|
Re: ألف مبروك للنوبة .. أوباما نوباوي (نيمانغ) والنوبة يحتفلون بفوزه في أم بدة (توجد صور) !! (Re: ناذر محمد الخليفة)
|
ناذر..حبابك يا صديق
عارف..علق احد الأصدقاء الأفارقة بصورة طريفة على براك حسين اوباما (مبارك حسين اوباما على قول اخونا عادل فضل المولي..و البرّاق على قولي انا)..و قال.. اهلنا من غرب افريقيا كان ليهم وجود كبير في المجتمع الأمريكي..و اثرهم ظاهر في الرقيص..و الكورة..و العنف..لكن مهاجر واحد من شرق افريقيا خلق الفرق.. يعني الراجل قصدو الهجرة بتاعة اهلنا الغرابة (بتاعين غرب افريقيا) على مداها الطويل ما جابت زول مالي هدومو..لكن اهلنا ناس شرق افريقيا هجرتهم على قلتها و نسبية حدوثها سوت حاجة غيرت وجه الدنيا.. التحية لأخونا امين باما..و كلامو فيهو شوية صحة..و فعلا في بعض من النيمانغ هاجروا..و استقر البعض في يوغندا..و البعض الآخر في كينيا..
منذ بداية حملة اوباما.. قاعد اتفرج في فيلم كوميدي اسمو (رئيس الدولة) للكوميدان كريس روك..و الفيلم اتعمل سنة 2003..و فيهو نبوءة بفوز رجل افريكان امريكان كرئيس للولايات المتحدة في انتخابات 2004..و الغريبة فيهو سيرة هيلاري كلنتون..وقفشات على السيرة الداخلية للحزب الديموقراطي..و فيهو مرشح الحزب الجمهوري قاعد يتنبر انو بطل حرب (زي عمك مكين بالضبط بعد اربعة سنوات من تاريخ الفيلم).. اقوى عبارة قالها بطل الفيلم كريس روك..و قالها حينما كاد اليأس أن يعصف به و يصرف النظر عن فكرة خوض الإنتخابات.. فقال ( لآ استطيع أن أتخلى عن هذه الإنتخابات لأنني أمثل جنس بشري بحاله.. و انسحابي يعني اغتيال احلام ناس كتيرة..و كان يقصد اهلنا البلاك كلهم)..و كنت أتمنى أن يكون هذا الفيلم النبوءة في مكتبة أي افريقي /ة..المهم.. استغرقتني صورة دموع القس جيسي جاكسون..و كان ح تسيل مثلها دموع الأب فليب عباس غبوش لو حضر هذه اللحظة..
غايتو اوباما ما بقطع ليك شكو.. لكن عمك عيدي امين.. حبوبتو(من اهلنا النميانغ) لغاية بداية التمانينات كانت موجودة في الدلنج.. يعني الراجل برضو من هناك..
كتر خيرك يا ناذر..
كبر
|
|
|
|
|
|
|
|
|