الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Osama)
|
Quote: تحياتي يا نزار و شكراً للمداخله الجميله...المشاكل و العثرات في طريق الموسيقى السودانية كثيرة... يمكن جزء منها و على رأيك في الاضنين.... ولكن، الغريب إنو في معظم الأحيان نفس الاضنين بتقدر تميز الصالح من الطالح من الأعمال غير السودانية الجديدة بمهاره و إتقان.. بس بتجي عند معظم الجديد من الآعمال السودانية الجيده و تتحجر أو في أحسن الأحوال تأخذ سنين لحد ما تهضما... تبقى المشكله وين؟ |
الرجل الفنان صاحب الاوزغ (الديفيزيو) اسامة
هذه الملاحظة الذكية تحتاج الي بحث جاد جدا يااسامة وهي حاصلة فعلا وعن نفسي لو قدر لباحث ان يسألني كيف عرفت ان تميز من فناني لبنان فيروز ومن مصر عبدالحليم وام كلثوم سأقول له ما انا الا محاكي ومقلد للسامعين من قبلي...تصدق في زمان ما كان معظم طلاب الجامعات يسمعون موسيقي (زانفير) او (زامفير) ويتهادون هذه الاشرطة وجاء زمان آخر وبدأوا يسمعوا لياني وكانت هذه الموسيقي عند البعض دليل تحضر ما...او خروج من ملة ما...وانا وانت لا نستطيع انت نحكم علي ما في ضماير هؤلاء السامعين ان كانوا فعلا قد ميزوا الصالح من الطالح؟ وهنا تكمن المشكلة يا صديقي....فمن يستطيع ان يميز الصالح من الطالح بحق من الاعمال الفنية غير السودانية سيكون حتما جدير بمعرفة الاعمال الفنية السودانية الراقية...والا هنالك خلل ما...احد اسبابه هو هذا الخداع السمعي الذي يمارسه البعض والذي اشرت اليه باعلاه وانا كنت منهم في زمان ما ....اسمع شريط اهدته لي فلانة..... موسيقي كلاسيكية وكأنني ابلع في اسبرو...وهي لا تعلم ذلك...الا انني اكون قد سموت بنفسي الي بيئة ارقي...حسب ما هو مزعوم...
وصدقني حا نرجع ونجي لي مسألة البيئة والاضنين
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: ناذر محمد الخليفة)
|
عمر الفاروق ... بمناسبة كسر الرتابة في اللحن الغنت قلتها فوق ..
أسمع برضو للموصلي اغنية (مطر العشم) خاصة ختام الأغنية في الكوبليه لأنو برضو بيحصل فيها تغير للإيقاع ..
ودا الشي الملفت في الكتير من أغنيات الموصلي ..
بس أنا ما بقدر أسميو (كسر رتابة) .. لكن بسميو ضخ دماء جديدة في عصب اللحن لإضافة لمسات جمالية عبر إيقاع جديد ..
أو سلم موسيقي جديد زي الحصل في نهاية أغنية (المشاعل)..
وتنوع اللألحان والإيقاعات في الأغنية الواحدة من اجمل ما تتميز به أعمال الموصلي ..
Quote: اعيب على ناذر اختتام السلسلة بالعمل ده وان كان الغرض تقديم جديد الموصلي لكن ختامه لم يكن مسك فما قدم في السلسلة الاولى كان اجمل.. |
هو ليس إختتام ..
ولكن سأعود مرة أخرى بوسيلة جديدة في طرح الاعمال ..
تسلم يا زوق ..
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: nazar hussien)
|
Hello Nazar, Very interesting points my friend... the producer, the quality, the arrangement, orchestration, finance, marketing, time, mixing, mastering, mass production, duplication, comfort of musicians in the studio, resources, technology, media, the listener, etc. let's leave the over all issue of the acceptance of new Sudanese songs and music for a separate discussion and limit this one to the song in question; kilmat assir. Please keep in mind that this is a pre-release version, meaning that we are yet to record the remaining instruments, finalize the mix and the master. Not to mention that the vocals track is the “guide” that was used to build the song. By the way, a little trick, 99% of kilmat assir is not what most people call “Organ”! the keyboards were used as an input device to trigger sounds and samples rather than a pure sound source… just like how you use the mouse and computer keyboard to write or draw something. Here is one of my well kept secrets; I am a serious typist in English but still need to search each and every letter on the computer keyboard when typing in Arabic!!!!!!!” what a shame! I promise to practice typing in Arabic… sorry ya 7abaybna… ista7maluni mara Arabi wo mara Englizi 3ashan alwakit! wala shinu ya ustazi al3aziz Mosley??? Truly, Osama
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Osama)
|
الأعزاء ناذر والموصلى
تحايا حارة ومعليش كنت مشغول إمتحانات وزارة الصحة الألمانية أجاركم الله من اللأمان وإمتحاناتهم.
فى البداية أبداء بالأخ اسامة تحية يا أسامة وعجبنى المكساج Mixdown اكتر لدرجة دخلت صفحتك وبديت القراية الدرس الأول ميدى Midi ههها.. مابتقدروا تنافسونا عندنا فى المانيا شتاينبيرق كيوياس Steinberg Nuendo or Cubase4 تسلم كتير اسامة بديت طريق صعيب.
سأعود...
إبراهيم عبد الحليم
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: ترهاقا)
|
Quote: عمل منسق ومتقدم جدا إداء نظيف ومكساج متطور وعزف راقي
والتحية للزميلين أسامة واستاذي الموصلي على هذا العمل العظيم
وليييييييييييييييي قدام |
أخى الفنان أحمد ساطور سبحان الله الآن كنت استمع لمعزوفة منك لأبراهيم عوض بيانو عود لو بعدى بهنيهوا توارد خواطر عجيب تحية من شخص يعرفك جدا فأنا قريب أحمد يوسف وصلاح المبارك أسرة حصاد إبراهيم عبد الحليم
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: إبراهيم عبد الحليم)
|
اخي عبد الحليم، شكراً ليك على الملاحظه. الباص الكتروني صحيح و مقصود انو يكون ال tone color بتاعو الكتروني جداً عشان يتماشى مع شكل الايقاعات المستخدمه و ال backing pads & synths. و ليس المقصود محاكات الباص الحي او التتقليدي. ولكن لا اعتقد اطلاقاً انو حصة مدرسة!
تكنيك جمل الباص هو خلطه بين rock & new age styles مع اعتماد الاول لاعطاء قوة لبعض الجمل بالتوافق مع ال bass drum/kick و ايقاع الجملة اللحنية و الآخر للتشكيل و الابتعاد عن الرتابة التقليدية. مفترض تقليل ال boom شويه في المكس النهائي عشان يوضح للمستمعين بشكل افضل باختلاف الاجهزة التي تستخدم للاستماع. ممكن في اغنية ثانيه احاول تنفيذ الباص بطريقة اقرب للمعتاد عشان خاطرك اذا اقتضدت الحاجة.
التحية للاخ شهاب، و للنابغة شرحبيل الذي تشربت و تعلمت من موسيقاه الكثير.
بكل الود، أسامة علي
| |
|
|
|
|
|
|
مرحب يا ابراهومه في الطب ماعندنا معاك كلام لكن تجي تقول لي كيوبيز وشتاينبرج مع احترامنا الشديد ليهو ياخي نخن عندنا سيد القهوه قينالي ذاتو ===================== تعين في الميه من جامعات والكليات الموسيقية في العالم شغاله بيهو ولكن برضو بنحترم كيو بيز جميل والله انت قايل اسامه براهو ولاشنو هيييييع
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
Quote: أخى الفنان أحمد ساطور سبحان الله الآن كنت استمع لمعزوفة منك لأبراهيم عوض بيانو عود لو بعدى بهنيهوا توارد خواطر عجيب تحية من شخص يعرفك جدا فأنا قريب أحمد يوسف وصلاح المبارك أسرة حصاد إبراهيم عبد الحليم |
دكتور ابراهيم سلام
ياخي ناس احمد يوسف وصلاح المبارك دييل أحبابي ، وحبيب حبيبك حبيبك وكمان ناس دكتور عبد الرحمن حريز دييل أنا كنت ساكن معاهم عدييل في بري المحس
ولك الود
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: إبراهيم عبد الحليم)
|
عزيزي ابراهومه ياخي ناس شلاقه ما ادونا فرصه نشرح الحته دي لانهم طرحو مواضيع شديدة الحيوية بس عايز اوريك انو اسامه من اخطر عازفي الكيبورد البعرفو يختو خط بيز شديد ولضيد فيهو وطبعا شهاب بلعب البيز حي تمام وعندنا عبد الحفيظ المعلم الكبير ونادر السوداني باصصت لايباري وعثمان النو ووووووو الخ بس اسامه وضع بيز ماتقليدي يعني ما ايقاعي السمات لانو عارف مزاجي انو البيز بيلعب حوار مع الاوركسترا راقي جدا اما من ناحية الصوت صاح اسامه بيستخدم سامبلر بس حاسي بانو سامبلر ممتاز
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: nazar hussien)
|
كيف تعيد الحياة لزهرة قطفت,للالحان والالوان مساحة في الوعي اذا لم يتوفر الانتباه فاللحن موجود للحاضر المنتبه ووجود الغائب لن ينفي استمراريه اللحن او اللون فالجمال المعرف باللغة عجز عن التعبير.......لم الرقص ...والابتسام....اين اللغة في ضحك الاطفالزز ولون الورود....الموصلي وموسيقاه هما في هذا الاطار...our ability to hear is eternal,howver,our abilty to listen is conditioned by how much attention can we afford to pay .....we hear even while sleeping .....listenig is hearing plus attention....hearing is a primitive attribute of existance starts at the womb
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: nazar hussien)
|
Quote: يا موصلي
بعد دا قبل لينا علي: يا ذاتي من عبر القرون... جيتك أنا شايل معاي شوق السنين مسدار غنا...
دي مع اسامة المجنون دا...حا تكون ابو الديفيزيو زاتو
يا اخي حرام اغاني زي دي تظل حبيسة في صدور وكمنجات المبدعين |
دي جهزتها مع صاحبك احمد ساطور ترهاقا يعني ناقصه ندخل الصوت وده طعم مختلف طبعا اسامه كان بديها احساس مختلف برضو اهو الاتنين شايفهم في البوست بتونسو
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: إبراهيم عبد الحليم)
|
Quote: ولكن كأي بشر ... والكمال لله ... تكمن نقطة ضعف الأستاذ الموصلي في طيب معشره وحسن تعامله وأدبه وبساطته في التعامل وكثرة محاباته ومجاملاته وهذه الصفات تصبح صفات سلبية للموصلي في مكانته كقائد للأوركسترا ... |
هنا أختلف معك قلبا وقالبا الفنان بيستمد فنه من إنسانيته المتناهية وبدون هذه الأنسانية فى نظرى صفر على الشمال وهذا والله والله الذى يعجبنى فى الموصلى الفنان والأنسان. التاريخ هنا كفيل بالرد. تحيات إبراهيم
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: إبراهيم عبد الحليم)
|
Quote: ما أردت أن أرمي إليه هو أن قائد العمل الفني يجب أن يكون صارماً في تعامله مع عناصر العمل الفني ... وكما قيل (التشدد يجلب الشدة والتراخي يهدر العزم ويذهب الهمة) وأخلاق الموصلي لا تصلح مع مقامه كقائد للعمل الفني ... أي نعم هو ملحن لا يشق له غبار ولكنه فاشل كقائد للأوركسترا والسودان الآن أشد حوجة إلى وظيفة قائد أوركستر يكون صارماً كصرامة أبو اللمين لكي يشدد على الموسيقيين السودانين في التمسك بالزمن الموسيقي عليه فأني أقول أن الموصلي يصلح كملحن لأنه فنان ... ولا يصلح كقائد للأوركسترا لأنه إنسان |
يا أخوى نحن فى الفن والأبداع مافى الجيش العازف شايل آلة موسيقية ما شايل ليهو كلاشنكوف. بعدين العازف لازم يبدع ويدخل نفسه وروحه جو العمل بغير ذلك لن يكون فنان أما الحفلات وتنظيمها فهنا هى المشكة وكثير ما يلعب العامل الزمنى المواصلات العامل المادى دور كبير يا أخوى أنتهى زمن العازف وجاء الآن زمن العازف الفنان وقيادة الاوركسترا هى عملية تنظيمية ليس إلا وعلى ذكر محمد الأمين اسمعوا كويس بتلقاهو محاصر العازفين جدا لدرجة أنو مافى جديد نفس الشئ ونفس السلم الكبير كل مرة من 40 سنة وين الجديد هنا لك كل المنى إبراهيم
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
أخونا ساطور ..
كدي هاك أقرا رد شلاقة عليك :
Quote: الليلة جمعة وترطيبة ... وحمت بقريتكم ديييك ولقيت بعض الردود علي شتارتي ... ووجدنا فيها أستنكاف البعض على تشبيهنا للموسيقيين بالعسكريين ... أسف كوني شبهت الموسيقيين بالعسكريين ... لكن أظن برضو في أوجه تشابه بينهم من حيث الإنضباط والإلتزام ... وفي حياتنا دي ممكن نستفيد بي حاجات كتيرة من العسكرية ... فهنالك كتاب عسكري أسمه (فن الحرب) للقائد الصيني/ سون توزو تم تأليفه قبل عدة قرون ولا يزال تأثيره قائم في حياتنا اليومية وقد تم الأستفادة منه بشتى ضروب الحياة من سياسات دول عظمى واستراتيجيات شركات عالمية ... وأتى بثماره على البشر في محاسن لا تحصى ولا تعد إذاً كل شيء في الحياة يمكننا أن نتعلم منه وأن نتخذه قدوة لنا ... عسكري كان أو تي بوي ... وكما نعلم أن النفس البشرية أساسها الشر إذاً أهمية العسكرية تأتي قبل كل شيء ... ولولا العسكرية لكان الموسيقي بدل يشيل ليهو كمنجة حـ يشيل ليهو عكاز أو سلاح أبيض عشان يدافع بيهو عن نفسو... فعدم وجود العسكري ينفي معه عدم وجودية الأمن والأستقرار سواء كنت في السودان أو أمريكا أو الواغ الواغ ... طالما في بشر يبقى ضروري جداً وجود العسكري ولكن يؤسفني أن نسقط على العسكرية إنطباعتنا الشخصية عن أناس أساؤوا للعسكرية ... فإساءة هؤلاء البشر للعسكرية لا يعني أن العسكرية سيئة ... ففي بعض الأحايين نجد عسكري خير من موسيقي لألتزام العسكري بواجباته وتقديسه لمهنته ... وهناك موسيقي خير من ألف عسكري... بأستطلاعه لتقديم فن راقي يسمو بالنفس البشرية إذاً المكانة الأجتماعية (عسكرية كانت أو موسيقية) بتعتمد على مدى تعامل الفرد معها ... فلا يوجد فرق بين عسكري وموسيقي وكناس إلا بمعيار الألتزام...
وكوني ضربت الموسيقيين مثلاً بالعسكرية ففي هذا لا يوجد أجحاف على الموسيقي ... فالموسيقى هي عملية مزج وضبط الأصوات في زمن محدد ... وهذا الزمن المحدد لا يمكن إتقانه إلا بالأنضباط والألتزام وهاتين الصفتين لا يمكن تجويدهم مع فرقة تعدد فيها الأفراد إلا بالحزم والشدة من أجل تقديم فن محترم يليق بالعازف والملحن والموزع وقائد الأوركسترا... طبعاً أنا لا عسكري ولا عندي أي علاقة بعسكري ... هذا ما لزم توضيحه عن دفاعنا للعسكرية
أما فيما يختص بحالة غضب قائد الأوركسترا وفرض رأيه وأمتعاضه على بعض الهنات فهذا لا يعني نرجسية القائد ولكنها غيّرة وحب القائد للحن وأصراره على تقديم هذا اللحن وفق رؤيته الفنية للحن ... فالقائد الموصلي بشر يحمل كل الطباع البشرية من فرح ومرح وغضب ... فإذا كان الموصلي هاشاً باشاً طوال حياته حتى مع ألحانه فأين يلقي بغضبه ... من حقه أن يغضب لأجل تقديم فن راقي يليق بأسمه وفنه ... فكلنا بشر نغضب أحياناً كثيرة ولكن يجب علينا أن نسخر هذا الغضب في شيء يفيد حياتنا ... _______ أتي إلى الرد على الأستاذ/أحمد ساطور
اقتباس: والعازفين دييل مجرد عمال ، لا يا أخي ، العمل الموسيقي عمل مشترك يبدا من الشاعر للملحن للمغني
حاشا يا أستاذ فلولا العازف لما كان العمل .. ولكن نحن هنا بنتكلم عن الفينيشنق ... والفينيشق هو مسئولية قائد العمل
اقتباس: ما تحته خط أعلاه حيرني كتير ، ماذا تقصد بتهيب العازفين من مغني ؟
الهيبة والأحترام مطلوبة خصوصاً في الأعمال الفنية ... وجود الهيبة والأحترام وتسلط القائد شيء أساسي لأن القائد يحمل رؤية معينة ويجب أن يفرض رأيه من أجل تقديم عمل يحمل رؤيته الفنية ... فهذا الكون له رب يحركه كيفما شاء ومن واجبنا أن نهابه ... والأسرة لها رب يربيها على حسب رؤيته ومن واجب أفراد الأسرة أن تتهيب ربها حتى لا ينفرط العقد ... وأستدلالاً على قولي هذا أود أن أذكر لك تصريح للممثل العالمي كلينت ايستوود حين سأله صحفي عن رأيه في المخرج الإيطالي (لا أذكر أسمه) فقال إيستوود(كان يتعامل معنا كأننا دمُي يحركنا كيفما شاء) فكلينت استيوود على مكانته العالمية إلا أنه كان مجرد دمية في يد المخرج وذلك من أجل تقديم فن يحمل رؤية موحدة
اقتباس: والمسألة ما فيها أي تعقيد ولا يحتاج إلي صرامة إلا ربما لو كانوا في سلاح الموسيقى أو أي مؤسسة عسكرية ، كدة نقول المسألة اوامر وصرامة وهلم .
كما تعلم يا أستاذ/أحمد أن ملك الأبواغ (جيمس لاست) تخرج من مدرسة عسكرية ومن خلالها أستطاع أن يغير مفهوم الناس عن أصوات الأبواغ وما لها من أنطباع بأنها آلة عسكرية أو أنها آلة لأصدار فرمان ملكي أو ترحيب ملكي ... فسخر هذه الآلة لتقديم أعذب الألحان العالمية وأطربها ... وأسف يا أستاذ ... ولكن دا مفهومي عن العمل الفني ومن واجبك تصحح لي فهمي إذا كان خاطيء ..
_____________ نجي للأستاذ الموصلي:
اقتباس: اتفق معك بان المعروض في النت لايليق تحديدا الفيديو والغريبة قبل نزول هذا البوست كنت افكر في نوجيه نداء للمحبين الذين انزلو لي فيديوهات من غير ان تكون تسجيلا رسميا من على خشبة المسرح
وأنا بتفق معاك في الكلام دا والدليل أنك حتى لو شاهدت بعض الأعمال للموسيقار جيمست لاست كتسجيلات غير رسمية بكون فيها تشويه للعمل ... بس في حاجة عاوز أضيفها أنو المسرح عندو متطلبات لازم تكون فيهو ... وفي معظم تسجيلاتك بتنقصه حاجات كتيرة وبتكون فيهو تقنيات تكبير الصوت سيئة جداً ودي برضو بتكون مسئوليتك أنت ... لأنو المفروض ما تقبل بي كلام زي دا وإذا كنت عاوز تقدم ليك عمل لازم يكون مكتمل من جميع النواحي حتى إضاءة المسرح من أجل راحة الجمهور .....
اقتباس: وكلها غير واضحة لانها اخذت بواسطة موبايل ولكنني ذوقا خفت من احراج هؤلاء المحبين
أها يا أخوانا في إنسانية أكتر من كدة ...
اقتباس: قد هزني عدم انضباط التوقيت من حيث الوقت الكافي بالاضافة الي لامبالاة البعض عن الوقت وضغوط اشتراك فوق الاثنا عشر فنان في برنامج واحد يراد تجويده في اسبوع بينما ياخذ محمد الامين شهربن علي الاقل في اغنية واحده
أها شوفت دي مشكلة كبيرة ... لأن المجاملة والمحاباة بتكون مخصومة من حساب أسمك الفني ... وفي دي دلالة على إنسانيتك الزايدة على اللزوم
__________ يا أستاذ ما تمسك لينا الفنان/طارق أبوعبيدة (خدر) ... وتقدموا لينا تحفة فنية وكيمياء لحنية تجمع بين موسيقار عالمي وصوت عذب وطروب |
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: ناذر محمد الخليفة)
|
Quote: إذاً كل شيء في الحياة يمكننا أن نتعلم منه وأن نتخذه قدوة لنا ... عسكري كان أو تي بوي ... وكما نعلم أن النفس البشرية أساسها الشر إذاً أهمية العسكرية تأتي قبل كل شيء ... ولولا العسكرية لكان الموسيقي بدل يشيل ليهو كمنجة حـ يشيل ليهو عكاز أو سلاح أبيض عشان يدافع بيهو عن نفسو... فعدم وجود العسكري ينفي معه عدم وجودية الأمن والأستقرار سواء كنت في السودان أو أمريكا أو الواغ الواغ ... طالما في بشر يبقى ضروري جداً وجود العسكري ولكن يؤسفني أن نسقط على العسكرية إنطباعتنا الشخصية عن أناس أساؤوا للعسكرية ... فإساءة هؤلاء البشر للعسكرية لا يعني أن العسكرية سيئة ... ففي بعض الأحايين نجد عسكري خير من موسيقي لألتزام العسكري بواجباته وتقديسه لمهنته ... وهناك موسيقي خير من ألف عسكري... بأستطلاعه لتقديم فن راقي يسمو بالنفس البشرية إذاً المكانة الأجتماعية (عسكرية كانت أو موسيقية) بتعتمد على مدى تعامل الفرد معها ... فلا يوجد فرق بين عسكري وموسيقي وكناس إلا بمعيار الألتزام...
|
ومرا العسكرى كسار الجبور يوم باسم النبى تحكمك القبور
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: طارق زروق)
|
شكرا ياشلاقة اطروحاتك النقدية قوية ومقنعه احيانا يكون هناك صراع بين الفرصة والزمن فمشاركة كل هؤلاء الفنانين في برنامج واحد عالمي كان فرصة لهم وكان كل واحد فيهم يضغط في سبيل تجويد عمله وكنت دوما الضحية فاترك عملي لاجود للاخرين وبعد كل هذا لا انجو من الغضب والاتهام بمحاباة فلان على علان وفي اخر مرة اضرب بعض العازفين على المشاركة للاسباب التي ذكرتها فتم استبدالهم لضرورة الفرصة وتبقي يومان فقط لكل ذلك الزخم ولكنني اشعر بان السابقين كانوا على حق ولم استطع موافقتهم نسبة للمال الذي صرف في استجلاب اخرين وهو مال ليس بالهين وفرصة لن ياتي لها بديل فكان اختيار التمرغ في رماد الإقدام على العمل, بدلا عن الاحتراق بنار الحرمان اظنو وقع ليك الكلام
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
اول مرة التقينا كان عندما شرفتني بزيارتك في شقتي بالاسكندرية اواخر ٩٤ او اوائل ٩٥ على ما اذكر وقد استمعنا سوياً يومها للاعمال التي كنت انفذها لقنوات تلفزيونيه و اذاعية عر بية مثل صوت العرب، ART و غيرها ايضاً تحدثنا عن بعض الاعمال السودانيه التي وصلتك مني و حدثتك عن شغفي بموسيقاك منذ الصغر كان واضحاً يومها التفاهم و انتقلنا بعدها مباشرة للحديث عن اعمال مشتركة... و بعدين.... لفة الايام
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: ناذر محمد الخليفة)
|
الاستاذ الموصلي وضويفه الحلوين : بالرجوع لي كلمة السر عني نقطة يا استاذ الموصلي عايز ارجع ليها
Quote: ودوما الغنا الجاد بحتاج لي وقت كبير لاستيعابه شويه شويه وده البخليهو يعيش كتير لان المغلومة التذوقية بتخل بشيش بشيش ده حصل للكاشف وده حصل لعثمان حسين ده حصل لابو اللمين وده حصل لزيدان وده حصل لابوعركي وده حصل لكثير من الفنانين الجادين واصلو انا مابنزعج لده حتي الاماني السندسية اخدت وقت لاستيعابها |
الكلام ده مقبول في البدايات للفنان لأنه بيكون جاي بي استايل جديد والجديد دوماً محارب بافتراض إنو شذوذ وخروج عن المألوف بالتالي صعب جداً الناس تقبلو إلا بعد صمود .. الاستدلال الإنت استدليت بيهو بيتكلم عن تجربة متكاااملة ووقوف في وجه العاصفة لطرح فكر جديد ومدرسة فنية جديدة وانا بتفق معاك في النقطة دي.. كن الاختلاف والشي المقصود يا ساتاذ في تقديم ما هو جديد بعد ما الفنان ثبت رجلينو وبقت عندو قاعدة جماهيرية .. القبول ثم القبول ثم القبول هو المعيار الحقيييقي لنجاح العمل الفني الجديد لفنان اصلا اصلا عندو معجبين ومنتظرين منو الجديد .. عارف الفنانين العرب والبنقول عليهم بتاعين هشك بشك ديل انا شخصيا بتكيف منهم في حاجة يفتقرها الفنان السوداني .. يعني اسة نانسي عجرم دي انا لاحظت ليها كل ما تغيب وتجي ترجع بي اغنية جديدة بيكون فعلا اغنية بتلاقي قبول وبتمسح ما قبلها مع ملاحظة ما تقدمه نانسي من كلمات والحان للاغاني جميل جدا وبسيط جدا (خلينا نتجاهل الفيديو كليب واللبس ووو).. عمرو دياب يغيب ويغيب وبيرجع بي اغنية بسيييطة بتكسر الدنيا وبتلاقي قبول وبيبدا يرددها المعجبين .. كاظم الساهر برضو . وعلى المستوى الاكتر جدية اهو محمد عبده قدم اغنية "الاماكن" كعمل جديد ولاقت قبووول من اووووول وهلة ومن اووول يوم اتغنت فيهو .. يا استاذنا العزيز الموصلي انا مصر وملح إنو في إحساس كده خفي عند المستمع من اووول وهلة بيقدر يعرف الاغنية دي حا تمشي لي قدام ولا لأ.. الفنان برضو بيكون مرات واااثق من الاغنية الحا تكسسر الدنيا وتعمل شغل "جامد" يا قول المصريين .. وبصراااحة ده البتفتقدو الاغنية دي!!! بعدين يا موصلي في حتة كده انا بختلف فيها معاك من زمااان وحاسي بيك يا ما قادر تفهمني فيها يا انا الما قادر اوصلها ليك من ايام شروق ابو الناس(تاااني جاب سيرة البحر ) وهي كلمة الغناء (الجاد).. ما عارف كلمة جاد دي معيارها عندك شنو ؟؟ اسة وبصراااحة عملك ده جااد وجااد جداً لكن ومن وجهة نظري الشخصية وام اتوقع إنو حا يكون عمل ناجح والاغنية حا تندثر زيها زي عشرات الاغاني لي فنانين كتاااار قدموا اعمال جادة فذهبت ادراج الريح وصارت نسيا منسية .. وارجع لي كلامك في بوست اخر وانت بتتكلم عن الفنان عثمان مصطفى وانه استاذ الاساتيذ وفنان الفنانين وما قلنا حاجة لكن انا متأكد تماما عثمان مصفى عندو جغلومية اغنية جديدة قدمها لكن تبقى الذكريات ووالله مشتاقين هم الفلك البيحوم حولوا وتاني ماف زول قدر يعرف ليهو اغنية او عمل جميل يجد القبول .. الفنان السوداني فنان كسول ولمن يستفيق من كسله في الاعمال بيرجع بي اعمال جديدة بتكون اقل مستوى بكثيييييييييييير من الكان بيقدمو وزي ما بيقولوا يصوم يصوم يصوم وفي الاخير يفطر على بصلة !!! كل الفانين الكبار ديل حاولوا يرجعو بي اعمال جديدة عشان يسكروا رتابة القديم والملل من ترديدها ففشلوا .. زيدان قدم اعمال جديدة عادية ..ود اللمين حاول بي" نرجسة" ومش ولا بد ولمن فكر يكسر رتابة بدور القلعة بي طيفو طايف ما كانت بنفس المستوى .. الجدية مطلوبة ماف كلام بس جدية بدون قبول اتوقع إنها بتكون بق زييرو للفنان وان حاول يقنع نفسه إنو رااااضي كل الرضاء عن ما يقدم ..
لعناية شلاقة : اتفق تماااما عازفنا السوداني عازف متمرد بيشتغل على كيفو ومزاجو وكللل عازف بيحاول يظهر الته البيشتغل بيها على حساب العمل ..بتاع الجيتار عايز صوت الجيتار يظهر بتاع الطبلة كرررررربك كررررربك يدق بي صخب ..بتاع البنقز عايز هو اليكون مسموع ..بتاعين الكمنجات كل واحد عايز يظهر ابداعه على حدى .. اللمسة مطلوبة والشغل الفني فعلا هو شغل بتاع لمسات واجتهادات فردية لكن ده ممكن نوووعا ما نقبل بيهو في حفلة عرس في قعدة لكن لمن يكون الشغل تسجيل او احتفالية رسمية مفروض يكون في ضبط وربط .. خالي المعتزل للفن " صديق بييز" ايام مجده في العزف وقبل التوبة النصوح :) سألته وقلت ليهو مالك ما قاعد تعزف لي شركات الانتاج دي .. قال لي لأنه كنت بشترط عليهم في التسجيل طريقة معينة للبيز عشان يظهر بيها وتوصيلات معينة عشان البيز يدي الشغل المطلوب وهم عايزين شغل كييري سااااي .. العازف السوداني عازف ملول ومتمرد ودي ما طبيعة العازف بس لالالالا ده كل الشعب السوداني كده جننننننو وجن التقييد وسوي كده وما تسوي كده .. عااادي جدا ممكن عازف تكتر معاهو يرمي ليك الالة في وشك ويقول ليك ياخ هاااااااك تعال اعزفا انت ..
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: عمر الفاروق)
|
Quote: الفنان السوداني فنان كسول ولمن يستفيق من كسله في الاعمال بيرجع بي اعمال جديدة بتكون اقل مستوى بكثيييييييييييير من الكان بيقدمو وزي ما بيقولوا يصوم يصوم يصوم وفي الاخير يفطر على بصلة !!! كل الفانين الكبار ديل حاولوا يرجعو بي اعمال جديدة عشان يسكروا رتابة القديم والملل من ترديدها ففشلوا . |
الاغنيه دي يمكن انت تكون اكبر منها بشويه في العمر عشان كده مابتسري عليها النظريه الفوق دي بس غناها زمان زميلنا عبد اللطيف عبد الغني وانا قلت سمح الغنا في خشم سيدو وعلي كده انا لم ازل نشطا وعندي من الاغنيات الجديدة الجاهزة للتسجيل اكثر من خمس عشر اغنية وحتذهل من نشاطي واحساسي وقلبي المتجدد
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
Quote: اسة وبصراااحة عملك ده جااد وجااد جداً لكن ومن وجهة نظري الشخصية وام اتوقع إنو حا يكون عمل ناجح والاغنية حا تندثر زيها زي عشرات الاغاني لي فنانين كتاااار قدموا اعمال جادة فذهبت ادراج الريح وصارت نسيا منسية .. وارجع لي كلامك في بوست اخر وانت بتتكلم عن الفنان عثمان مصطفى وانه استاذ الاساتيذ وفنان الفنانين وما قلنا حاجة لكن انا متأكد تماما عثمان مصفى عندو جغلومية اغنية جديدة قدمها لكن تبقى الذكريات ووالله مشتاقين هم الفلك البيحوم حولوا وتاني ماف زول قدر يعرف ليهو اغنية او عمل جميل يجد القبول |
تعرف ياعمر انا بعد حواراتي الكتيرة معاك اكتشفت انك مصاب باسفكسيا اللبدان في الماضي يعني باكر ----- في نظرك دايما اقل من اليلله والليله اقل من امبارح وهكذا دواليك
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
الأستاذ الموصلي: صباحك خير يا زول يا جميل..
Quote: هل بتتكلم عن المستمع المتوقع ام عنك انت؟؟ |
عنهم الإتنين يا استاذ.. لكن وعشان اكون اكتر دقة فعن نفسي شخصياً انا مليااان بي الاحساس ده ومصر وملح إنو الاغنية ما حتلاقي نصيبها من انها تبقا عمل خالد او عمل يمكن ان يضاف للموصلي كواحدة من العبقريات بالنسبة للمستمع .. وكلامك صاااح فعلاً الناس الخشت هنا دي كلها امنت على انها عمل رائع وده حقهم وما حا نختلف وانا زاتي ما شنفت العمل بالعكس هو عمل جاد محترم ولكن !!!!البعد لكن ده كدي نخليهو لي قدام :)..
Quote: ياخي الجماعه ديل الامير يكتب القصيده ويديهم معاها ملايين الريالات عمر ماتبقي ظالم بهذه المقارنات غير المنطقيةوالله يدونا زي ناس محمد عبدو ديل تلقي الفن السوداني في السما وكل الفنانين منغنغين لغاية اصغرهم عمرا قال محمد عبدو قال |
لالالالالالا يا استاااذ ده كلام زعل انت مااا بتقصدو .. ممكن اتفق معاك إنو الجماعة ديل فكوها فينا وقالوا ده فنان العرب ساي وممكن يكون صوته ما سمح ولا وت ايفر لكن صدقققققققني وصدققققققني يا استاذ الناس ديل جادين في ما يقدمونه وناس نشيطين وما واقفين .. واي جديد عندهم بيكون اضافة للاعمال السابقة .. بعدين انت قايل الامراء ديل ما بيعرفو يكتبو شعر؟؟؟ ما تقعد تسمع لي كلام ناس سيف الدين الدسوقي وكنا بنبيع ليهم القصايد وبنسوي ليهم ونعمل ليهم ..يا موصلي سوق عكاظ كان هنا في البلد دي..!! الشعر كان هنا في البلد دي.. الناس ديل ما عشان امراء معناها ما بيعرفوا يقولوا شعر والله شعاااارييين لممممممن بهناك .. بعدين يا موصلي الامير ده بيدي الفنان 2 مليون ريال لكن ما بيقدر يدي المستمع ال2 مليون ريال عشان يدخلا ليهو بي القوة مع إنكم انتو زاااتكم يا استاذ حاولتوا تعملو العملية دي وتدخلوا لينا فنانة بي القوووووووووة كده جوة راسنا ده .. المستمع وحده بيقدر يحكم ولمن محمد عبده يغني الاماكن والجمهور كلو يكون منتظرها والله مابيكون عشان الامير فالن كتبا وادى محمد عبده 2 مليون .. طيب ياخ ولااا تزعل محمد عبده نخليهو كاظم الساهر ده برضو بيشيل 2 مليون ؟؟ياخ نانسي عجرم دي البيقولوا بتقدم غنا كعب دي جديدها بيكون جميل ومهضوم ومسموع وانا مصصصصصر وملح إنو ما مبتزل ابدددا ولا هابط .. بعدين ياخ اسة في زول في الدنيا دي كلها بيكون عندو اغاني اكتر من الراحل سيد خليفة ؟؟؟؟؟ مع العلم انو بي كترتها دي فهي اغاني جميييلة ومسموعة .. في زول عنود اغاني قدر اغاني وردي؟؟؟ وكللللللللللللها جميلة ومسموعة .. لكن للاسف اسة لو في فنان سوداني عايز يعمل اغاني كتيرة بيكون فيها زي 100 اغنية ضاربة والمهضوم منها بيكون اتنين تلاتة ..
Quote: تعرف ياعمر انا بعد حواراتي الكتيرة معاك اكتشفت انك مصاب باسفكسيا اللبدان في الماضي يعني باكر ----- في نظرك دايما اقل من اليلله والليله اقل من امبارح وهكذا دواليك |
لالالا يا موصلي صدق لي اوووول مرة تقول ليك كلام بعيد تماااما عني؟؟!!!! لو راجعت مداخلاتي من 2005 تلقاني انا عكس كده تماااااما بل كتبت زي عشرة مواضيع في صراع "نحن زمان" ده !!! وكنت وقتها بعتمد على الحاجة الانا بفهم فيها اكتتتر وهي الكورة وبقول ليهم والله كورة اسة احسن من الزمان بي مليووون مرة .. بس في حاجة مهمة يا استاذ ومقولة مكررة ورطت الفنانين الكبار اللي زيكم ديل وهي الوصول للقمة ساهل والحفاظ عليه اصعب.. يعني ندى القلعة ممكن تقدم الليلة اغنية جديدة وتعتبر جمييلة واحسن من اللي قبلها لانو ندى القلعة ماشة في تصاعد والاغاني كانت هابطة وبدت ترتقي نوعا ما لتقديم جديد افضل.. إنتو ما كده انتو وصلتو مرحلة قدمتو فيها الجميييل والواحد بقا ما بيرضى انكم تقدمو حتى لو في مستوى القديم لا عايز منك الاجمل من الفات وانتو الحتة دي غلبتكم تمااااااما.. كللللللللللللللللللللكم كان وردي كان ود اللمين كان زيدان كان صلاح مصطفى كان محمد ميرغني كان كان كان كان ..
تحياتي..
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
هاك دي تصبيره قبل الذهاب
الموسيقي لم تعد تعمل لوحدها والانتاج الفني صناعه تدرس في الجامعات في العالم وكذلك الادارة الفنية مثلا هل يحتاج الفنان لمدير اعمال؟ الاجابة
لان الفنان يحتاج للتفرغ للانتاج وتجويده والمغني يحتاج لتمارين اللياقة الصوتية مثلما يحتاج لاعب الكرة الي تمارين اللياقة البدنية اقرآ هذا الي حين عودتي Question: Do I Need an Artist Manager? Answer: If you're a musician, chances are you've considered getting management. After all, everyone knows the names of music managers who are just about as famous as the artists with whom they work, and it's definitely true that a band manager can help open some doors for you. But how high on your to-do list should "find a music manager" be?
First, you should know that there are definitely things a manager can bring to the table even very early on in your career. In the beginning stages of your music career, the biggest thing an artist manager can offer you is the chance to focus on your music. After all, they don't call it the music BUSINESS for nothing - there's a lot of hard work that goes into building a music career. For musicians, juggling all of the responsibilities of getting a career off the ground while trying to stay creative is a struggle. Often, musicians find themselves chasing down promoters or pitching to journalists all day long, at the expensive of practicing, writing new songs or recording. A manager can take all of that pressure off by handling the business side of things so that the musicians get to focus on being creative
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: عمر الفاروق)
|
Quote: الكلام ده مقبول في البدايات للفنان لأنه بيكون جاي بي استايل جديد والجديد دوماً محارب بافتراض إنو شذوذ وخروج عن المألوف بالتالي صعب جداً الناس تقبلو إلا بعد صمود .. الاستدلال الإنت استدليت بيهو بيتكلم عن تجربة متكاااملة ووقوف في وجه العاصفة لطرح فكر جديد ومدرسة فنية جديدة وانا بتفق معاك في النقطة دي.. |
عمر الاغنية الدسمة تحتاج لنفس الوقت ولنفس المهله التي ياخذها الفنان الدسم ففهمها ياتي تدريجيا بشرط سماعها كثيرا وذلك بوجود الفنان وسط الجمهور وان يتابع ترديدها
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: إبراهيم عبد الحليم)
|
استاذنا الموصلي: سالتني سؤال جميل ووالله حا اجاوبك بي كللللللللل صراحة وصدق ويا ريييت تقبلا مني نظرو من شاهد شاف حاجة مش ما مشاف حاجة ..
Quote: ياعمر انت زول بتحب الكوره تفتكر السعوديين ديل موهبتهم احسن من السودانيين في الكوره ولا القروش لعبت دور في استجلاب احسن المدربين وتوفير احسن الامكانيات وجعل اللاعبين متفرغين تماما للكرة والتدريب والماتشيات فاحسن لاعب في تاريخهم سوداني الاصل وابوه كان لاعب في المريخ الا وهو ماجد وتمت تسميته علي اللاعب عبد الماجد عثمان الانت بتعرفو زي جوع بطنك لو بتقرا تاريخ الهلال والمريخ انت فاهم الحقيقة دي تماما بس ماعايز تقر بيها |
اها والله ووالله ووالله يا موصلي الناس ديل العب مننا بي مراااااحل وكدي خلينا من الفرق والمنتخبات عشان ما نجيب سيرة الامكانيات لالالا انا بتكلم حتى على مستوى الحواري والفطرة الكروية .. ناسنا معيشننا في وهمة كبيييرة اسمها اللاعب السوداني موهوب بي الفطرة لكن والله ما شافو الفطرة عند الناس ديل ..شوف هم والمصريين لعباين عدييييييييل كده حريفييين وقويين وشواتيين وحاوريين واييي شي.. اها انت اللي طلعت عايش على جلباب الماضي لانو فعلا ماجد زمان كان احسن زول ولمن السودانيين نشروا اللعبة لكن الناس ديل اسة فوووووووووووووووو كسحو فينا ومشوووووو.. بالنسبة لي محمد عبده فما تزعل مني لاني حا اقول كلام حار شويتين لكن الماضي برررضو لا يشفع وشوف محمد عبده اسة وين والموصلي اسة وين وانا هنا بتكلم عن الوجود في الساحة الفنية وما يقدم من عمل !!! الزماان والكنا والعملنا والنحن اسسنا الاتحاد الافريقي وال نحن علمنا الناس الغنا وال نحن دخلنا ليهم التعليم وال وال وال مااا بتنفع يا استاذ ما قصرتو مع الناس ديل اي نعم بس كسحو فاتووكم بغض النظر عن الوسيلة ماديات اعلام امكانيات وت ايفر .. وللمرة التانية برضو ما تزعل من كلامي لكن يا استاذ الموصلي انتو ما قاعدين تحترموا فنكم وانا هنا بقصد بعدم احترامكم ليهو انكم بتخلوهو في الدرجة التانية نسبة للمعايش والانصراف لي تربية الاسرة والعمل في وظيفة تانية بتخلي الفن هو مش الاساس في الكسب وبيكون اقرب للهواية منه كمصدر رزق اساسي.. حتى في طريقة تقديمكم للاعمال فمرات كتيييرة ما بتهتموا بي الفينشينق واسة اسة في البوست ده انت اتكلمت عن حفل وانك غنيت فيهو وكانت السماعات وتوزيع الالت ما مظبوط وده الخلا الصوت والشغل يكون ما كويس ..اها الناس ديل مااا بيجاملوا في الحتة دي لو ما اتاكد كل شي تمااام واي حاجة في محلها مااا بيجازف بي صوتو وسمعتو ودي انا بعتبرها احترام للعمل وللفن البيتقدم لكن نحن الفنان عندننا يجي يسجل في التلفزيون حلقة مهندس الصوت زي الزفت والبث زي الزفت والاخراج ازفت منهم وبكرة نبدا نتعذر وكنا وكنا وانا وانا ..
بجيك تاني ان شاء الله ..
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: ناذر محمد الخليفة)
|
استاذنا الموصلي: يدي جووة الزيت وسمع اضاني قالت تششششششششش.. تصدق كلامك ما اقنعني!!!! ما عايز احرف البوست ده لكن حاجة صغيرة نقفلابخصوص الكورة .. موضوع التصنيف ده شكلك انت ملخبط فيهو التصنيف البتتكلم عنو ده بتاع حاجة اسمها اتحاد الفيفا للاحصائيات بيتم كل شهر .. الهلال والمريخ فيهو اتفوقو قبل كده على فرق كبيرة ممكن تصل لي ميونخ وشيلسي وبرشلونة زاااتو لانو ممكن الهلال او المريخ يلعب في الشهر داك خمسة مباريات مع جزيرة الفيل والنيل الحصاحيصا والشبيبة الدلنج ويفوز بي عشرومية بينما يخسر شيلسي من برشلونة ومانشستر في نفس الشهر !!! في التصنيف حق الفيفا الجدجد مش بتاع ناس الاحصائيات السعودية فايتاك بي كتييييييييييير.. السعودية لعبت 5 كاسات عالم متتالية .. للاسف الهلال السعودي غلب الهلال خمسة وغلب المريخ خمسة .. انا زول مرضان كوورة وزي ما انت بتعرف الموسيقى دي وشايف ماف زول احسن منك انا والله في فهم الكورة ده بشوف ماااف زول افهم مني.. الشغلة ما ريالات انا بتكلم ليك عن حواري فيها شفع سعوديين بيلعبو كورة زي ما الله خلقا ناس فقراء ساكنين في جخانين ..
نرجع ..
Quote: لكن في باقي الحاجات الموسيقية التانيه ما بياكل معاي عيش انا بقدر أألف سيمفونيه هو مابقدر أنا بقدر أعمل توزيع موسيقي لاغنياتي وللاخرين وهو بعتمد على الاخرين |
والله حباااااااابك ..وده موضوع تاني على عيني وراسي وكلامك فيهو صاح واحييك على ثقتك واعتزازك بي نفسك بس يا صديقي الموصلي ده اسة ما موضوعنا صاح ؟ موضوعنا الحتة دي ..:
Quote: لان محمد عبدو مطرب جد وعازف عود متفوق وعلم على راسه نار |
وانت الزول ده بخسته في الاول عمله واتهمتو بي انه سبب نجاحو قصائد مسبقة الدفع مع دعاية واعلان وترويج .. مرة سألو المرحوم الفاضل سعيد سؤال قالوا ليهو : رأيك في الثلاثي الممثل التالي: عادل امام -دريد لحام- الفاضل سعيد ؟ قال ليهم : ده مثلث متساوي الاضلاع مااا لم اتفوق عليهم بفن الاخراج والتأليف !!!! وده كلام صاح في المعلومة الفاضل سعيد مؤلف ومخرج لكن والله في التمثيل(وهو العنصر الاهم ومحور السؤال) ما بيلحق الناس ديل رحمه الله وتمثيله كان فيهو نوع من التكلف والمبالغة !!!
Quote: لا تقلل من قدرات موسيقي من بلادك |
ولا يبالغ موسيقيي بلادي في الشوفونية والكلام هنا ما حاوجهو ليك انت شخصيا لكن لكل الموسيقيين والفنانين واللاعبين السودانيين: أسمع جعجعة ولكني لاااا ارى طحين !!!!!! انا عايز ارقام ما عايز كلام .. انا عايز اعمال ما عايز ونسة .. انا عايز نتائج ما عايز تحسر وعزف على وتر الامكانات والماديات .. شيرين المغنية المصرية اللي كسرت الدنيا دي طالعة من بيئة فقيرة في حي فقيير لكن صوتها اقنع الناس في اول ظهور ليها ..بغض النظر عن الدعم اللقتو من شركات الانتاج لانو نفففففس شركات الاناتاج دي انتجت لي فنانات لبنانيات حدهن كان اغنية واحدة وماف زول هببو ليهن .. في افقر من دول افريقيا دي؟؟؟ فيها فنانين كباااار وعظااام قدموا للعالم الخارجي وبصماتهم واضحة ومعجبيهم كتاااار مش جنس حركات ناس حمد الريح الواحد يسافر عرس ولا لمة جالية ويجي يقول ليك رسالتنا وصلت للعالم وفننا مسموع ولدينا معجبين في امريكا واوربا .. انتو لو مددتو كرعينكم قدر لحافكم كان مشيتو ولحافكم هنا بقصد بيهو ابدو في الاول اهتموبي البيحبوكم جدجد من شرق افريقيا ناس اثيوبيا والصومال واريتريا قدموا ليهم هم ولمن تضمنوهم خلاااااااااص ابدو المرحلة البعدها .
بعدين يا ساتاذ الموصلي والله ما عندي شك ابدا ابدا ابدا في مقدراتك الموسيقية والتاليف والنوتة والذي منو بل اكاد ابصم بالعشرة لو اتيحت مسابقة للعرب وتقديم اعمال مبنية على العلمية لكنت انت من الاوائل في المسابقة .. لكن زي ما عارف يا موصلي الاضان السودانية لسسسة شغالة بي الفطرة والتعقيدات والشغل العلمي ده ما عندها ليهو زمن تستوعبو وده طبعا عايز ليهو شغل كتيير وصبر عشان الناس تتقبلو ..
Quote: وهل اترك اطفالي يتضورون جوعا بينما يستمتع الناس بفني مجانا؟؟؟؟ |
ابدددددددددا يا موصلي وليك الحق ومليون حق بس كمان الجري والطيران ما بيبقو انتو مجتهدين وبتعانو مافيها كلام بس دي الضريبة يا كمان ما تزحموا الناس بي المعاناة ونحن ونحاول وفعلنا وتركنا.. عايز تبقا فنان وتقدم رسالة في بلد ما بيقدر الفن والفنانين وما بيقيمهم التقييم المادي الصحيح وما بيديهم حقهم استحمممل وغني عشان الفن البتحلو ده .. عايز تغني وتطرح للناس انك مهموم بالفن وفي صلب المعاناة وتتحمل الاذى وانت بتشكي من شظف العيش وضيق ذات اليد والفلس فما بتلفق .. طبعا (عايز دي تعميم للكل ما موجه ليك انت يا ساتاذ)..
تحياتي يا موصلي يا جميل..
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
ناذر يا جميل .. تحياتى ليك ، واشكرك على التنبية اصلى بقيت طاشى اليومين ديل مع الشبكة بسمع لى فى مدايح استثمارية:D
طبعاًزيما انت عارف يا موصلى الدخول للنت هنا بقى زى لوترى امريكا .. الكهربا جات ، الكهربا قطعت ، أو الشبكة طشّت تقول مرسلنها بى ركشة ... مشتاقين يا حلو كيفك والاهل ؟ ياسلام على التوزيع الجميل، اخونا عبداللطيف ما زال يغنيها (آهة فى السر) كما قال ناذر. شكراً للفنان اسامة على هذا المجهود الكبير فـ له تقديرى واعزازى .
طبعاً فى انتظار ( يامواسم) و(صدفة صوتك) وحاجات تانية مركونة فى الرف من زمااااااااااااان محبتى لكم جميعاً
| |
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
Quote: اتفق تماااما عازفنا السوداني عازف متمرد بيشتغل على كيفو ومزاجو وكللل عازف بيحاول يظهر الته البيشتغل بيها على حساب العمل ..بتاع الجيتار عايز صوت الجيتار يظهر بتاع الطبلة كرررررربك كررررربك يدق بي صخب ..بتاع البنقز عايز هو اليكون مسموع ..بتاعين الكمنجات كل واحد عايز يظهر ابداعه على حدى |
ده كلام صاح ميه الميه في الغالب الاعم
عشان كده حاجي اتكلم ليك عن علم الاوركستريشن وفيها حل للمشكلة
| |
|
|
|
|
|
|