهدوء والسكينه...وبعد فترة اتى نفر من قرية بعيده يشكون من اسد كاسر لم يرحم انسانا ولا حيوانا...وتعاقدوا مع عازف الموت.وذهب معهم..وعند وصولهم اشاروا لموقع الاسد.وجلس عازف الموت عند جزع شجرة ضخمه..وكان على راس هذه الشجره وفى فروعها يجلس قردان..من نوع البامبو..وظهر الاسد من على بعد.واختفى ناس القريه..والاسد يتجه نحو الرجل والرجل يعزف والاسد يقترب و لم يسقط حتى وصل اليه وكسر رقبته...وهنا صاح القرد للقرد الاخر متحدثا..الم اقل لك ان الاطرش سوف يجيب خبر عازف الموت...
هذه حكاية قديمه...تكمن حكمتهافى خرافة التشكيل.. وغرابة المعالجه..بعيدا عن الاسلحه والعنف والعراك.. التقليدى...
ونحن فى كثير من الاحيان نحتاج لتغير المسار الروتينى فى كافة انواع المواجهات..واولها مواجهة النفس وهى تتارجح بين الارتفاع والهبوط على نتاج ترمومترالتصاعد للحاله النفسيه والمزاجيه من واقع الظروف اليوميه الضاغطه ومبدا الروتين..وهذه الظواهر بدات تتفاقم مع التطور الكمى والنوعى وتقدم الحياه فى اطار التكنلوجيا والمعارف حيث زاد ارتفاع الضغط النفسى والارهاق الذهنى.و جهد القهر المصاحب لكل تلك الحالات...والذى يولد مسارا خطيرا للاحباط والانهيار النفسى والسام المتلاحق....وهذا يجب ان يعلاج باستعادة هدوء النفس وتوازنها ومنح البدن فتره من الراحه والنفس زمنا من الاستراحه لترتخى فيها الاعصاب ويعاد لخلايا المخ الاتزان والصفاء وازالة اثار الضغط والارهاق الذهنى عنها...
وكشرقيين نحن لا نهتم ..بالاستراحه القصيره .للترويح.من العمل من البيت من الدراسهمن المسئوليات..والغربيون يمارسون كل ذلك خاصة الاجازات القصيره والسفر المستمر.وهم يخططون لهذه الاستراحات على طول العام...لذا يكسرون الارهاق البدنى والنفسى والذهنى... وهم يتفاؤلون ..ويعشقون التفاؤل...
والنفس البشريه تحتاج لزخات الامل ..يعطيها منحة من دفع روحى ونفسى..ويجعل احتمالات المقاومه وارده ومتسعه ومنفرجه...
وقد قيل من قبل ليس بالخبز وحده يحى الانسان...هنالك عدة اسباب ومسببات....ولعل الامل هو ايراق ضوء يشتعل ويعطى من سراج نوره كل الابعاد المضيئه...
ود العقيد...
نتمنى لك قوافل من الامال العراض....
روق واحلى..المداومون على المقهى اتون فى الطريق زرافات ووحدانا...
عميق الود
| |
|
|
|
|
|
|
Re: كرسي جانبي خارج المقهى.. مساحة لحوار مفتوح (Re: عصمت العالم)
|
عزيزي ود العالم لك التحية
قلت لي الأطرش جاب خبرو!! اها الحكاية دي بتصلح في منبرنا دا رغم إني لا أميل إلى إطلاق مثل هذه التعميمات خاصة إذا كانت تحتمل التفسير على أنها إساءة ولكن هناك الكثيرين من النوع البيجي خاشي توووش يجيب خبر اي حاجة.. وفي ناس عندهم حاجات جاهزة.. مثلا تقول ليهو الخضار في السوبرماركت الفي اطلنطا بي كم؟ يقول ليك "أول حاجة وريني الانقاذ عملت الخضار بي كم" طيب الإنقاذ مقطوعة الطاري دي الجابا لي الخضار شنو؟ ضرب مثل يعني..! اها النوع دا ياهو زي صاحبك الاسد، سادي اضانو بي قطنة بتاعة افكار راكدة جوة راسو.. وبيفتكر انو التاريخ ومسيرة الكون دي كلها وقفت في حتة معينة.. ولا يمكن تتجاوزا. النوع الما بيزح شوية لي ورا ويتلفت جاي وجاي عشان يشوف في شنو؟ بيجي ماشي (سيدا) اتجاه واحد.. اسدك دا، اتجاه واحد، شغال بي حس واحد زي جماعتنا ديل، أو فاقد أداة من أدوات.. أدوات شنو هِن؟ اقصد السمع والبصر والحاجات دي. ناقصات عندو..
انت عارف يا عصمت، في ناس ما بيفرقو بين الابداع، والفكر، والونسة والسياسة. يعني عاملين الحكاية سلطة، دا فوق دا، وراكبين فوقن كلهن لامن مخفجنهن ياخي الناس دي بتخفج وتطفق وتلتق وتلصّق وتلخبط الدنيا ومافيها
ود ابنادم دا ما حاجة معقدة مركبة Complex من عدة حاجات يعني يمكن يكون شاعر، شيوعي، بيلعب كورة، جعلي، ساكن جوبا، مهندس، متزوج زانداوية. ففي ناس بتفقو معاهو في كونو شاعر، وواحدين في كونو شيوعي، وهكذا.. يمكن تتفق معاهو في صفة أو أكثر من الصفات دي، وتختلف معاهو في الباقيات لأنو يا إنت عندك انتماءات مختلفة، أو ما بتربطك بيهو علاقة نسب أو قرابة. الكلام دا. في الواقع، حاصل وما في زول حتى جايب ليهو خبر. لكين هنا.. لا. يا تتفق مع الواحد في أي حاجة، ولا ما تتكلم معاهو ذاتو. ليه ياخ؟ السبب شنو؟
يازول ما اطول عليك يمسيك بالخير
ونلتقي
| |
|
|
|
|
|
|
Re: كرسي جانبي خارج المقهى.. مساحة لحوار مفتوح (Re: عبد الله عقيد)
|
أستاذنا الأديب.. عبدالله عقيد التحايا والإحترام
بحثت عن بوست التهنئة بالمولود الجديد فلم أعثر عليه، و لسوء حظى لاأعرف من كاتبه مما صعب المهمة. فجئتك فى ظلال قهوتك الجميلة لأقول ألف مبروك المولود وإن شاء الله يتربى فى عزكم جعله الله من أبناء الوطن النجباء....
مع ودّى و تقديرى،،
| |
|
|
|
|
|
|
Re: كرسي جانبي خارج المقهى.. مساحة لحوار مفتوح (Re: عبد الله عقيد)
|
كنت عايز اقول شنو...!!
في مثل هذا الوقت.. أي قبل أرشفة النصف الثاني من العام الماضي كان آخر بوست لي بهذا العنوان (كنت عايز اقول شنو..!!).. كان من حسن حظي أن رفعه الآخوين عاطف عمر ومعاذ منصور ليتأرشف في الصفحة الأولى..
يا ريت هذا البوست المشابه لذاك يجد نفس الحظ..
| |
|
|
|
|
|
|
|