|
Re: للجعليين فقط ..!! (توجد فيديوهات بطان) ..!! (Re: ASHRAF MUSTAFA)
|
أشرف ..
يا خي ما تصبر لي ننزل الفيديوهات الحصرية ..!! مالك جيت ناطي سريع كدي .!!
حا أديك فيديوهين أول مرة حا تشوفم وديل كانوا مؤخرا في زواج شقيقي ناظم ..!
الفيديو الاول لي شاب صغير أصر ينجلدفي الدارة وبعد ما إنجلد رفض الخروج من منها لو ما إنجلد تاني .. الفيدو التاني لي أحد أقاربي الذي ترك عادة البطان منذ عشرة سنوات ولكنه عاد إليها فداء للصبي الصغير .. وتلاحظ أنه كاد يضرب كل من في الساحة الذين حاولوا منعه وحاوله إثناءه من الإفطار عن صيامه الطويل من البطان ..!
أجل نومك شوية كدي يا أشرف وشوف الفيديوهات دي .:
| |
|
|
|
|
|
|
Re: للجعليين فقط ..!! (توجد فيديوهات بطان) ..!! (Re: Mohamed Elboshra)
|
محمد البشرى ..
Quote: محسن خالد كان جاك بشيل (السوط) من الزول (البيدق) وبيحلف عليك (تركز) وبيديك (5 جلدات) لانو ده كلامو في (الرقادن لخ)
|
فعلا محسن ما بنقدر ..
لك وله العتبى حتى ترضى ويرضى ..
Quote: ناذر سلام الله جاك يا زول انت ماخائف من ناس (المسيكتاب) يرفعوا فيك قضية(حقوق دق + صور) لان الناس المنزل صورهم ديل اهلنا بدءا من (أمحمد وداحمد)
|
با زول ما تتلبط ساي .. ديل اهلي النوراب ..
| |
|
|
|
|
|
|
Re: للجعليين فقط ..!! (توجد فيديوهات بطان) ..!! (Re: ناذر محمد الخليفة)
|
عفارّم علي علاء دا الولد البطبق المسرى فوق المسرى ويخلف ساقو فوق ضهر أب قمائر ويسرى حقب قربينو في جِرباتو ختّا أب كسرة فرقاً شتّى من ناس يما زيدي الكسرة
عينة علا هذا دا المأمون علي بنات فريقو ودا الدابي كان رصد لي الزول يعيقو
عفارم علي
تركت رجال وضرب السوط والركزة بفرز الناس عشان زينوبة ما بتحقوم
ولداً مامادلّة
تحياتي ناذر جيب من عينة الشغل دا البطلق في الزول ملالة جمرها حي
هييييييييع محل رهيفة التنقد وإن شاء ما تتلتق
| |
|
|
|
|
|
|
Re: للجعليين فقط ..!! (توجد فيديوهات بطان) ..!! (Re: أيمن دياب)
|
حباب ود عمي الأرباب ناذر .. ومبروك للأرباب ناظم .. والله كان المنى .. نكون معاكم ويركز الفرح في قلوبنا .. والسوط في ضهورنا .. السلام لي ولاد العم .. علاء .. هاك قول ود ضحوية.. ما بتبـن الجـارات أخـون الحُــرة مانـي دغـور بيوت بعقب احل الصرة ساوي ضراعي للفارس العنود ومشرا بازل مالي لي القاصدني قاعد بــرا
كونوا بخير، أخوكم / خالد الأرباب
| |
|
|
|
|
|
|
Re: للجعليين فقط ..!! (توجد فيديوهات بطان) ..!! (Re: Khalid Saeed)
|
سلام الطاهر ..
Quote: يعني نفهم من كدة إنتو أرجل ناس في الدنيا ..؟؟
|
كملناها لا عن حدها يا الطاهر ..
والله نحن لو ما حنينين وشايلين همكم كنا السما دي قديناها والبحر دا شربنا مويتو وخليناكم ملوص ,,!!
بس بعد ما إنتو تفوتو نقشر بي منو تاني عاد ؟!
يا زول هو الله سبحانه وتعالى ما خلق الأرض دي إلا للجعليين .!
أحسب بس كلمة (وجعلنا) و كلمة (نجعل) و كلمة (جعلناكم) إتكررت كم مرة في القرأن الكريم ..!
ليه ما ذكر (دنقلنا) أو (شوقينا) أو (نوبينا) ؟!
عندك كلام في كلام ربنا ؟!!
| |
|
|
|
|
|
|
Re: للجعليين فقط ..!! (توجد فيديوهات بطان) ..!! (Re: BitAlhana)
|
ناذر اولا حاولت المستحيل اجي احصل مناسبتكم دي لكن جيت من برة الخرطوم 8 بالليل جاري هوا عديك ثانيا مع انو الزول كان خايف يجيه سوط طاير كدة ولا كدة ونقوم نفك البيرك ويبقا لنا تاريخ،وكنت متخيل الموضوع ده ضرب لدرجة الدم وناس ستين سوط،ياخي ديل جلدتين خفاف جدا شابكننا بطان ووهييع وهاااع والبحر ده كلو نشربو والله الجلدتين ديل ماجدة بت جامعة السودان الشرط ديك تاخدهم وتمش.
غايتو نفخ ساااااي ممشنها فينا انتو
لكن بالجد عصام ده جعلي...لكن انت ما شفنا ليك شي انت شغال مدير اعلام بس؟
سلام يالحبيب
| |
|
|
|
|
|
|
Re: للجعليين فقط ..!! (توجد فيديوهات بطان) ..!! (Re: GamarBoBa)
|
بيت مال وعيال يا نادر
والشيء ده ضهراوي اظنو لانو الناس واقعين الضل
وسعالي التاني ماهي علاقة الشيعة بالجعليين ؟ لانو وكان ما اخاف الكضب اقول شايف لي لوحة مكتوب عليها
(ايران بترول) والله شوفي شبه!!!
المهم العنج ابقطران ده ما بقدروا عليه الا اهلوا والباقين يقعدوا فراجة
والله شنو يا الطاهر ساتي؟
| |
|
|
|
|
|
|
Re: للجعليين فقط ..!! (توجد فيديوهات بطان) ..!! (Re: GamarBoBa)
|
بت الهنا ..
Quote: تصدقوا انا عمري كله قايله الجلد في الضهر
اسي كان جات في عين الزول لا قدر الله؟؟؟
|
فعلا الجلد في الضهر .!! إنتي شفتي فيديو تاني ولا شنو ..!!
إنتي بتشوفيهو كأنو في الكتف لكن السوط بينزل في الضهر ..!
ولا دايرا البينجلد يكون مدي ضهر للجالد زي جلد المدارس ؟!!
أفوووو !! دي بتجي ؟!!
بعدين ما أي زول بيعرف يجلد .. الجلد دا عندو ناسو البيعرفوهو ومتخصصين فيهو ..
عشان كدة السوط ما بيجي في العين .. من الناحية دي إطمني تب ..!!
Quote: سؤال برئ انت اتجلدت؟؟؟؟
|
أبدا والله ..!!
ما بنقدر على كلمة (ما عافية منك) من الوالدة ..
العادة دي بطلتها قبل سنتين ..
| |
|
|
|
|
|
|
Re: للجعليين فقط ..!! (توجد فيديوهات بطان) ..!! (Re: GamarBoBa)
|
قمر
Quote: ناذر اولا حاولت المستحيل اجي احصل مناسبتكم دي لكن جيت من برة الخرطوم 8 بالليل جاري هوا عديك ثانيا مع انو الزول كان خايف يجيه سوط طاير كدة ولا كدة ونقوم نفك البيرك ويبقا لنا تاريخ،وكنت متخيل الموضوع ده ضرب لدرجة الدم وناس ستين سوط،ياخي ديل جلدتين خفاف جدا شابكننا بطان ووهييع وهاااع والبحر ده كلو نشربو |
كانك جيت يا قمر .. الجايات أكتر من الرايحات ..
والجلد فعلا بيجيب الدم بس ما ظاهر في التصوير ..
Quote: ...لكن انت ما شفنا ليك شي انت شغال مدير اعلام بس؟
|
يعني معقولة دايرني أجيب ليك فيديو وأنا بنجلد فيهو في المنبر دا .!
أخوك عندو حيرقان
| |
|
|
|
|
|
|
|