|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
مولانا إسماعيل ..
Quote: ناذر
طبعاً دا يوم تاريخي في حياتك.
والأيام التاريخية ما بتتكرر.
بدل يوم 5 يوليو، كان تخليهو يكون يوم السبت 7/7/2007 (سبعة، شهر سبعة، سنة ألفين وسبعة) وكدا تكون ضربت 4 سبعات بحجر واحد – السبعة الرابعة معروفة طبعاً .
وبعدين انت صابر ليك سبعين سنة ، غالبك تصبر يومين بس وتدخل في سبعة، شهر سبعة، سنة ألفين وسبعة؟
غايتو أنا بجي أهنيك يوم 7/7
|
والله تقول شنو يا مولانا ... دا اليوم الوحيد اللقيت روحي فيهو فاضي
Quote: غايتو أنا بجي أهنيك يوم 7/7 |
بس كدة حا يكونو أهلنا بتاعين البطان وجلد السيطان إتخارجوا !!
إنت خفت من الجلد ولا شنو
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
سلامات يا سمية ...
Quote: مبروك ياناذر وأنا متبرعة ليك بالعدبلة ماتنسى القدح دا بعدين ورينى إسم العروس أكتبه فى الغنوة هاك البداية لزوم اللحن : ياعديلة الرحمن لناذر حصن وأمان ... |
تسلمي كتير والله ما بتقصري ..
Quote: ياعديلة الرحمن لناذر حصن وأمان |
بس يا ريتك غيرتي كلمة (حصن) دي لي برج ولا طابية ولا حاجة تانية أنا أصلي عندي حساسية من مصدر الفعل حصن اللي هو حصن يحصن فهو حصان
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: Nasruddin Al Basheer)
|
نصر الدين البشير .. الله يبارك فيك يا حبيب .. بس مداخلتك التحت دي ..
Quote: الزواج هو البحث عن المشاكل لكن طالما هي قناعات شخصية لا نملك إلا أن نقول ليك البتعملو بإيدك يغلب أجاويدك أقصد بيت مال وعيال وربنا يتمو ليك على خير.. لو كنا في البلد بتستاهل يجوك يا ناذر بس ما عندك حظ إنو سيادتنا يفرتق حفل سيادتكم بالجد يا ناذر فرحانين ليك وربنا يسعدك.. |
قرررررررربت تخليني أنط من قراري
نسأل الله الثبات
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
ود عكر الحبيب ..
Quote: المبدع ناذر .. والله فرحنا ليك بالجد كده ... ونبارك ليك بمقدار هذا الحب الجميل الذى يكنه لك كل الحضور الكريم وكلماتهم الصادقة .. وقفشاتك الزكية الطاعمة.. عذرا للتاخير فى قولة مبروك ولكن بعض الظروف المعلومة /عندنا / تكفى لهذا العذر غير اللذيذ .. اتمنى لك حياة سعيدة وجميلة وزواج ميمون ... |
الله يبارك فيك يا حبيب .. وظروفك عرفتها مؤخراً .. خفف الله مصابكم الجلل ..
تسلم كتير ..
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: mulhim)
|
Quote: ولكن شاءت الظروف ان تكون إجازتي السنوية في منتصف شهر 7 الجاري
|
الجري الايام دي خليه لي ناذر العريس...شهر يوليو لاهسي ما جري يا هاشم...
يا ناذر...ربنا يتمم علي خير...لكن كدي قبال ما تعرّس...
انا فهمت انك حا تعرس شهر سبعة الحا يجري بعد كم يوم ومنها ماشي جنوب شرق أسيا نظام شهر عسل وتوابل...
طيب في الحالة دي وانا جائي شهر 8...الحا يجري بعد شهر سبعة...
اسعل منو؟ عن وعدك القديم...بخصوص..مواد البناء وكدة..؟ دي واحد نمرة اتنين: في حال كان كلامك الزمان داك كلام كي بورد...في عادم بيدفورد
ناس الثري دي بانيل اسعل منهم منو؟
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
سلامات يا عمدة ..
Quote: غايتو جنس حقارة .... فطيتني في الدعوة وغير الموعد المتفقين عليه قلنا معليش الراجل مستعجل ... اها كمان تفطني هنا في الردود على التهنئية .. دي بصراحة كبييييرة وماني مسامحك عليها .....
|
يا راجل إستغفر لا فطيتك لا بطيخ أنا ما شفت تهنئتك لحدي هسي لكن أكيد إنت من نوع الجماعة البيختو مداخلاتم في الصفحة الأولى في حين البوست بيكون عمل 4 صفحات أها زي دي قوقل زاتو ما يكشفا ليك
الله يبارك فيك وعقبال الأمورة تبعكم
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
سيد محمد ...
الله يبارك فيك يا أبو السيد ..
Quote: بس ما قدت تنتظر الاجازات .
والله كانت امنياتى ان التقى بالبورداب
ويكون الفرح فرحيييييييييييييييييين
الف مبررررررررررررررررررروك العروس
المحظووووووووووووووووووووووووووظه
بالفنان الكبيييييييييييييييييييير
والاخ الصغير ناذر وفقكم الله .
تحياتــــــى مع التهنئه الخالصه.
|
لكن نعمل شنو لو كانت إجازاتكم مع الخريف ونحن الكتاحة محمدانا بسبب أكل الحلل
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: hatim)
|
الأخ ناذر تحياتي ومباركة هذه الزيجة بإذن الله ، فأنت كما يبدو رجل طيب ونسأل الله أن يرزقك رزقا طيبا ، والزواج رزق" برضو" ............
ووصيتي لك ولكل المنضمين إلى نادي المتزوجين وخصوصا في السنة الأولى " الصبر" فالحياة الزوجية غير الرومانسية وهي كما سنة ال intermediate في الجامعة إذا انقضت بسلام فالنجاح هو المصير المحتوم ...
لك وللعروس التحايا المباركات ... وبيت مال وعيال وتستاهل كل خير
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
خالدة البدوي ..
الله يبارك فيك ..
Quote: 1000000 مبروك ناذر ورينا يهنيك
والعروسة سعيدة الحظ دي ..
أكيد حا تقلب 360 درجة بعد الزواج
يورينا الله ..
يا خسارة مفترض اكون هذة الايام في اجازة
ولكن الله غالب ما محظوظه ..
نشاركك بوجداننا وامنياتنا الصادقة لك ..
أمنياتي ،، |
قريت ليك مداخلة في بوست تاني بتسألي عن ناذر كيف حا يكون في المنبر بعد الزواج
أنا زااااااااااتي منتظر زيك وما عارف حا أكون كيف
الشغلة بطيخة مقفولة ..
يا حمرا ..
يا أرعة
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
تراجي سلامات .
Quote: آخيرا يا ناذر..ولا حنقعد للسنه الجايه برضو نبارك يا راجل عرسك ده ليه سنيتن في البورد ده.
مبروك وبيت مال وعيال انشاء الله. تحياتي |
إنتو يا اخوانا ما قاعدين تفرزو ولا شنو ؟
أول بوست كان بمناسبة الجكيس .. البعديهو كان بي مناسبة الـ كييس من الجكساية والبعديهو كان بي مناسبة تقديم نفسي لي أهلها والبوست البعديهو كان بي مناسبة قبول أهلها نفسي خطيبا عليها .. والبعديهو كان بي مناسبة الخطوبة والبعديهو كان بي مناسبة سد المال وهسي دا بي مناسبة إعلان الزواج
إنتو مستعجلين ولا شنو ؟ انا غايتو ما مستعجل ولسع في كم بوست قبل عقد القرأن النهائي
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
رفيقى العزيز وصديقى اللذيذ ناذر الخليفة اولا خلينا نبارك للعروس فى الاول وبعد داك نجييك ونوصيها بيك خير مع انه ما عارف مع لسانك الطويل وسخريتك الامور حتمشى كيف ؟ ربنا يتمم عل خير . حسع عليك دينك فى زول غيرك يجيب سعد الصغير دعاية لى عرسو .؟ بس اوع فى العرس تجيب الاسامى العجيبة البتكتبها ديك (حواء شنو .ومنو بُنية) اها جيناك للجد : ارجو ان لا يحرمنا الزواج من حيويتك ومتابعاتك وحسك الرهيف الذى بدونه البورد زى الراكوبة فى الخريف والعاقبة لينا ضياء الدين ميرغنى
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
Quote: الحقيقة أنني كنت أجهز نفسي وأتهيأ ليوم زواجي والذي لن يكتمل إن لم تشرفوني بالحضور والتواجد في هذه المناسبة ... |
العريس (( ناذر محمد الخليفة )) ولعله أحد الأحلام الممتدة .. فحينما يتحقق الحلم ويلامس تراب الواقع .. تصبح الدنيا موشحة بلون الفرح ..
نتمنى أن تصدق الأحلام .... وتستحيل الأماني واقعا معاشا ..
مع دوام الإخضرار ومعذرة إن إنضممنا للمحفل في خاتمة المهنئين
| |
|
|
|
|
|
|
|